గొడవర్రు (కంకిపాడు మండలం)
గొడవర్రు (కంకిపాడు మండలం) | |
|---|---|
 | |
.svg)  గొడవర్రు (కంకిపాడు మండలం) | |
| అక్షాంశ రేఖాంశాలు: 16°25′9.948″N 80°45′29.412″E / 16.41943000°N 80.75817000°E | |
| దేశం | భారతదేశం |
| రాష్ట్రం | ఆంధ్రప్రదేశ్ |
| జిల్లా | కృష్ణా |
| మండలం | కంకిపాడు |
| విస్తీర్ణం | 9.64 కి.మీ2 (3.72 చ. మై) |
| జనాభా (2011) | 3,457 |
| • జనసాంద్రత | 360/కి.మీ2 (930/చ. మై.) |
| అదనపు జనాభాగణాంకాలు | |
| • పురుషులు | 1,671 |
| • స్త్రీలు | 1,786 |
| • లింగ నిష్పత్తి | 1,069 |
| • నివాసాలు | 1,008 |
| ప్రాంతపు కోడ్ | +91 ( ) |
| పిన్‌కోడ్ | 521151 |
| 2011 జనగణన కోడ్ | 589494 |
గొడవర్రు (గొడవఱ్ఱు) కృష్ణా జిల్లా, కంకిపాడు మండలానికి చెందిన గ్రామం. ఇది మండల కేంద్రమైన కంకిపాడు నుండి 2 కి. మీ. దూరం లోను, సమీప పట్టణమైన విజయవాడ నుండి 18 కి. మీ. దూరంలోనూ ఉంది. 2011 భారత జనగణన గణాంకాల ప్రకారం ఈ గ్రామం 1008 ఇళ్లతో, 3457 జనాభాతో 964 హెక్టార్లలో విస్తరించి ఉంది. గ్రామంలో మగవారి సంఖ్య 1671, ఆడవారి సంఖ్య 1786. షెడ్యూల్డ్ కులాల సంఖ్య 1382 కాగా షెడ్యూల్డ్ తెగల సంఖ్య 108. గ్రామ జనగణన లొకేషన్ కోడ్ 589494[2]. సముద్రమట్టానికి 24 మీ. ఎత్తులో ఉంది. కంకిపాడు, మానికొండ, పెనమలూరు నుండి రోడ్దురవాణా సౌకర్యం ఉంది. రైల్వేస్టేషన్: విజయవాడ 20 కి.మీ.దూరంలో ఉంది.
సమీప గ్రామాలు
[మార్చు]ఈ గ్రామానికి సమీపంలో గొల్లగూడెం, గోసాల, ప్రొద్దుటూరు, చినపులిపాక, రొయ్యూరు గ్రామాలు ఉన్నాయి.
విద్యా సౌకర్యాలు
[మార్చు]గ్రామంలో ప్రభుత్వ ప్రాథమిక పాఠశాలలు మూడు, ప్రభుత్వ ప్రాథమికోన్నత పాఠశాల ఒకటి, ప్రభుత్వ మాధ్యమిక పాఠశాల ఒకటి ఉన్నాయి.సమీప బాలబడి కంకిపాడులో ఉంది.సమీప జూనియర్ కళాశాల ప్రొద్దుటూరులోను, ప్రభుత్వ ఆర్ట్స్ / సైన్స్ డిగ్రీ కళాశాల విజయవాడలోనూ ఉన్నాయి. సమీప వైద్య కళాశాల, మేనేజిమెంటు కళాశాల, పాలీటెక్నిక్ విజయవాడలో ఉన్నాయి.సమీప వృత్తి విద్యా శిక్షణ పాఠశాల వుయ్యూరులోను, అనియత విద్యా కేంద్రం, దివ్యాంగుల ప్రత్యేక పాఠశాలలు విజయవాడలోనూ ఉన్నాయి.
జిల్లా పరిషత్తు ఉన్నత పాఠశాల
[మార్చు]ఈ పాఠశాలలో 1989-90 లో పదవ తరగతి చదివిన విద్యార్థులు, 2016,మే-8వ తేదీ ఆదివారం నాడు, కుటుంబాలతో సహా, పాఠశాల ఆవరణలో కలుసుకొని తమ చిన్ననాటి అనుభవాలను నెమరువేసుకున్నారు. ఈ సందర్భంగా పాఠశాల విద్యార్థుల ఉపయోగార్ధం, 24 బెంచీలనూ, రెండు బీరువాలను వితరణగా అందజేసినారు. [7]
వైద్య సౌకర్యం
[మార్చు]ప్రభుత్వ వైద్య సౌకర్యం
[మార్చు]గొడవర్రులో ఉన్న ఒక ప్రాథమిక ఆరోగ్య ఉప కేంద్రంలో డాక్టర్లు లేరు. ఇద్దరు పారామెడికల్ సిబ్బంది ఉన్నారు. ఒక పశు వైద్యశాలలో ఒక డాక్టరు, ఒకరు పారామెడికల్ సిబ్బందీ ఉన్నారు.
