కృష్ణంరాజు (నటుడు)

వికీపీడియా నుండి
(ఉప్పలపాటి వెంకట కృష్ణంరాజు నుండి దారిమార్పు చెందింది)
Jump to navigation Jump to search
కృష్ణంరాజు
కృష్ణంరాజు
జననం
ఉప్పలపాటి వెంకట కృష్ణంరాజు

(1940-01-20) 1940 జనవరి 20 (వయసు 84)
మొగల్తూరు, పశ్చిమ గోదావరి జిల్లా
మరణం2022 సెప్టెంబరు 11
హైదరాబాదు
ఇతర పేర్లురెబెల్ స్టార్
వృత్తిజర్నలిస్టు, నటుడు, రాజకీయ నాయకుడు
క్రియాశీల సంవత్సరాలు1970 – 2022
ఎత్తు6 అ. 2 అం. (188 cమీ.)
భాగస్వామిశ్యామలాదేవి
పిల్లలుప్రసీద, ప్రకీర్తి, ప్రదీప్తి

ఉప్పలపాటి వెంకట కృష్ణంరాజు (1940 జనవరి 20 - 2022 సెప్టెంబరు 11) తెలుగు సినిమా కథానాయకుడు, రాజకీయ నాయకుడు. ఇతడు జనవరి 20, 1940న జన్మించాడు. 1970, 1980లలో 183 తెలుగు సినిమాలలో నటించాడు. ఆ తరువాత రాజకీయాలలో ప్రవేశించాడు. భారతీయ జనతా పార్టీ తరఫున 12 వ లోక్‌సభ ఎన్నికలలో కాకినాడ లోక్‌సభ నియోజకవర్గం నుంచి గెలుపొందినాడు. ఆ తరువాత 13 వ లోక్‌సభకు కూడా నరసాపురం లోక్‌సభ నియోజకవర్గం నుంచి ఎన్నికై అటల్ బిహారీ వాజపేయి మంత్రివర్గంలో స్థానం సంపాదించాడు. మార్చి 2009లో భారతీయ జనతా పార్టీని వీడి ప్రజారాజ్యం పార్టీలో చేరినాడు. తరువాత జరిగిన ఎన్నికల్లో రాజమండ్రి నుంచి లోక్ సభకు పోటీ చేసి ఓడిపోయాడు. కృష్ణంరాజు టాలీవుడ్ ఇండస్ట్రీలో 1966 లో తన మొట్టమొదటి సినిమా చిలక గోరింక సినిమాలో నటించారు ఈ సినిమా పెద్ద హిట్ అయింది కృష్ణంరాజుకు నంది అవార్డు కూడా లభించింది 1967లో ఎన్టి రామారావుతో కలిసి శ్రీకృష్ణ అవతారం సినిమాలో నటించారు 1968 వ సంవత్సరంలో కృష్ణంరాజు నటించిన నేనంటే నేను సినిమాలో విలన్ గా నటించారు ఇలా 183 కన్నా ఎక్కువ సినిమాల్లో నటించారు కృష్ణంరాజు మొదట సీతాదేవిని పెళ్లి చేసుకున్నారు సీతాదేవి చనిపోయిన తరువాత 1996లో శ్యామల దేవిని పెళ్లి చేసుకున్నారు ఈ దంపతులకు ముగ్గురు కూతుళ్లు ఉన్నారు టాలీవుడ్ హీరో ప్రభాస్ కి కృష్ణంరాజు పెదనాన్న అవుతాడు అనారోగ్యంతో బాధపడుతున్న కృష్ణంరాజు 2022 సెప్టెంబరు 11వ సంవత్సరంలో 82 సంవత్సరాల వయసులో తుది శ్వాస విడిచాడు

కుటుంబం

[మార్చు]

ప్రముఖ నటుడు ప్రభాస్ కృష్ణంరాజు తమ్ముడు ఉప్పలపాటి సూర్యనారాయణరాజు కుమారుడు. కృష్ణంరాజు పశ్చిమ గోదావరి జిల్లా లోని మొగల్తూరు తన కుటుంబ స్వగ్రామం. తెలుగునాట క్షత్రియ రాజుల వంశస్థులు విజయనగర సామ్రాజ్యం వారసులు కృష్ణంరాజు. కృష్ణంరాజుకు జీవితభాగస్వామి శ్యామలాదేవి. 1996లో వీరి వివాహం జరిగింది.[1][2] వీరికి ప్రసీద, ప్రకీర్తి, ప్రదీప్తి ముగ్గురు కుమార్తెలు.[3][4]

