ఘాజీ

వికీపీడియా నుండి
Jump to navigation Jump to search
ఘాజీ
ఘాజీ
దర్శకత్వంసంకల్ప్ రెడ్డి
రచనసంకల్ప్ రెడ్డి
నిర్మాతపెరల్ వి.పొట్లూరి,
పరం వి.పొట్లూరి,
కవిన్ అన్నె,
అన్వేష్ రెడ్డి
నిరంజన్ రెడ్డి
జగన్‌మోహన్ వంచ,
వెంకటరమణారెడ్డి
తారాగణందగ్గుబాటి రానా,
తాప్సీ,
కె.కె.మీన‌న్‌,
రాహుల్ సింగ్,
ఓంపురి,
అతుల్ కుల‌క‌ర్ణి,
నాజ‌ర్‌,
రాహుల్ సింగ్‌,
స‌త్య‌దేవ్‌,
ర‌వివ‌ర్మ‌
ఛాయాగ్రహణంఆర్. మధి
కూర్పుశ్రీకర్ ప్రసాద్
సంగీతంకె
నిర్మాణ
సంస్థలు
విడుదల తేదీ
2017 ఫిబ్రవరి 17 (2017-02-17)
సినిమా నిడివి
123 నిమిషాలు
దేశంభారతదేశం
భాషతెలుగు
బడ్జెట్16 crore (US$2.0 million)
బాక్సాఫీసు34.5 crore (US$4.3 million)

ఘాజీ 2017, ఫిబ్రవరి 17న విడుదలైన తెలుగు సినిమా. దీనిని తెలుగుతో బాటు హిందీ, తమిళంలో కూడా విడుదల చేశారు. జలాంతర్గామి నేపథ్యంలో తెరకెక్కిన మొట్టమొదటి భారతీయ చిత్రం ఇది. అలాగే ఇంతవరకూ భూమ్మీద, సముద్రం మీద, గాల్లో జరిగే యుద్ధాలతోనే దేశంలో సినిమాలు వచ్చాయి. సముద్రం లోపల జరిగే పోరాటంతో ఇలా తొలిసారిగా వచ్చిన సినిమా కూడా ఇదే. ఈ సినిమాకు 65వ జాతీయ చలనచిత్ర పురస్కారాలలో ఉత్తమ తెలుగు సినిమా పురస్కారం లభించింది.[1]

నటీనటులు[మార్చు]

సాంకేతికవర్గం[మార్చు]

  • కథ, దర్శకత్వం: సంకల్ప్ రెడ్డి
  • సంభాషణలు: గుణ్ణం గంగరాజు
  • సంగీతం : కె
  • కెమెరా : మాధి
  • ఎడిటింగ్ : శ్రీకర్ ప్రసాద్
  • నిర్మాత‌లు : పెర‌ల్ వి.పొట్లూరి, ప‌ర‌మ్ వి.పొట్లూరి, క‌విన్ అన్నె, అన్వేష్ రెడ్డి, జ‌గ‌న్‌మోహ‌న్ వంచ‌, వెంక‌టర‌మ‌ణారెడ్డి

కథ[మార్చు]

1971లో తూర్పు పాకిస్తాన్ (తర్వాత బంగ్లాదేశ్)లో పశ్చిమ పాకిస్తాన్ సాగిస్తున్న దమనకాండ నేపథ్యంలో భారత నేవీ తన ఐఎన్ఎస్ విక్రాంత్ యుద్ధ నౌకని విశాఖపట్నం తూర్పు నావల్ కమాండ్ హెడ్ క్వార్టర్స్‌కి బదిలీ చేయడం పాకిస్తాన్‌కి ఆందోళన కల్గిస్తుంది. సముద్రతీరంలో తూర్పు పాకిస్తాన్‌కి చేరువలో ఐఎన్ఎస్ విక్రాంత్ వుండడం ప్రమాదమని, దాన్ని నాశనం చేయడానికి తన జలాంతర్గామి (సబ్ మెరైన్) పిఎన్ఎస్ ఘాజీని పంపడానికి పథకం వేస్తుంది. తూర్పు పాకిస్తాన్ లోని చిట్టగాంగ్‌కి పంపిన ఒక రహస్య సందేశాన్ని టాప్ చేయడం ద్వారా ఈ పాక్ పథకం తూర్పు నావల్ కమాండర్- ఇన్- చీఫ్ (ఓంపురి)కి తెలుస్తుంది. ఆయన వెంటనే ఐఎన్ఎస్ రాజ్‌పుత్ జలాంతర్గామిని రంగంలోకి దింపుతాడు. భారత సముద్ర జలాల్లోకి ఘాజీ వస్తోందా లేదా నిఘావేసి తెలియజేయాల్సిందిగా కెప్టెన్ రణ్‌విజయ్ సింగ్ (కెకె మీనన్)ని ఆదేశిస్తాడు. రణ్‌విజయ్ సింగ్‌ది ఉడుకు రక్తం. చూసి తెలియజేయడమెందుకు, చూసి పేల్చేస్తామంటాడు. అది యుద్ధానికి దారి తీస్తుందని, కేవలం చెప్పినట్టు చేయమని హెచ్చరిస్తాడు ఛీప్. రణ్‌విజయ్ సింగ్‌ని కంట్రోలులో వుంచాల్సిందిగా లెఫ్టినెంట్ కమాండర్ అర్జున్ వర్మ (రానా దగ్గుబాటి)ని కోరతాడు. వీళ్లిద్దరితో బాటు ఎగ్జిక్యూటివ్ ఆఫీసర్ దేవరాజ్ (అతుల్ కులకర్ణి) బయల్దేరతాడు.


