ధర్‌పల్లి జగన్నాథస్వామి దేవాలయం

ధర్‌పల్లి జగన్నాథస్వామి దేవాలయం
స్థానం
దేశం:	భారతదేశం
రాష్ట్రం:	తెలంగాణ
జిల్లా:	నిజామాబాద్ జిల్లా
ప్రదేశం:	ధర్‌పల్లి, ధర్‌పల్లి మండలం
నిర్మాణశైలి, సంస్కృతి
ప్రధానదైవం:	జగన్నాథస్వామి
ప్రధాన పండుగలు:	బ్రహ్మోత్సవాలు
నిర్మాణ శైలి:	దక్షిణ భారతదేశం

ధర్‌పల్లి జగన్నాథస్వామి దేవాలయం అనేది తెలంగాణ రాష్ట్రం, నిజామాబాద్ జిల్లా, ధర్‌పల్లి మండలంలోని ధర్‌పల్లి గ్రామంలో ఉన్న దేవాలయం.

చరిత్ర

శ్రీకృష్ణుడు త్రేతాయుగకాలంలో ఉత్తర భారతదేశం నుండి దక్షిణ భారతదేశ పర్యటన నేపథ్యంలో దారిమధ్యలో ఆగిన పల్లెనే దారిలోనిపల్లెగా పేరుగాంచి, ఆ తరువాతికాలంలో అది ధర్‌పల్లిగా ప్రసిద్ధిగాంచిందని ప్రతీతి. శ్రీకృష్ణుడు ఈ గ్రామాన్ని సందర్శించడానికి నిదర్శనంగా పురాతన కాలంలో చిన్న గుడి నిర్మించబడింది. అయితే ఆ పురాతన గుడి కూలీపోవడంతో దాని పక్కనే ఉన్న రెండు పెద్దరాళ్ళ మధ్యన చిన్నపాటి దేవాలయం నిర్మించి మూలవిరాట్టు విగ్రహాలను అందులో ఉంచారు. రానురాను ఆ దేవాలయం కూడా శిథిమైపోయింది. దేవాలయంలోని రాతి స్తంభం మీద దేవాలయ చరిత్ర ఉంది.

నూతన దేవాలయ నిర్మాణం

2007లోనే జగన్నాథ దేవాలయ పునర్నిర్మాణం కోసం 5 లక్షల రూపాయల వరకు చందాలు వచ్చాయి. తెలంగాణ రాష్ట్ర దేవాదాయ శాఖ 20 లక్షల రూపాయలు అందించడంతో నూతన దేవాలయం నిర్మించడింది. ఆ తరువాత శాస్ర్తోక్తంగా దేవాలయం ప్రారంభించబడింది.