నటించిన చిత్రాలు

[మార్చు]
క్రమ
సంఖ్య 		సంవత్సరం చిత్రం పేరు కథానాయిక (లు) దర్శకుడు
1 1966 చిలకా గోరింక కృష్ణకుమారి కె. ప్రత్యగాత్మ
2 1967 శ్రీకృష్ణావతారం - కె. కామేశ్వరరావు
3 1968 నేనంటే నేనే - వి. రామచంద్రరావు
4 1969 భలే అబ్బాయిలు షీలా పేకేటి శివరాం
5 1969 భలే మాష్టారు కె.ఆర్.విజయ యస్.డి. లాల్
6 1969 బుద్ధిమంతుడు సంధ్యారాణి బాపు
7 1969 మనుష్యులు మారాలి - వి.మధుసూధనరావు
8 1970 మళ్ళీ పెళ్ళి విజయనిర్మల చిత్తజల్లు శ్రీనివాసరావు
9 1970 జై జవాన్ చంద్రకళ డి. యోగానంద్
10 1970 అమ్మకోసం రేఖ (హిందీ నటి) బి.వి. ప్రసాద్
11 1970 తాళిబొట్టు విజయనిర్మల టి. మాధవరావు
12 1970 పెళ్ళి సంబంధం - కె. వరప్రసాద్
13 1970 పెళ్ళి కూతురు - వి. రామచంద్రరావు
14 1970 అల్లుడే మేనల్లుడు - పి. పుల్లయ్య
15 1970 ద్రోహి - కె. బాపయ్య
16 1971 పవిత్రబంధం - వి.మధుసూధనరావు
17 1971 అనురాధ - పి. చంద్రశేఖర రెడ్డి
18 1971 భాగ్యవంతుడు - చిత్తజల్లు శ్రీనివాసరావు
19 1971 బంగారుతల్లి జమున, రమాప్రభ తాపి చాణక్య
20 1972 శభాష్ వదిన - ఎం. మల్లికుమార్
21 1972 మొహమ్మద్ బిన్ తుగ్లక్ - బి.వి. ప్రసాద్
22 1972 రైతు కుటుంబం - వి. మధుసూధనరావు
23 1972 రాజమహల్ - బి. హరినారాయణ
24 1972 అంతా మన మంచికే వెన్నిరెడ్డి నిర్మల భానుమతి రామకృష్ణ
25 1972 మంచిరోజులు వచ్చాయి - వి.మధుసూధనరావు
26 1972 హంతకులు దేవాంతకులు రాజసులోచన కె.ఎస్.ఆర్.దాస్
27 1972 మానవుడు - దానవుడు - పి. చంద్రశేఖర రెడ్డి
28 1972 భలే మోసగాడు లీలారాణి పి. సాంబశివ రావు
29 1972 నీతి నియమాలు కాంచన యస్. శ్రీనివాసరావు
30 1972 ఇన్‌స్పెక్టర్ భార్య - పి.వి. సత్యనారాయణ
31 1972 శభాష్ బేబి - -
32 1972 వింత దంపతులు జమున కె.హేమాంబరధరరావు
33 1972 మాతృమూర్తి - మానాపురం అప్పారావు
34 1972 బడిపంతులు విజయలలిత పి. చంద్రశేఖర రెడ్డి
35 1972 ఇల్లు ఇల్లాలు లీలారాణి పి. చంద్రశేఖర రెడ్డి
36 1972 ఊరికి ఉపకారి - కె.ఎస్.ఆర్. దాస్, పి. సుందరం
37 1973 బాలమిత్రుల కథ - కె. వరప్రసాద రావు
38 1973 స్త్రీ చంద్రకళ కోటయ్య ప్రత్యగాత్మ
39 1973 జీవన తరంగాలు - తాతినేని రామారావు
40 1973 జీవితం శారద కె.యస్. ప్రకాశ రావు
41 1973 వాడే వీడు లీలారాణి డి. యోగానంద్
42 1973 తల్లీకొడుకులు లీలారాణి పి. చంద్రశేఖర రెడ్డి
43 1973 శ్రీవారు మావారు గీతాంజలి బి.యస్. నారాయణ
44 1973 స్నేహబంధం లీలారాణి పి. చంద్రశేఖర్
45 1973 గాంధీ పుట్టిన దేశం ప్రమీల, లత పి. లక్ష్మీదీపక్
46 1973 మమత - పి. చంద్రశేఖర రెడ్డి
47 1973 మాయదారి మల్లిగాడు - ఆదుర్తి సుబ్బారావు
48 1973 వైశాలి శారద ఎ. సంజీవి
49 1973 ఇంటి దొంగలు జమున కె. హేమాంబరధరరావు
50 1973 మేమూ మనుషులమే జమున కె. బాపయ్య
51 1973 మేఘమాల జమున వసంత రెడ్డి
52 1973 అభిమానవంతులు శారద కె.యస్. రామిరెడ్డి
53 1974 పల్లెటూరి చిన్నోడు విజయలలిత బి.విఠలాచార్య
54 1974 జీవితరంగం - పి.డి. ప్రసాద్
55 1974 గుండెలు తీసిన మొనగాడు - చక్రవర్తి
56 1974 మనుష్యులలో దేవుడు - బి.వి. ప్రసాద్
57 1974 చందన జయంతి గిరిబాబు
58 1974 స్త్రీ గౌరవం దేవిక, వెన్నెరాడై నిర్మల యస్.యస్. దేవదాస్
59 1974 తులసి భారతి బాబూరావు
60 1974 అనగనగా ఓ తండ్రి భారతి సి.యస్. రావు
