వేగావతి నది
| వేగావతి నది పెద్దగెడ్డ నది | |
|---|---|
 | |
| స్థానం | |
| జిల్లా(లు) | పార్వతీపురం మన్యం,విజయనగరం,శ్రీకాకుళం |
వేగావతి నది (పెద్దగెడ్డ నది) ఉత్తరాంధ్రలో ప్రవహించే నది. పార్వతీపురం మన్యం జిల్లా పాచిపెంట సమీపంలోని కొండలలో పుట్టి, మద్దువలస జలాశయం వద్ద సువర్ణముఖి నదిలో కలుస్తుంది. ఈ నది పార్వతీపురం మన్యం జిల్లాలో పాచిపెంట, సాలూరు, విజయనగరం జిల్లాలో రామభద్రాపురం, బొబ్బిలి, బాడంగి, తెర్లాం, బలిజపేట మండలాల గుండా ప్రవహించి వంతరాం వద్ద శ్రీకాకుళం జిల్లాలోకి ప్రవేశిస్తుంది. ఈ నది ఒడ్డున ఉన్న పట్టణాల్లో సాలూరు ముఖ్యమైంది.
ప్రాజెక్టులు
[మార్చు]వేగావతి నదిపై పెద్దగెడ్డ జలాశయం, రొంపిల్లి ఆనకట్ట, పారాది ఆనకట్ట, కర్రివలస ఆనకట్టలు నిర్మించారు. పెద్దగెడ్డ జలాశయం నిల్వ సామర్థ్యం 1.05 టిఎమ్‌సి.[1] దీని శంకుస్థాపన చంద్రబాబునాయుడు చేశాడు. వై.ఎస్. రాజశేఖర్ రెడ్డి ప్రారంభోత్సవం చేసాడు. ఈ రిజర్వాయర్ ఎదురుగా ఒక శివాలయం ఉంది. చుట్టూ కొండల మధ్య ఈ జలాశయం. పాచిపెంటలో పర్యాటక ఆకర్షణగా ఉంది. దీని ద్వారా ఉమ్మడి విజయనగరం జిల్లాలోని పాచిపెంట, సాలూరు, రామభద్రాపురం మండలాల్లోని 28 గ్రామాల్లో 12,000 ఎకరాలకు సాగునీరు అందుతుంది. రొంపిల్లి ఆనకట్ట ద్వారా 6 వేలు, పారాది ఆనకట్ట ద్వారా 8 వేలు, కర్రివలస ఆనకట్ట ద్వారా 4 వేల ఎకరాలకు సాగునీరందుతోంది.[2]
మూలాలు
[మార్చు]- ↑ "PEDDAGEDDA RESERVOIR PROJECT". irrigationap.cgg.gov.in. Archived from the original on 2020-06-13. Retrieved 2020-06-13.
- ↑ "::. APPSC .:: (ANDHRA PRADESH PUBLIC SERVICE COMMISSION)". www.eenadupratibha.net. Archived from the original on 2020-06-13. Retrieved 2020-06-13.