రామ్ విలాస్ పాశ్వాన్

వికీపీడియా నుండి
Jump to navigation Jump to search
రామ్ విలాస్ పాశ్వాన్
రామ్ విలాస్ పాశ్వాన్


వినియోగదారుల వ్యవహారాలు, ఆహార, ప్రజా పంపిణీ మంత్రి
అధికారంలో ఉన్న వ్యక్తి
అధికార కాలం
26 మే 2014
ప్రధాన మంత్రి నరేంద్ర మోదీ
ముందు శరద్ పవార్

పార్లమెంటు సభ్యుడు, రాజ్యసభ
ప్రస్తుత పదవిలో
అధికార కాలం
28 జూన్ 2019
ముందు రవిశంకర్ ప్రసాద్
నియోజకవర్గం బీహార్
పదవీ కాలము
జూలై 2010[1] – 2014

రసాయనాల, ఎరువుల మంత్రి [1]
పదవీ కాలము
23 మే 2004 – 22 మే 2009
తరువాత ఎం.కె.అళగిరి

గనుల శాఖా మంత్రి [1]
పదవీ కాలము
1 సెప్టెంబరు 2001 – 29 ఏప్రిల్ 2002
ముందు సుందర్ లాల్ పట్వా

కమ్యూనికేషన్స్ అండ్ ఇన్ఫర్మేషన్ టెక్నాలజీ మంత్రి[1]
పదవీ కాలము
13 అక్టోబరు 1999 – 1 సెప్టెంబరు 2001
ప్రధాన మంత్రి అటల్ బిహారీ వాజపేయి
ముందు అటల్ బిహారీ వాజపేయి
తరువాత ప్రమోద్ మహాజన్

రైల్వే మంత్రి[2]
పదవీ కాలము
1 జూన్ 1996 – 19 మార్చి 1998
ప్రధాన మంత్రి హెచ్.డి.దేవెగౌడ
ఐ.కె.గుజ్రాల్
ముందు సి.కె.జాఫర్ షరీఫ్
తరువాత నితిష్ కుమార్

కార్మిక, సంక్షేమ శాఖ మంత్రి
పదవీ కాలము
5 డిసెంబరు 1989 – 10 నవంబరు 1990
ప్రధాన మంత్రి విశ్వనాధ్ ప్రతాప్ సింగ్
ముందు బిందేశ్వరి దూబే
తరువాత కె.చంద్రశేఖర రావు

పార్లమెంటు సభ్యుడు, లోక్‌సభ
పదవీ కాలము
16 మే 2014 – 23 మే 2019
ముందు రామ్‌ సుందర్ దాస్
తరువాత పశుపతి కుమార్ పరస్
నియోజకవర్గం హాజీపూర్ నియోజకవర్గం

వ్యక్తిగత వివరాలు

జననం (1946-07-05) 1946 జులై 5 (వయస్సు: 74  సంవత్సరాలు)
ఖగరియా, బీహార్ రాజ్యం, బ్రిటిష్ ఇండియా
(ప్రస్తుతం బీహార్, భారతదేశం )
రాజకీయ పార్టీ లోక్‌సనశక్తి పార్టీ
ఇతర రాజకీయ పార్టీలు జనతా దళ్, జనతా పార్టీ
జీవిత భాగస్వామి రాజ్‌కుమారి దేవి (వి. 1969–81)
రీనాశర్మ (వి. 1982)
సంతానము 4; చిరాగ్ పాశ్వాన్ తో సహా
నివాసము ఖహారియా, బీహార్, భారతదేశం
పూర్వ విద్యార్థి పాట్నా విశ్వవిద్యాలయం (M.A, LLB)
30 May, 2019నాటికి

