శ్రుతి హాసన్

శ్రుతి హాసన్
2020లో శృతి
జననం	(1996-01-28) 1996 జనవరి 28 చెన్నై, తమిళనాడు, భారత దేశము
ఇతర పేర్లు	శ్రుతి రాజ్యలక్ష్మీ హాసన్, శ్రుతి హాసన్
వృత్తి	నటి, గాయని
క్రియాశీలక సంవత్సరాలు	2000 నుండి ఇప్పటివరకు

శ్రుతి హాసన్ తెలుగు, తమిళం, హిందీ భాషల్లో నటించిన నటి, గాయని. ఈమె నటుడైన కమల్ హాసన్ కూతురు.

సినీ జీవితం

కెరియర్ తొలినాళ్ళు (2000, 2008-2011)

2000లో తన తండ్రి కమల్ హాసన్ దర్శకత్వంలో తెరకెక్కిన "హే రాం" సినిమాలో బాల్యనటిగా నటించిన శ్రుతి హాసన్ ఆ తర్వాత సంగీతానికి సంబంధించిన విషయాలపై శ్రద్ధ చూపింది. 2008లో సోహం షా దర్శకత్వంలో తెరకెక్కిన "లక్" సినిమాలో ఇమ్రాన్ ఖాన్ సరసన నటిగా తొలిసినిమా చేసింది. ఆ సినిమా ఘోరపరాజయాన్ని చవిచూసింది. శ్రుతికి కూడా తన నటనకు విమర్శకుల నుంచి ప్రతికూల స్పందన వచ్చింది. 2011లో కె. రాఘవేంద్రరావు కొడుకైన కె.ప్రకాష్ దర్శకత్వంలో సిద్దార్థ్ సరసన "అనగనగా ఓ ధీరుడు" సినిమాలో నటించింది. విమర్శకుల నుంచి తన నటనకు ప్రశంసలనందుకున్న శ్రుతికి మాత్రం ఈ సినిమా కమర్షియల్ గా పరాజయంగానే మిగిలింది కానీ ఆ సంవత్సరానికి తను ఉత్తమ తెలుగు నూతన నటి విభాగంలో దక్షిణ భారత ఫిలింఫేర్ అవార్డును పొందింది.

అదే సంవత్సరంలో "దిల్ తో బచ్చాహై జీ" సినిమాలో అతిథి పాత్రలో నటించిని శ్రుతి ఆపై ఏ. ఆర్. మురుగదాస్ దర్శకత్వంలో సూర్య సరసన "7అం అరివు" సినిమాలో నటించింది. సెవెంత్ సెన్స్ పేరుతో తెలుగులో విడుదలైన ఈ సినిమా విజయం సాధించింది. శ్రుతికి కూడా తన నటనకు గుర్తింపు లభించడమే కాకుండా ఉత్తమ తమిళ నూతన నటి విభాగంలో దక్షిణ భారత ఫిలింఫేర్ అవార్డును సొంతం చేసుకుంది. ఆ సంవత్సరంలో తన చివరి సినిమా సిద్ధార్థ్ సరసన ఓ మై ఫ్రెండ్ సినిమాలో నటించింది. చిరంజీవి నటించిన "ఇద్దరు మిత్రులు" సినిమాకి దగ్గరగా ఉండే ఈ సినిమా ఓ మోస్తరు విజయాన్ని సాధించింది. ఈ సినిమా తర్వాత శ్రుతి ఒక నటిగా తెలుగులో మంచి గుర్తింపును సాధించింది.

గబ్బర్ సింగ్ తర్వాత శ్రుతి ప్రస్థానం (2012-ఇప్పటి వరకు)

2017లో శృతి

ధనుష్ సరసన 3 సినిమాలో నటించి విమర్శకులనుంచి ప్రశంసలనందుకున్న తర్వాత శ్రుతి హాసన్ హరీష్ శంకర్ దర్శకత్వంలో పవన్ కళ్యాణ్ సరసన "గబ్బర్ సింగ్" సినిమాలో నటించింది. ఈ సినిమా భారీ విజయాన్ని సాధించడమే కాక విమర్శకుల మరియూ ప్రేక్షకుల దృష్టిలో శ్రుతి హాసన్ స్థాయిని పెంచింది. తనని నటిగా తెలుగు సినిమాల్లో నిలబెట్టింది. అలాగే తెలుగులో రవితేజ సరసన "బలుపు", జూనియర్ ఎన్.టి.ఆర్. సరసన "రామయ్యా వస్తావయ్యా", హిందీలో ప్రభుదేవ దర్శకత్వంలో "రామయ్యా వస్తావయ్యా", "డీ-డే" సినిమాల్లోనటించింది. ప్రస్తుతం ఆమె 2020వ సంవత్సరంలో మరోసారి నటుడు రవితేజ తో క్రాక్ అనే సినిమాలో నటిస్తోంది.

