చిల్లరకొట్టు చిట్టెమ్మ

	చిల్లరకొట్టు చిట్టెమ్మ; (1977 తెలుగు సినిమా)
; సినిమా పోస్టర్
దర్శకత్వం	దాసరి నారాయణరావు
తారాగణం	మురళీమోహన్,; జయచిత్ర,; మాడా,; గోకిన రామారావు
సంగీతం	రమేష్ నాయుడు
నిర్మాణ సంస్థ	లక్ష్మీ జ్యోతి ఫిల్మ్స్
భాష	తెలుగు

ఇది 1977, అక్టోబరు 7న విడుదలైన ఒక తెలుగు సినీమా. దాసం గోపాలకృష్ణ రాసిన 'చిల్లరకొట్టు చిట్టెమ్మ' గోదావరి జిల్లాలలో ప్రాచుర్యంలో ఉన్న నాటకం. ఆ నాటకం ఆధారంగా దాసరి దర్శకత్వంలో నిర్మించబడిన చిత్రమిది. ఈ చిత్ర విజయంలో నపుంసక వేషం వేసిన శ్రీ మాడా వెంకటేశ్వరరావు గారు ప్రధాన పాత్ర పోషించారు.

చిత్రకథ

దత్తుడు (మురళీమోహన్) నిర్మల కొడుకు, జీళ్ళ సీతయ్య (గోకిన రామారావు) మరదలు చిట్టెమ్మ (జయచిత్ర) చిన్నప్పటినుండి ప్రేమించుకుంటారు. ఆస్తిపరుడైన దత్తుడ్ని వేరే అమ్మయికిచ్చి పెళ్ళి చేస్తారు. చిట్టెమ్మ అక్క మరణించడంతో చిట్టెమ్మ వయసులో చాలా పెద్దవాడైన బావను పెళ్ళి చేసుకోవసి వస్తుంది. చిల్లర కొట్టు (పచారీ సరుకులు అమ్మే దుకాణం, మిని సూపరు బజారు వంటిది) నడపటం వల్ల చిట్టెమ్మ, చిల్లరకొట్టు చిట్టెమ్మ అయ్యింది. ఆమెను బట్టల వర్తకుడు, బంగారు నగల వర్తకులు లోబరచుకోవాలని చూస్తారు. వీలుకాక ఆమె మీద పుకార్లు సృష్టిస్తారు. అనుమానంతో జీళ్ళసీతయ్య చిట్టెమ్మను నరికేస్తాడు.

తారాగణం

మాగంటి మురళి మోహన్
జయచిత్ర
మాడా వెంకటేశ్వరరావు
గొకిన రామారావు
కె.వి.చలం
పి.బెనర్జీ
మల్లాది
సి.హెచ్.కృష్ణమూర్తి
లక్ష్మీకాంతమ్మ
జయవిజయ
ఉషా చౌదరి
శాంతాదేవి
సావిత్రి
బెజవాడ చంద్రకళ
నిర్మల
ఎన్.డి.లక్ష్మి
బేబీ తులసి
బేబీ రోహిణి

సాంకేతిక వర్గం

స్క్రీన్ ప్లే, దర్శకత్వం: దాసరి నారాయణరావు
కధ, మాటలు: దాసం గోపాలకృష్ణ
గీత రచయితలు: దాసo గోపాలకృష్ణ , సింగిరెడ్డి నారాయణరెడ్డి
సంగీతం: రమేష్ నాయుడు
నేపథ్య గానం:శిష్ట్లా జానకి, శ్రీపతి పండితారాథ్యుల బాలసుబ్రహ్మణ్యం , పులపాక సుశీల,రమేష్ నాయుడు, ఎల్. ఆర్. అంజలి, శేఖర్, శారద
కళ: భాస్కరరాజు
నృత్యం: రాజు, శేషు

కూర్పు: పి. జి. కృష్ణారావు
ఛాయా గ్రహణం: కె.ఎస్.మణి
సహకార దర్శకుడు: దుర్గా నాగేశ్వరరావు
అసోసియేట్ డైరెక్టర్: నందం హరిశ్చంద్రరావు, కోడి రామకృష్ణ
నిర్మాత: ఆర్.ఎస్.రాజు
నిర్మాణ సంస్థ: లక్ష్మిజ్యోతి ఫిలింస్
విడుదల:07:10:1977.

పాటలు

ఏంటబ్బాయా యిదేంటబ్బాయా నా దుంప - ఎస్.పి.బాలు, ఎస్. జానకి - రచన: దాసం గోపాలకృష్ణ
తల్లి గోదారికే ఆటుపోటుంటె తప్పుతుందా మనిషికి - రమేష్ నాయడు - రచన: డా. సినారె
తాటి చెట్టు తల్లికాదు .. తాగినోడు మొగుడు కాదు - ఎస్.పి. బాలు బృందం - రచన: డా. సినారె
చీటికి మాటికి చిట్టెమ్మంటె చీపురు దెబ్బలు తింటావురో - ఎల్. ఆర్. అంజలి, శారద - రచన: దాసం గోపాలకృష్ణ
సువ్వీ కస్తూరి రంగా సువ్వీ కావేటి రంగా - ఎస్.జానకి, ఎస్.పి. బాలు - రచన: దాసం గోపాలకృష్ణ
చూడు పిన్నమ్మా పాడు పిల్లోడు పైన పైన పడతనంటడు - ఎస్.పి. బాలు - రచన: దాసం గోపాలకృష్ణ
సుక్కల్లో పెదసుక్క సందమామా వెలుగులకే వెలుగమ్మ - పి.సుశీల - రచన: డా. సినారె

జనాదరణపొందిన సంభాషణలు

మాడా: నక్కలు బొక్కలు వెతుకుతై... కుక్కలు చెప్పులు వెతుకుతై
మాడా: చిత్రాల మొగుడు ఉత్తరమేస్తే ... చింతల తోపుల్లో చిక్కుకున్నదట
మాడా: ఇంటింటిముందు ఇటుకల పొయ్యి .. మా ఇంటి ముందర మట్టి పొయ్యి
మాడా: దుంగలు మొయ్యాలా ... దూలాలు మొయ్యాలా?

అవార్డులు

ఈ చిత్రంలో రమేష్ నాయుడుకు ఉత్తమ నేపథ్య గాయకునిగా నంది పురస్కారం లభించింది.

మూలాలు

ఘంటసాల గళామృతము బ్లాగు - కొల్లూరి భాస్కరరావు, ఘంటసాల సంగీత కళాశాల, హైదరాబాద్ - (చల్లా సుబ్బారాయుడు సంకలనం ఆధారంగా)