Coordinates: 14°23′05″N 79°44′00″E / 14.384740°N 79.733341°E / 14.384740; 79.733341

పొదలకూరు

వికీపీడియా నుండి
Jump to navigation Jump to search
పొదలకూరు
—  రెవెన్యూ గ్రామం  —
పొదలకూరు is located in Andhra Pradesh
పొదలకూరు
పొదలకూరు
అక్షాంశరేఖాంశాలు: 14°23′05″N 79°44′00″E / 14.384740°N 79.733341°E / 14.384740; 79.733341
రాష్ట్రం ఆంధ్రప్రదేశ్
జిల్లా శ్రీ పొట్టి శ్రీరాములు నెల్లూరు జిల్లా
మండలం పొదలకూరు
ప్రభుత్వం
 - సర్పంచి
జనాభా (2011)
 - మొత్తం 16,662
 - పురుషులు 8,225
 - స్త్రీలు 8,437
 - గృహాల సంఖ్య 4,230
పిన్ కోడ్
ఎస్.టి.డి కోడ్

పొదలకూరు ఆంధ్ర ప్రదేశ్ రాష్ట్రం, శ్రీ పొట్టి శ్రీరాములు నెల్లూరు జిల్లాలో ఇదే పేరుతో ఉన్న మండల కేంద్రం.ఇక్కడి నుంచి నెల్లూరు 29 కీ.మీ, సైదాపురం 25 కీ.మీ, రాపూరు 30 కీ.మీ, కలువాయి 40 కీ.మీ. సంగం నుంచి 25 కి.మి.దూరంలో ఉంది2011 భారత జనగణన గణాంకాల ప్రకారం ఈ గ్రామం 4230 ఇళ్లతో, 16662 జనాభాతో 3678 హెక్టార్లలో విస్తరించి ఉంది. గ్రామంలో మగవారి సంఖ్య 8225, ఆడవారి సంఖ్య 8437. షెడ్యూల్డ్ కులాల సంఖ్య 2403 కాగా షెడ్యూల్డ్ తెగల సంఖ్య 1560. గ్రామ జనగణన లొకేషన్ కోడ్ 592063[1].పిన్ కోడ్: 524 345.

గ్రామ పంచాయతీ[మార్చు]

2013 జూలైలో ఈ గ్రామ పంచాయతీకి జరిగిన ఎన్నికలలో తెనాలి నిర్మలమ్మ, సర్పంచిగా ఎన్నికైంది.

పాఠశాలలు[మార్చు]

ఇంకా గ్రామంలో, ఒక ప్రైవేటు బాలబడి ఉంది. ప్రభుత్వ ప్రాథమిక పాఠశాలలు 15, ప్రైవేటు ప్రాథమిక పాఠశాలలు ఆరు, ప్రభుత్వ ప్రాథమికోన్నత పాఠశాల ఒకటి, ప్రైవేటు ప్రాథమికోన్నత పాఠశాలలు ఆరు, ప్రభుత్వ మాధ్యమిక పాఠశాలలు రెండు, ప్రైవేటు మాధ్యమిక పాఠశాలలు నాలుగు ఉన్నాయి. ఒక ప్రభుత్వ జూనియర్ కళాశాల, ఒక ప్రైవేటు ఆర్ట్స్/సైన్స్ డిగ్రీ కళాశాల ఉన్నాయి. ఒక ప్రభుత్వ వృత్తి విద్యా శిక్షణ పాఠశాల ఉంది.సమీప ఇంజనీరింగ్ కళాశాల నెల్లూరులో ఉంది. సమీప వైద్య కళాశాల, మేనేజిమెంటు కళాశాల, పాలీటెక్నిక్ నెల్లూరులో ఉన్నాయి. సమీప అనియత విద్యా కేంద్రం, దివ్యాంగుల ప్రత్యేక పాఠశాల నెల్లూరులో ఉన్నాయి.

ప్రభుత్వ వైద్య సౌకర్యం[మార్చు]

పొదలకూరులో ఉన్న ఒక సామాజిక ఆరోగ్య కేంద్రంలో ముగ్గురు డాక్టర్లు, 9 మంది పారా మెడికల్ సిబ్బందీ ఉన్నారు. ఒక ప్రాథమిక ఆరోగ్య కేంద్రంలో ఇద్దరు డాక్టర్లు, ముగ్గురు పారా మెడికల్ సిబ్బందీ ఉన్నారు. రెండు ప్రాథమిక ఆరోగ్య ఉప కేంద్రాల్లో డాక్టర్లు లేరు. ముగ్గురు పారా మెడికల్ సిబ్బంది ఉన్నారు. ఒక డిస్పెన్సరీలో ఒక డాక్టరు, ఇద్దరు పారా మెడికల్ సిబ్బందీ ఉన్నారు. ఒక పశు వైద్యశాలలో ఒక డాక్టరు, నలుగురు పారా మెడికల్ సిబ్బందీ ఉన్నారు. సంచార వైద్య శాల గ్రామం నుండి 5 కి.మీ. లోపు దూరంలో ఉంది. మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.