వార్తలలో శ్రుతి హాసన్

2013 నవంబరు 20 న గుర్తు తెలియని దుండగుడు ఒకడు సినీనటి శ్రుతిహాసన్ ఇంట్లోకి చొరబడేందుకుయత్నించాడు. ఆమె ప్రతిఘటించడంతో పరారయ్యాడు. ముంబై బాంద్రా ప్రాంతంలోని ఓ భవంతి ఆరో అంతస్తులో ఉన్న శ్రుతి ఇంటికి ఉదయం 9.30కు వచ్చిన దుండగుడు తొలుత కాలింగ్‌బెల్ మోగించాడు. శ్రుతి తలుపు తీసింది.‘నువ్వు నన్నెందుకు గుర్తుపట్టడం లేదు? నాతో ఎందుకు మాట్లాడడం లేదు?’ అని దుండగుడు ఆమెను ప్రశ్నించాడు. దీనికి శ్రుతి ‘నువ్వెవరో నాకు తెలియదు’ అని బదులిచ్చింది. దీంతో ఆగంతకుడు ఆమె గొంతుపట్టుకుని లోనికి చొరబడేందుకు ప్రయత్నించాడు. శ్రుతి వెంటనే అతన్ని వెనక్కి తోసి తలుపు మూసింది.తర్వాత అతడు పారిపోయాడు. దాడి చేసిన దుండగుడు శ్రుతి నటించిన ‘రామయ్యా వస్తావయ్యా’ సినిమా షూటింగ్ మొదలైనప్పటి నుంచి ఆమె వెంట పడుతున్నట్లు ఆమె సన్నిహిత వర్గాలు తెలిపాయి.

నటించిన చిత్రాలు

సంవత్సరం	పేరు	పాత్ర	భాష	గమనికలు	మూ
2000	హే రామ్	వల్లభాయ్ పటేల్ కుమార్తె	తమిళం	బాల కళాకారుడు
			హిందీ
2009	లక్	ఆయేషా, నటాషా	హిందీ
2011	అనగనగా ఓ ధీరుడు	ప్రియా	తెలుగు
	దిల్ తో బచ్చా హై జీ	నిక్కీ నారంగ్	హిందీ
	7 ఓం అరివు	శుభ శ్రీనివాసన్	తమిళం
	ఓ మై ఫ్రెండ్	సిరి చందన	తెలుగు
2012	3	జనని రామచంద్రన్	తమిళం
	గబ్బర్ సింగ్	భాగ్యలక్ష్మి	తెలుగు
2013	బలుపు	శ్రుతి
	రామయ్య వస్తావయ్య	సోనా సింగ్	హిందీ
	డి-డే	సురయ్య
	రామయ్య వస్తావయ్య	అమ్ములు	తెలుగు
2014	ఎవడు	మంజు
	రేసుగుర్రం	స్పందన "స్వీటీ"
	ఆగడు	నర్తకి		"జంక్షన్ లో" పాటలో
	పూజై	దివ్య	తమిళం
2015	తేవర్	నర్తకి	హిందీ	"మాడమియన్" పాటలో
	గబ్బర్ ఈజ్ బ్యాక్	న్యాయవాది శ్రుతి
	శ్రీమంతుడు	చారుశీల	తెలుగు
	వెల్‌కమ్ బ్యాక్	రంజనా శెట్టి	హిందీ
	పులి	పవళమల్లి	తమిళం
	వేదలం	శ్వేత
2016	రాకీ హ్యాండ్సమ్	రుక్షిదా అహ్లావత్	హిందీ
	ప్రేమమ్	సితార వెంకటేశన్	తెలుగు
2017	సింగం 3	విద్య / అగ్ని	తమిళం
	కాటమరాయుడు	అవంతిక	తెలుగు
	బెహెన్ హోగి తేరి	బిన్నీ అరోరా	హిందీ
2020	యారా	సుకన్య
	పుతం పుదు కాలై	రమ్య	తమిళం	"ఎవరికైనా కాఫీ?" విభాగం.
	దేవి	మాయ	హిందీ	షార్ట్ ఫిల్మ్
2021	క్రాక్	కళ్యాణి శంకర్	తెలుగు
	ది పవర్	పారి	హిందీ
	పిట్ట కథలు	దివ్య	తెలుగు	విభాగం: xLife
	వకీల్ సాబ్	అమృత కొణిదెల	తెలుగు	అతిధి పాత్ర
	లాబామ్	క్లారా	తమిళం
2023	వీర సింహా రెడ్డి	ఇషా జై సింహా రెడ్డి	తెలుగు
	వాల్తేరు వీరయ్య	రా ఏజెంట్ అతిధి
	ది ఐ	డయానా	ఇంగ్లీష్
	హాయ్ నాన్నా	మోడల్	తెలుగు	అతిధి పాత్ర
	సలార్ పార్ట్ 1 సీజ్ ఫైర్	ఆద్య కృష్ణకాంత్
2025	కూలీ	ప్రీతి	తమిళం	పోస్ట్-ప్రొడక్షన్
	ట్రైన్ †	టిబిఎ		పోస్ట్-ప్రొడక్షన్
2026	జన నాయగన్ †	టిబిఎ		చిత్రీకరణ
టిబిఎ	సాలార్ పార్ట్ 2 †	ఆద్య కృష్ణకాంత్	తెలుగు	ప్రకటించబడింది

పురస్కారాలు

సైమా అవార్డులు

• 2011: ఉత్తమ తొలిచిత్ర నటి - అనగనగా ఒక ధీరుడు
• 2012: ఉత్తమ నటి - గబ్బర్ సింగ్
• 2014: ఉత్తమ నటి - రేసుగుర్రం
• 2015: ఉత్తమ నటి - శ్రీమంతుడు

మూలాలు

శ్రుతి హాసన్