సముద్ర అంతర్భాగంలో రహస్యప్రయాణం మొదలెడుతుంది రాజ్‌పుత్; అట్నుంచి ఘాజీ సముద్రం లోపల్నుంచి గుట్టుగా వస్తూంటుంది. అప్పుడు ఈ రెండిటి మధ్య యుద్ధం ఎలా జరిగింది?, ఈ యుద్ధంలో బద్ధ వ్యతిరేకులైన కెప్టెన్ రణ్‌విజయ్ సింగ్, లెఫ్టినెంట్ కమాండర్ అర్జున్‌వర్మల మధ్య ఏం ఘర్షణ జరిగింది?, వీళ్ళిద్దరి మధ్య ఎగ్జిక్యూటివ్ ఆఫీసర్ దేవరాజ్ ఎలా నలిగాడు?, డ్యూటీ విషయంలో అదుపుతప్పే రణ్‌విజయ్ ఆవేశాన్ని అర్జున్ ఎలా కంట్రోలు చేశాడు?, మధ్యలో ఘాజీ ఒక మర్చంట్ నౌకని పేల్చేస్తే అందులోంచి అర్జున్ రక్షించిన ఆ యువతి, బాలిక ఎవరు?; చివరికి ఘాజీ మీద ఇండియన్ బృందం ఎలా విజయం సాధించింది?.. ఇవన్నీ తెలుసుకోవాలంటే సినిమా చూడవలసిందే.[2]

నిర్మాణం[మార్చు]

అభివృద్ధి[మార్చు]

ఈ సినిమాను పి.వి.పి సినిమా నిర్మించింది.[3][4] కరణ్ జోహార్ హిందీ సినిమా వెర్షన్‌ను పంపిణీ చేశాడు.[5] ఈ చిత్రానికి తమిళ సంగీత దర్శకుడు కె. కృష్ణ కుమార్ సంగీతాన్ని అందించాడు. విజ్యువల్ ఎఫెక్ట్స్‌ను ఎవా మోషన్ స్టూడియోస్ చేపట్టింది.

నటీనటులు, సాంకేతిక నిపుణుల ఎంపిక[మార్చు]

ఈ సినిమాకు రానా దగ్గుబాటి,[6] తాప్సీ[7][8]లను ప్రధాన పాత్రలకు ఎంపిక చేశారు. వీరితో పాటుగా కె.కె.మీనన్,[9]సత్యదేవ్ కంచరన,[10] అతుల్ కులకర్ణి,రామానుజ్ దుబే, కునాల్ కౌశిక్, ప్రియదర్శి పుల్లికొండ, రాహుల్ సింగ్, అక్షయ్ మిట్టల్, మాల్యబన్ లాహిరి, నరేన్ యాదవ్‌లను నటవర్గంలో ఎంపిక చేసుకున్నారు.[11] మిర్చి, శ్రీమంతుడు సినిమాలకు ఛాయాగ్రాహకుడిగా పనిచేసిన ఆర్.మాధిని ఈ సినిమాకు సినిమాటోగ్రాఫర్‌గా నియమించారు. సంగీతాన్ని కె, ఎడిటింగ్‌ను శ్రీకర్ ప్రసాద్, విజ్యువల్ ఎఫెక్ట్స్‌ను వాసుదేవ ఆర్.ఏనుగలకు అప్పగించారు.[12]

చిత్రీకరణ[మార్చు]

ఈ సినిమా చిత్రీకరణ 2016, జనవరి 3న ప్రారంభమయ్యింది.[13][14]

పురస్కారాలు[మార్చు]

65వ భారత జాతీయ చలనచిత్ర పురస్కారాలలో ఉత్తమ తెలుగు సినిమాగా ఈ చిత్రం ఎన్నికైంది.[1] ఈ అవార్డు క్రింద నిర్మాతలకు రజత కమలం, లక్షరూపాయల నగదు బహుమతి, సర్టిఫికెట్ ఆఫ్ మెరిట్ ప్రదానం చేశారు.

