గొడవర్రు (కంకిపాడు మండలం)

గొడవర్రు (కంకిపాడు మండలం)
—  రెవిన్యూ గ్రామం  —
రాష్ట్రం	ఆంధ్రప్రదేశ్
జిల్లా	కృష్ణా
మండలం	కంకిపాడు
ప్రభుత్వము
- సర్పంచి	శ్రీ కోనేరు భాను ప్రసాద్
జనాభా (2011)
- మొత్తం	3,457
- పురుషులు	1,671
- స్త్రీలు	1,786
- గృహాల సంఖ్య	1,008
పిన్ కోడ్	521151
ఎస్.టి.డి కోడ్	08676

గొడవర్రు కృష్ణా జిల్లా, కంకిపాడు మండలానికి చెందిన గ్రామము. పిన్ కోడ్ నం. 521 151., యస్.టీ.డీ. కోడ్ = 0866.

గ్రామ భౌగోళికం

సముద్రమట్టానికి 24 మీ. ఎత్తు Time zone: IST (UTC+5:30

సమీప గ్రామాలు

ఈ గ్రామానికి సమీపంలో గొల్లగూడెం, గోసాల, ప్రొద్దుటూరు, చినపులిపాక, రొయ్యూరు గ్రామాలు ఉన్నాయి.

సమీప మండలాలు

పెనమలూరు, తోట్లవల్లూరు, వుయ్యూరు, గన్నవరం,విజయవాడ

గ్రామానికి రవాణా సౌకర్యం

కంకిపాడు, మానికొండ, పెనమలూరు నుండి రోడ్దురవాణా సౌకర్యం ఉంది. రైల్వేస్టేషన్: విజయవాడ 20 కి.మీ

గ్రామంలోని విద్యా సౌకర్యాలు

1. జిల్లా పరిషత్తు ఉన్నత పాఠశాల:- ఈ పాఠశాలలో 1989-90 లో పదవ తరగతి చదివిన విద్యార్థులు, 2016,మే-8వ తేదీ ఆదివారంనాడు, కుటుంబాలతో సహా, పాఠశాల ఆవరణలో కలుసుకొని తమ చిన్ననాటి అనుభవాలను నెమరువేసుకున్నారు. ఈ సందర్భంగా పాఠశాల విద్యార్థుల ఉపయోగార్ధం, 24 బెంచీలనూ మరియు రెండు బీరువాలను వితరణగా అందజేసినారు. [7]
2. ఆర్.సి.ఎం.పాఠశాల.

గ్రామములోని మౌలిక సదుపాయాలు

శుద్ధజల కేంద్రం

గొడవర్రుకు చెందిన శ్రీ వెల్లంకి రవిబాబు (ఆదర్శ రైతు), రాణీ విజయలక్ష్మి దంపతులు కర్నాటక రాష్ట్రంలో వ్యవసాయదారులుగా స్థిరపడినారు. అయినా తన స్వగ్రామంపై మక్కువతో, ఈ గ్రామాభివృద్ధి కోసం, 5.20 లక్షల రూపాయల విరాళం ప్రకటించారు. మిగతా 2.3 లక్షలు గ్రామస్థుల వాటాగా అందించగా, మొత్తం ఏడున్నర లక్షల రూపాయలతో, గ్రామంలో శుద్ధజల కేంద్రం ఏర్పాటుకు, 2017,ఫిబ్రవరి-18న శంకుస్థాపన నిర్వహించారు. ఈ శుద్ధజల కేంద్రాన్ని దాత శ్రీ రవిబాబు అమ్మమ్మ కీ.శే.యలమంచిలి రత్తమ్మ మరియు తాత కీ.శే.కోటయ్యల స్మారక చిహ్నంగా నిర్మించుచున్నారు. [8]

అంగనవాడీ కేంద్రం

ఈ గ్రామములో 2 అంగనవాడీ కేంద్రాలు ఉన్నవి.

