అక్కినేని నాగ చైతన్య

వికీపీడియా నుండి
Jump to navigation Jump to search
అక్కినేని నాగ చైతన్య
Naga Chaitanya Akkineni.jpg
అక్కినేని నాగ చైతన్య
జననం (1986-11-23) 1986 నవంబరు 23 (వయస్సు: 32  సంవత్సరాలు)
హైదరాబాద్ భారత దేశం
నివాస ప్రాంతంIndia చెన్నై, భారతదేశం
వృత్తిసినిమా నటుడు
ప్రసిద్ధినటుడు
మతంహిందూ
తండ్రిఅక్కినేని నాగార్జున
తల్లిలక్ష్మి

నాగ చైతన్య (జననం: 1986 నవంబరు 23) ప్రముఖ నటుడు అక్కినేని నాగార్జున,లక్ష్మి (నటుడు వెంకటేష్ సోదరి)ల తనయుడు. ఇతడు జోష్ అనే చిత్రం ద్వారా తెలుగు చిత్రసీమ లోకి ప్రవేశించాడు. కానీ ఆ చిత్రం ఆశించదగ్గ ఫలితాన్ని ఇవ్వలేదు, కానీ గౌతమ్ మీనన్ దర్శకత్వంలో తన తదుపరి చిత్రం ఏ మాయ చేసావే ద్వారా మంచి విజయాన్ని నమోదు చేశాడు.

సినీ జీవితం[మార్చు]

నాగ చైతన్య నటించిన మొదటి సినిమా దిల్ రాజు నిర్మాణంలో వాసు వర్మ దర్శకత్వంలో వచ్చిన జోష్. ఈ సినిమా ద్వారా ప్రముఖ నటి రాధ కూతురు కార్తీక నటిగా పరిచయమైంది. ఈ సినిమా ఆశించదగ్గ విజయం సాధించనప్పటికీ, చైతన్యకు ఉత్తమ నూతన నటుడిగా ఫిలింఫేర్ మరియ, నంది అవార్డులను పొందాడు. కానీ 2010లో తను అతిథి పాత్రలో నటించిన విన్నైతాండి వరువాయా సినిమా యొక్క తెలుగు పునః నిర్మాణం ఐన ఏ మాయ చేశావే చైతన్యకు మొదటి భారీ విజయాన్ని అందించింది. గౌతం మీనన్ దర్శకత్వంలో సమంత కథానాయికగా తెరకెక్కిన ఈ ప్రేమకథా చిత్రంలో చైతన్య తన నటనకు విమర్శకులనుంచి ప్రశంసలందుకున్నాడు. నేటికీ తెలుగు సినిమాల్లోని ఎన్నో క్లాసిక్స్ లో ఒకటిగా ఈ చిత్రం నిలిచిపోయింది. ఈ సినిమాకి చైతన్యకు ఉత్తమ నటుడికి గాను నాటి ఫిలింఫేర్ అవార్డుకు నామినేట్ అయ్యాడు.

ఆ తర్వాత 2011లో సుకుమార్ దర్శకత్వంలో 100% లవ్ సినిమాలో నటించాడు. ఇందులో తమన్నా కథానాయిక. ఈ సినిమా కూడా భారీ విజయాన్ని సాధించింది. కానీ ఆ తర్వాత అజయ్ భుయాన్ దర్శకత్వంలో కాజల్ అగర్వాల్ కథానాయికగా తెరకెక్కిన తన చిత్రం దడ, వివేక్ కృష్ణ దర్శకత్వంలో అమలాపాల్ కథానాయికగా తెరకెక్కిన బెజవాడ సినిమాలు పరాజయాన్ని చవిచూసాయి.నాగ చైతన్య దేవ కట్ట దర్శకత్వంలో సమంత సరసన ఆటోనగర్ సూర్య, కిషోర్ పార్థాసాని దర్శకత్వంలో సునీల్, తమన్నా, ఆండ్రియా సరసన తడాఖా, విక్రమ్ కే కుమార్ దర్శకత్వంలో మనం, వీరూ పోట్ల దర్శకత్వంలో తెరకెక్కనున్న సినిమాల్లో నటించాడు. వాటిలో చెప్పుకోదగ్గ చిత్రం 'మనం'. ఈ చిత్రంలో స్వర్గీయ అక్కినేని నాగేశ్వరరావు గారు నటించడంతో అభిమానుల్లో, ప్రేక్షకుల్లో కూడా అంచనాలు ఎక్కువయ్యాయి. అయితే, ఈ చిత్రం పూర్తి కాకుండానే, ఎ.ఎన్.ఆర్ చనిపోవడంతో, 'మనం' సినిమా అంచనాలకు మించి, బాక్సాఫీస్ దగ్గర అద్భుతాలు సృష్టించింది.ఆ తర్వాత 2014 చివర్లో 'ఒక లైలా కోసం'తో మరొక విజయాన్ని తన ఖాతాలో వేసుకున్నాడు.2015 లో సుధీర్ వర్మ దర్శకత్వంలో 'దోచేయ్' అనే సినిమా చేసినప్పటికీ అది ఆశించిన స్థాయిలో విజయం సాధించలేకపోయింది.2016 లో మలయాళం రీమేక్ అయిన 'ప్రేమమ్' సినిమాతో మరొక విజయాన్ని అందుకున్నాడు.ఆ వెంటనే గౌతమ్ మీనన్ దర్శకత్వంలో 'సాహసమే శ్వాసగా సాగిపో'అనే చిత్రంలో నటించి ఓ మోస్తరు విజయాన్ని అందుకున్నాడు.2017 లో 'రారండోయ్ వేడుక చూద్దాం'తో మళ్ళీ ఘన విజయం సాధించింది.2018 లో విడుదల అయిన శైలజా రెడ్డి  అల్లు డు విజయం సాదించింది.

