గోనుగుంట

వికీపీడియా నుండి
Jump to navigation Jump to search
గోనుగుంట
—  రెవిన్యూ గ్రామం  —
గోనుగుంట is located in ఆంధ్ర ప్రదేశ్
గోనుగుంట
గోనుగుంట
అక్షాంశరేఖాంశాలు: 15°32′18″N 79°51′40″E / 15.538215°N 79.861183°E / 15.538215; 79.861183
రాష్ట్రం ఆంధ్ర ప్రదేశ్
జిల్లా ప్రకాశం జిల్లా
మండలం చీమకుర్తి
ప్రభుత్వము
 - సర్పంచి
జనాభా (2011)
 - మొత్తం 6,841
 - పురుషుల సంఖ్య 3,439
 - స్త్రీల సంఖ్య 3,402
 - గృహాల సంఖ్య 1,579
పిన్ కోడ్ 523 226
ఎస్.టి.డి కోడ్ 08592

గోనుగుంట, ప్రకాశం జిల్లా, చీమకుర్తి మండలానికి చెందిన గ్రామము.[1].పిన్ కోడ్ నం. 523 226., ఎస్.టి.డి.కోడ్ = 08592.

విషయ సూచిక

గ్రామ చరిత్ర[మార్చు]

గ్రామం పేరు వెనుక చరిత్ర[మార్చు]

గ్రామ భౌగోళికం[మార్చు]

సమీప గ్రామాలు[మార్చు]

పులికొండ 5 కి.మీ, గుమ్మలంపాడు 5 కి.మీ, ఎనికపాడు 6 కి.మీ, మంచికలపాడు 7 కి.మీ, చిలమకూరు 10 కి.మీ.

సమీప మండలాలు[మార్చు]

తూర్పున సంతనూతలపాడు మండలం, దక్షణాన కొండపి మండలం, తూర్పున మద్దిపాడు మండలం, పశ్చిమాన మర్రిపూడి మండలం.

గ్రామానికి రవాణా సౌకర్యం[మార్చు]

గ్రామంలోని విద్యా సౌకర్యాలు[మార్చు]

జిల్లా పరిషత్తు ఉన్నత పాఠశాల[మార్చు]