గ్రామ పంచాయతీ

2013 జూలైలో ఈ గ్రామ పంచాయతీకి జరిగిన ఎన్నికలలో శ్రీ కోనేరు భాను ప్రసాద్ సర్పంచిగా గెలుపొందారు. [2]

గ్రామంలోని దర్శనీయ ప్రదేశములు/దేవాలయాలు

1. శ్రీ గంగా పార్వతీ సమేత సోమేశ్వర స్వామి ఆలయం:- ఈ ఆలయంలో మహాశివరాత్రి ఉత్సవాలు వైభవంగా నిర్వహించెదరు. మరుసటి రోజు అన్నదానం నిర్వహించెదరు. [3]
2. శ్రీ వేణుగోపాలస్వామివారి ఆలయం.
3. శ్రీ అంకమ్మ తల్లి దేవర ఆలయం:- మాదువారి ఇలవేలుపు అయిన ఈ అమ్మవారి వార్షిక ఉత్సవాలు, 2015,మే నెల-22వ తేదీ శుక్రవారంనుండి, 24వ తేదీ ఆదివారం వరకు నిర్వహించెదరు. ఈ ఉత్సవాలలో గ్రామస్థులు, భక్తులు, మాదువారి కుటుంబీకులు, అధికసంఖ్యలో పాల్గొంటారు. తొలిరోజున అమ్మవారి విగ్రహాన్ని నదీపాయలోనికి తీసికొనివెళ్ళి, పుణ్యస్నానమాచరింపజేయుదురు. [5]

గ్రామంలో ప్రధాన పంటలు

వరి, అపరాలు, కూరగాయలు

గ్రామంలో ప్రధాన వృత్తులు

వ్యవసాయం

గ్రామములోని ప్రముఖులు (నాడు/నేడు)

రాష్ట్ర నాయకులు, లోక్ సత్తా పార్టీ వ్యవస్థాపకుడు శ్రీ జయప్రకాశ్ నారాయణ గారిది ఈ ప్రాంతమే.

గ్రామ విశేషాలు

1. ఈ గ్రామానికి చెందిన రైతు శ్రీ వై.మధుసూదనరావు, గత సంవత్సరంలో అందరికంటే ఎక్కువగా ఎకరానికి 70.40 టన్నుల చెరకుపండించి, రికార్డు సృష్టించి, ఉయ్యూరు పంచదార కర్మాగారంవారి నుండి బంగారు పతకం అందుకున్నారు. [4]
2. మదర్ థెరెస్సా స్వచ్ఛంద సేవా సంస్థ:- గొడవర్రు కేంద్రంగా సేవలందిస్తున్న ఈ సంస్థ కార్యదర్శి శ్రీ తాడితోటి నరసింహారావుకు రాష్ట్రస్థాయి పురస్కారం లభించింది. 2015,సెప్టెంబరు-8వ తెదీనాడు ప్రపంచ అక్షరాస్యతా దినోత్సవం సందర్భంగా తిరుపతిలో నిర్వహించిన దక్షిణభారతదేశ ప్రభుత్వేతర స్వచ్ఛందసేవాసంస్థల సమావేశంలో, వీరు ఈ పురస్కారాన్ని అందుకున్నారు. ఆ సంఘ జాతీయ అధ్యక్షురాలు శ్రీమతి సాదినేని యామిని మరియు ప్రధాన కార్యదర్శి శ్రీ బి.దాసు మరియు తిరుపతి పట్టణాభివృద్ధి సంస్థ అధ్యక్షులు మణినాయుడు చేతుల మీదుగా వీరు ఈ పురస్కారాన్ని అందుకున్నారు. [6]

గణాంకాలు

జనాభా (2011) - మొత్తం 3,457 - పురుషుల సంఖ్య 1,671 - స్త్రీల సంఖ్య 1,786 - గృహాల సంఖ్య 1,008

2001 వ.సంవత్సరం జనాభా లెక్కల ప్రకారం గ్రామ జనాభా 3663. ఇందులో పురుషుల సంఖ్య 1813, స్త్రీల సంఖ్య 1850, గ్రామంలో నివాసగృహాలు 958 ఉన్నాయి. గ్రామ విస్తీర్ణం 964 హెక్టారులు.

బయటి లింకులు

[2] ఈనాడు విజయవాడ/పెనమలూరు; 2013,ఆగస్టు-1. [3] ఈనాడు విజయవాడ/పెనమలూరు; 2013,సెప్టెంబరు-9; 1వపేజీ. [4] ఈనాడు విజయవాడ/పెనమలూరు; 2013,అక్టోబరు-27; 1వపేజీ. [5] ఈనాడు అమరావతి; 2015,మే-23; 22వపేజీ. [6] ఈనాడు అమరావతి; 2015,సెప్టెంబరు-11; 31వపేజీ. [7] ఈనాడు అమరావతి/పెనమలూరు; 2016,మే-9; 2వపేజీ. [8] ఈనాడు అమరావతి/పెనమలూరు; 2017,ఫిబ్రవరి-18; 1వపేజీ.