రామ్ విలాస్ పాశ్వాన్ (జననం 1946 జూలై 5 - మరణం 2020 అక్టోబర్ 8) భారతదేశ రాజకీయ నాయకుడు. అతను బీహార్ రాష్ట్రానికి చెందినవాడు. అతను ప్రస్తుత వినియోగదారుల వ్యవహారాల, ఆహార, ప్రజా పంపిణీ మంత్రిగా ఉన్నాడు. పాశ్వాన్ లోక్ జనశక్తి పార్టీ అధ్యక్షుడు. అతను ఎనిమిది సార్లు లోక్‌సభ సభ్యునిగా, రాజ్యసభ సభ్యుని గా ఉన్నాడు. [3] అతను సంయుక్త సోషలిస్ట్ పార్టీ సభ్యునిగా తన రాజకీయ జీవితాన్ని ప్రారంభించి, 1969 లో అలౌలి (ఖాగారియా) నియోజకవర్గం నుండి శాసనసభకు ఎన్నికయ్యాడు. అతను 1974 లో లోక్ దళ్ ఏర్పడిన తరువాత దానిలో చేరి ప్రధాన కార్యదర్శి అయ్యాడు. అతను ఆ కాలంలో అత్యవసర పరిస్థితిని వ్యతిరేకించినందున అతనిని అరెస్టు చేసారు. అతను 1977 లో హాజీపూర్ నియోజకవర్గం నుండి జనతా పార్టీ సభ్యుడిగా లోక్‌సభలో ప్రవేశించాడు. అతను 1980, 1989, 1996, 1998, 1999, 2004, , 2014 లో మళ్లీ పార్లమెంటు సభ్యునిగా ఎంపికయ్యాడు.

2000 లో లోక్‌ జనశక్తి పార్టీ (ఎల్‌జెపి) ని స్థాపించి దాని అధ్యక్షుడిగా ఉన్నాడు. తదనంతరం 2004 లో పాలక యునైటెడ్ ప్రోగ్రెసివ్ అలయన్స్ ప్రభుత్వంలో చేరాడు. అతను ఆ ప్రభుత్వంలో రసాయనాలు, ఎరువుల మంత్రిత్వ శాఖ, ఉక్కు మంత్రిత్వ శాఖలో కేంద్ర మంత్రిగా పనిచేసాడు. అతను 2004 లోక్‌సభ ఎన్నికలలో గెలిచాడు కాని 2009 ఎన్నికలలో ఓడిపోయాడు. 2010 నుండి 2014 వరకు రాజ్యసభ సభ్యునిగా ఉన్న తరువాత 2014 భారత సార్వత్రిక ఎన్నికలలో హాజీపూర్ నియోజకవర్గం నుండి 16 వ లోక్‌సభ తిరిగి ఎన్నికయ్యాడు.

ప్రారంభ జీవితం, విద్య[మార్చు]

పాశ్వాన్ బీహార్‌లో 1946 లో దళిత కుటుంబంలో జన్మించాడు. [4] అతను దుసాద్ వర్గానికి చెందినవాడు. పాశ్వాన్ కోసి కాలేజ్, పిల్కి, పాట్నా విశ్వవిద్యాలయం నుండి న్యాయశాస్త్రంలో గ్రాడ్యుయేషన్, ఎం.ఏ డిగ్రీలను పొందాడు . [5] అతను 1969 లో బీహార్ పోలీసు శాఖలో డి.ఎస్.పి గా ఎంపికయ్యాడు. [6]

రాజకీయ జీవితం[మార్చు]

24[permanent dead link] మే 2004 న న్యూఢిల్లీలో కేంద్ర రసాయనాలు, ఎరువుల మంత్రిగా బాధ్యతలు స్వీకరించిన తరువాత తన కార్యాలయంలో రామ్ విలాస్ పాశ్వాన్  