  1. ఈ పాఠశాల విద్యార్థి అయిన టి.శ్రవణ్ కుమార్ రూపొందించిన పరిశ్రమల కాలుష్యం శుద్ధి చేయటం అను ప్రాజెక్టు, జాతీయ సైన్సు కాంగ్రెసులో స్థానం సంపాదించింది. సిక్కిం రాజధాని గ్యాంగ్ టక్ లో 2013 నవంబరు 11 నుండి 16 వరకూ జరిగిన జాతీయ సైన్సు కాంగ్రెసు ఫెయిర్ లో, శ్రవణ్ కుమార్ ఈ నమూనాను ప్రదర్శించి, అందరి మన్ననలనూ పొందినాడు. [2]
  2. ఈ పాఠశాలలో చదువుచున్న శ్రవణ్ కుమార్ అను విద్యార్థి, రాష్ట్రస్థాయి సైన్స్ ఫెయిర్ కు ఎంపికైనాడు. ఇతడు ఇటీవల ఒంగోలులోని సెయింట్ థెరెస్సా ఉన్నత పాఠశాలలో నిర్వహించిన, జిల్లా స్థాయి సైన్స్ ఫెయిర్ లో తన సత్తా చాటినాడు. భవిష్యత్తు అవసరాలకు అనుగుణంగా వ్యవసాయాన్ని మార్చడం -- అందులో ఎదురయ్యే సవాళ్ళు, అనే అంశానికి సంబంధించి ఈ సైన్స్ ఫెయిర్ నిర్వహించుచున్నారు. [5]
  3. ఈ పాఠశాల విద్యార్థి అయిన బి.నరసింహం, ఇటీవల INSPIRE ప్రదర్శనలో, దక్షిణ భారతదేశ స్థాయిలో తన ప్రతిభ చూపి, జపాను దేశం సందర్శించే అవకాశం అంది పుచ్చుకున్నాడు. ఎస్.సి.ఇ.ఆర్.టి. ద్వారా, భారత ప్రభుత్వ సైన్స్ & టెక్నాలజీ మంత్రిత్వ శాఖ ఆధ్వర్యంలో మొత్తం ఎంపిక చేసిన 25 మంది విద్యార్థులలో ఈ విద్యార్థిఒకరు కావడం విశేషం. వీరు మే/2015 నెలలో జపాను దేశంలో నిర్వహించే యూత్ ఎక్ఛేంజ్ కార్యక్రమంలో పాల్గొంటారు.[6]
  4. ఈ పాఠశాలలో షటిల్ క్రీడా మైదానం నిర్మాణానికి, 2015, ఆగస్టు-15వ తేదీనాడు భూమిపూజ నిర్వహించారు. [8]
  5. ఈ పాఠశాల విద్యార్థి అయిన టి.ప్రవీణ్ కుమార్ రూపొందించిన "ఉప్పునీటితో విద్యుదుత్పత్తి చేయడం" అను ప్రాజెక్టు, జిల్లాస్థాయి సైన్స్ ఇన్స్ పైర్ ప్రదర్శనలో బహుమతి గెలుచుకొని, రాష్ట్రస్థాయి సైన్స్ ఇన్స్ పైర్ ప్రదర్శనకు ఎంపికైనది. 2015, నవంబరు-5 నుండి 7 వరకు విశాఖపట్నంలో నిర్వహించిన రాష్ట్రస్థాయి ప్రదర్శనలో ఈ విద్యార్థి రూపొందించిన ప్రాజెక్టును ప్రదర్శించారు. ఈ ప్రదర్శనలో గూడా ఈ ప్రాజెక్టు తన ప్రత్యేకతను చాటి, ఢిల్లీలోని ఇండియన్ ఇన్స్టిటూట్ ఆఫ్ టెక్నాలజీ ఆవరణలో, 2015, డిసెంబరు-5,6,7 తేదీలలో ప్రదర్శించు జాతీయస్థాయి పోటీలలో ప్రదర్శనకు ఎంపికైనది. జిల్లా నుండి జాతీయస్థాయి ప్రదర్శనకు ఎంపికైన ప్రాజెక్టు ఇదొక్కటే కావడం గమనార్హం. [10]&[11]
  6. పాఠశాలలో భౌతికశాస్త్ర ఉపాధ్యాయులు శ్రీ టి.రమేష, జాతీయ స్థాయి టీచర్స్ సైన్స్ కాంగ్రెస్ (ఎన్.టి.ఎస్.సి) కి ఎంపికైనారు. "అభ్యసనకు ఆరోగ్యానికి మధ్య సంబంధం" అన్న అంశంపై ఆయన రూపొంచిన ప్రాజెక్టు సైన్స్ కాంగ్రెస్ కు ఎంపికైనది. డిపార్ట్ మెంట్ ఆఫ్ సైన్స్ & టెక్నాలజీ ఆధ్వర్యంలో పూణే లోని మరాఠా విఙానపరిషత్తులో 2015, డిసెంబరు-17 నుండి 20 వరకు నిర్వహించు సదస్సులో ఆయన ఈ వివరాలను సమర్పించనున్నారు. [12]

మండల పరిషత్తు ప్రాధమిక పాఠశాల[మార్చు]

గ్రామంలోని మౌలిక సదుపాయాలు[మార్చు]

గ్రామానికి సాగు/త్రాగునీటి సౌకర్యం[మార్చు]

గ్రామ పంచాయతీ[మార్చు]

1950 లో ఈ గ్రామ పంచాయతీ, ఆరు గ్రామాలతో ఏర్పాటయినది. కూనంనేనివారిపాలెం, మువ్వావారిపాలెం, మర్రిపాలెం, ఏలూరివారిపాలెం, గుడిపూడివారిపాలెం గ్రామాలతో పంచాయతీ ఏర్పాటయి, 25 సంవత్సరాల పాటు ఇలాగే ఉంది. మొదటి సర్పంచిగా మర్రిపాలెంకు చెందిన శ్రీ గోరంట్ల రామయ్య పనిచేశారు. తరువాత మువ్వావారిపాలెంకు చెందిన బొడ్డు, 1971 నుండి 1981 వరకు, అత్యధిక కాలం సర్పంచిగా పనిచేశారు. తరువాత కూనంనేనివారిపాలెంకు చెందిన శ్రీ పమిడి నరసింహారావు, ఏలూరివారిపాలెంకు చెందిన శ్రీ గోగినేని యల్లమంద, తరువాత ఇదే గ్రామానికి చెందిన శ్రీ ఏలూరి కోటేశ్వరరావు, ఈ ఆరు గ్రామాల పంచాయతీకి సర్పంచులుగా పనిచేశారు. 1981లో కూనంనేనివారిపాలెం, ఏలూరివారిపాలెం గ్రామాలు, ఈ పంచాయతీ నుండి విడిపోయినవి. మిగిలిన నాలుగు గ్రామాల పంచాయతీకి, గోనుగుంటకు చెందిన శ్రీ రాయిని వెంకయ్య, గుడిపూడివారిపాలేనికి చెందిన శ్రీ గొట్టిపాటి రాఘవరావు, సర్పంచులుగా పనిచేశారు. 1994 ప్రాంతంంలో మువ్వవారిపాలెం, మర్రిపాలెం గ్రామాలు గూడా వేరే వెళ్ళీపోయినవి. ఇప్పుడు గోనుగుంట మరియూ గుడిపూడివారిపాలెం గ్రామాలు రెండూ ఒక పంచాయతీ క్రింద ఉన్నాయి. ఆయా కాలాలలో పనిచేసిన సర్పంచులు, తమ తమ గ్రామాలలో పలు అభివృద్ధి కార్యక్రమాలు చేపట్టి ప్రజలకు చేరువైనారు. గ్రామంలో వెంకటగిరి రాజుల కాలంలో నిర్మించిన లింగేశ్వర స్వామి వారి ఆలయం ఈ గ్రామ ప్రత్యేకత. ఇప్పటికీ ఈ గ్రామం, ఈ ఆరు గ్రామాలకీ రెవెన్యూ గ్రామంగా ఉంది. ఈ గ్రామం వెంకటగిరి రాజుల కాలంలో మజారా గ్రామం.

