మహర్షి (2019 సినిమా)
| మహర్షి | |
|---|---|
 సినిమా పోస్టర్ | |
| దర్శకత్వం | వంశీ పైడిపల్లి[1] |
| రచన | వంశీ పైడిపల్లి హరి అహిషోర్‌ సాల్మన్‌ |
| నిర్మాత | దిల్ రాజు అశ్వనీ దత్ ప్రసాద్ వి. పొట్లూరి[1] |
| తారాగణం | మహేష్ బాబు అల్లరి నరేష్ పూజ హెగ్డే |
| ఛాయాగ్రహణం | కె.యు. మోహనన్ |
| కూర్పు | కె.ఎల్. ప్రవీణ్ |
| సంగీతం | దేవి శ్రీ ప్రసాద్ |
నిర్మాణ సంస్థలు | |
| పంపిణీదార్లు | గ్రేట్ ఇండియా ఫిల్మ్స్ (అమెరికా) |
విడుదల తేదీ | 9 మే 2019 |
సినిమా నిడివి | 176 ని[2] |
| దేశం | భారత్ |
| భాష | తెలుగు |
| బడ్జెట్ | ₹100 కోట్లు[3] |
| బాక్సాఫీసు | est. ₹206 crore[4] |
మహర్షి వంశీ పైడిపల్లి దర్శకత్వంలో 2019 లో విడుదలైన తెలుగు సినిమా. ఈ సినిమాను శ్రీ వేంకటేశ్వర క్రియేషన్స్, వైజయంతీ మూవీస్, పివిపి సినిమా సంయుక్తంగా నిర్మించాయి. దేవి శ్రీ ప్రసాద్ సంగీత దర్శకత్వం వహించాడు.[5][6][7]
కథ
[మార్చు]ప్రపంచంలో పేరెన్నికగన్న కంపెనీ యైన ఆరిజిన్ అనే సంస్థకు తెలుగు వాడైన ఋషి కుమార్ సి. ఇ. ఓ (ముఖ్య కార్యనిర్వహణాధికారి) గా నియమితుడవ్వడంతో కథ ప్రారంభమవుతుంది. ఋషిది హైదరాబాద్ లో కూకట్ పల్లి లో నివసించే ఒక మధ్య తరగతి కుటుంబం. తండ్రి ఒక ప్రైవేటు సంస్థలో గుమాస్తాగా పనిచేస్తూ చాలీచాలని జీతంతో కుటుంబాన్ని నెట్టుకొస్తుంటాడు. అప్పుల వాళ్ళు ఇంటిమీదకు వచ్చినప్పుడల్లా ఋషికి కోపం వస్తుంటుంది. రాను రాను ఋషికి తండ్రి జీవితంలో విఫలమైన వ్యక్తి అనే అభిప్రాయం ఏర్పడిపోతుంది.
ఋషి తన పోస్ట్ గ్రాడ్యుయేషన్ కోసం విశాఖపట్నంలోని ఓ కళాశాలలో చేరతాడు. అక్కడ అతనికి రవి శంకర్, పూజ లతో స్నేహం ఏర్పడుతుంది. ఋషి సహవిద్యార్థి అయిన అజయ్ అనే వ్యక్తికి, తనకన్నా బాగా చదువుతున్నాడని, ఋషి మీద ఈర్ష్య ఏర్పడుతుంది. రాజకీయ నాయకుడైన అజయ్ తండ్రి ఋషికి లంచం ఇచ్చి తన కుమారుడికన్నా అతని మార్కులు మించకూడదని కోరతాడు. కానీ ఋషి అందుకు అంగీకరించకపోగా, అడ్డు వచ్చిన అతని ముఠాని చితకబాదుతాడు.
చదువు పూర్తవుతుండగా పెళ్ళి చేసుకుందామన్న పూజ ప్రతిపాదనను తిరస్కరిస్తాడు ఋషి. పెళ్ళి తన కెరీర్ కి ఆటంకం అని అతని ఉద్దేశ్యం. పూజకి అతనిమీద మనసు విరిగిపోతుంది. ఇద్దరూ విడిపోతారు. వారిద్దరి మధ్య సయోధ్య కుదర్చబోయి రవి ఋషిల మధ్య దూరం పెరుగుతుంది. అజయ్ కు కళాశాలలో అందరికన్నా ఎక్కువ జీతంతో ఓ సంస్థలో ఉద్యోగం వస్తుంది. ఋషి మాత్రం కృత్రిమ మేధ మీద ఆధారపడ్డ ఒక ఆపరేటింగ్ సిస్టం ను అభివృద్ధి చేసి ఆరిజిన్ కంపెనీ వాళ్ళకే ఆఫర్ ఇస్తాడు.
