అంబాపురం (విజయవాడ గ్రామీణ)

అంబాపురం
—  రెవెన్యూయేతర గ్రామం  —
అంబాపురం ఆంధ్రప్రదేశ్ పటంలో గ్రామ స్థానం
అక్షాంశరేఖాంశాలు:
రాష్ట్రం	ఆంధ్ర ప్రదేశ్
జిల్లా	కృష్ణా జిల్లా
మండలం	విజయవాడ గ్రామీణ
ప్రభుత్వం
- సర్పంచి	శ్రీ తోడేటి విజయకుమార్
జనాభా (2011)
- మొత్తం	2,247
- పురుషుల సంఖ్య	1,123
- స్త్రీల సంఖ్య	1,124
- గృహాల సంఖ్య	606
పిన్ కోడ్	520012
ఎస్.టి.డి కోడ్	0866

అంబాపురం లేదా అంబాపూర్ విజయవాడలోని ప్రాంతం

గ్రామం పేరు వెనుక చరిత్ర

ఈ ఊరి పేరు అంబ + పురం అనే రెండు తెలుగు పదాల కలయికతో ఏర్పడింది. అంబ అనగా స్త్రీదేవత అయిన పార్వతి. నిఘంటువు ప్రకారం దీనికి అమ్మ అనే అర్ధం వచ్చేటట్లు పేర్కొన్నారు.

గ్రామ భౌగోళికం

ఇది సముద్రమట్టానికి 21 మీ,ఎత్తులో ఉంది

సమీప గ్రామాలు

ఈ గ్రామానికి సమీపంలో పి.ఎన్.టి కాలని, రామక్రిష్ణాపురం, అయోధ్యనగర్, ఫ్రైజర్ పేట గ్రామాలు ఊన్నాయి.

రవాణా సౌకర్యాలు

చిట్టీనగర్, ఎపిఎస్ ఆర్టీసి బస్ స్టేషన్ విజయవాడ. రైల్వేస్టేషన్: మేజర్ రైల్వేజంక్షన్, విజయవాడ

విద్యా సౌకర్యాలు

• ఎ.ఎస్ఎం..జూనియర్ కాలేజి, నున్న.
• నారాయణ జూనియర్ కాలేజి, గొల్లపూడి.
• ఎన్.ఆర్.ఐ. ఇంస్టిట్యూట్ ఆఫ్ టెక్నాలజీ, పోతవరప్పాడు.
• హార్వెస్ట్ ఇండియా పబ్లిక్ స్కూల్, అంబాపురం.

మౌలిక వసతులు

త్రాగునీటి సౌకర్యం

ఈ గ్రామంలో ఒక నీటిశుద్ధి పథకం రూపుదిద్దుకున్నది. సురక్షిత త్రాగునీరు అందించాలనే సంకల్పంతో ప్రభుత్వం ప్రవేశపెట్టిన ఎన్.టి.ఆర్. సుజలధార నీటి శుద్ధి పథకంలోభాగంగా మంజూరయిన ఆర్.ఓ.ప్లాంటు నిర్మాణం పూర్తి అయినది. నాలుగు లక్షల రూపాయలతో ఏర్పాటుచేసిన ఈ పథకం ద్వారా 20 లీటర్ల ఫ్లూరైడ్ రహిత శుద్ధినీటిని, రెండు రూపాయలకే అందించెదరు. ఈ పథకాన్ని, 2014, అక్టోబరు-2న గాంధీ జయంతి రోజున ప్రారంభించారు. [5]

గ్రామ పంచాయతీ

2013,జూలైలో ఈ గ్రామ పంచాయతీకి జరిగిన ఎన్నికలలో కొడాలి దయాకర్, సర్పంచిగా ఎన్నికైనారు. ఉపసర్పంచ్ గా బాడిశ నాగేంద్రమ్మ ఎన్నికైంది.

దర్శనీయ ప్రదేశాలు/ దేవాలయాలు

శ్రీ రామాలయం

ఈ ఆలయంలో, ప్రతి సంవత్సరం, శ్రీరామనవమి సందర్భంగా, ప్రత్యేక పూజలు నిర్వహించి, శ్రీ సీతారాముల కళ్యాణం వైభవంగా నిర్వహిస్తారు.

జైన గుహాలయం

ప్రధాన వ్యాసం: అంబాపురం గుహాలయం

అంబాపురం కొండల ప్రక్కన జైన గుహాలయం ఉంది. సా.శ.7, 8 శతాబ్దాల నడుమ వేంగీ చాళుక్యుల గులాలయ వాస్తు దీనిలో కనబడటం విశేషం.

శ్రీ అంకమ్మ తల్లి ఆలయం

ఈ ఆలయంలో, మూడురోజులపాటు అమ్మవారి వార్షిక జాతర ఉత్సవాలు, 2017,మార్చి-17వతేదీ శుక్రవారం ప్రారంభించారు. ఈ సందర్భంగా ఆలయంలో ప్రత్యేకపూజలు నిర్వహించారు. ఈ గ్రామములోని ప్రజలు సుఖశాంతులతో వర్ధిల్లాలని ఈ ఉత్సవలు నిర్వహించుచున్నారు.

ప్రధాన పంటలు

వరి, అపరాలు, కూరగాయలు

ప్రధాన వృత్తులు

వ్యవసాయం