మోపిదేవి

వికీపీడియా నుండి
Jump to navigation Jump to search
మోపిదేవి
—  రెవిన్యూ గ్రామం  —
రాష్ట్రం ఆంధ్రప్రదేశ్
జిల్లా కృష్ణా
మండలం మోపిదేవి
ప్రభుత్వము
 - సర్పంచి శ్రీ కొల్లి చక్రపాణి
జనాభా (2001)
 - మొత్తం 7,438
 - పురుషులు 3,319
 - స్త్రీలు 3,367
 - గృహాల సంఖ్య 1,846
పిన్ కోడ్ 521125
ఎస్.టి.డి కోడ్ 08671


మోపిదేవి
—  మండలం  —
కృష్ణా జిల్లా పటములో మోపిదేవి మండలం స్థానం
కృష్ణా జిల్లా పటములో మోపిదేవి మండలం స్థానం
మోపిదేవి is located in Andhra Pradesh
మోపిదేవి
మోపిదేవి
ఆంధ్రప్రదేశ్ పటంలో మోపిదేవి స్థానం
అక్షాంశరేఖాంశాలు: Coordinates: Coordinates: Unknown argument format
రాష్ట్రం ఆంధ్రప్రదేశ్
జిల్లా కృష్ణా జిల్లా
మండల కేంద్రం మోపిదేవి
గ్రామాలు 17
ప్రభుత్వము
 - మండలాధ్యక్షుడు
జనాభా (2001)
 - మొత్తం 36,012
 - పురుషులు 18,071
 - స్త్రీలు 17,941
అక్షరాస్యత (2001)
 - మొత్తం 61.35%
 - పురుషులు 66.89%
 - స్త్రీలు 55.81%
పిన్‌కోడ్ 521125

మోపిదేవి, ఆంధ్ర ప్రదేశ్ రాష్ట్రములోని కృష్ణా జిల్లాకు చెందిన గ్రామం. పిన్ కోడ్ నం. 521 125., ఎస్.టి.డి.కోడ్ = 08671.

గ్రామ చరిత్ర[మార్చు]

గ్రామం పేరు వెనుక చరిత్ర[మార్చు]

గ్రామ భౌగోళికం[మార్చు]

[1] సముద్రమట్టానికి 6 మీ.ఎత్తు Time zone: IST (UTC+5:30)

సమీప గ్రామాలు[మార్చు]

పులిగడ్డ, పెదప్రోలు, నాగాయతిప్ప. పెదకళ్ళేపల్లి.

సమీప మండలాలు[మార్చు]

అవనిగడ్డ, చల్లపల్లి,రేపల్లె, ఘంటసాల

గ్రామానికి రవాణా సౌకర్యాలు[మార్చు]

రైల్వేస్టేషన్:- విజయవాడ 64 కి.మీ., మచిలీపట్నం 30 కి.మీ.

గ్రామంలోని విద్యా సౌకర్యాలు[మార్చు]

జిల్లా పరిషత్తు ఉన్నత పాఠశాల[మార్చు]