61 1974 బంట్రోతు భార్య శ్రీవిద్య దాసరి నారాయణరావు
62 1974 కృష్ణవేణి వాణిశ్రీ వి.మధుసూధనరావు
63 1974 నిత్య సుమంగళి జయంతి ఆర్య
64 1974 ఆడపిల్లల తండ్రి భారతి కె. వాసు
65 1974 ఇంటి కోడలు - -
66 1974 హారతి శారద, భారతి పి. లక్ష్మీదీపక్
67 1974 పల్లెపడుచు శారద కె.సత్యం
68 1974 జీవితాశయం విజయ నిర్మల కె.కామేశ్వరరావు
69 1975 చిన్ననాటి కలలు ప్రమీల టి.లెనిన్ బాబు
70 1975 పరివర్తన లక్ష్మీ కె.హేమాంబరధరరావు
71 1975 మొగుడా పెళ్ళామా జమున బి.ఎ.సుబ్బారావు
72 1975 పుట్టింటి గౌరవం భారతి పి.చంద్రశేఖరరెడ్డి
73 1975 భారతి జమున వేటూరి
74 1975 నాకూ స్వతంత్రం వచ్చింది జయప్రద బి.నర్సింగరావు, పి.లక్ష్మీదీపక్
75 1976 ఇద్దరూ ఇద్దరే చంద్రకళ వి.మదుసూదనరావు
76 1976 యవ్వనం కాటేసింది జయచిత్ర దాసరి నారాయణరావు
77 1976 భక్తకన్నప్ప వాణిశ్రీ బాపు
78 1976 ఆడవాళ్లు అపనిందలు సుభ బి.యస్.నారాయణ
79 1976 అమ్మనాన్న ప్రభ టి.లెనిన్ బాబు
80 1976 సుప్రభాతం వాణిశ్రీ కె.ప్రకాశరావు
81 1976 మంచికి మారుపేరు - సి.యస్.రావు
82 1977 కురుక్షేత్రం - కె. కామేశ్వరరావు
83 1977 ఒకేరక్తం జయప్రద పి. చంద్రశేఖరరెడ్డి
84 1977 గీత సంగీత ప్రభ ఎమ్.యస్.కోటారెడ్డి
85 1977 మహానుభావుడు జయసుధ కె.హేమాంబరధరరావు
86 1977 భలే అల్లుడు శారద, పద్మప్రియ పి.చంద్రశేఖరరెడ్డి
87 1977 అమరదీపం జయసుధ కె. రాఘవేంద్రరావు
88 1977 జీవనతీరాలు జయసుధ జి. సి. శేఖర్
89 1977 మనుషులు చేసిన దొంగలు సంగీత ఎం.మల్లిఖార్జునరావు
90 1978 సతీ సావిత్రి వాణిశ్రీ బి.ఎ.సుబ్బారావు
91 1978 మంచి మనసు భవాని కోటయ్య ప్రత్యగాత్మ
92 1978 కటకటాల రుద్రయ్య జయసుధ, జయచిత్ర దాసరి నారాయణరావు
93 1978 మన ఊరి పాండవులు - బాపు
94 1978 రాముడు రంగడు ప్రభ పి. చంద్రశేఖర రెడ్డి
95 1979 రామబాణం లత వై. ఈశ్వర్ రెడ్డి
96 1979 కమలమ్మ కమతం పల్లవి కోటయ్య ప్రత్యగాత్మ
97 1979 చెయ్యెత్తి జైకొట్టు గీత కొమ్మినేని
98 1979 అందడు ఆగడు లత యస్.డి. లాల్
99 1979 రంగూన్ రౌడి జయప్రద దాసరి నారాయణరావు
100 1979 వినాయక విజయం వాణిశ్రీ కె. కామేశ్వరరావు
101 1980 శివమెత్తిన సత్యం శారద, జయసుధ వి.మధుసూదనరావు
102 1980 కళ్యాణచక్రవర్తి జయసుధ యమ్.యస్. రెడ్డి
103 1980 అల్లుడు పట్టిన భరతం జయప్రద కె.విశ్వనాధ్
104 1980 సీతారాముడు జయప్రద దాసరి నారాయణరావు
105 1980 బెబ్బులి సుజాత వి.మధుసూధనరావు
106 1980 ప్రేమతరంగాలు సుజాత, జయసుధ యస్.పి. చిట్టిబాబు
107 1981 ఆడవాళ్ళూ మీకు జోహార్లు జయసుధ, వై. విజయ కె. బాలచందర్
108 1981 అగ్నిపూలు జయప్రద కె. బాపయ్య
109 1981 పులిబిడ్డ శ్రీదేవి వి.మధుసూదనరావు
110 1981 టాక్సీ డ్రైవర్ జయప్రద యస్.పి. చిట్టిబాబు
111 1981 రగిలే జ్వాల సుజాత, జయప్రద కె. రాఘవేంద్రరావు
112 1981 గువ్వల జంట జయసుధ కె. వాసు
113 1981 రామలక్ష్మణులు జయసుధ ఆర్. త్యాగరాజ్
114 1982 మధుర స్వప్నం జయసుధ, జయప్రద కె. రాఘవేంద్రరావు
115 1982 తల్లీ కొడుకుల అనుబందం జయప్రద కె.యస్.ఆర్. దాస్
116 1982 నిప్పుతో చలగాటం శారద, జయసుధ కొమ్మినేని
117 1982 గొల్కొండ అబ్బులు జయప్రద దాసరి నారాయణరావు
118 1982 జగ్గు జయసుధ పి. చంద్రశేఖర రెడ్డి
119 1982 ప్రళయ రుద్రుడు జయప్రద ఎ. కోదండరామిరెడ్డి
120 1982 త్రిశూలం శ్రీదేవి, రాధిక, జయసుధ కె. రాఘవేంద్ర రావు
