గోరు

వికీపీడియా నుండి
ఇక్కడికి గెంతు: మార్గసూచీ, వెతుకు
గోరు నిర్మాణము.

గోరు లేదా నఖం (Nails) కాలి మరియు చేతి వేళ్ళకు చివర భాగం నుండి పెరిగే కొమ్ము (Horn) వంటి గట్టి నిర్మాణాలు. గోర్లు కెరటిన్ (Keratin) అనే ప్రోటీన్ తో చేయబడివుంటాయి.

మాతృగర్భంలో ఆకృతి దాల్చుకున్న పిండం 9వ వారంలోనే గోళ్లకు అంకురాలు పడతాయి. 15వ వారానికల్లా గోళ్ల పెరుగుదల ఆరంభమవుతుంది. ఇక అక్కడి నుంచీ జీవితాంతం పెరుగుతూనే ఉంటాయి. కాకపోతే ఈ పెరుగుదల పసిబిడ్డల్లో నెమ్మదిగా మొదలై వయసుతో పాటు క్రమేపీ వేగం పుంజుకుంటుంది. ఈ వేగం 20ల్లో, 30ల్లో అత్యధికంగా ఉంటుంది, 50ల తర్వాత ఒక్కసారిగా నెమ్మదిస్తుంది.

చేతి వేళ్ళు.
  • కాలి గోళ్ల కన్నా చేతిగోళ్లు త్వరగా పెరుగుతాయి. కాలి గోళ్లు నెలకు 1 మిల్లీ మీటరు పెరిగితే చేతిగోళ్లు 3 మిల్లీ మీటర్ల వరకూ పెరగొచ్చు. చేతిగోరు మొదలు నుంచి చివరి వరకూ పెరగటానికి 100-180 రోజులు పడుతుంది, కాలిగోరు 12-18 నెలలు తీసుకుంటుంది.
  • పోషకాహార లోపం, శారీరక వ్యాధులు, కాళ్లూ చేతులకు రక్తనాళ సమస్యల వల్ల గోళ్ల పెరుగుదలలో వేగం తగ్గొచ్చు. క్యాన్సర్‌ మందులతోనూ వేగం తగ్గొచ్చు.
  • గర్భిణులకు, సోరియాసిస్‌ బాధితులకు వేగంగా పెరుగుతాయి.


వ్యాధులు[మార్చు]

కాలి వేళ్ళు.

వ్యాధిని బట్టి గోళ్ల ఆకృతి మారిపోవచ్చు. గోళ్ల మీద గాట్లు పడొచ్చు. లేదా ఉబ్బెత్తు గీతలు (రిడ్జెస్‌) రావచ్చు. చిన్నచిన్న గుంటలు పడొచ్చు. లేదూ గోరు రంగు మారిపోవచ్చు. వీటి ఆధారంగా వ్యాధులను పసిగట్టే అవకాశం ఉంది. గోళ్లు నెమ్మదిగా పెరుగుతుంటాయి కాబట్టి వీటిని చూసి.. ఏదైనా వ్యాధి మనం గుర్తించటానికి పూర్వం ఎంత కాలం నుంచీ ఉందన్నది గ్రహించొచ్చు. గోరు ముక్కను పరీక్షించటం ద్వారా జీవక్రియలకు సంబంధించిన లోపాలు గుర్తించటం, జన్యుపరమైన విశ్లేషణలు చేయటం తేలిక.

  • గోరుచుట్టు : గోరు చుట్టుప్రక్కల చీము పట్టి వాచి బాగా నొప్పి పెట్టే వ్యాధి.
  • సోరియాసిస్‌ బాధితుల్లో 10-15% మందికి గోళ్లు కూడా ప్రభావితమవుతాయి. సాధారణంగా చర్మ సమస్యతో పాటే ఈ గోళ్ల సమస్యా వస్తుందిగానీ కొందరికి కేవలం గోళ్లు మాత్రమే ప్రభావితం కావచ్చు. వీరిలో ప్రధానంగా గోళ్ల మీద చిన్నచిన్న గుంటలు పడతాయి.
"http://te.wikipedia.org/w/index.php?title=గోరు&oldid=1179077" నుండి వెలికితీశారు