ప్రైవేటు వైద్య సౌకర్యం[మార్చు]

గ్రామంలో 14 ప్రైవేటు వైద్య సౌకర్యాలున్నాయి. ఒక ఎం.బి.బి.ఎస్. డాక్టరు, ఎం.బి.బి.ఎస్. కాకుండా ఇతర డిగ్రీలు చదివిన డాక్టర్లు ఐదుగురు, డిగ్రీ లేని డాక్టర్లు ఆరుగురు, ఇద్దరు నాటు వైద్యులు ఉన్నారు. 12 మందుల దుకాణాలు ఉన్నాయి.

తాగు నీరు[మార్చు]

గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. బావుల నీరు కూడా అందుబాటులో ఉంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది.

పారిశుధ్యం[మార్చు]

గ్రామంలో భూగర్భ మురుగు నీటి వ్యవస్థ ఉంది. మురుగు నీరు బహిరంగ కాలువల ద్వారా కూడా ప్రవహిస్తుంది. మురుగునీరు బహిరంగంగా, కచ్చా కాలువల ద్వారా కూడా ప్రవహిస్తుంది. మురుగు నీటిని శుద్ధి ప్లాంట్‌లోకి పంపిస్తున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు.

సమాచార, రవాణా సౌకర్యాలు[మార్చు]

పొదలకూరులో పోస్టాఫీసు సౌకర్యం, సబ్ పోస్టాఫీసు సౌకర్యం ఉన్నాయి. పోస్ట్ అండ్ టెలిగ్రాఫ్ ఆఫీసు గ్రామం నుండి 10 కి.మీ.కి పైబడిన దూరంలో ఉంది. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్, ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ మొదలైన సౌకర్యాలు ఉన్నాయి. గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులుప్రైవేటు బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. రైల్వే స్టేషన్ గ్రామం నుండి 10 కి.మీ.కి పైబడిన దూరంలో ఉంది. రాష్ట్ర రహదారి, ప్రధాన జిల్లా రహదారి, జిల్లా రహదారి గ్రామం గుండా పోతున్నాయి. జాతీయ రహదారి గ్రామం నుండి 10 కి.మీ.కి పైబడిన దూరంలో ఉంది. గ్రామంలో తారు రోడ్లు, కంకర రోడ్లు, మట్టి రోడ్లూ ఉన్నాయి.

మార్కెటింగు, బ్యాంకింగు[మార్చు]

గ్రామంలో ఏటీఎమ్, వాణిజ్య బ్యాంకు, సహకార బ్యాంకు, వ్యవసాయ పరపతి సంఘం ఉన్నాయి. గ్రామంలో స్వయం సహాయక బృందం, పౌర సరఫరాల కేంద్రం, వారం వారం సంత ఉన్నాయి. రోజువారీ మార్కెట్, వ్యవసాయ మార్కెటింగ్ సొసైటీ గ్రామం నుండి 10 కి.మీ.కి పైబడిన దూరంలో ఉన్నాయి.

ఆరోగ్యం, పోషణ, వినోద సౌకర్యాలు[మార్చు]

గ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో సినిమా హాలు, గ్రంథాలయం, పబ్లిక్ రీడింగ్ రూం ఉన్నాయి. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ కేంద్రం, జనన మరణాల నమోదు కార్యాలయం ఉన్నాయి. ఆటల మైదానం గ్రామం నుండి 10 కి.మీ.కి పైబడిన దూరంలో ఉంది.

విద్యుత్తు[మార్చు]

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 10 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.

భూమి వినియోగం[మార్చు]

పొదలకూరులో భూ వినియోగం కింది విధంగా ఉంది:

  • అడవి: 868 హెక్టార్లు
  • వ్యవసాయేతర వినియోగంలో ఉన్న భూమి: 613 హెక్టార్లు
  • వ్యవసాయం సాగని, బంజరు భూమి: 140 హెక్టార్లు
  • శాశ్వత పచ్చిక ప్రాంతాలు, ఇతర మేత భూమి: 71 హెక్టార్లు
  • తోటలు మొదలైనవి సాగవుతున్న భూమి: 128 హెక్టార్లు
  • వ్యవసాయం చేయదగ్గ బంజరు భూమి: 632 హెక్టార్లు
  • సాగులో లేని భూముల్లో బీడు భూములు కానివి: 552 హెక్టార్లు
  • బంజరు భూమి: 252 హెక్టార్లు
  • నికరంగా విత్తిన భూమి: 420 హెక్టార్లు
  • నీటి సౌకర్యం లేని భూమి: 1049 హెక్టార్లు
  • వివిధ వనరుల నుండి సాగునీరు లభిస్తున్న భూమి: 175 హెక్టార్లు

నీటిపారుదల సౌకర్యాలు[మార్చు]

పొదలకూరులో వ్యవసాయానికి నీటి సరఫరా కింది వనరుల ద్వారా జరుగుతోంది.

