బుచ్చిరెడ్డిపాలెము
బుచ్చిరెడ్డిపాలెం, ఆంధ్ర ప్రదేశ్ రాష్ట్రంలోని శ్రీ పొట్టి శ్రీరాములు నెల్లూరు జిల్లాలో మండల కేంద్రం, గ్రామం. నెల్లూరు నుండి 15 కి.మీ.ల దూరంలో ఉన్న ఈ గ్రామం నెల్లూరు - ముంబైని కలుపుతున్న రాష్ట్ర రహదారి మీద ఉంది. సమీప రైల్వే స్టేషను నెల్లూరులో, ఓడరేవు కృష్ణపట్నం వద్ద, విమానాశ్రయం రేణిగుంటలో ఉన్నాయి.ఇక్కడి ప్రజల ముఖ్య జీవనాధారం వ్యవసాయం, వ్యాపారము. వరి, చెరుకు పండిస్తారు. రొయ్యలు, చేపల పెంపకము (ఆక్వా కల్చర్‌) కూడా చేస్తారు. మండల ప్రజల మనోరంజనం కొరకు మూడు సినిమా థియేటర్లు ఉన్నాయి.
విశేషాలు[మార్చు]
బుచ్చిరెడ్డిపాలెం విస్తారమైన ఆక్వా కల్చర్‌కు ప్రసిద్ధి చెందింది. ప్రఖ్యాత జొన్నవాడ కామాక్షి ఆలయం,, పల్లవుల నాటి కోదండ రామస్వామి ఆలయం ఇక్కడే ఉన్నాయి. బుచ్చిరెడ్డిపాలెం అనేక మంది స్వతంత్ర సమరయోధులు, రాజకీయవేత్తలను దేశానికి అందించింది. ఉత్తర ప్రదేశ్ తొలి గవర్నర్‌గా పనిచేసిన బెజవాడ గోపాలరెడ్డి, ప్రముఖ తెలుగు సినిమా నిర్మాత, దర్శకుడు ఏ.ఎం.రత్నం బుచ్చిరెడ్డిపాలెంనకు చెందిన వారే. అతి దగ్గరలో కనిగిరి రిజర్వాయర్ ఉంది.
గ్రామ పంచాయతీ[మార్చు]
జమీందార్లు, రాజకీయ పెత్తందార్లకు నెలవైన ఈ పంచాయతీ సర్పంచి పదవిని, 72 సంవత్సరాల తరువాత 2013 జూలైలో జరిగిన పంచాయతీ ఎన్నికలలో ఎస్.సి.వర్గానికి లభించింది.1940 లలో బుచ్చి రెడ్డిపాలెం పంచాయతీ ప్రెసిడెంటుగా ఎస్.సి.సామాజిక వర్గానికి చెందిన జూగుంట బోడెయ్య పనిచేసాడు.1940 జూన్ 12 నుండి 1941 ఏప్రిల్-2 వరకు, కేవలం 10 నెలలు ప్రసిడెంటుగా పనిచేశాడు.[1]
విద్యాలయాలు[మార్చు]
- శ్రీ వివేకానంద హైస్కూల్
- డి.ఎల్.యన్.ఆర్.ప్రభుత్వ ఉన్నత పాఠశాల
- విశ్వభారతి విద్యానికేతన్ ఉన్నత పాఠశాల
దేవాలయాలు[మార్చు]
- కోదండ రామస్వామి ఆలయం
- శ్రీ సాధు కామాక్షమ్మ ఆలయం
- సాయిబాబా గుడి
- వినాయకుని గుడి
- కన్యకాపరమేశ్వరి ఆలయం
పండుగలు /తిరునాళ్ళు[మార్చు]
బుచ్చిరెడ్డిపాలెములో జరుపుకొనే ముఖ్యమైన పండుగలు:
- సంక్రాంతి - సూర్యుడు మకరరాశిలో ప్రవేశించినపుడు సంక్రాంతి పండుగను జరుపుకుంటారు. సాధారణంగా ఇది జనవరి 14 న వస్తుంది.
- ఉగాది - తెలుగు నూతన సంవత్సర ప్రారంభ దినమైన చైత్ర శుద్ధ పాడ్యమిని ఉగాదిగా జరుపుకుంటారు. సాధారణంగా ఇది మార్చి/ఏప్రిల్ నెలలలో వస్తుంది.
- వినాయక చవితి - బాధ్రపద శుద్ధ చవితి. ఆగష్టు/సెప్టెంబర్ నెలలలో వస్తుంది.
- దసరా - ఆశ్వయుజ శుద్ధ దశమి. అక్టోబర్ నెలలో వస్తుంది.
- దీపావళి - ఆశ్వయుజ బహుళ అమావాస్య. నవంబర్ నెలలో వస్తుంది .
- శ్రీరామనవమి - చైత్ర శుద్ధ నవమి. మార్చి/ఏప్రిల్ నెలలలో వస్తుంది.
బ్యాంకులు[మార్చు]
- ఆంధ్రాబ్యాంక్
- స్టేట్ బ్యాంక్ ఆఫ్ ఇండియా
- ది వవ్వేరు కో-ఆపరేటివ్ బ్యాంక్
- ది బుచ్చి కో-ఆపరేటివ్ బ్యాంక్
- స్టేట్ బ్యాంక్ ఆఫ్ హైదరాబాద్
- సిండికేట్ బ్యాంక్
ప్రముఖ వ్యక్తులు[మార్చు]
- బెజవాడ రామచంద్రారెడ్డి
- బెజవాడ గోపాలరెడ్డి
- బెజవాడ పాపిరెడ్డి
- నక్కా శ్రీహరి (కొత్త మినగల్లు)
- తిమ్మన హరిక్రిష్ణ
- కర్రా పరశురామయ్య
- ముప్పవరపు వెంకయ్యనాయుడు (భారత ఉప రాష్ట్రపతి)
సినిమాథియేటర్లు[మార్చు]
- జమీల
- రాజ్ కిషోర్
- నాజ్
ఇతర సమాచారం[మార్చు]
- బుచ్చిరెడ్డిపాలెం గ్రామ దేవత :
- బుచ్చిరెడ్డిపాలెం పిన్ కోడ్ : 524305
- బుచ్చిరెడ్డిపాలెం టెలిఫోన్ యస్.టి.డి కోడ్ :08622
- బుచ్చిరెడ్డిపాలెం ఆర్టీసీ, షాట్ కట్ కోడ్ :
వికిమాపియాలో బుచ్చిరెడ్డిపాలెం[మార్చు]
మూలాలు[మార్చు]
బయటి లింకులు[మార్చు]
[1]. ఈనాడు నెల్లూరు; 2013, జూలై-13; 8వ పేజీ.