పాశ్వాన్ 1969 లో బీహార్ రాష్ట్ర శాసనసభకు రిజర్వు చేసిన నియోజకవర్గం నుండి సంయుక్త సోషలిస్ట్ పార్టీ ( "యునైటెడ్ సోషలిస్ట్ పార్టీ" ) సభ్యునిగా ఎన్నికయ్యాడు. 1974 లో, రాజ్ నారాయణ్, జయప్రకాష్ నారాయణ్ ల ముఖ్యమైన అనుచరుడిగా పాశ్వాన్ లోక్‌దళ్ పార్టీ ప్రధాన కార్యదర్శి అయ్యాడు. రాజ్ నారాయణ్, కార్పూరి ఠాకూర్, సత్యేంద్ర నారాయణ్ సిన్హా వంటి అత్యవసరపరిస్థితిని వ్యతిరేకించే నాయకులతో అతను వ్యక్తిగతంగా సన్నిహితంగా ఉన్నాడు. అతను మొరార్జీ దేశాయ్‌తో విడిపోయి, లోక్‌బంధు రాజ్ నరేన్ నేతృత్వంలోని జనతా పార్టీ-ఎస్‌ లో చేరి పార్టీ అధ్యక్షుడిగా తరువాత దాని ఛైర్మన్‌గా పనిచేసాడు. 1975 లో భారతదేశంలో అత్యవసర పరిస్థితిని ప్రకటించినప్పుడు అతన్ని అరెస్టు చేసినందున పూర్తి కాలం జైలులో గడిపాడు. 1977 లో విడుదలైన తరువాత అతను జనతా పార్టీ సభ్యుడయ్యాడు. [7] జనతా పార్టీ టికెట్‌పై మొదటిసారి పార్లమెంటుకు ఎన్నికలలో గెలిచాడు. ఎన్నికలలో అత్యధిక తేడాతో గెలిచి ప్రపంచ రికార్డును స్వంతం చేసుకున్నాడు. హాజీపూర్ నియోజకవర్గం నుండి 1980, 1984 లో 7 వ లోక్‌సభకు తిరిగి ఎన్నికయ్యాడు. 1983 లో అతను దళిత విముక్తి, సంక్షేమం కోసం ఒక సంస్థ అయిన దళిత సేనను స్థాపించాడు.

పాశ్వాన్ 1989 లో 9 వ లోక్‌సభకు తిరిగి ఎన్నికయ్యాడు. విశ్వనాథ్ ప్రతాప్ సింగ్ ప్రభుత్వంలో కేంద్ర కార్మిక, సంక్షేమ మంత్రిగా నియమితులయ్యాడు. 1996 లో అప్పటి ప్రధాని రాజ్యసభ సభ్యుడు అయినందున లోక్‌సభలో పాలక కూటమి లేదా ప్రభుత్వ మద్దతు దారులకు నాయకత్వం వహించాడు. అతను మొదటిసారి కేంద్ర రైల్వే మంత్రిగా ఉన్న సంవత్సరం కూడా ఇదే. అతను 1998 వరకు ఆ పదవిలో కొనసాగాడు. ఆ తరువాత అతను అక్టోబర్ 1999 నుండి 2001 సెప్టెంబర్ వరకు కేంద్ర కమ్యూనికేషన్స్ మంత్రిగా ఉన్నాడు.   

లోక్ జనశక్తి పార్టీ (ఎల్.జి.పి) ను ఏర్పాటు చేయడానికి 2000 లో పాశ్వాన్ జనతాదళ్ నుండి విడిపోయాడు. 2004 లోక్‌సభ ఎన్నికల తరువాత పాశ్వాన్ యునైటెడ్ ప్రోగ్రెసివ్ అలయన్స్ ప్రభుత్వంలో చేరి, రసాయనాలు, ఎరువుల మంత్రిత్వ శాఖ, ఉక్కు మంత్రిత్వ శాఖలో కేంద్ర మంత్రిగా చేశాడు.

ఫిబ్రవరి 2005 బీహార్ రాష్ట్ర ఎన్నికలలో పాశ్వాన్ పార్టీ లోక్ జనశక్తి పార్టీ భారత జాతీయ కాంగ్రెస్ పార్టీతో కలసి ఎన్నికల్లో పోటీ చేసింది. ఫలితం ఏమిటంటే ఏ ప్రత్యేక పార్టీ లేదా కూటమికి స్వయంగా ప్రభుత్వాన్ని ఏర్పాటు చేయగల సీట్లు లభించలేదు. ఏదేమైనా పాశ్వాన్ చాలా అవినీతిపరుడని ఆరోపించిన లాలూ యాదవ్ లేదా వామపక్షాలు నేషనల్ డెమోక్రటిక్ అలయన్స్ కు మద్దతు ఇవ్వడానికి నిరాకరించాయి. తద్వారా ప్రతిష్టంభన ఏర్పడింది. పాశ్వాన్ పార్టీలోని 12 మంది సభ్యులను మద్దతు కోసం ఒప్పించడంతో నితీష్ కుమార్ విజయవంతం కావడంతో ఈ ప్రతిష్టంభన తొలగింది; బీహార్ గవర్నర్ బుటా సింగ్ లోక్ జనశక్తి పార్టీ ఫిరాయింపుదారుల మద్దతుతో ప్రభుత్వం ఏర్పడకుండా ఉండటానికి రాష్ట్ర శాసనసభను రద్దు చేసి కొత్తగా ఎన్నికలకు పిలుపునిచ్చాడు. బీహార్ ను రాష్ట్రపతి పాలనలో ఉంచారు. . నవంబర్ 2005 బీహార్ రాష్ట్ర ఎన్నికలలో పాశ్వాన్ యొక్క మూడవ కూటమి పూర్తిగా నాశనమైంది; లాలూ యాదవ్-కాంగ్రెస్ కూటమి మైనారిటీకి వెళ్ళింది. ఎన్.డి.ఏ. కొత్త ప్రభుత్వాన్ని ఏర్పాటు చేసింది.