తారాగణం
[మార్చు]- ఋషికుమార్ గా ఘట్టమనేని మహేశ్ బాబు
- రవిగా అల్లరి నరేష్
- పూజగా పూజా హెగ్డే
- వివేక్ మిట్టల్ గా జగపతి బాబు
- ఋషి తండ్రి సత్యనారాయణగా ప్రకాష్ రాజ్
- ఋషి తల్లిగా జయసుధ
- అధ్యాపకునిగా రావు రమేశ్
- వెన్నెల కిషోర్
- పల్లవి గా అనన్య
- పూజ స్నేహితురాలిగా విద్యుల్లేఖ రామన్
- ముఖ్యమంత్రిగా నాజర్
- అజయ్ గా కమల్ కామరాజు
- రవి తండ్రిగా తనికెళ్ళ భరణి
- రవి మామగా సాయి కుమార్
- పోసాని కృష్ణ మురళి
- రామకృష్ణ గా శ్రీనివాస రెడ్డి
- రాజీవ్ కనకాల
- కోట శ్రీనివాసరావు
- అజయ్ తండ్రిగా ముకేష్ రిషి
- అన్నపూర్ణ
- కైకాల సత్యనారాయణ
- గేమింగ్ సంస్థ యజమానిగా బ్రహ్మాజీ
- రాహుల్ గా రణధీర్ గట్ల
- జాన్ కొక్కెన్
- గెటప్ శ్రీను
- లోహిత్ కుమార్
సాంకేతికవర్గం
[మార్చు]- దర్శకత్వం - వంశీ పైడిపల్లి
- సంగీతం - దేవి శ్రీ ప్రసాద్
- ఛాయాగ్రహణం -కేయూ. మోహనన్
- గానం: రాహుల్ సిప్లిగంజ్
పురస్కారాలు
[మార్చు]- 2021లో 67వ భారత జాతీయ చలనచిత్ర పురస్కారాలులో ఉత్తమ వినోదం అందించిన ప్రజాదరణ పొందిన చిత్రం, జాతీయ ఉత్తమ నృత్య దర్శకుడు (రాజు సుందరం), ఉత్తమ నిర్మాణ సంస్థ (శ్రీ వెంకటేశ్వర క్రియేషన్స్) విభాగాల్లో పురస్కారాలు వచ్చాయి.[8][9]
సైమా అవార్డ్స్
[మార్చు]2021లో హైదరాబాద్ లో జరిగిన 'సైమా' అవార్డుల ప్రధానోత్సవంలో 2019 సంవత్సరానికి గాను మహర్షి సినిమా 10 విభాగాల్లో నామినేట్ అవ్వగా 5 అవార్డులను అందుకుంది.[10]
- ఉత్తమ దర్శకుడు- వంశీ పైడిపల్లి
- ఉత్తమ నటుడు- మహేష్ బాబు
- ఉత్తమ సహాయ నటుడు- అల్లరి నరేష్
- ఉత్తమ సంగీత దర్శకుడు- దేవిశ్రీ ప్రసాద్
- ఉత్తమ గేయ రచయిత-శ్రీమణి ('ఇదే కదా..' పాటకు)
మూలాలు
[మార్చు]- ↑ "MAHARSHI (2019)| British Board of Film Classification". Bbfc.co.uk. 7 May 2019.
- ↑ Maharshi Movie Review: Mahesh Babu gets his own underwhelming Kaththi - Movies News - https://www.indiatoday.in/movies/regional-cinema/story/maharshi-movie-review-mahesh-babu-gets-his-own-underwhelming-version-of-kaththi-1520830-2019-05-09
- ↑ H Hooli. "Maharshi box office collection day 1: Mahesh Babu film turns biggest Tollywood opener of 2019". Ibtimesfirst=Shekhar. Retrieved 10 May 2019.
- ↑ "MAHARSHI: CAST & CREW". Cinestaan. Archived from the original on 2019-01-01. Retrieved 2019-01-01.
- ↑ "Mahesh Babu and Chiranjeevi's films to clash at the box office in 2019?". India Todad. 11 August 2018.
- ↑ "Mahesh Babu's Maharshi to clash with Chiranjeevi's Sye Raa Narasimha Reddy?". Times Now. 12 August 2018.
- ↑ The Hindu, Entertainment (22 March 2021). "67th National Film Awards: Complete list of winners". Archived from the original on 22 March 2021. Retrieved 22 March 2021.
- ↑ India Today, Movies (22 March 2021). "67th National Film Awards Full Winners List". Divyanshi Sharma. Archived from the original on 22 March 2021. Retrieved 22 March 2021.
- ↑ TV9 Telugu (19 September 2021). "SIIMA Awards 2021: తరలివచ్చిన తారాలోకం.. మహేష్ బాబు సినిమాకు అవార్డుల పంట." Archived from the original on 24 సెప్టెంబరు 2021. Retrieved 24 September 2021.
{{cite news}}: CS1 maint: numeric names: authors list (link)