  1. ఈ పాఠశాలలో చదువుచున్న కర్లపూడి పావని అను విద్యార్థిని, డిసెంబరు/2013 లో, చండీఘర్ లో జరుగు జాతీయస్థాయి త్రోబాలు పోటీలకు, అండర్-14 విభాగంలో పాల్గొనుటకు ఎంపికైనది. [3]
  2. ఈ పాఠశాల, 2014,ఫిబ్రవరి-19న, 65వ వార్షికోత్సవం జరుపుకున్నది. [4]
  3. ఈ పాఠశాలలో చదివిన కొక్కిలిగడ్డ కిన్నెర అను విద్యార్థిని, 10వ తరగతి 556 మార్కులతో ఉత్తీర్ణురాలై, నూజివీడులోని ఐ.ఐ.ఐ.టి.లో సీటు సాధించింది. అక్కడ మొదటి సంవత్సరం బి.టెక్. చదువుచున్న ఈమె, 2014,మే-14 నుండి 18 వరకు అమెరికాలోని "నాసా" అంతరిక్ష పరిశోధన సంస్థ వారు నిర్వహించిన పోటీలలో పాల్గొని, ప్రదర్శించిన ఎథేనా-2014(ATHENA-2014) ప్రాజెక్టుకు ప్రపంచస్థాయిలో రెండవ స్థానం లభించింది. రాతియుగం నుండి రాకెట్ యుగం వరకు సాధించిన ప్రగతిని శాశ్వతంగా, అత్యాధునిక సౌకర్యాలు అనుభవించాలంటే ఏమి చేయాలన్న విషయమై ఈమె రూపొందించిన ప్రాజెక్టు ప్రశంసలనందుకున్నది. దీనిద్వారా అంతరిక్షంలో కృత్రిమ నివాస ప్రాంతం రూపొందించి, అక్కడ ఎదురయ్యే సమస్యలను ముందుగానే ఊహించి, పరిష్కార మార్గాలను ఈమె తన ప్రాజెక్టు ద్వారా వివరించింది.[ఈనాడు కృష్ణా; 2014,మే-30; 11వ పేజీ.]
  4. ఈ పాఠశాలలో 2014-15 విద్యా సంవత్సరంలో 10వ తరగతి చదివిన కొండేటి కళ్యాణి అను విద్యార్థిని, ఈ పాఠశాలలోనే తొలిసారిగా, 10/10 గ్రేడ్ మార్కులు సాధించి, పాఠశాలకే ఎనలేని గుర్తింపు తెచ్చింది. [10]
  5. ఈ పాఠశాలో ప్రవాస భారతీయులైన దాతల ఆర్థిక సహకారంతో, 2015,ఆగస్టు-11వ తేదీనాడు, డిజిటల్ తరగతులను ప్రారంభించనున్నారు. [11]
  6. ఈ పాఠశాల విద్యార్థి కారుమూరి నాగమల్లేశ్వరరావు, రాష్ట్రస్థాయిలో నిర్వహించు పాఠశాలల క్రీడాపోటీలలో, అండర్-16 విభాగంలో పాల్గొనడానికి ఎంపికైనాడు. [12]
  7. ప్రస్తుత కేంద్ర సాహిత్య అకాడమీ కార్యదర్శి శ్రీ కృత్తివెంటి శ్రీనివాసరావు,ఈ పాఠశాలలోనే విద్యనభ్యసించారు. [17]
  8. ఈ పాఠశాల క్రీడా మైదానంలో, మహాత్మా గాంధీ జాతీయ గ్రామీణ ఉపాధి హామీ పథకంలో భాగంగా, ఐదు లక్షల రూపాయల వ్యయంతో ఒక ట్రాక్ ఏర్పాటుచేయుచున్నారు. ఈ పాఠశాలలో క్రీడలు, ఆటలు ప్రోత్సహించేటందుకు ప్రభుత్వం ఉపాధి హామీ పథకం నిధులను ఈ పాఠశాలకు కేటాయించినది. [20]
  9. ఈ పాఠశాలలో చదువుచున్న గొరిపర్తి గోపీకృష్ణ అను విద్యార్ధి, ఇటీవల అనంతపురంలో నిర్వహించిన రాష్ట్రస్థాయి సాఫ్ట్ బాల్ పోటీలలో తన ప్రతిభ కనబరచి, ఆగష్టు-2017లో నిర్వహించు జాతీయస్థాయి పోటీలకు ఎంపికైనాడు. [21]

మండల పరిషత్తు ప్రాథమిక పాఠశాల[మార్చు]

ఈ పాఠశాల స్థానిక ప్రజాశక్తినగర్ లో ఉంది. ఈ పాఠశాల వార్షికోత్సవం, 2015,మార్చి-12వ తేదీ నాడు నిర్వహించెదరు. [8]

మహాత్మా జ్యోతిబా పూలే వెనుకబడిన తరగతుల గురుకుల పాఠశాల[మార్చు]

(ఆంధ్రప్రదేశ్ రాష్ట్ర ప్రభుత్వ గురుకుల పాఠశాల)