సమీప సామాజిక ఆరోగ్య కేంద్రం, ప్రాథమిక ఆరోగ్య కేంద్రం గ్రామం నుండి 5 కి.మీ. లోపు దూరంలో ఉన్నాయి. సంచార వైద్య శాల గ్రామం నుండి 5 నుండి 10 కి.మీ. దూరంలో ఉంది. మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, డిస్పెన్సరీ, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.
ప్రైవేటు వైద్య సౌకర్యం
[మార్చు]గ్రామంలో2 ప్రైవేటు వైద్య సౌకర్యాలున్నాయి. ఎమ్బీబీయెస్ కాకుండా ఇతర డిగ్రీలు చదివిన డాక్టరు ఒకరు, డిగ్రీ లేని డాక్టరు ఒకరు ఉన్నారు. ఒక మందుల దుకాణం ఉంది.
తాగు నీరు
[మార్చు]గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది.
పారిశుధ్యం
[మార్చు]మురుగునీరు బహిరంగ కాలువల ద్వారా ప్రవహిస్తుంది. మురుగునీరు బహిరంగంగా, కచ్చా కాలువల ద్వారా కూడా ప్రవహిస్తుంది. మురుగునీటిని నేరుగా జలవనరుల్లోకి వదులుతున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.
సమాచార, రవాణా సౌకర్యాలు
[మార్చు]గొడవర్రులో సబ్ పోస్టాఫీసు సౌకర్యం ఉంది. పోస్టాఫీసు సౌకర్యం, పోస్ట్ అండ్ టెలిగ్రాఫ్ ఆఫీసు గ్రామం నుండి 10 కి.మీ.కి పైబడిన దూరంలో ఉన్నాయి. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్ మొదలైన సౌకర్యాలు ఉన్నాయి. ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ గ్రామం నుండి 10 కి.మీ.కి పైబడిన దూరంలో ఉన్నాయి.
గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. ప్రైవేటు బస్సు సౌకర్యం, రైల్వే స్టేషన్, ట్రాక్టరు సౌకర్యం మొదలైనవి గ్రామం నుండి 10 కి.మీ.కి పైబడిన దూరంలో ఉన్నాయి.
జాతీయ రహదారి, రాష్ట్ర రహదారి, ప్రధాన జిల్లా రహదారి, జిల్లా రహదారి గ్రామం నుండి 5 కి.మీ. లోపు దూరంలో ఉన్నాయి. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి.
మార్కెటింగు, బ్యాంకింగు
[మార్చు]గ్రామంలో వ్యవసాయ పరపతి సంఘం ఉంది. గ్రామంలో స్వయం సహాయక బృందం, పౌర సరఫరాల కేంద్రం ఉన్నాయి. ఏటీఎమ్, వాణిజ్య బ్యాంకు, సహకార బ్యాంకు గ్రామం నుండి 5 కి.మీ. లోపు దూరంలో ఉన్నాయి. రోజువారీ మార్కెట్, వారం వారం సంత, వ్యవసాయ మార్కెటింగ్ సొసైటీ గ్రామం నుండి 5 కి.మీ. లోపు దూరంలో ఉన్నాయి.
ఆరోగ్యం, పోషణ, వినోద సౌకర్యాలు
[మార్చు]గ్రామంలో అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ కేంద్రం, జనన మరణాల నమోదు కార్యాలయం ఉన్నాయి. సమీకృత బాలల అభివృద్ధి పథకం గ్రామం నుండి 5 కి.మీ. లోపు దూరంలో ఉంది. సినిమా హాలు, గ్రంథాలయం, పబ్లిక్ రీడింగ్ రూం గ్రామం నుండి 5 కి.మీ.లోపు దూరంలో ఉన్నాయి. ఆటల మైదానం గ్రామం నుండి 10 కి.మీ.కి పైబడిన దూరంలో ఉంది.
విద్యుత్తు
[మార్చు]గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 15 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.