వ్యక్తిగత జీవితం[మార్చు]

హైదరాబాద్ లో జన్మించిన నాగ చైతన్య తన తల్లిదండ్రులు విడిపోయాక చెన్నైలో ఉంటున్న తల్లి దగ్గరికి వెళ్ళిపోయాడు. పీ.ఎస్.బీ.బీ. పాఠశాలలో చదువుకున్నప్పుడు చైతన్య తన తండ్రి నాగార్జున, తన పిన్ని అమలతో సఖ్యతగా ఉండేవాడు. తన పాఠశాల బ్యాండ్ లో అప్పుడప్పుడూ గిటార్ వాయించేవాడు. ముంబైలో, కాలిఫోర్నియాలోని స్టూడియోలో నటనలో శిక్షణ పొందాడు. నేటికి కూడా చైతన్య తనకు కార్లమీద ఉన్న అభిమానంతో కార్ రేసుల్లో పాల్గొంటుంటాడు. 100% లవ్ సినిమా విడుదలైన కొత్తల్లో తనకీ, ప్రముఖ నటి అనుష్కకి నిశ్చితార్థం జరిగిందని మీడియాలో వార్తలొచ్చాయి. ఐతే అవన్నీ వదంతులని నాగార్జున, చైతన్య, అనుష్కలు తేల్చి చెప్పారు. అయితే, తనతోపాటు 'ఏం మాయ చేసావే', 'మనం' వంటి చిత్రాల్లో కలిసి నటించిన సమంతను 6 అక్టోబర్ 2017 న వివాహం చేసుకున్నారు

నాగార్జునతొ చైతన్య మరియు అమల

నటించిన చిత్రాలు[మార్చు]

సంవత్సరం సినిమా పేరు పాత్ర పేరు భాష గమనికలు
2009 జోష్ సత్య తెలుగు విజేత, ఫిలింఫేర్ అవార్డ్ - ఉత్తమ నూతన నటుడు
నంది అవార్డ్ - ఉత్తమ నూతన నటుడు.
2010 విణ్ణైతాండి వరువాయా కార్తీక్ తొలి చిత్రం జెస్సిలో కథానాయకుడిగా తమిళం అతిథి పాత్ర
ఏ మాయ చేసావే కార్తీక్ తెలుగు పేర్కొనబడ్డాడు, ఫిలింఫేర్ అవార్డ్ - ఉత్తమ నటుడు
2011 100% లవ్ బాలు తెలుగు
దడ విశ్వ తెలుగు
బెజవాడ శివ కృష్ణ తెలుగు
2013 ఆటోనగర్ సూర్య సూర్య తెలుగు
తడాఖా కార్తీక్ తెలుగు తమిళ చిత్రం వేట్టైకి పునఃనిర్మాణం
మనం నాగార్జున తెలుగు
2014 ఒక లైలా కోసం కార్తీక్ తెలుగు
2015 దోచేయ్ చందు తెలుగు
2015 కృష్ణమ్మ కలిపింది ఇద్దరిని అతనిగానే తెలుగు అతితి పాత్రలో
2015 అటాడుకుందంరా అతనిగానే తెలుగు అతితి పాత్రలో
2016 ప్రేమమ్ విక్రం తెలుగు
2016 సాహసం శ్వాసగా సాగిపో డి.సి.పి. రజినికాంత్ మురళిధర్ తెలుగు
2017 రారండోయ్ వేడుక చూద్దాం శివ తెలుగు
2017 యుద్ధం శరణం అర్జున్ తెలుగు
2018 సవ్యసాచి తెలుగు చిత్రీకరణ జరుగుతుంది
2018 సైలజ రెడ్ది అల్లుడు తెలుగు చిత్రీకరణ జరుగుతుంది

వంశవృక్షం[మార్చు]


మూలాలు[మార్చు]