బీహార్ రాష్ట్ర ఎన్నికలు కేంద్ర ప్రభుత్వంపై ఎలాంటి ప్రభావం చూపవని, ఈ ప్రభుత్వం అతనితో పాటు లాలూ యాదవ్ మంత్రులుగా కొనసాగుతుందని పాశ్వాన్ ప్రకటించాడు. పాశ్వాన్ ఐదు వేర్వేరు ప్రధానమంత్రుల క్రింద కేంద్ర మంత్రిగా పనిచేశాడు. 1996 నుండి (2015 నాటికి) ఏర్పడిన అన్ని మంత్రుల మండలిలో నిరంతరం క్యాబినెట్ బెర్త్‌ను కలిగి ఉన్నాడు. 1996 నుండి 2015 వరకు భారత ప్రభుత్వాన్ని ఏర్పాటు చేసిన అన్ని జాతీయ సంకీర్ణాలలో ( యునైటెడ్ ఫ్రంట్, నేషనల్ డెమోక్రటిక్ అలయన్స్, యునైటెడ్ ప్రోగ్రెసివ్ అలయన్స్ ) అతను ఉన్నాడు. [8]

2009 భారత సార్వత్రిక ఎన్నికలలో పాశ్వాన్ లాలూ ప్రసాద్ యాదవ్, అతని రాష్ట్రీయ జనతా దళ్ లతో ఒప్పందం కుదుర్చుకున్నాడు. అదే సమయంలో వారి పూర్వ సంకీర్ణ భాగస్వామి, యునైటెడ్ ప్రోగ్రెసివ్ అలయన్స్ నాయకుడైన ఇండియన్ నేషనల్ కాంగ్రెస్ ను కొత్త కూటమి నుండి తొలగించాడు. వీరిద్దరిని తరువాత ములాయం సింగ్ సమాజ్ వాదీ పార్టీ చేర్చి నాల్గవ ఫ్రంట్ గా ప్రకటించాడు. 33 సంవత్సరాలలో మొదటిసారి బీహార్ మాజీ ముఖ్యమంత్రి జనతాదళ్ కు చెందిన రామ్ సుందర్ దాస్ హాజీపూర్ నుండి ఎన్నికలలో ఓడిపోయాడు. అతని పార్టీ లోక్ జనశక్తి పార్టీ 15 వ లోక్‌సబలో ఏ సీట్లు గెలవలేకపోయింది. అతని సంకీర్ణ భాగస్వామి యాదవ్, అతని పార్టీ కూడా మంచి ప్రదర్శన ఇవ్వలేక 4 సీట్లకు మాత్రమే పరిమితమైంది.

హాజీపూర్ నియోజకవర్గం నుండి 2014 భారత సార్వత్రిక ఎన్నికల తరువాత అతను 16 వ లోక్‌సభ సభ్యునిగా ఎన్నికయ్యాడు. అతని కుమారుడు చిరాగ్ పాశ్వాన్ బీహార్‌లోని జమూయ్ నియోజకవర్గం నుండి గెలిచాడు. [9]

పాశ్వాన్‌కు వినియోగదారుల వ్యవహారాలు, ఆహార మరియు ప్రజా పంపిణీ మంత్రిత్వ శాఖకు మే 2014 లో బాధ్యతలు అప్పగించారు. ఇది 2019 లో రెండవ మోడీ మంత్రిత్వ శాఖలో కొనసాగింది. [10] [11]

