గాంధీ కొండ

వికీపీడియా నుండి
(గాంధీ హిల్ నుండి దారిమార్పు చెందింది)
Jump to navigation Jump to search
గాంధీ కొండ
Gandhi hill 19.jpg
గాంధీ స్మారక స్థూపం
స్థానమువిజయవాడ
అక్షాంశరేఖాంశాలు16°31′11″N 80°37′00″E / 16.5198°N 80.6168°E / 16.5198; 80.6168Coordinates: 16°31′11″N 80°37′00″E / 16.5198°N 80.6168°E / 16.5198; 80.6168

విజయవాడ నగరం నడిబొడ్డున ఉన్న కొండ గాంధీ కొండ. ఇది సముద్ర మట్టానికి 500 అడుగుల ఎత్తున ఉంది. విజయవాడ రైల్వే స్టేషనుకు వెనక తారాపేట ప్రాంతంలో ఈ కొండ ఉంది. ఈ కొండపై గాంధీ స్మారక స్థూపం ఉంది. దేశం లోని ఆరు గాంధీ స్మారకస్థలాల్లో ఇది ఒకటి.[1][2] దీంతో ఈ కొండకు గాంధీ కొండ అనే పేరు వచ్చింది. గాంధీ స్మారకాన్ని నిర్మించక ముందు ఈ కొండకు ఓర్ కొండ అనే పేరు ఉండేది.[3]

చరిత్ర[మార్చు]

1852 లో కృష్ణానదిపై తొలి బ్యారేజీని నిర్మించిన కెప్టెన్ చార్లెస్ ఓర్ ఈ కొండపై నుండే ఆనకట్ట నిర్మాణాన్ని పర్యవేక్షించేవాడు. అప్పటి నుండి ఈ కొండకు ఓర్ కొండ ఆనే పేరు వచ్చింది. ఆ ఆనకట్ట వందేళ్ళ తరువాత 1952 లో వచ్చిన వరదల్లో కొట్టుకొని పోగా దానికి కొద్దిగా ఎగువన ప్రస్తుత మున్న ప్రకాశం బ్యారేజీని ఆంధ్ర రాష్ట్ర ప్రభుత్వం నిర్మించింది.

గాంధీ స్మారక సంస్థ దేశంలో నెలకొల్ప దలచిన 6 శాశ్వత స్మారక కేంద్రాల్లో విజయవాడను ఒకటిగా ఎంపిక చేసింది. అప్పట్లో ఓర్ కొండగా పిలిచే ఈ కొండను స్మారక కేంద్ర స్థలంగా ఎంపిక చేసారు.

కొండపై ఉన్న ఆకర్షణలు[మార్చు]

స్థూపంపై రాట్నం

1967 లో అప్పటి ఉప ప్రధాన మంత్రి మొరార్జీ దేశాయ్ గాంధీ హిల్ సొసైటీని ప్రారంభించాడు. పదేళ్ళ తరువాత ఈ సొసైటీని, గాంధీ హిల్ ఫౌండేషన్ పేరుతో ట్రస్టుగా మార్చారు. 52 అడుగుల గాంధీ స్మారక స్థూపాన్ని 1968 అక్టోబరు 6 న అప్పటి రాష్ట్రపతి జాకీర్ హుసేన్ ఆవిష్కరించాడు. ఈ స్థూపం పీఠంపై గాంధీ సూక్తులను చెక్కారు.

1969 లో ఆంధ్రప్రదేశ్ ప్రభుత్వం ఒక రైలును బహూకరించింది. భారతీయ రైల్వే కొండపైకి ఒక రైలు మార్గాన్ని నిర్మించింది. ఈ రైలు ఇక్కడి ప్రధాన ఆకర్షణల్లో ఒకటి.

1968 లో అప్పటి రాష్ట్రపతి వివి గిరి ఒక దృశ్య శ్రవణ ప్రదర్శనకు శంకుస్థాపన చేసాడు. 1969 లో సరిహద్దు గాంధీగా పేరొందిన ఖాన్ అబ్దుల్ గఫార్ ఖాన్ దీన్ని ప్రారంభించాడు.

కొండపై ఒక నక్షత్ర వేధ శాలను ఏర్పాటు చేసారు. 1971 లో దీన్ని ప్రారంభించారు. న్యూయార్కుకు చెందిన ఫోర్డు ఫౌండేషను దీనికి టెలిస్కోపును సమకూర్చింది.[4] కొండపై ఒక గ్రంథాలయం కూడా ఉంది.

విస్మరణ[మార్చు]

తరువాతి కాలంలో ఈ మహాత్మా గాంధీ స్మారకం వివిధ రాజకీయాల కారణంగా విస్మరణకు గురైంది. రాష్ట్ర స్థాయి, జాతీయ స్థాయి గాంధీ స్మారక సంస్థల మధ్య నిధుల విషయంలో ఉన్న విభేదాల కారణంగా నిర్వహణ, అభివృద్ధి కార్యక్రమాల విషయంలో గాంధీ కొండ అశ్రద్ధకు లోనైంది.[5]

మూలాలు[మార్చు]

  1. "Places in vijayawada". touristlink. Archived from the original on 14 జూలై 2014. Retrieved 12 June 2014. Check date values in: |archive-date= (help)
  2. "Overview of hill". vijayawadaonline portal. Retrieved 12 June 2014.
  3. "Information about Gandhi Hill". mapsofindia. Retrieved 12 June 2014.
  4. Shridharan, J. R. (2015-12-07). "A hill with history cries for attention". The Hindu (in ఆంగ్లం). ISSN 0971-751X. Archived from the original on 2020-06-08. Retrieved 2020-06-08.
  5. Varma, P. Sujatha (2019-10-01). "A monumental fight over Gandhi Hill in Vijayawada". The Hindu (in ఆంగ్లం). ISSN 0971-751X. Archived from the original on 2020-06-08. Retrieved 2020-06-08.