భూమి వినియోగం
[మార్చు]గొడవర్రులో భూ వినియోగం కింది విధంగా ఉంది:
- వ్యవసాయేతర వినియోగంలో ఉన్న భూమి: 99 హెక్టార్లు
- తోటలు మొదలైనవి సాగవుతున్న భూమి: 2 హెక్టార్లు
- నికరంగా విత్తిన భూమి: 861 హెక్టార్లు
- నీటి సౌకర్యం లేని భూమి: 1 హెక్టార్లు
- వివిధ వనరుల నుండి సాగునీరు లభిస్తున్న భూమి: 860 హెక్టార్లు
నీటిపారుదల సౌకర్యాలు
[మార్చు]గొడవర్రులో వ్యవసాయానికి నీటి సరఫరా కింది వనరుల ద్వారా జరుగుతోంది.
- కాలువలు: 759 హెక్టార్లు
- బావులు/బోరు బావులు: 100 హెక్టార్లు
ఉత్పత్తి
[మార్చు]గొడవర్రులో ఈ కింది వస్తువులు ఉత్పత్తి అవుతున్నాయి.
ప్రధాన పంటలు
[మార్చు]పారిశ్రామిక ఉత్పత్తులు
[మార్చు]బియ్యం
గ్రామ పంచాయతీ
[మార్చు]2021 ఫిబ్రవరిలో ఈ గ్రామ పంచాయతీకి జరిగిన ఎన్నికలలో మెరుగు చంద్రశేఖర్ సర్పంచిగా గెలుపొందాడు. [2]
మౌలిక సదుపాయాలు
[మార్చు]శుద్ధజల కేంద్రం
[మార్చు]గొడవర్రుకు చెందిన శ్రీ వెల్లంకి రవిబాబు (ఆదర్శ రైతు), రాణీ విజయలక్ష్మి దంపతులు కర్నాటక రాష్ట్రంలో వ్యవసాయదారులుగా స్థిరపడినారు. అయినా తన స్వగ్రామంపై మక్కువతో, ఈ గ్రామాభివృద్ధి కోసం, 5.20 లక్షల రూపాయల విరాళం ప్రకటించారు. మిగతా 2.3 లక్షలు గ్రామస్థుల వాటాగా అందించగా, మొత్తం ఏడున్నర లక్షల రూపాయలతో, గ్రామంలో శుద్ధజల కేంద్రం ఏర్పాటుకు, 2017,ఫిబ్రవరి-18న శంకుస్థాపన నిర్వహించారు. ఈ శుద్ధజల కేంద్రాన్ని దాత శ్రీ రవిబాబు అమ్మమ్మ కీ.శే. యలమంచిలి రత్తమ్మ, తాత కీ.శే. కోటయ్యల స్మారక చిహ్నంగా నిర్మించుచున్నారు. [8]
అంగన వాడీ కేంద్రం
[మార్చు]ఈ గ్రామంలో 2 అంగన వాడీ కేంద్రాలు ఉన్నాయి.
గ్రామంలో ప్రధాన వృత్తులు
[మార్చు]గ్రామంలోని ప్రముఖులు (నాడు/నేడు)
[మార్చు]
- నాగభైరవ జయప్రకాశ్‌ నారాయణ్‌ - రాష్ట్ర నాయకులు, లోక్ సత్తా పార్టీ వ్యవస్థాపకుడు. మాజీ ఐఎఎస్, ప్రముఖ విశ్లేషకుఁడు
మధురకవి, విద్వాన్ దేవరకొండ చిన్నికృష్ణ శర్మ- ఇతను శతజయంతి వేడుకలను పురస్కరించుకొని. 2020, అక్టోబరు-26న గ్రామంలో 15 మంది పండితులు, లోక కళ్యాణార్ధం, వేదాలను పఠించారు. ఈ క్రతువులో కుటుంబ సభ్యులు, పీఠం ప్రతినిధులు, గ్రామస్థులు పాల్గొన్నారు. ఈ సందర్భంగా, వేద పండితులను సత్కరించారు. [10]
దర్శనీయ ప్రదేశములు/దేవాలయాలు
[మార్చు]శ్రీ గంగా పార్వతీ సమేత సోమేశ్వర స్వామి ఆలయం
[మార్చు]ఈ ఆలయంలో ప్రతి సంవత్సరం మహాశివరాత్రి ఉత్సవాలు వైభవంగా నిర్వహించెదరు. మరుసటి రోజు అన్నదానం నిర్వహించెదరు. [3]
శ్రీ వేణుగోపాలస్వామివారి ఆలయం
[మార్చు]శ్రీ అంకమ్మ తల్లి దేవర ఆలయం:
[మార్చు]మాదువారి ఇలవేలుపు అయిన ఈ అమ్మవారి వార్షిక ఉత్సవాలు, 2015,మే నెల-22వ తేదీ శుక్రవారంనుండి, 24వ తేదీ ఆదివారం వరకు నిర్వహించెదరు. ఈ ఉత్సవాలలో గ్రామస్థులు, భక్తులు, మాదువారి కుటుంబీకులు, అధికసంఖ్యలో పాల్గొంటారు. తొలి రోజున అమ్మవారి విగ్రహాన్ని నదీపాయలోనికి తీసికొనివెళ్ళి, పుణ్యస్నానమాచరింపజేయుదురు. [5]
గ్రామ విశేషాలు
[మార్చు]- ఈ గ్రామానికి చెందిన రైతు శ్రీ వై.మధుసూదనరావు, గత సంవత్సరంలో అందరికంటే ఎక్కువగా ఎకరానికి 70.40 టన్నుల చెరకుపండించి, రికార్డు సృష్టించి, ఉయ్యూరు పంచదార కర్మాగారంవారి నుండి బంగారు పతకం అందుకున్నారు. [4]
- మదర్ థెరెస్సా స్వచ్ఛంద సేవా సంస్థ:- గొడవర్రు కేంద్రంగా సేవలందిస్తున్న ఈ సంస్థ కార్యదర్శి శ్రీ తాడితోటి నరసింహారావుకు రాష్ట్రస్థాయి పురస్కారం లభించింది. 2015,సెప్టెంబరు-8వ తెదీనాడు ప్రపంచ అక్షరాస్యతా దినోత్సవం సందర్భంగా తిరుపతిలో నిర్వహించిన దక్షిణభారతదేశ ప్రభుత్వేతర స్వచ్ఛందసేవాసంస్థల సమావేశంలో, వీరు ఈ పురస్కారాన్ని అందుకున్నారు. ఆ సంఘ జాతీయ అధ్యక్షురాలు శ్రీమతి సాదినేని యామిని, ప్రధాన కార్యదర్శి శ్రీ బి.దాసు, తిరుపతి పట్టణాభివృద్ధి సంస్థ అధ్యక్షులు మణినాయుడు చేతుల మీదుగా వీరు ఈ పురస్కారాన్ని అందుకున్నారు. [6]
- గొడవర్రు గ్రామానికి చెందిన శ్రీ వరికూటి రాకేష్అనిల్,చినఓగిరాల ప్రాథమిక ఆరోగ్యకేంద్రంలో విధులు నిర్వహించుచున్నారు. కరోనా కట్టడి,ఉత్తమ వైద్యసేవలకు గుర్తింపుగా ఇటీవల వీరికి జిల్లా కలెక్టర్ శ్రీ ఇంతియాజ్ నుండి పురస్కారం లభించింది. [9]
గణాంకాలు
[మార్చు]2001 వ.సంవత్సరం జనాభా లెక్కల ప్రకారం గ్రామ జనాభా 3663. ఇందులో పురుషుల సంఖ్య 1813, స్త్రీల సంఖ్య 1850, గ్రామంలో నివాస గృహాలు 958 ఉన్నాయి. గ్రామ విస్తీర్ణం 964 హెక్టారులు.
మూలాలు
[మార్చు]- ↑ 2011 ఆంధ్ర ప్రదేశ్ జనగణన డేటా - గ్రామాలు దత్తాంశ సమితి (in ఇంగ్లీష్), భారత రిజిస్ట్రార్ జనరల్, జనగణన కమిషనరు కార్యాలయం, Wikidata Q42501043, archived from the original on 11 July 2017
- ↑ "Office of the Registrar General & Census Commissioner, India - Village amenities of 2011".
వెలుపలి లింకులు
[మార్చు][2] ఈనాడు విజయవాడ/పెనమలూరు;2013,ఆగస్టు-1. [3] ఈనాడు విజయవాడ/పెనమలూరు;2013,సెప్టెంబరు-9;1వపేజీ. [4] ఈనాడు విజయవాడ/పెనమలూరు;2013,అక్టోబరు-27;1వపేజీ. [5] ఈనాడు అమరావతి;2015,మే-23;22వపేజీ. [6] ఈనాడు అమరావతి;2015,సెప్టెంబరు-11;31వపేజీ. [7] ఈనాడు అమరావతి/పెనమలూరు;2016,మే-9;2వపేజీ. [8] ఈనాడు అమరావతి/పెనమలూరు;2017,ఫిబ్రవరి-18;1వపేజీ. [9] ఈనాడు అమరావతి;2020,అక్టోబరు-3,9వపేజీ. [10] ఈనాడు ఆంధ్రప్రదేశ్;2020,అక్టోబరు-27,9వపేజీ.