  • బావులు/బోరు బావులు: 175 హెక్టార్లు

ఉత్పత్తి[మార్చు]

పొదలకూరులో ఈ కింది వస్తువులు ఉత్పత్తి అవుతున్నాయి.

ప్రధాన పంటలు[మార్చు]

వరి, మినుము

దర్శనీయ ప్రదేశాల/దేవాలయాలు[మార్చు]

శ్రీ కామాక్షీతాయి సమేత రామలింగేశ్వరస్వామివారి దేవాలయం[మార్చు]

16వ శతాబ్దంలో చోళరాజుల కాలంలో నిర్మించబడిన ఈ దేవాలయంలో, మహాశివరాత్రి ఉత్సవాలు, శివరాత్రి ముందురోజున ప్రారంభమగును. ఆ రోజు అంకురార్పణ, ధ్వజారోహణ, రావణసేవతో కార్యక్రమాలు మొదలగును. శివరాత్రి రోజు నందిసేవ, మహాశివరాత్రి మహాన్యాసపూర్వక ఏకాదశ రుద్రాభిషేకాలు నిర్వహిస్తారు. ఈ ఆలయం పూర్తిగా శిథిలమైంది. రు. ఒక కోటి అంచనా వ్యయంతో పునర్నిర్మాణానికి ఏర్పాట్లు చేస్తున్నారు. దేవాదాయశాఖవారే గాక, దాతలు, భక్తుల నుండి గూడా నిధులు సమకూర్చుకొనడానికి ప్రయత్నాలు చేస్తున్నారు.

శ్రీరామ మందిరం[మార్చు]

పొదలకూరు పట్టణం నడి బొడ్డున ఉన్న రామమందిరం వద్ద, ఎన్నో సంవత్సరాలుగా శ్రీరామనవమి ఉత్సవాలు నిర్వహించుచున్నారు. ఈ ఉత్సవాలు శ్రీ సీతారాముల కళ్యాణం, అత్యంత వైభవంగా నిర్వహించారు. అనంతరం భక్తులకు, ఉచిత అన్నదాన కార్యక్రమం నిర్వహించారు. ఈ కార్యక్రమాలకు, పొదలకూరు పట్టణ ప్రజలే గాక, చుట్టు ప్రక్కల గ్రామాల నుండి గూడా, ప్రజలు భారీ సంఖ్యలో పాల్గొన్నారు.

శ్రీ లక్ష్మీవెంకటేశ్వరస్వామివారి ఆలయం[మార్చు]

పొదలకూరు పట్టణంలోని శ్రీనివాస నగర్‌లోని ఈ అలయాన్ని, దాతలు, భక్తులు, గ్రామస్థుల ఆర్థిక సహకారంతో, రెండున్నర కోట్ల రూపాయల అంచనా వ్యయంతో, నిర్మించుచున్నారు. ఈ ఆలయంలో ప్రతిష్ఠించుటకై, ఏడు లక్షల రూపాయల వ్యయంతో, 40 అడుగుల పొడవు ఉన్న నూతన ధ్యజ స్తంభాన్ని చెన్నై నుండి తీసికొని వచ్చారు.

శ్రీ వీరాంజనేయస్వామివారి ఆలయం[మార్చు]

పొదలకూరు మారుతి నగరులో వెలసిన ఈ ఆలయంలో, ప్రతి సంవత్సరం హనుమజ్జయంతి వేడుకలు (మే నెలలో) వైభవంగా నిర్వహించెదరు. స్వామివారికి ఆకుపూజ, హోమాలు, భజనలు నిర్వహించెదరు. అర్చకులు సహస్రనామార్చన, రుద్రాభిషేకాలు, లక్ష తమలపాకు అర్చనలు మొదలైనవి వేడుకగా నిర్వహించెదరు. అనంతరం భక్తులకు అన్నదానం నిర్వహించెదరు. సాయంత్రం పలు సాంస్కృతిక కార్యక్రమాలు నిర్వహించెదరు. రాత్రికి స్వామివారి గ్రామోత్సవం నిర్వహించెదరు.

గంగమ్మ దేవాలయం[మార్చు]

పొదలకూరులోని శివాలయం వీధిలో, ఈ దేవాలయం ప్రస్తుతం నిర్మాణంలో ఉంది. పొదలకూరులోని శివాలయం వీధిలో ఒకే ప్రాంగణంలో శివాలయం, వెంకయ్యస్వామి ఆలయం, అయ్యప్పస్వామి ఆలయం, పోలేరమ్మ ఆలయం, సిద్ధేశ్వరస్వామి ఆలయం ఉండటంతో ఆధ్యాత్మికత ఉట్టిపడుచున్నది.

మూలాలు[మార్చు]

  1. "Office of the Registrar General & Census Commissioner, India - Village amenities of 2011".
"https://te.wikipedia.org/w/index.php?title=పొదలకూరు&oldid=3793336" నుండి వెలికితీశారు