2013 జూలైలో ఈ గ్రామ పంచాయతీకి నిర్వహించిన ఎన్నికకలో శ్రీమతి కొరిశపాటి వెంకాయమ్మ, సర్పంచిగా ఎన్నికైనారు. [9]

గ్రామంలోని దర్శనీయ ప్రదేశములు/దేవాలయాలు[మార్చు]

శ్రీ గంగా పార్వతీ సమేత రామలింగేశ్వర స్వామి దేవాలయం[మార్చు]

ఈ గ్రామంలోని ఈ దేవాలయం 1252 లో వెంకటగిరి రాజుల కాలంలో నిర్మితమయినది. శ్రీరాముడు రావణుని జయించి లంక నుండి తిరిగి వచ్చుచూ ఈ దేవుని పూజించెనట. రు. 38 లక్షల కామన్ గుడ్ ఫండ్ ద్వారా The Hindu Religious & Endowment Board మంజూరు చేసింది. ఈ నిధులతో గ్రామస్థులు స్వయంగా శ్రమదానంతో ఈ దేవాలయ అభివృద్ధికి నడుం బిగించారు. 'నాగతీర్ధం' మరుగున పడిపోగా దానిని తిరిగి త్రవ్వి పునర్నిర్మాణం చేయాలని పనులు మొదలు పెట్టిచేస్తున్నారు. ఒకప్పుడు ఈ దేవాలయం చాలా ప్రసిద్ధి గాంచింది. 'నాగదోషం' నివారణకు భక్తులు ఎక్కడెక్కడ నుంచో ఇక్కడకు వచ్చి తమ మ్రొక్కులు తీర్చుకొనేవారు. ఈ దేవాలయానికి 300 ఎకరాల మాన్యం భూములు ఉన్నాయి. [1]

ఈ ఆలయ జీర్ణోద్ధరణ కార్యక్రమం వైభవంగా పూర్తిగావించారు. 2016, నవంబరు-12న కుంభాభిషేకం నిర్వహించెదరు. ఈ కార్యక్రమానికి జగద్గురు శ్రీ శంకరాచార్య స్థాపించిన ఉత్తరామ్నాయ బద్రీనాథ్ జ్యోతిర్, ద్వారక శారద పీఠాధిపతిగా ఎనిమిది రాష్ట్రాలకు ధార్మిక పీఠాధిపతిగా వ్యవహరించుచున్న శ్రీ స్వరూపానంద సరస్వతి మహారాజ్ ముఖ్య అతిథిగా రానున్నారు. [13]

శ్రీ వీరభద్ర స్వామి దేవాలయం[మార్చు]

ఈ గ్రామము.[2] లోని ఈ దేవాలయం జీర్ణోద్ధరణ పనులు రు. 10.8 లక్షలతో ప్రారంభమైనవి. దేవాదాయశాఖవారు రు.8.5 లక్షలు మంజూరుచేయగా, భాగస్వామ్య నిధులుగా ఒకటిన్నర లక్షల రూపాయలను అందజేసినారు. ఒంగోలుకు చెందిన బొమ్మిశెట్టి కుటుంబీకులు మరికొంత మొత్తాన్ని సమకూర్చి ఆలయ పునర్నిర్మాణం చేస్తున్నారు. ఈ దేవాలయ ప్రాంగణంలో ఉన్న శ్రీ బాలకోటేశ్వర స్వామి ఆలయ జీర్ణోద్ధరణ పనులు గూడా రు. 10.8 లక్షలతో చేస్తున్నారు. [3]

శ్రీ లక్ష్మీ నరసింహస్వామివారి ఆలయం[మార్చు]