  1. ఈ పాఠశాల విద్యార్థులు, పాఠశాల స్థాపించిన 2003-2004 నుండి ఇప్పటివరకు, 10వ తరగతి పరీక్షలలో, వరుసగా 11వ సారి, 100% ఉత్తీర్ణత సాధించి రికార్డులకెక్కినారు. [4]
  2. ఈ పాఠశాలలో, 2014,డిసెంబరు-15 నుండి 17 వరకు, మహాత్మా పూలే ఆంధ్రప్రదేశ్ రాష్ట్ర గురుకుల పాఠశాలల, రాష్ట్రస్థాయి పోటీలు నిర్వహించారు. ఈ పోటీలలో, 31 పాఠశాలలకు చెందిన 1,000 మంది క్రీడాకారులు, బాలబాలికల జట్లు పాల్గొన్నారు. ఈ సందర్భంగా వాలీబాల్, ఖో-ఖో, షటిల్ బాడ్మింటన్, కబడ్డీ, టెన్నికాయిట్, చదరంగం విభాగాలలోనూ, అథ్లెటిక్స్ విభాగంలో రన్నింగ్, షాట్ పుట్, థ్రోబాల్, హైజంప్, లాంగ్ జంప్ తదితర పోటీలు నిర్వహించారు. ఉదయం నుండి సాయంత్రం వరకు క్రీడాపోటీలు, సాయంత్రం సాంస్కృతిక, వినోద కార్యక్రమాలు నిర్వహించారు. [6] & [7]
  3. ఇటీవల గుడివాడలోని నందమూరి తారకరామరావు స్టేడియంలో నిర్వహించిన జాతీయస్థాయి పైకా వాలీబాల్ పోటీలలో, ఆంధ్రప్రదేశ్ జట్టు విజేతగా నిలిచి, స్వర్ణపతకం సాధించింది. ఈ జట్టులో ఈ గురుకుల పాఠశాల విద్యార్థి అర్జున్ ప్రధాన భాగస్వామ్య పాత్ర పోషించి, జట్టు విజయంలో కీలక పాత్ర వహించాడు. [15]

గ్రామంలో మౌలిక వసతులు[మార్చు]

మండల వనరుల కేంద్రం[మార్చు]

ఈ కేంద్రాన్ని ఒకటిన్నర లక్షల రూపాయల వ్యయంతో అధునికీకరించి, పూర్తిస్థాయిలో వసతులు, సౌకర్యాలు కల్పించారు. నూతన హంగులు సంతరించుకున్న ఈ భవనాన్ని, 2017,ఏప్రిల్-6న ప్రారంభించారు. [19]

బ్యాంకులు[మార్చు]

  1. స్టేట్ బ్యాంక్ ఆఫ్ ఇండియా. ఫోన్ నం. 08671/247257.,సెల్=9908524842.
  2. కెనారా బ్యాంక్:- గ్రామంలో ఈ బ్యాంక్ శాఖను 2015,నవంబరు-19న ప్రారంభించారు. [14]

కావూరు రమేష్ బాబు స్మారక ప్రాధమిక అరోగ్య కేంద్రం[మార్చు]

ఈ కేంద్రానికి, శ్రీ కావూరి రమేష్ బాబు, లక్షలాది రూపాయల విలువైన 20 సెంట్ల స్థలాన్ని, 2003లో వితరణ చేసారు. ప్రభుత్వం నిధులు మంజూరుచేసి, అ స్థలంలో భవనం నిర్మించారు. [13]

పశువైద్యశాల[మార్చు]

తిరుమల తిరుపతి దేవస్థానం కళ్యాణమండపం[మార్చు]

గ్రామానికి వ్యవసాయం, సాగునీటి సౌకర్యం[మార్చు]

చెరువు[మార్చు]

