కోరుకొండ సైనిక పాఠశాల

సైనిక పాఠశాల, కోరుకొండ
సైనిక పాఠశాల, కోరుకొండ
	పాఠశాల ప్రధాన ద్వారము
స్థానం
	కోరుకొండ, విజయనగరం జిల్లా, ఆంధ్రప్రదేశ్; భారతదేశం
సమాచారం
రకం	పబ్లిక్ స్కూలు; భారత రక్షణ శాఖచే నడుపబడుతున్నది
Motto	Ever Loyal
స్థాపన	18 జనవరి 1962
స్థాపకులు	Cdr. ఆల్మెడా (మొదటి ప్రధానాచార్యులు)
President	Vice Admiral A K Chopra
పాఠశాల అధిపతి	Lt Col M Ashok Babu
తరగతులు	తరగతులు 6 - 12
Gender	బాలురు
వయస్సు	10 to 18
విద్యార్ధుల సంఖ్య	525
Campus size	206-ఎకరం (0.83 కి.మీ2)
Campus type	Fully Residential,and for Boys only
Colour(s)	Grey and Maroon
పరీక్షల బోర్డు	CBSE
పూర్వ విద్యార్థులు	Saikorian Aulmni Association Official website
గదులు	మౌర్య,కాకతీయ,పల్లవ,పాండ్య,చాళుక్య,గుప్త, గజపతి
Website	School Official website

కోరుకొండ సైనిక పాఠశాల (కోరుకొండ సైనిక్ స్కూల్) ఆంధ్రప్రదేశ్, విజయనగరం జిల్లా, విజయనగరం మండలంలోని కోరుకొండ గ్రామంలో వున్నది. ఇది దేశంలో తొలిగా ప్రారంభించబడిన సైనిక పాఠశాలలలో ఒకటి.

చరిత్ర

కోరుకొండ ప్యాలెస్ ను 1911 వ సంవత్సరంలో పూసపాటి చిట్టిబాబు విజయరామ గజపతిరాజు నిర్మించాడు. విద్యార్థుల కొరకు ఒక ప్రత్యేక పాఠశాల నిర్మిస్తే బాగుంటుందన్న ఆలోచన తొలి ప్రధాని జవహర్ లాల్ నెహ్రూకి కలిగింది. ఆ బాధ్యతను అప్పటి రక్షణ మంత్రి వి. కె. కృష్ణ మేనన్ పైన పెట్టాడు. అవిధంగా దేశవ్యాప్తంగా సైనిక పాఠశాలలు ప్రారంభమైనాయి.

ఆంధ్ర ప్రదేశ్లో సరైన ప్రాంగణం కొరకు అన్వేషణ మొదలైంది. విద్యాధికుడైన డా: పూసపాటి వెంకట గజపతిరాజుకి ఆ సంగతి తెలిసింది. విజయనగరానికి పదకొండు కిలోమీటర్ల దూరంలో వున్న తమ కోరుకొండ ప్యాలెస్ ను పాఠశాల కొరకు ఇవ్వడానికి ఆయన ముందుకొచ్చారు. 1961 సెప్టెంబరు 19 న ఆ అందమైన భవంతితో పాటు 206 ఎకరాల భూమిని కూడా దానంగా ఇచ్చేశాడు. 1961-62 వ సంవత్సరంలో ఆ పాఠశాల ప్రారంభమైంది. రక్షణ శాఖ ఆధ్వర్యంలో సైనిక పాఠశాలల సొసైటి పర్వవేక్షణ బాధ్యతలు చూస్తుంది. ప్రస్తుతం దేశ వ్యాప్తంగా 24 సైనిక పాఠశాలలు ఉన్నాయి.

ప్రవేశ పద్ధతి

ఇక్కడ చేరడానికి ప్రవేశ పరీక్షలో ఉత్తీర్ణ సాధించాలి. ఇక్కడ ఆరవ తరగతి నుండి పన్నెండవ తరగతి వరకు భోదిస్తారు. బాలురకు మాత్రమే ప్రవేశం. ప్రతి సంవత్సరం ఫిబ్రవరి నెల మూడో ఆదివారం 6, 9 తరగతులకు ప్రవేశ పరీక్షలు నిర్వహిస్తారు. ఈ పరీక్షలు మన రాష్ట్రంలో అనంతపురం, ఏలూరు, గుంటూరు, తిరుపతి, హైదరాబాద్, విజయనగరం కేంద్రాల్లో నిర్వహిస్తారు.

ఆరవ తరగతి ప్రవేశ పరీక్షకు మూడు పేపర్లుంటాయి. గణిత పరీక్షకు 100 మార్కులు 90 నిమిషాల్లో రాయాలి. భాషాసామర్ధ్య పరీక్షకు 100 మార్కులు 45 నిమిషాల్లో రాయాలి. అలాగే ఇంటలిజెంస్ పరీక్షలో మూడు విభాగాలకు 100 మార్కులుంటాయి. ఇవిగాక మౌఖిక పరీక్ష కూడా ఉంటుంది.

తొమ్మిదవ తరగతి పరీక్షకు నాలుగు పేపర్లు రాయాలి. గణితానికి 200 మార్కులు - 120 నిమిషాల వ్యవధి; సామాన్య జ్ఞానానికి 75 మార్కులు - 45 నిమిషాల వ్యవధి ఉంటుంది. మౌఖిక పరీక్షకూడా నిర్వహిస్తారు.

ఆరవ తరగతి పరీక్షను ఇంగ్లీషులోగాని, గుర్తించిన ఏ భారతీయ భాషలోగాని రాయవచ్చు. కానీ తొమ్మిదవ తరగతి పరీక్షలో ప్రశ్నాపత్రాలు ఇంగ్లీషులోనే వుంటాయి. సమాధానాలు ఇంగ్లీషులోగాని, గుర్తించిన ఏ భారతీయ భాషలోగాని రాయవచ్చును.