121 1983 నిజం చెబితె నేరము జయప్రద యమ్. బాలయ్య
122 1983 అడవి సింహాలు జయప్రద కె. రాఘవేంద్ర రావు
123 1983 పులిబెబ్బులి జయప్రద కె.యస్.ఆర్. దాస్
124 1983 కోటికొక్కడు జయసుధ బి. భాస్కర రావు
125 1983 ధర్మాత్ముడు జయసుధ బి. భాస్కర రావు
126 1984 యుద్దం[5] రాధిక, జయసుధ దాసరి నారాయణరావు
127 1984 సర్దార్ శారద, జయప్రద నందం హరిశ్ఛంద్ర రావు
128 1984 బాబులుగాడి దెబ్బ శ్రీదేవి, రాధిక కె. వాసు
129 1984 కొండవీటి నాగులు రాధిక రాజశేఖరన్
130 1984 యస్. పి. భయంకర్ విజయశాంతి వి.బి. రాజేంద్ర ప్రసాద్
131 1984 బొబ్బిలి బ్రహ్మన్న శారద, జయసుధ కె. రాఘవేంద్ర రావు
132 1984 రారాజు విజయశాంతి జి. రామ్మోహన రావు
133 1984 భారతంలో శంఖారావం జయసుధ బి. భాస్కరరావు
134 1984 రౌడి రాధ, భానుప్రియ ఎ. మోహనగాంధి
135 1985 బందీ రాధ కోడి రామకృష్ణ
136 1985 తిరుగుబాటు జయసుధ దాసరి నారాయణరావు
137 1985 అగ్గిరాజు జయసుధ బి. భాస్కరరావు
138 1985 బుల్లెట్ సుహాసిని బాపు
139 1986 ఉక్కుమనిషి కె.ఆర్.విజయ, రాధిక రాజ్ భరత్
140 1986 రావణబ్రహ్మ లక్ష్మీ, రాధ కె. రాఘవేంద్రరావు
141 1986 నేటి యుగధర్మం జయసుధ జి. రామ్మోహన రావు
142 1986 ఉగ్ర నరసింహం జయప్రద ఎ.కోదండరామిరెడ్డి
143 1986 తాండ్రపాపారాయడు జయప్రద, జయసుధ దాసరి నారాయణరావు
144 1986 బ్రహ్మనాయుడు సుహాసిని దాసరి నారాయణరావు
145 1986 సర్ధార్ ధర్మన్న - -
146 1986 మరణశాసనం - -
147 1986 విశ్వనాధ నాయకుడు జయప్రద దాసరి నారాయణరావు
148 1986 మారణహోమం - -
149 1988 మాఇంటి మహారాజు జయసుధ -
150 1988 అంతిమ తీర్పు సుమలత జోషి
151 1988 పృథ్వీరాజ్ జయసుధ -
152 1988 ప్రచండభారతం - -
153 1988 ధర్మతేజ రాధిక పేరాల
154 1988 ప్రాణస్నేహితులు రాధ -
155 1988 సింహస్వప్నం జయసుధ వి.బి. రాజేంద్ర ప్రసాద్
156 1988 శ్రీరామచంద్రుడు సుజాత, విజయశాంతి విజయ బాపినీడు
157 1988 పాపే మాప్రాణం సుహాసిని -
158 1988 భగవాన్ భానుప్రియ -
159 1988 సుమంగళి జయప్రద -
160 1988 టూ టౌన్ రౌడి - దాసరి నారాయణరావు
161 1990 గురుశిష్యులు - -
162 1990 యమధర్మరాజు సుహాసిని రేలంగి నరసింహారావు
163 1990 నేటి సిద్దార్ధ - క్రాంతి కుమార్
164 1991 ఇంద్రభవనం జ్యోతి కృష్ణ
165 1991 విధాత - జ్యోతికుమార్
166 1993 బావా బావమరిది జయసుధ శరత్
167 1993 అన్నావదిన జయప్రద పి. చంద్రశేఖర రెడ్డి
168 1994 జైలర్ గారి అబ్బాయి జయసుధ శరత్
169 1994 అందరూ అందరే లక్ష్మీ మౌళి
170 1994 గ్యాంగ్ మాస్టర్ - -
171 1994 పలనాటి పౌరుషం రాధిక ముత్యాల సుబ్బయ్య
172 1994 రిక్షా రుద్రయ్య జయసుధజయప్రద కె.ఎస్.నాగేశ్వరరావు
173 1995 సింహ గర్జన జయసుధ కె.అజయ్ కుమార్
174 1996 నాయుడుగారి కుటుంబం - బోయిన సుబ్బారావు
175 1996 తాతా మనవడు శారద దాసరి నారాయణరావు
176 1997 కుటుంబ గౌరవం రాధిక అజయ్ కుమార్
177 1997 మా నాన్నకి పెళ్ళి అంబిక -
178 1997 సింహద మారి (కన్నడం) - రాము
179 1997 హాయ్ బెంగళూర్ (కన్నడం) - -
180 1997 వంశోద్ధారకుడు రాధిక శరత్
181 2000 సుల్తాన్ - శరత్
182 2003 నాకు నువ్వు నీకు నేను సుజాత కాశీ విశ్వనాథ్
183 2006 రామ్ - యన్. శంకర్
184 2006 శ్రీశైలం - శివ నాగేశ్వరరావు
185 2007 బిల్లా - మెహర్ రమేష్
186 2012 రెబెల్ - రాఘవ లారెన్స్
187 2013 చండీ
188 2022 రాధేశ్యామ్