వ్యక్తిగత జీవితం[మార్చు]

పాశ్వాన్ బీహార్‌లోని ఖగారియా జిల్లా లోని షాహర్‌బన్నీ గ్రామానికి చెందినవాడు. అతను షెడ్యూల్డ్-కుల కుటుంబంలో జన్మించాడు. అతను 1960 లలో రాజ్‌కుమారి దేవిని వివాహం చేసుకున్నాడు. తన లోక్‌సభ నామినేషన్ పత్రాలను సవాలు చేసిన తరువాత 1981 లో అతను ఆమెను విడాకులు తీసుకున్నట్లు 2014 లో వెల్లడించాడు. [12] [13] అతనికి మొదటి భార్య ఉషా, ఆశా నుండి ఇద్దరు కుమార్తెలు ఉన్నారు. [14] 1983 లో అతను అమృత్‌సర్ లో ఎయిర్ హోస్టెస్ గా పనిచేస్తున్న, పంజాబీ హిందూ కుటుంబానికి చెద్మిన రీనా శర్మను వివాహం చేసుకున్నాడు. [15] [16] వారికి ఒక కుమారుడు, కుమార్తె ఉన్నారు. అతని కుమారుడు చిరాగ్ పాశ్వాన్ రాజకీయ నాయకుడు. [13] [17] గత కొంత కాలంగా అనారోగ్యంతో బాధపడుతున్న ఆయనకు.కొద్ది రోజుల క్రితమే ఆయనకు దిల్లీలోని ఓ ఆస్పత్రిలో గుండె శస్త్రచికిత్స జరిగింది. ఐదు వారాలుగా హాస్పిటల్‌లోనే చికిత్స పొందుతూ గురువారం 08 అక్టోబరు 2020 న మరణించారు[18].

[permanent dead link]2009 సార్వత్రిక ఎన్నికల సందర్భంగా ముంబైలో జరిగిన పార్టీ ర్యాలీలో పాశ్వాన్ లాలూ ప్రసాద్ యాదవ్ (మధ్య), అమర్ సింగ్ (ఎడమ) లతో కలిసి ఉన్నారు.

మూలాలు[మార్చు]

  1. 1.0 1.1 1.2 1.3 "Rajya Sabha members". National Informatics Centre, New Delhi and Rajya Sabha. Retrieved 9 April 2013.
  2. "List of Minister of Railways of India on Indian Railways Fan Club website". Indian Railways Fan Club. Retrieved 9 April 2013.
  3. Bihar elections: Ram Vilas Paswan remained a facilitator, never the face. URL accessed on 18 December 2019.
  4. Ram Vilas Dalit face wherever you go, Jitan Ram Manjhi can be Mahadalit face. (29 July 2015).
  5. PIB :: Profiles.
  6. Twitter.
  7. Total Revolution. archive. URL accessed on 2 December 2006.
  8. Details of Member: Shri Ram Vilas Paswan. archive. URL accessed on 12 February 2009.
  9. LJP chief Ram Vilas Paswan, son Chirag Paswan win. Daily News & Analysis: (16 May 2014). URL accessed on 18 May 2014.
  10. Shrewd Politician, BJP's Dalit Face Ram Vilas Paswan to Head Ministry of Consumer Affairs in Modi 2.0 Cabinet. (31 May 2019).
  11. Empty citation (help)
  12. Ram Vilas Paswan discloses divorce with first wife - Times of India. URL accessed on 18 December 2019.
  13. 13.0 13.1 Ram Vilas Paswan says he divorced first wife Rajkumari Devi in 1981. URL accessed on 23 April 2014.
  14. Will fight against dad in Lok Sabha polls: Ram Vilas daughter | Patna News - Times of India. URL accessed on 18 December 2019.
  15. The Telegraph - Calcutta (Kolkata) - Bihar - Political way to nurture love.
  16. When Bihar netas were bitten by love bug.
  17. Arranged marriage for Chirag Paswan? - Times of India. URL accessed on 18 December 2019.
  18. "Ram Vilas Paswan Passes Away: కేంద్రమంత్రి రాంవిలాస్ పాశ్వాన్ కన్నుమూత". News18 Telugu. 2020-10-08. Retrieved 2020-10-08.

బాహ్య లింకులు[మార్చు]