ఈ ఆలయంలో ప్రతి సంవత్సరం, మే నెల-21వ తేదీనాడు, స్వామివారి కళ్యాణం అత్యంత వైభవంగా నిర్వహించెదరు. అనంతరం, విచ్చేసిన భక్తులకు అన్నప్రసాద వితరణ చేసెదరు.ఈ కళ్యాణోత్సవాలకు ప్రతి సంవత్సరం, బెంగళూరు నుండి మద్దెల వెంకటేశ్వర్లు, స్వామివారికి ముత్యాల తలంబ్రాలు తీసికొని రావడం ఆనవాయితీగా వచ్చుచున్నది. [7]

ఈ ఆలయ అష్టమ వార్షికోత్సవ వేడుకలను 2017,మే-21వతేదీ ఆదివారంనాడు వైభవంగా నిర్వహించినారు. ఈ సందర్భంగా స్వామివారి కళ్యాణం కన్నులపండువగా నిర్వహించినారు. నవదంపతులు పీటలపై కూర్చున్నారు. విచ్చేసిన భక్తులకు మద్యాహ్నం అన్నప్రసాదాలతో విందుచేసినారు. [14]

శ్రీ వేణుగోపాలస్వామివారి ఆలయం[మార్చు]

శ్రీ బాలకోటేశ్వరస్వామివారి ఆలయం[మార్చు]

గ్రామంలో ప్రధాన పంటలు[మార్చు]

వరి, అపరాలు, కాయగూరలు

గ్రామంలో ప్రధాన వృత్తులు[మార్చు]

వ్యవసాయం, వ్యవసాయాధారిత వృత్తులు

గ్రామ ప్రముఖులు[మార్చు]

గ్రామ విశేషాలు[మార్చు]

గణాంకాలు[మార్చు]

జనాభా (2011) - మొత్తం 6,841 - పురుషుల సంఖ్య 3,439 - స్త్రీల సంఖ్య 3,402 - గృహాల సంఖ్య 1,579;

2001 వ.సంవత్సరం జనాభా లెక్కల ప్రకారం గ్రామ జనాభా 6,257.[3] ఇందులో పురుషుల సంఖ్య 3,179, మహిళల సంఖ్య 3,078, గ్రామంలో నివాస గృహాలు 1,386 ఉన్నాయి. గ్రామ విస్తీర్ణం 3,946 హెక్టారులు. http://wikimediafoundation.org/wiki/Terms_of_Use

  • గ్రామం గణాంకాల వివరణకు ఇక్కడ చూడండి.[1]

మూలాలు[మార్చు]

  1. భారత ప్రభుత్వం నిర్వహించిన 2011 గణాంకాల జాలగూడు
  2. ఉదహరింపు పొరపాటు: సరైన <ref> కాదు; censusindia.gov.in అనే పేరుగల ref లకు పాఠ్యమేమీ ఇవ్వలేదు
  3. http://censusindia.gov.in/PopulationFinder/Sub_Districts_Master.aspx?state_code=28&district_code=18

వెలుపలి లంకెలు[మార్చు]

[1] ది హిందు దినపత్రిక; 2011,ఆగస్టు-8; 7వపేజీ. [2] ఈనాడు ప్రకాశం; 2013,నవంబరు-20; 15వపేజీ. [3] ఈనాడు ప్రకాశం/సంతనూతలపాడు, 2013,నవంబరు-24; 1వపేజీ. [4] ఈనాడు ప్రకాశం/సంతనూతలపాడు; 2013,జూలై-13; 1వపేజీ. [5] ఈనాడు ప్రకాశం/సంతనూతలపాడు; 2014,ఆగస్టు-28; 1వపేజీ. [6] ఈనాడు ప్రకాశం/సంతనూతలపాడు; 2015,ఫిబ్రవరి-10; 3వపేజీ. [7] ఈనాడు ఫ్రకాశం/సంతనూతలపాడు; 2015,మే-21; 2వపేజీ. [8] ఈనాడు ప్రకాశం/సంతనూతలపాడు; 2015,ఆగస్టు-16; 2వపేజీ. [9] ఈనాడు ప్రకాశం/సంతనూతలపాడు; 2015,సెప్టెంబరు-13; 2వపేజీ. [10] ఈనాడు ప్రకాశం; 2015,సెప్టెంబరు-22; 14వపేజీ. [11] ఈనాడు ప్రకాశం; 2015,నవంబరు-9; 2వపేజీ. [12] ఈనాడు ప్రకాశం; 2015,డిసెంబరు-14; 7వపేజీ. [13] ఈనాడు ప్రకాశం; 2016,అక్టోబరు-6; 14వపేజీ. [14] ఈనాడు ఫ్రకాశం/సంతనూతలపాడు; 2017,మే-22; 1వపేజీ.



"https://te.wikipedia.org/w/index.php?title=గోనుగుంట&oldid=2227343" నుండి వెలికితీశారు