అవార్డులు

1977: అమర దీపం చిత్రానికి ఉత్తమ నటుడు

1984: బొబ్బిలి బ్రహ్మన్న చిత్రానికి ఉత్తమ నటుడు.

రాజకీయ ప్రస్థానం

[మార్చు]

కృష్ణంరాజు మొదట కాంగ్రెస్ పార్టీలో 1991లో చేరినాడు. అదే ఏడాది నర్సాపురం లోక్‌సభ నియోజకవర్గం నుండి పోటీచేసిన తెలుగుదేశం పార్టీ అభ్యర్థి భూపతిరాజు విజయకుమార్ రాజు చేతిలో ఓడిపోయాడు. ఆ తర్వాత కొద్దికాలం రాజకీయాలకు దూరమై సినిమాలకు పరిమితమయ్యాడు. 1998 ఎన్నికలకు ముందు భారతీయ జనతా పార్టీలో చేరి కాకినాడ లోక్‌సభ నియోజకవర్గం నుండి విజయం సాధించి లోక్‌సభలో అడుగుపెట్టాడు. 1999 మధ్యంతర ఎన్నికలలో నర్సాపురం లోక్‌సభ నుండి అప్పటి కాంగ్రెస్ అభ్యర్థి కనుమూరి బాపిరాజుపై గెలుపొంది కేంద్రంలో వాజపేయి నేతృత్వంలోని ఎన్.డి.ఏ. ప్రభుతంలో 2000 సెప్టెంబరు 30న నుండి 2001 జూలై 22 వరకు కేంద్ర విదేశాంగ శాఖ సహాయ మంత్రిగా, 2001 జూలై 1 నుండి 2003 జనవరి 29 వరకు వినియోగదారుల వ్యవహారాలు, ప్రజా పంపిణి శాఖ సహాయ మంత్రిగా, 2003 జనవరి 29 నుండి 2004 మే 22 వరకు కేంద్ర గ్రామీణాభివృద్ధి శాఖ సహాయ మంత్రిగా పనిచేశాడు. 2004 లోక్‌సభ ఎన్నికలలో మళ్ళీ అదే స్థానం నుండి భారతీయ జనతా పార్టీ తరఫున పోటీచేసి కాంగ్రెస్ అభ్యర్థి చేగొండి వెంకట హరిరామజోగయ్య చేతిలో పరాజయం పొందినాడు. మార్చి 2009లో భారతీయ జనతా పార్టిని వీడి చిరంజీవి నేతృత్వంలోని ప్రజారాజ్యం పార్టీలో చేరినాడు.

కృష్ణంరాజు 2009లో రాజమండ్రి నుండి పీఆర్పీ నుండి లోక్‌సభకు పోటీ చేసి ఓడిపోయి, అనంతరం ప్రజారాజ్యం పార్టీని కాంగ్రెస్ లో విలీనం చేయడంతో రాజకీయాల్లోకి దూరంగా ఉంటూ 2014లో తిరిగి బీజేపీ పార్టీలో చేరాడు.[6]

మరణం

[మార్చు]

82 ఏళ్ల కృష్ణంరాజు హైదరాబాదులోని ఒక ప్రైవేటు ఆస్పత్రిలో చికిత్స పొందుతూ 2022 సెప్టెంబరు 11న తుదిశ్వాస వదిలారు.[7][8]

సినిమా జీవితం

[మార్చు]