ఈ గ్రామంలోని శ్రీ సుబ్రహ్మణ్యేశ్వరస్వామివారికి చెందిన ఈ చెరువు, ఏడు ఎకరాలలో విస్తరించియున్నది. ఈ చెరువును పూడికతీత పనులకోసం ఎండగట్టినారు. స్వామివారికి పుష్కరిణి ఏర్పాటుతోపాటు, భవిష్యత్తులో తెప్పోత్సవం నిర్వహించుటకై అనువైన వాతావరణం కల్పించడంతోపాటు, చెరువుగట్లను పటిష్ఠంచేసి, గట్లపై మొక్కలు పెంచడం, చెరువు మధ్యలో అహ్లాదకరంగా ఫౌంటెన్ ఏర్పాటు, తదితర పనులతో సుందరీకరణ చేయబోవుచున్నారు. [19]

గ్రామ పంచాయతీ[మార్చు]

  1. గంజివాని పాలెం గ్రామం, మోపిదేవి గ్రామ పంచాయతీలోని ఒక శివారు గ్రామం.
  2. కీ.శే. యండ్రపాటి వెంకటేశ్వరారావు, మాజీ సర్పంచి.
  3. 2013 జూలైలో మోపిదేవి గ్రామ పంచాయతీకి జరిగిన ఎన్నికలలో శ్రీ కొల్లి చక్రపాణి సర్పంచిగా గెలుపొందారు. వీరు 2016,మే-7వతేదీ శనివారం ఉదయం, పదవిలో ఉండగానే, మోపిదేవిలోని తన స్వగృహంలో, హఠాత్తుగా, గుండెపోటుతో కన్నుమూసినారు. వీరి అనంతరం శ్రీ కర్లపూడి పూర్ణచంద్రరావు, గ్రామ సర్పంచ్‌గా పదవీ బాధ్యతలు చేపట్టినారు. [2],[16]&[18]

గ్రామంలోని దర్శనీయ ప్రదేశములు/దేవాలయాలు[మార్చు]

శ్రీ సుబ్రహ్మణ్యేశ్వరస్వామివారి ఆలయం[మార్చు]

దస్త్రం:Utsav Idols of Sakaleshwara Swamy.JPG
సకలేశ్వరస్వామి ఉత్సవ విగ్రహాలు

చరిత్ర[మార్చు]

స్థలపురాణం ప్రకారం సుబ్రహ్మణ్యేశ్వర స్వామి ఆలయంలోని మూలమూర్తి స్వయంభూలింగం. వీరారపు పర్వతాలు అనే కుమ్మరి శివభక్తుని భక్తికి మెచ్చి శివుడు కలలో కనిపించి మోపిదేవి గ్రామంలోని చీమలపుట్టను త్రవ్వి తన లింగాన్ని బయల్పరచమని ఆదేశించాడు. పర్వతాలు తన కల గురించి గ్రామస్థులకు తెలియజేసి కలలో కనిపించిన ప్రదేశంలో చీమలపుట్టను త్రవ్వాడు. ఆశ్చర్యకరంగా బయల్పడిన లింగాన్ని ఆ చీమలపుట్టపైనే ప్రతిష్ఠించి గ్రామస్థులు పూజించడం ప్రారంభించారు. పర్వతాలు గుఱ్ఱము, నంది, కోడి, గరుత్మంతుని విగ్రహాలను బంకమన్నుతో తయారుచేశాడు. మహాఋషుల విగ్రహాలను కూడా బంకమన్నుతో తయారుచేసి బట్టిలో కాల్చి కలకాలం చెక్కుచెదరకుండా తీర్చిదిద్దాడు. సుబ్రహ్మణ్యేశ్వర స్వామి చల్లపల్లి జమిందారీ కుటుంబం యొక్క ఇలవేల్పు. ఇప్పటికీ వీరి ఆధ్యర్యంలోనే ఆలయ నిర్వహణ కొనసాగుతున్నది.

