బి.ఎ.సుబ్బారావు

బి.ఎ.సుబ్బారావు
బి.ఎ.సుబ్బారావు
జననం	బుగట వెంకట సుబ్బారావు; 1915; కాకినాడ
మరణం	మార్చి 13, 1987
వృత్తి	దర్శకుడు, నిర్మాత
క్రియాశీల సంవత్సరాలు	1950 - 1987

బి.ఎ.సుబ్బారావు తెలుగు సినిమా దర్శకుడు. రఘుపతి వెంకయ్య నాయుడు పేరిట ఆంధ్రప్రదేశ్ రాష్ట్ర ప్రభుత్వం నెలకొల్పిన అవార్డును 1982లో గెలుచుకున్నాడు.

జీవిత విశేషాలు

బి.ఎ.సుబ్బారావు 1915లో కాకినాడలో జన్మించాడు. ఇతడు చిన్నతనంలో సురభి నాటకాలు, గుబ్బి వీరణ్ణ నాటకాలు, సోహ్రబ్ మోడీ హిందీ నాటకాలు, మూకీ చిత్రాలు విరివిగా చూసి కళ పట్ల ఆసక్తిని పెంచుకున్నాడు. ఇతని బావ కె.ఎ.నాయుడు స్థాపించిన "నాట్యకళా వినోదిని సభ" నాటక సంస్థ ద్వారా ఇతడు ఒన్లీ డాటర్, మళ్ళీపెళ్ళి మొదలైన సాంఘిక నాటకాలను ఆంధ్ర, నైజాం ప్రాంతాలలో విస్తృతంగా ప్రదర్శించాడు. ఈ నాటకాలలో ఇతనితో పాటు నటి సి.కృష్ణవేణి కూడా పాల్గొనేది. ఇతడు కళాభినివేశంతో స్కూలు ఫైనలు పరీక్ష తప్పి ఇంట్లో ఎవరికీ చెప్పకుండా సినిమాలలో ప్రయత్నించడానికి కలకత్తా నగరం చేరుకున్నాడు. అక్కడ రాధా ఫిలిం కంపెనీ మేనేజరు బెనర్జీని మెప్పించి ఆ సంస్థలో చేరి నాలుగేండ్లు బెంగాలీ సినిమాలకు అసిస్టెంట్ డైరెక్టరుగా పనిచేసి నైపుణ్యం సంపాదించాడు.^[1]

సినిమారంగం

1937 నుండి 1940 వరకూ కలకత్తాలో బెంగాలీ చిత్రాలలో పనిచేసి 1940లో చెన్నై వచ్చి మీర్జాపురం రాజా వారి శోభనాచల స్టూడియోలో ఛీఫ్ ఎక్జిక్యూటివ్‌గా చేరాడు. మీర్జాపురం రాజా వారి సహకారంతో ఇతడు బి.ఎ.ఎస్. చిత్రనిర్మాణ సంస్థను స్థాపించి పల్లెటూరి పిల్ల సినిమాను స్వీయ దర్శకత్వంతో నిర్మించాడు. ఈ చిత్రం ద్వారా ఎన్.టి.రామారావు హీరోగా పరిచయమయ్యాడు. అక్కినేని నాగేశ్వరరావు, ఎన్.టి.రామారావు కలిసి నటించిన మొదటి చిత్రం కూడా ఇదే. తరువాత ఇతడు అనేక విజయవంతమైన సినిమాలకు దర్శకత్వం వహించాడు. ఎస్.వి.రంగారావు, వాణిశ్రీ, ధూళిపాళ సీతారామశాస్త్రి, ఆర్.నాగేశ్వరరావు, నందమూరి బాలకృష్ణ మొదలైన వారిని వెండితెరకు పరిచయం చేసిన ఘనత ఇతనికే దక్కుతుంది. ఇతడు నిర్మాతగా, దర్శకుడిగా మాత్రమే కాక భలే తమ్ముడు, శభాష్ పాపన్న, హరిశ్చంద్ర, కచ దేవయాని, పాండురంగ విఠల్, కథానాయకుని కథ మొదలైన సినిమాలలో నటించి తన నటనా సామర్థ్యాన్ని నిరూపించుకున్నాడు.^[1]

సినిమాల జాబితా

సంవత్సరం	సినిమా పేరు	భాష	పాత్ర					వివరాలు
సంవత్సరం	సినిమా పేరు	భాష	దర్శకుడు	నిర్మాత	నటుడు	కథ	స్క్రీన్ ప్లే	వివరాలు
1938	కచ దేవయాని	తెలుగు			Y
1939	పాండురంగ విఠల్	తెలుగు			Y
1947	గొల్లభామ	తెలుగు			Y
1950	పల్లెటూరి పిల్ల	తెలుగు	Y	Y		Y	Y
1952	ఆడ బ్రతుకు	తెలుగు	Y
1952	టింగ్ రంగా	తెలుగు	Y
1954	రాజు-పేద	తెలుగు	Y	Y
1958	చెంచులక్ష్మి	తెలుగు	Y	Y
1960	రాణి రత్నప్రభ	తెలుగు	Y	Y
1962	భీష్మ	తెలుగు	Y	Y				ధూళిపాళ తొలి సినిమా
1964	మర్మయోగి	తెలుగు	Y
1964	మైరావణ	తెలుగు	Y	Y
1966	మోహినీ భస్మాసుర	తెలుగు	Y	Y
1967	పెద్దక్కయ్య	తెలుగు	Y				Y
1967	పిన్ని	తెలుగు	Y
1969	ధర్మపత్ని	తెలుగు	Y
1969	భలే తమ్ముడు	తెలుగు	Y
1971	రైతుబిడ్డ	తెలుగు	Y
1971	సతీ అనసూయ	తెలుగు	Y
1972	శభాష్ పాపన్న	తెలుగు			Y
1974	సతీ అనసూయ	తెలుగు	Y
1974	రామ్ రహీం	తెలుగు	Y				Y
1975	మొగుడా- పెళ్ళామా	తెలుగు	Y
1975	కథానాయకుని కథ	తెలుగు			Y
1978	సతీ సావిత్రి	తెలుగు	Y
1979	మా వారి మంచితనం	తెలుగు	Y

పురస్కారాలు

రఘుపతి వెంకయ్య అవార్డు (1982)
ఫిలిం డెవలప్మెంట్ కార్పొరేషన్‌ డైరక్టరు

మూలాలు

↑ ^1.0 ^1.1 కమీషనర్ (2008). నంది అవార్డు విజేతల పరంపర (1964-2008) (PDF) (1 ed.). హైదరాబాదు: ఆంధ్రప్రదేశ్ ప్రభుత్వ సమాచార పౌరసంబంధాల శాఖ. p. 71. Retrieved 2 October 2022.

బయటిలింకులు

ఇంటర్నెట్ మూవీ డేటాబేసు లో బి.ఎ.సుబ్బారావు పేజీ

[నంది-1] 1.0 ^1.1 కమీషనర్ (2008). నంది అవార్డు విజేతల పరంపర (1964-2008) (PDF) (1 ed.). హైదరాబాదు: ఆంధ్రప్రదేశ్ ప్రభుత్వ సమాచార పౌరసంబంధాల శాఖ. p. 71. Retrieved 2 October 2022.

[1]