కృష్ణ కుమారితో కలిసి కోటయ్య ప్రత్యగాత్మ దర్శకత్వం వహించిన చిలకా గోరింక చిత్రంతో 1966లో కృష్ణంరాజు తెలుగు సినిమా రంగంలోకి ప్రవేశించారు. ఈ చిత్రం ఉత్తమ చలనచిత్రంగా నంది అవార్డును గెలుచుకుంది అయితే ఈ సినిమా బాక్స్ ఆఫీస్ వద్ద పరాజయ పాలయింది. ఆ తర్వాత కృష్ణంరాజు ఎన్టీ రామారావు నటించిన పౌరాణిక చిత్రం శ్రీ కృష్ణావతారం (1967)లో నటించాడు. 1968లో నేనంటే నేనే చిత్రంలో కృష్ణంరాజు నటించాడు. ప్రతినాయకుడి పాత్రలు పోషించడానికి కృష్ణంరాజు ఇష్టపడేవాడు కాదు. అయితే ఇతర నటుల సలహాలతో ప్రతినాయక పాత్రలను పోషించేవాడు. .[9][10] కృష్ణంరాజు నందమూరి తారక రామారావు అక్కినేని నాగేశ్వరరావులతో కలిసి చాలా సినిమాల్లో నటించాడు. కృష్ణంరాజు చాలామంది నటీమణుల సరసన నటించారు. కృష్ణ కుమారి, రాజసులోచన, జమున కాంచనలతో అనేక చిత్రాలలో కృష్ణంరాజు నటించారు.[ ఆధారం అవసరం ]

కృష్ణం రాజు నేనంటే నేనే (1968) సినిమాలో కాంచనతో కలిసి నటించాడు. తరువాత, కృష్ణంరాజు యష్ చోప్రా 1965 చిత్రం వక్త్ సినిమాకు తెలుగు రీమేక్ అయిన భలే అబ్బాయిలు (1969)లో నటించాడు. కృష్ణంరాజు బుద్ధిమంతుడు (1969), మనుషులు మారాలి (1969), మళ్లీ పెళ్లి (1970), జై జవాన్ ( 1970) వంటి సినిమాల్లో నటించారు. కృష్ణంరాజు అమ్మ కోసం (1970)లో బాలీవుడ్ నటి రేఖ సరసన నటించాడు, ఇది రేఖ నటిగా మొదటి చిత్రం. తరువాత కృష్ణంరాజు అనురాధ, భాగ్యవంతుడు ( 1971), బంగారు తల్లి (1971) వంటి చిత్రాలలో నటించాడు, ఈ సినిమాలు రెండు విమర్శకుల ప్రశంసలు పొందాయి. తరువాత కృష్ణంరాజు మహమ్మద్-బిన్-తుగ్లక్ (1972) వంటి చిత్రాలలో ఇస్లామిక్ పండితుడు ఇబ్న్ బటూతా పాత్రను పోషించాడు, రాజ్ మహల్ (1972), హంతకులు దేవాంతకులు (1972) రాజసులోచన సరసన నటించాడు, మానవుడు దానవుడు (1972) కృష్ణ కుమారి సరసన నటించాడు, నీతి-ఎన్. (1972) కాంచన సరసన నటించాడు. వింత దంపతులు (1972) జమున సరసన నటించాడు . తర్వాత కృష్ణంరాజు బడి పంతులు (1972), బాల మిత్రుల కథ (1972), జీవన తరంగాలు (1973), కన్న కొడుకు (1973) వంటి సినిమాలలో నటించారు. కృష్ణంరాజు చాలా సినిమాలలో కథానాయకుడిగా సహాయ నటుడిగా నటించాడు.