నాగశిల[మార్చు]

ఈ ఆలయ ఆవరణలో, 2014, ఆగష్టు-8, రెండవ శ్రావణ శుక్రవారం నాడు, నాగమల్లి వృక్షం వద్ద, నాగశిల ప్రతిష్ఠ కోసం, గూడపాడుకు చెందిన శ్రీ కోట భాస్కరరావు, రాజారావు, సూర్యప్రకాశరావు దంపతులు, ప్రత్యేకపూజలు నిర్వహించారు. ప్రతిష్ఠించనున్న నాగశిలకు, వేదమంత్రోచ్ఛారణలు, హోమాల మధ్య, అర్చకులు, ఈ దంపతులచే ప్రతిష్ఠకు సంబంధించిన పూజలు చేయించారు. [6]

దేవస్థానం చిరునామా[మార్చు]

అసిస్టెంట్ కమిషనర్ & ఎక్జెక్యూటివ్ ఆఫీసర్, శ్రీ సుబ్రహ్మణ్యేశ్వర స్వామివారి దేవస్థానం, మోపిదేవి గ్రామం. కృష్ణా జిల్లా. pin 521 125.

  • ఫోన్ నం. 08671/257240., సెల్ = 9491000723., ఇ.మెయిల్:- ap_eo_estatetemples@yahoo.co.in

మోపిదేవి గ్రామంలోని ఇతర ఆలయాలు[మార్చు]

  1. శ్రీ బాల సుబ్రహ్మణ్యేశ్వరస్వామివారి ఆలయం:- ఈ ఆలయం మోపిదేవి గ్రామంలోని ఆశ్రమ పాఠశాల సమీపంలో ఉంది.
  2. శ్రీ గంగా పార్వతీ సమేత సకలేశ్వరస్వామి ఆలయం:- సుబ్రహ్మణ్యేశ్వర స్వామి ఆలయం ప్రక్కనే మరో ప్రసిద్ధ ఆలయం - శ్రీ గంగా పార్వతీ సమేత, సకలేశ్వరస్వామి ఆలయం ఉంది. ఇది కూడా స్వయంభూలింగమే సగర మహారాజు పూజించిన లింగం కావడంతో ఆ పేరు వచ్చింది. 1783లో మోపిదేవి వరదలలో కొట్టుకుపోయినప్పుడు ఈ లింగం బయల్పడింది. అప్పటి జమీందారైన అడుసుమిల్లి గంగుభొట్లు ఆలయం నిర్మింపజేశాడు. అయితే ఆ లింగం భూమిలో ఇంకా ఎంత లోతువరకు విస్తరించి ఉన్నదో ఎవరికీ తెలియదు. ప్రస్తుతం ఈ ఆలయ నిర్వహణ అడుసుమిల్లి కుటుంబం చేతిలో ఉంది. ఈ స్వామివారి కళ్యాణం, ప్రతి సంవత్సరం, మహాశివరాత్రికి రెండు రోజులముందు నిర్వహించెదరు. ఈ రెండు ఆలయాలను సందర్శించడానికి భక్తులు ఆంధ్రదేశమంతటి నుండి విచ్చేస్తారు. ఈ ఆలయంలో ప్రతి సంవత్సరం, దసరా పండుగ సందర్భంగా శరన్నవరాత్రి ఉత్సవాలు వైభవంగా నిర్వహించెదరు.
  3. శ్రీ రామాలయం:- మోపిదేవి బస్సుస్టాండ్ ప్రాంతంలో నెలకొన్న ఈ ఆలయంలో 2015,ఆగష్టు-16వ తేదీ ఆదివారం నాడు, పోతురాజు శిలల ప్రతిష్ఠాపన కార్యక్రమం, అత్యంత వైభవంగా నిర్వహించారు. ప్రతిష్ఠించవలసిన శిలలను శనివారం రాత్రి, జాగరణతో గ్రామోత్సవం నిర్వహించారు. ఈ కార్యక్రమంలో వేలాదిగా పాల్గొని మొక్కుబడులు తీర్చుకున్నారు. ఈ సందర్భంగా విచ్చేసిన రెండువేల మందికి పైగా భక్తులకు, మద్యాహ్నం అన్నసంతర్పణ నిర్వహించారు. [11]
  4. శ్రీ అంకమ్మ తల్లి ఆలయం:- మోపిదేవి గ్రామంలోని బి.సి.కాలనీలో 2014, ఆగష్టు-3వ తేదీ ఆదివారం నాడు, శ్రీ అంకమ్మ దేవత విగ్రహ ప్రతిష్ఠా మహోత్సవం అంగరంగ వైభవంగా నిర్వహించారు. యార్లగడ్డ వంశస్తుల ఇలదేవత అగు శ్రీ అంకమ్మ దేవత, పోతురాజు శిలలను, గ్రామోత్సవం నిర్వహించి, దేవాలయంలో ప్రతిష్ఠించారు. యార్లగడ్డ వంశస్తులైన 30 కుటుంబాలవారు, 200మంది భక్తులు, ప్రతిష్ఠించిన అమ్మవారిని మొక్కుబడులు తీర్చుకున్నారు. ఈ కార్యక్రమంలో దూరప్రాంతాలలో ఉన్న యార్లగడ్డ వంశస్థులు పాల్గొన్నారు. [5]
  5. శ్రీ ఆంజనేయస్వామివారి ఆలయం:- మోపిదేవి వార్ఫు ప్రాంతంలో ఉన్న ఈ ఆలయంలో, ప్రతి సంవత్సరం, హనుమజ్జయంతి వేడుకలు వైభవంగా నిర్వహించెదరు. [9]

