కామేశ్వరీ శతకము
| కామేశ్వరీ శతకము | |
|---|---|
| కవి పేరు | తిరుపతి వేంకట కవులు |
| మొదటి ప్రచురణ తేదీ | 1925 |
| దేశం | భారతదేశం |
| భాష | తెలుగు |
| పద్యం/గద్యం | పద్యకావ్యం |
| మీడియా రకం | ముద్రణ |
| మొత్తం పద్యముల సంఖ్య | 107 |
| మొత్తం పుటలు | 20 |
| అంతర్జాలం లో | వికీసోర్సు లో కామేశ్వరీ శతకము |
| కీర్తించిన దైవం | కామేశ్వరి |
| ముద్రాపకుని పేరు | చెలికాని లచ్చారావు |
| ముద్రణా శాల | మినర్వా ప్రెస్, బందరు |
| శతకం లక్షణం | భక్తిశతకం |
దివాకర్ల తిరుపతి శాస్త్రి (1872-1919), చెళ్లపిళ్ల వేంకట శాస్త్రి (1870-1950) - ఈ ఇద్దరు కవులు తిరుపతి వేంకట కవులు అని జంట కవులుగా తెలుగు సాహిత్యంలో ప్రసిద్ధులయ్యారు. ఈ గ్రంథాన్ని తిరుపతి శాస్త్రి మరణానంతరం చెళ్ళపిళ్ల రచించారు. కానీ తన జంట కవిపై అభిమానంతో తిరుపతి వేంకటేశ్వరులన్న జంట పేరిటే ప్రచురించడం విశేషం. "కామేశ్వరీ" అను మకుటంతో రచించబడిన ఈ శతకంలో 107 శార్ధూల, మత్తేభ పద్యాలు ఉన్నాయి.
కొన్ని పద్యాలు
[మార్చు]మొదటి పద్యం
[మార్చు]శా. శ్రీరామారమణాదినిర్జరశిరస్సేవ్యంబు సంసారసౌ
ఖ్యారామాంకురదోహదంబు పరితాపాసార మత్యంతశో
భారమ్యంబు పరార్థదాయకము నీ పాదంబు మోదంబు కై
వారం గొల్తు నమస్కరింతు మది సంభావింతు గామేశ్వరీ. 1
చివరి పద్యం
[మార్చు]శా. శ్రీరంజిల్లెడిపద్యము ల్శతకమై చెన్నొంద నీమీద నే
నారంభించిన దాది ని న్నడుగునా యాకోర్కులన్ గొన్ని మున్
దీరన్ దీరుచునుండె దీర గల నీ తీ ర్కొంత మాచ్యార్థతన్
గూరె న్వచ్చెడి దాని సూచనలెఱుం గున్ గాదె? కామేశ్వరీ. 107
ముద్రణ
[మార్చు]దీని మూడవకూర్పు 1934 సంవత్సరంలో బందరు మినర్వా ప్రెస్ లో ముద్రించబడింది.
