చెన్నమనేని రాజేశ్వరరావు

వికీపీడియా నుండి
Jump to navigation Jump to search
చెన్నమనేని రాజేశ్వరరావు
చెన్నమనేని రాజేశ్వరరావు

చెన్నమనేని రాజేశ్వరరావు


మాజీ శాసనసభ్యుడు
నియోజకవర్గం సిరిసిల్ల అసెంబ్లీ నియోజకవర్గం

వ్యక్తిగత వివరాలు

జననం (1923-08-31)1923 ఆగస్టు 31
మారుపాక , కరీంనగర్ జిల్లా
మరణం మే 9 2016
హైదరాబాదు
రాజకీయ పార్టీ తెలంగాణ రాష్ట్ర సమితి
ఇతర రాజకీయ పార్టీలు కమ్యూనిస్టు పార్టి
తెలుగుదేశం పార్టీ
జీవిత భాగస్వామి లలితాదేవి
సంతానం ముగ్గురు కుమార్తెలు, ఒక కుమారుడు
మతం హిందూ

చెన్నమనేని రాజేశ్వరరావు, తెలంగాణ సాయుధ పోరాట యోధుడు, సీనియర్ రాజకీయ నాయకుడు, సిరిసిల్ల మాజీ శాసనసభ్యుడు. రాజేశ్వరరావు ఆరు సార్లు శాసనసభ్యులుగా గెలిశారు.[1] 1957లో మొదటిసారి శాసనసభ్యుడిగా ఎన్నికయ్యాడు. సిరిసిల్ల నియోజకవర్గం నుంచి ఐదు సార్లు, మెట్‌పల్లి నుంచి ఓ సారి ఎమ్మెల్యేగా గెలుపొందారు.ఇతని స్వస్థలం కరీంనగర్ జిల్లా వేములవాడ మండలం మారుపాక గ్రామం. రాజేశ్వరరావు రాజకీయ జీవితం సీపీఐ పార్టీతో ప్రారంభమైంది.

జీవిత విశేషాలు[మార్చు]

కరీంనగర్ జిల్లాకు చెందిన ప్రముఖ రాజకీయ నాయకులలో ఒకరైన చెన్నమనేని రాజేశ్వరరావు ఆగస్టు 31, 1923న జన్మించారు. ఉస్మానియా విశ్వవిద్యాలయం నుంచి బీఎస్సీ, ఎల్.ఎల్.బి.పట్టా పొందారు. విద్యార్థి దశలోనే జాతీయోద్యమంలోనూ, నిరంకుశ నిజాం వ్యతిరేక ఉద్యమంలోనూ పాల్గొన్నారు. 1947 ఆగస్టు 15, న హైదరాబాదులో జాతీయజెండాను ఎగురవేశారు. హైదరాబాదు రాజ్య విమోచన అనంతరం కమ్యూనిస్టు పార్టిలో చేరి కమ్యూనిస్టు, పీడీఎఫ్ తరఫున 5 సార్లు శాసనసభకు ఎన్నికైనాడు. సీపీఐ జాతీయ కౌన్సిల్ సభ్యుడిగా సేవలందించాడు. 1999లో టీడీపీలో చేరారు.తెలుగుదేశం పార్టీలో చేరి 2004లో శాసనసభ్యులుగా గెలుపొందాడు. 2009లో ప్రత్యక్ష రాజకీయాల నుంచి వైదొలగి, అతని కుమారుడు చెన్నమనేని రమేష్‌ బాబుకు టికెట్ ఇప్పించి గెలిపించాడు.

వ్యక్తిగత జీవితం[మార్చు]

ఇతని సోదరుడు చెన్నమనేని విద్యాసాగర్ రావు భారతీయ జనతా పార్టికి చెందిన ప్రముఖుడు, కేంద్ర మంత్రిగా పనిచేశారు, ప్రస్తుతం మహారాష్ట్ర గవర్నరుగా యున్నారు. మరో సోదరుడు చెన్నమనేని హన్మంతరావు జాతీయస్థాయిలో పేరుపొందిన ఆర్థికవేత్త. రాజేశ్వరరావు కుమారుడు చెన్నమెనేని రమేష్ బాబు ప్ వేములవాడ నియోజకవర్గం శాసనభ్యులుగా పనిచేసాడు.[2] రాజేశ్వరరావు చిన్న కుమారుడు చెన్నమనేని వికాస్ వైద్యరంగంలో రేడియాలజిస్ట్‌గా పేరుపొందాడు.

మరణం[మార్చు]

అనారోగ్యంతో అతను సోమవారం 2016 మే 9 తెల్లవారు జామున 3 గంటలకు సోమాజీగూడ యశోదా ఆస్పత్రిలో తుదిశ్వాస విడిచారు.[3]

మూలాలు[మార్చు]

  1. "Profile of Ch Rajeswara Rao of Sircilla Constituency – hello ap" (in ఇంగ్లీష్). Retrieved 2021-07-17.
  2. "సాయుధ పోరాటయోధుడు, మాజీ ఎమ్మెల్యే చెన్నమనేని రాజేశ్వరరావు కన్నుమూత". Archived from the original on 2016-05-10. Retrieved 2016-05-09.
  3. Sakshi (9 May 2016). "మాజీ ఎమ్మెల్యే చెన్నమనేని కన్నుమూత". Archived from the original on 21 జూలై 2021. Retrieved 21 July 2021.

ఇతర లింకులు[మార్చు]