మనోరమ (నటి)
| మనోరమ Manorama [மனோரமா] | |
|---|---|
 | |
| జననం |
Gopishantha Kasi Clockudaiyar మే 26, 1937 మన్నార్గుడి, తమిళనాడు, India[1] |
| మరణం | అక్టోబర్ 11, 2015 |
| ఇతర పేర్లు | ఆచి (Aachi) |
| వృత్తి | రంగస్థల, సినిమా, టి.వి. నటి |
| క్రియాశీలక సంవత్సరాలు | 1958 –2013 |
| పిల్లలు | భూపతి |
మనోరమ (ఆంగ్లం: Manorama; born Gopishantha తమిళం: கோபிசாந்தா) (మే 26, 1937 - అక్టోబరు 11, 2015) సుప్రసిద్ధ దక్షిణ భారత సినిమా నటీమణి. ఈమె సుమారు 1500 సినిమాలు మరియు 1000 నాటక ప్రదర్శనలు ఇచ్చింది. ఈమె ఎక్కువగా తమిళ భాషలో ఎక్కువగా నటించింది.[2] ఈమె కొన్ని మలయాళం, తెలుగు, కన్నడ మరియు హిందీ భాషా చిత్రాలలో కూడా నటించింది. ఈమెను అభిమానులు ఆచి (Aachi) అని ప్రేమగా పిలుస్తారు.[3][4]
1987లో ప్రపంచంలోనే అత్యధిక సినిమాలలో నటించిన సినీ నటిగా ఈమె గిన్నీస్ బుక్లో స్థానం సంపాదించింది. ఈ రికార్డు 2009 వరకూ ఎవరూ అధిగమించలేదు. మనోరమ ఐదుగురు ముఖ్యమంత్రులతో కలిసి నటించారు. తమిళనాడు సీఎం జయలలిత, మాజీ సీఎంలు అణ్ణా దురై, ఎం.జి.రామచంద్రన్, కరుణానిధితో పాటు నందమూరి తారక రామారావుతో కలిసి నటించారు.
ఇక ప్రముఖ హీరోలైన శివాజీ గణేశన్, రజనీకాంత్‌, కమల్ హాసన్తో కలిసి నటించారు. 1958లో తమిళంలో మాలఇట్టామంగై చిత్రంతో మనోరమ తెరంగ్రేటం చేశారు. ఇక చివరి చిత్రం సింగం-2.
జననం[మార్చు]
మనోరమ 1937, మే 26 న తమిళనాడు లోని మన్నార్‌గుడిలో జన్మించారు. ఈవిడ అసలు పేరు గోపిశాంత.
అవార్డులు[మార్చు]
- 1988 : ఉత్తమ సహాయనటిగా భారత జాతీయ చలనచిత్ర పురస్కారం
- 2002 : పద్మశ్రీ పురస్కారం
- కళైమామణి పురస్కారం
నటించిన తెలుగు సినిమాలు[మార్చు]
- భద్రకాళి (1976)
- శుభోదయం (1980)
- విచిత్ర సోదరులు (1989) - మునియమ్మ
- మైఖేల్ మదన కామరాజు (1991) - గంగాబాయి
- అల్లరి ప్రియుడు (1993)
- కుంతీ పుత్రుడు (1993)
- జంటిల్ మేన్ (1993) - అర్జున్ తల్లి
- రిక్షావోడు (1995) - బామ్మ
- బావ నచ్చాడు (2001) - భానుపతి
- కృష్ణార్జున (2008)
- అరుంధతి (2009) - చంద్రమ్మ
- యముడు (2010) - మల్లికార్జున తల్లి
- అరుణాచలం
మరణం[మార్చు]
గత కొంత కాలంగా గుండె సంబంధిత వ్యాధితో బాధ పడుతున్న ఆమె చెన్నై లోని ఓ ప్రైవేటు ఆస్పత్రిలో చికిత్స పొందుతూ 2015, అక్టోబర్ 11 న తుదిశ్వాస విడిచారు.
మూలాలు[మార్చు]
- ↑ There’s no stopping her. Hinduonnet. 2009/02/02
- ↑ "The endearing `aachi'". The Hindu. 2003-07-07. Retrieved 2010-05-26.
- ↑ "The Hindu : The endearing `aachi'". Hinduonnet.com. 2003-07-07. Retrieved 2010-05-26.
- ↑ ‘Comedy is big responsibility’. Hinduonnet. 10/08/2007