కృష్ణంరాజు దాసరి నారాయణరావుతో దర్శకత్వంలో మొదటిసారిగా బంట్రోతు భార్యలో నటించారు. తరువాత కృష్ణంరాజు V. మధుసూధనరావు దర్శకత్వం వహించిన సినిమాలో నటించాడు. కృష్ణంరాజు సొంతంగా గోపికృష్ణ మూవీస్ నిర్మాణ సంస్థను ప్రారంభించాడు. తర్వాత జమున, కాంచన, లక్ష్మి సరసన నటించారు. పరివర్తన, జమున సరసన భారతి, ఇద్దరు ఇద్దరే, యవ్వనం కాటేసింది . లాంటి సినిమాలలో నటించారు. తరువాత కృష్ణంరాజు బాపు దర్శకత్వం వహించిన భక్త కన్నప్పలో నటించాడు, ఇది ఉత్తమ ఆడియోగ్రఫీకి జాతీయ చలనచిత్ర అవార్డును గెలుచుకున్న ఏకైక తెలుగు చిత్రంగా నిలిచింది. తర్వాత కృష్ణంరాజు క్రైమ్ సినిమా మంచికి మరో పేరులో నటించాడు. ఆ తర్వాత కృష్ణంరాజు కమలాకర కామేశ్వరరావు దర్శకత్వంలో వచ్చిన కురుక్షేత్రం (సినిమా)లో కర్ణుడు పాత్రను పోషించాడు. ఆ తర్వాత కృష్ణంరాజు కె. రాఘవేంద్రరావు దర్శకత్వంలో వచ్చిన అమర దీపం చిత్రంలో నటించాడు. ఈ సినిమా కృష్ణంరాజుకు 1977 సంవత్సరానికి గాను ఫిల్మ్‌ఫేర్ ఉత్తమ నటుడు అవార్డు (తెలుగు) ఉత్తమ నటుడిగా నంది అవార్డును సంపాదించిపెట్టింది. ఆ తర్వాత కృష్ణంరాజు జీవన తీరాలు, మనుషులు చేసిన దొంగలు, సతీ సావిత్రి వంటి చిత్రాల్లో నటించారు. తరువాత కృష్ణంరాజు కటకటాల రుద్రయ్యలో నటించాడు, 18 లక్షలతో తీసిన ఈ సినిమా 75 లక్షలు రాబట్టింది. ఆ తర్వాత, కృష్ణంరాజు జయకృష్ణ నిర్మించిన మన వూరి పాండవులు చిత్రంలో నటించారు. ఈ చిత్రం 1978 సంవత్సరానికి గాను ఫిల్మ్‌ఫేర్ ఉత్తమ చలనచిత్ర అవార్డు ని పొందింది కృష్ణం రాజు జయ కృష్ణతో కలిసి అవార్డును పంచుకున్నారు. కృష్ణంరాజు నటించిన కటకటాల రుద్రయ్య, మన వూరి పాండవులు 10 రోజుల గ్యాప్‌లో విడుదలై బ్లాక్‌బస్టర్‌గా నిలిచాయి.[11] జేమ్స్ బాండ్‌ సినిమాలో కృష్ణంరాజు గూడచారి పాత్రను పోషించాడు. ఆ తర్వాత కృష్ణంరాజు రంగూన్ రౌడీ, శ్రీ వినాయక విజయము చిత్రాలలో శివుని పాత్రను పోషించాడు . ఆ తర్వాత కృష్ణంరాజు కె. విశ్వనాథ్ దర్శకత్వంలో వచ్చిన శివమెత్తిన సత్యం, కల్యాణ చక్రవర్తి, అల్లుడు పట్టిన భరతం వంటి సినిమాల్లో నటించాడు. తరువాత కృష్ణంరాజు సీతా రాములు, బెబ్బులి , ప్రేమ తరంగాలులాంటి సినిమాలలో నటించాడు. 1981లో కృష్ణంరాజు కె. బాలచందర్ దర్శకత్వం వహించిన ఆడవాళ్ళు మీకు జోహార్లు చిత్రంలో నటించారు. అదే సంవత్సరంలో, కృష్ణంరాజు యద్దనపూడి సులోచనా రాణి నవల ఆధారంగా నిర్మించిన అగ్ని పూలులో నటించాడు. ఆ తర్వాత కృష్ణంరాజు, పులి బిడ్డ, టాక్సీ డ్రైవర్, రగిలే జ్వాల, గువ్వల జంట, రామ లక్ష్మణులు, మధుర స్వప్నం, తల్లి కొడుకుల అనుబంధం, నిప్పుతో చెలగాటం, గోల్కొండ అబ్బులు, జగ్గు, ప్రళయ రులమద్దు, విమర్శకుడు సినిమాలలో నటించాడు.

1984లో కృష్ణంరాజు యుద్ధం, సర్దార్, బాబులుగాడి దెబ్బ, కొండవీటి నాగులు, ఎస్పీ భయంకర్ సినిమాలలో నటించారు. తరువాత, కృష్ణంరాజు బొబ్బిలి బ్రహ్మన్నలో నటించాడు, ఈ సినిమా అతనికి ఫిల్మ్‌ఫేర్ ఉత్తమ నటుడు అవార్డు (తెలుగు) ఉత్తమ నటుడిగా నంది అవార్డును సంపాదించిపెట్టింది.[12] కృష్ణంరాజు 1986లో దిలీప్ కుమార్ జీతేంద్రతో కలిసి ఈ సినిమాను హిందీలో ధర్మ అధికారిగా రీమేక్ చేశాడు. ఆ తర్వాత కృష్ణంరాజు రారాజు, భారతంలో శంఖారావం, రౌడీ, బందీ, తిరుగుబాటు, అగ్గి రాజు, బుల్లెట్, ఉక్కు మనిషి, రావణ బ్రహ్మ, నేటి యుగధర్మం, ఉగ్ర నరసింహం వంటి చిత్రాల్లో నటించారు. 1986లో కృష్ణంరాజు తాండ్ర పాపారాయుడులో తాండ్ర పాపారాయుడు పాత్రను పోషించి 1986లో ఫిల్మ్‌ఫేర్ ఉత్తమ నటుడి అవార్డును పొందాడు. ఈ సినిమా 11వ ఇంటర్నేషనల్ ఫిల్మ్ ఫెస్టివల్ ఆఫ్ ఇండియాలో ప్రదర్శించబడింది. తరువాత, కృష్ణంరాజు సర్దార్ ధర్మన్న మరణ శాసనం వంటి చిత్రాలలో నటించాడు, ఇది అతనికి 1987 సంవత్సరానికి ఫిల్మ్‌ఫేర్ ఉత్తమ నటుడి అవార్డును తెచ్చిపెట్టింది. 1987లో కృష్ణంరాజు బ్రహ్మనాయుడు, విశ్వనాథ నాయకుడు శ్రీకృష్ణదేవరాయల పాత్రలలో నటించారు. ఆ తర్వాత కృష్ణంరాజు మరణ హోమం, కిరాయి దాదా, మా ఇంటి మహా రాజు, అంతిమ తీర్పు, పృథ్వీ రాజ్, ప్రచండ భారతం, ధర్మ తేజ, ప్రాణ స్నేహితులు, సింహ స్వప్నం, శ్రీరామచంద్రుడు, భగవాన్, టూ టౌన్ రౌడీ, యమ ధర్మరాజు వంటి చిత్రాల్లో నటించారు.

