అల్లు అర్జున్

అల్లు అర్జున్
వైశాలి సినిమా పాటల విడుదల వేడుకలో అల్లు అర్జున్
జన్మ నామం	అల్లు అర్జున్
జననం	(1983-04-08) 1983 ఏప్రిల్ 8 చెన్నై, తమిళనాడు
ఇతర పేర్లు	బన్ని
ప్రముఖ పాత్రలు	ఆర్య, బన్ని

అల్లు అర్జున్ దక్షిణాది సినిమా నటుడు. ఇతడు ప్రముఖ నిర్మాత అల్లు అరవింద్ కుమారుడు, హాస్య నటుడు పద్మశ్రీ అల్లు రామలింగయ్య మనవడు, చిరంజీవి, పవన్ కళ్యాణ్కి మేనల్లుడు. తెలుగు రాష్ట్రాలతో పాటు బెంగళూరు, కేరళలో అల్లు అర్జున్ కు అభిమానులున్నారు. ఫేస్ బుక్ లో సుమారు కోటి మంది అభిమానులున్నారు. కేరళలో ఉన్న అల్లు అర్జున్ అభిమానులు బన్నీని మల్లు అర్జున్ అని పిలుస్తారు.

బాల్యం

అల్లు అర్జున్ చెన్నైలో పుట్టాడు. పద్దెనిమిదేళ్ళ వరకు అక్కడే పెరిగాడు. అతని తల్లిదండ్రులకు ముగ్గురు పిల్లల్లో ఒకడు. పెద్దన్నయ్య వెంకటేష్ (బాబీ), తమ్ముడు అల్లు శిరీష్. చెన్నైలోని పద్మ శేషాద్రి పాఠశాలలో చదువుకున్నాడు. కష్టపడి చదవినా మార్కులు అంతగా వచ్చేవి కావు. చిన్నప్పుడే విజేత సినిమా చిత్రీకరణ చూడ్డానికి వెళ్ళినపుడు అందులో ఓ చిన్నపిల్లవాడి పాత్రలో మొదటి సారిగా నటించాడు. పాఠశాలలో ఉన్నప్పుడే జిమ్నాస్టిక్స్ నేర్చుకున్నాడు. ఎనిమిదో తరగతిలో ఉండగా కొన్నాళ్ళు పియానో కూడా నేర్చుకున్నాడు.

వ్యక్తిగత జీవితం

చిన్నప్పటి నుంచే అర్జున్ డ్యాన్స్ అంటే అమితాసక్తిని కనబరిచేవాడు. ఇంట్లో ఏదైనా శుభసందర్భాల సమయంలో చిరంజీవి కుమారుడైన రామ్‌చరణ్ తేజ్, అర్జున్ చిన్నతనంలో నృత్యాలు పోటీలు పడి చేసేవారు. మొదట్లో అర్జున్ నటుడు కావడానికి తల్లి కొద్దిగా సందేహించినా, తరువాత కుమారుని కోరికను కాదనలేకపోయింది. ఇతని వివాహము హైదరాబాదుకు చెందిన స్నేహారెడ్డితో జరిగింది.. వీరికి అయాన్ అనే కుమారుడు,అర్హ అనే కుమార్తె ఉన్నారు.అల్లు అర్జున్ ని అభిమానులు స్టయిలిష్ స్టార్ అని పిలుస్తారు...

నట జీవితం

అల్లు అర్జున్ మొదటి చిత్రం కె. రాఘవేంద్రరావు దర్శకత్వంలో వచ్చిన గంగోత్రి.అల్లు అర్జున్ ఫాషన్, స్టైల్ కు పెట్టింది పేరు అని చెప్పవచ్చు.

ఇతర భాషల్లో అర్జున్

అల్లు అర్జున్ చిత్రాలన్నీ మలయాళం లోకి అనువదించ బడ్డాయి. కేరళలో మమ్ముట్టి, మోహన్ లాల్ తర్వాత అర్జున్ కే ఎక్కువ అభిమానులు ఉన్నారు అల్లు అర్జున్ కేరళలో మల్లు అర్జున్ అని పిలుస్తారు..