మూలాలు[మార్చు]

  1. 1.0 1.1 65జాతీయ అవార్డులు..వివరాలు...
  2. సికిందర్. "'ఘాజీ' : ఘనమైన దర్శకత్వం !". సినిమా బజార్. Archived from the original on 27 అక్టోబరు 2017. Retrieved 7 May 2018.
  3. "Rana to act in India's first submarine film". The Times of India.
  4. "Taapsee to play refugee in Ghazi opposite Rana Daggubati". Deccan Chronicle.
  5. "Karan Johar to distribute Ghazi".
  6. IANS (7 January 2016). "Rana Daggubati begins shooting for 'Ghazi'".
  7. "I play a Bangladeshi refugee in Ghazi, says Taapsee Pannu". 2 February 2016.
  8. "Taapsee Pannu intrigued by 'Ghazi'". 18 January 2016.
  9. "Kay Kay Menon enters T'wood with Ghazi". 19 Jan 2016.
  10. "Ghazi turns Satyadev into a sonar operator". 6 February 2016.
  11. Y. Sunita Chowdhary. "What lies beneath?".
  12. "The Ghazi Attack on Bhaskar.com". Dainik Bhaskar.
  13. "Rana Daggubati's diving expeditions for 1971 war drama, 'Ghazi'".
  14. "Rana shoots for Ghazi, based on sinking of Pak submarine in 1971". Hindustan Times.

బయటిలింకులు[మార్చు]

భారత జాతీయ చలనచిత్ర పురస్కారాలు
భారత జాతీయ చలనచిత్ర పురస్కారం : ఫీచర్ ఫిల్మ్స్
ఉత్తమ సినిమా|ఉత్తమ నటుడు|ఉత్తమ నటి|ఉత్తమ సహాయ నటుడు|ఉత్తమ సహాయ నటి
ఉత్తమ కళా దర్శకుడు|ఉత్తమ బాల నటుడు|ఉత్తమ ఛాయా గ్రహకుడు|ఉత్తమ కాస్ట్యూమ్ డిజైనర్|ఉత్తమ దర్శకుడు|ఉత్తమ స్క్రీన్ ప్లే
ఉత్తమ నృత్య దర్శకుడు|ఉత్తమ గీత రచయిత|ఉత్తమ సంగీత దర్శకుడు|ఉత్తమ నేపథ్య గాయకుడు|ఉత్తమ నేపథ్య గాయని
ఉత్తమ శబ్దగ్రహణం|ఉత్తమ కూర్పు|ఉత్తమ స్పెషల్ అఫెక్ట్స్|ఉత్తమ బాలల సినిమా|ఉత్తమ కుటుంబ కధా చిత్రం
ప్రత్యేక జ్యూరీ పురస్కారం|ఉత్తమ ఏనిమేషన్ సినిమా
ఉత్తమ అస్సామీ సినిమా|ఉత్తమ బెంగాలీ సినిమా|ఉత్తమ ఆంగ్ల సినిమా|ఉత్తమ హిందీ సినిమా
ఉత్తమ కన్నడ సినిమా|ఉత్తమ మళయాల సినిమా|ఉత్తమ మరాఠీ సినిమా
ఉత్తమ ఒరియా సినిమా|ఉత్తమ పంజాబీ సినిమా|ఉత్తమ కొంకణి సినిమా|ఉత్తమ మణిపురి సినిమా
ఉత్తమ తమిళ సినిమా|ఉత్తమ తెలుగు సినిమా
జాతీయ సినిమా పురస్కారం : విరమించిన పురస్కారాలు
ఉత్తమ ద్వితీయ సినిమా
ఇందిరా గాంధీ జాతీయ ఉత్తమ నూతన దర్శకుడు పురస్కారం
ఇందిరా గాంధీ పురస్కారం
నర్గీస్ దత్ జాతీయ ఉత్తమ సమైక్యత సినిమా పురస్కారం
నర్గీస్ దత్ పురస్కారం
జీవితకాల గుర్తింపు పురస్కారం
దాదాసాహెబ్ ఫాల్కే పురస్కారము
ఉత్తమ సినిమా పుస్తకం
ఉత్తమ సినిమా పుస్తకం
ఉత్తమ సినీ విమర్శకుడు
ఉత్తమ సినీ విమర్శకుడు
"https://te.wikipedia.org/w/index.php?title=ఘాజీ&oldid=3852427" నుండి వెలికితీశారు