నిజామాబాదు కోట

వికీపీడియా నుండి
Jump to navigation Jump to search
నిజామాబాదు కోట
Nizamabad Fort Entrance.jpeg
కోట ప్రవేశద్వారం
ప్రదేశంనిజామాబాదు, తెలంగాణ
భౌగోళికాంశాలు18°39′52″N 78°04′46″E / 18.6645716°N 78.079343°E / 18.6645716; 78.079343Coordinates: 18°39′52″N 78°04′46″E / 18.6645716°N 78.079343°E / 18.6645716; 78.079343
నిర్మాణము10వ శతాబ్ధం
నిర్మాణ శైలిRashtrakuta Architecture
Lua error in మాడ్యూల్:Location_map at line 380: Minutes can only be provided with DMS degrees for longitude.

నిజామాబాదు కోట తెలంగాణ రాష్ట్రంలోని నిజామాబాద్ లో ఉంది.[1] దీనిని 10 వ శతాబ్దంలో రాష్ట్రకూట రాజులు నిర్మించారు. ఇది నిజామాబాద్ పట్టణానికి నైరుతి దిశలో, మహాత్మా గాంధీ చౌక్ నుండి 2 కిలోమీటర్ల దూరంలో ఉంది.[2]

కోట పైన ఉన్న ఆలయాన్ని రఘునాథ ఆలయం (జగన్నాథ్ ఆలయం, రామాలయం ఖిల్లా) అని పిలుస్తారు. ఇక్కడికి హిందూ మతం భక్తులు వస్తారు. పర్యాటక కేంద్రంగా కూడా ఉంది. ఛత్రపతి శివాజీ తన గురువైన రాందాస్ ఆజ్ఞపై ఈ శ్రీరామ దేవాలయాన్ని నిర్మించినట్లు చెబుతారు. విశాలమైన మందిరాలతో ఉన్న ఈ ఆలయ 3,900 చదరపు. అడుగుల విస్తీర్ణంలో, ఎల్లప్పుడూ చల్లగా ఉండేందుకు తగు విధంగా నిర్మించబడింది. ఆలయంలో 53 అడుగుల ఎత్తు ఉన్న ఒక స్తంభం ఉంది. ప్రతిరోజు దీపం వెలిగించడానికి ఈ స్తంభాన్ని ఉపయోగిస్తారు. ఈ దీపం చూసిన తర్వాతే చుట్టప్రక్కల ఉన్న గ్రామాలలోని ప్రజులు వారివారి ఇళ్లలో దీపాలు వెలిగిస్తారట.[3]

నిజామాబాదు కోటలోని సమాధులు

చరిత్ర[మార్చు]

నిజామాబాదు కోటను 10వ శతాబ్దంలో రాష్ట్రకూట రాజులు నిర్మించినట్లు చెబుతారు. ఖిల్జీ వంశానికి చెందిన రెండవ పాలకుడు అయిన అల్లాఉద్దీన్ ఖిల్జీ ( 1296 నుండి 1316) 1311 లో ఈ కోటను ఆక్రమించాడు. ఆ తరువాత దీనిని కుతుబ్ షా స్వాధీనం చేసుకున్నాడు. ఆ తరువాత హైదరాబాద్ నిజాం ప్రభువైన అసఫ్ జాహిస్ కోటను పునర్నిర్మించాడు.[4]

కోట[మార్చు]

ఈ కోట పెద్ద ప్రాంతంలో ముస్లిం మతం ఆకృతిని పోలి, చుట్టూ రాతి గోడలతో ఉంటుంది.[4] కోట గోడల లోపలి పెద్దగా ఉంటుంది. ఇందులో ఒక మసీదు, ఒక పాఠశాల, అసఫ్ జహి రాజవంశం వాడబడిన జైలు ఉంది.[3] పైన ఒక ఆలయం ఉంది. 2001వ సంవత్సరంలో టూరిజం శాఖ వారు రూ 9.30 లక్షలతో గార్డు గదులు,. ఫైబర్ పైకప్పు మార్గం, మరుగుదొడ్లు మొదలైనవి నిర్మించారు.

ఆవరణ[మార్చు]

కోటను ఆవరణ ఇల్లు, పురాతన మసీదు నిజాం చే నిర్మించబడింది. జైలు శాఖ borstal పాఠశాల ప్రవేశ ద్వారం వద్ద ఉన్నాయి. కోటకు ఎడమ వైపున ఒక చిన్న సరస్సు ఉంది. నిజాం ఆదేశంతో సరస్సు సమీపంలో ఒక రహస్య సొరంగం నిర్మించారని చెబుతారు. కోట గోడలు మరియ ఆవరణ అసఫ్ జహి శైలి నిర్మాణకళను పోలి ఉన్నాయి. వాటిలో కొన్ని నిజాముల హయాంలో పునఃనిర్మించబడ్డాయి.[4]

దర్గా[మార్చు]

కోట పైన ఆలయం వెనుక వైపు ఒక చిన్న దర్గా ఉంది. ఉర్స్ ఉత్సవం సందర్భంగా ముస్లిం మతం భక్తులు ఈ దర్గాను సందర్శించేవారు. గత కొన్ని సంవత్సరాలుగా ఎవరూ వెళ్లకపోవడంతో సమాధులు శిధిలావస్థలోకి వెళ్లాయి.

ఇవికూడా చూడండి[మార్చు]

మూలాలు[మార్చు]

  1. తెలంగాణ టూరిజం. "Nizamabad Fort". www.telanganatourism.gov.in. Archived from the original on 25 జూలై 2016. Retrieved 15 October 2016. Check date values in: |archive-date= (help)
  2. నిజామాబాద్.కాం. "Nizamabad Quilla Ramalayam – Raghunath Temple Photos". gonizamabad.com. Archived from the original on 11 జూలై 2015. Retrieved 15 October 2016. Check date values in: |archive-date= (help)
  3. 3.0 3.1 ది హిందూ (March 25, 2014). "Quilla Indur a potential tourist spot". Retrieved 15 October 2016.
  4. 4.0 4.1 4.2 ఇండియా9.కాం. "Quilla Ramalayam". www.india9.com. Retrieved 15 October 2016.

ఇతర లంకెలు[మార్చు]