నటించిన చిత్రాలు

అల్లు అర్జున్ at 62nd Filmfare awards south

సంవత్సరం	చిత్రం	పాత్ర	కథానాయిక	ఇతర విశేషాలు
1985	విజేత			బాల నటుడిగా
1986	స్వాతిముత్యం			బాల నటుడిగా
2001	డాడీ	గొపి		అతిథి పాత్రలో
2003	గంగోత్రి	సింహాద్రి	అదితి అగర్వాల్	విజేత, సిని"మా" అవార్డ్ - ఉత్తమ నూతన నటుడు (2004)
2004	ఆర్య	ఆర్య	అనురాధా మెహతా	విజేత, నంది స్పెషల్ జ్యూరీ పురస్కారం (2004)
2005	బన్ని	రాజా/బన్ని	గౌరీ ముంజల్
2006	హ్యాపీ	బన్ని	జెనీలియా
2007	దేశముదురు	బాల గోవిందం	హన్సికా మోట్వాని, రంభ	పేర్కొనబడ్డాడు, దక్షిణ భారత ఫిలింఫేర్ అవార్డ్ - ఉత్తమ నటుడు (2007)
	శంకర్‌దాదా జిందాబాద్			అతిథి పాత్రలో
2008	పరుగు	కృష్ణ	షీలా	విజేత, దక్షిణ భారత ఫిలింఫేర్ అవార్డ్ - ఉత్తమ నటుడు (2008) విజేత, నంది స్పెషల్ జ్యూరీ పురస్కారం (2008)
2009	ఆర్య 2	ఆర్య	కాజల్ అగర్వాల్	పేర్కొనబడ్డాడు, దక్షిణ భారత ఫిలింఫేర్ అవార్డ్ - ఉత్తమ నటుడు (2009)
2010	వరుడు	సందీప్	భానుశ్రీ మెహ్రా
	వేదం	కేబుల్ రాజు	అనుష్క శెట్టి, దీక్షా సేథ్	విజేత, దక్షిణ భారత ఫిలింఫేర్ అవార్డ్ - ఉత్తమ నటుడు (2010)
2011	బద్రీనాధ్	బద్రీనాధ్	తమన్నా
2012	జులాయి	రవీంద్ర నారాయణ్	ఇలియానా
2013	ఇద్దరమ్మాయిలతో	సంజు రెడ్డి	అమలా పాల్, కేథరీన్ థెరీసా
2014	ఇ యమ్ తట్ చేంజ్			లఘు చిత్రం, నిర్మాత కూడా
	రేసుగుర్రం	అల్లు లక్ష్మణ్ ప్రసాద్/ లక్కి	శృతి హాసన్	విజేత, దక్షిణ భారత ఫిలింఫేర్ అవార్డ్ - ఉత్తమ నటుడు (2014)
	ఎవడు	సత్య	కాజల్ అగర్వాల్	కాజల్ అగర్వాల్ తో పాటు అతిథి పాత్రలో నటించాడు.
2015	సన్నాఫ్ సత్యమూర్తి	విరాజ్ ఆనంద్	సమంత, నిత్య మీనన్, అదా శర్మ
	రుద్రమదేవి	గోన గన్నా రెడ్డి	అనుష్క శెట్టి, కేథరీన్ థెరీసా
2016	సరైనోడు	గణ	రకుల్ ప్రీత్ సింగ్, కేథరీన్ థెరీసా
2017	దువ్వాడ జగన్నాధం	దువ్వాడ జగన్నాధం / డి.జె.	పూజా హెగ్డే
2018	నా పేరు సూర్య నా ఇల్లు ఇండియా	సూర్యా	అను ఇమ్మాన్యుయేల్
2020	అల వైకుంఠపురములో	బంటు	పూజా హెగ్డే

బయటి లింకులు

• ఇంటర్నెట్ మూవీ డేటాబేసు లో అల్లు అర్జున్ పేజీ
• అల్లు అర్జున్ తో ముఖాముఖి