1991లో, కృష్ణంరాజు విధాత, బావ బావమరిది, జైలర్ గారి అబ్బాయి, అందరూ అందరే, గ్యాంగ్‌మాస్టర్ సినిమాల్లో నటించారు. 1994లో, కృష్ణంరాజు పల్నాటి పౌరుషంలో నటించాడు & ఈ చిత్రం బాక్సాఫీస్ వద్ద సూపర్ హిట్ అయింది. తరువాత, కృష్ణంరాజు రిక్షా రుద్రయ్య, సింహ గర్జన, నాయుడుగారి కుటుంబం, తాత మనవడు, కుటుంబ గౌరవం, మా నాన్నకు పెళ్లి సినిమాలలో నటించాడు. 1997లో, కృష్ణంరాజు కన్నడ సినిమా రంగంలోకి ప్రవేశించాడు హై బెంగుళూరు సింహదా మారి అనే రెండు కన్నడ చిత్రాలలో నటించాడు. తరువాత కృష్ణంరాజు సుల్తాన్, వంశోద్ధారకుడు, నీకు నేను నాకు నువ్వు సినిమాలలో నటించాడు. కృష్ణంరాజు ప్రభాస్ తో కలిసి బిల్లా చిత్రంలో నటించాడు ప్రభాస్‌తో మొదటిసారి నటించాడు. ఆ తర్వాత కృష్ణంరాజు తకిట తకిట, రెబల్ చిత్రాల్లో నటించాడు. తరువాత కృష్ణంరాజు చండీ, ఎవడే సుబ్రమణ్యం , చారిత్రాత్మక చిత్రం రుద్రమదేవిలో నటించాడు, ఇందులో కృష్ణంరాజు రుద్రమ దేవి తండ్రి గణపతి దేవుడు పాత్రను పోషించాడు. కృష్ణంరాజు చివరి చిత్రం రాధే శ్యామ్ (2022), ఇందులో అతను పరమహంస పాత్రను పోషించాడు.

మూలాలు

[మార్చు]
  1. ↑ Wikisource link to https://en.wikipedia.org/wiki/Krishnam_Raju. వికీసోర్స్. 
  2. ↑ "Latest Telugu News, Headlines, Breaking News, Articles". EENADU. Retrieved 2021-11-21.
  3. ↑ https://www.youtube.com/watch?v=wHDw-DCvhWk
  4. ↑ Sakshi (22 December 2019). "ఆ క్రెడిట్‌ రెబల్‌స్టార్‌దా? శ్యామలదా?!". Archived from the original on 25 November 2021. Retrieved 25 November 2021.
  5. ↑ ఆంధ్రజ్యోతి, నవ్య (ఓపెన్ పేజీ) (21 June 2020). "ఎన్టీఆర్‌ సినిమా కథతో వీరిద్దరి సినిమా!". www.andhrajyothy.com. వినాయకరావు. Archived from the original on 21 June 2020. Retrieved 14 August 2020.
  6. ↑ Sakshi (12 September 2022). "రాజకీయాల్లో పడిలేచిన కెరటం!". Archived from the original on 12 September 2022. Retrieved 12 September 2022.
  7. ↑ "ప్రముఖ నటుడు కృష్ణంరాజు కన్నుమూత". web.archive.org. 2022-09-11. Archived from the original on 2022-09-11. Retrieved 2022-09-11.{{cite web}}: CS1 maint: bot: original URL status unknown (link)
  8. ↑ "Tollywood Senior Actor Krishnam Raju Passes Away, Celebs Pay Tribute - Moviezupp" (in అమెరికన్ ఇంగ్లీష్). 2022-09-11. Retrieved 2022-09-11.
  9. ↑ M. L. Narasimham (21 February 2019). "Nenante Nene (1968)". The Hindu (in Indian English). ISSN 0971-751X. Retrieved 11 September 2022.
  10. ↑ ఉల్లేఖన లోపం: చెల్లని <ref> ట్యాగు; :0 అనే పేరుగల ref లలో పాఠ్యమేమీ ఇవ్వలేదు
  11. ↑ "Krishnam Raju's unique feat". The Times of India.
  12. ↑ "CineGoer.com – Satyasai Karavadi's Articles – Review – Bobbili Brahmanna". Archived from the original on 29 September 2012.

బయటి లింకులు

[మార్చు]
"https://te.wikipedia.org/w/index.php?title=కృష్ణంరాజు_(నటుడు)&oldid=4149321" నుండి వెలికితీశారు