సమీప దేవాలయాలు[మార్చు]

మరకత రాజేశ్వరి

గ్రామంలోని ప్రధాన పంటలు[మార్చు]

వరి, చెరకు, అపరాలు, కాయగూరలు

గ్రామంలోని ప్రధాన వృత్తులు[మార్చు]

వ్యవసాయం, వ్యవసాయాదారిత వృత్తులు

గ్రామ ప్రముఖులు[మార్చు]

గ్రామ విశేషాలు[మార్చు]

మండలంలోని గ్రామాలు[మార్చు]

జనాభా[మార్చు]

  • 2011 జనాభా లెక్కల ప్రకారం మండలంలోని గ్రామాల జనాభా వివరాలు:[2]

గణాంకాలు[మార్చు]

జనాభా (2001) - మొత్తం 36,012 - పురుషులు 18,071 - స్త్రీలు 17,941
క్రమ సంఖ్య ఊరి పేరు గడపల సంఖ్య మొత్తం జనాభా పురుషుల సంఖ్య స్త్రీలు
1. అన్నవరం 258 896 444 452
2. అయోధ్య 58 177 89 88
3. బొబ్బర్లంక 225 834 401 433
4. చిరువోలు 185 682 353 329
5. కప్తానుపాలెం 408 1,488 755 733
6. కొక్కిలిగడ్డ 1,194 4,543 2,330 2,213
7. మెల్లమర్రు 53 195 101 94
8. మెల్లమర్తిలంక 188 636 325 311
9. మెరకనపల్లి 315 1,089 544 545
10. మోపిదేవి 1,846 6,686 3,319 3,367
11. మోపిదేవిలంక 210 718 377 341
12. నాగాయతిప్ప 504 1,795 890 905
13. చిరువోలులంక ఉత్తరం 1,164 3,820 1,932 1,888
14. పెదకళ్ళేపల్లి 1,962 7,214 3,623 3,591
15. పెదప్రోలు 955 3,506 1,739 1,767
16. టేకుపల్లి 100 372 182 190
17. వెంకటాపురం 374 1,361 667 694

వనరులు[మార్చు]

  1. "http://www.onefivenine.com/india/villages/Krishna/Mopidevi/Mopidevi". Retrieved 26 June 2016. External link in |title= (help)
  2. "2011 జనాభా లెక్కల అధికారిక జాలగూడు". Archived from the original on 2013-10-05. Retrieved 2013-05-05.

వెలుపలి లింకులు[మార్చు]

[2] ఈనాడు కృష్ణా; 2013,సెప్టెంబరు-26; 2వపేజీ. [3] ఈనాడు కృష్ణా; 2013,నవంబరు-25; 3వపేజీ. [4] ఈనాడు కృష్ణా/అవనిగడ్డ; 2014,జూన్-1; 2వపేజీ. [5] ఈనాడు కృష్ణా/అవనిగడ్డ; 2014 ఆగష్టు-4; 2వపేజీ. [6] ఈనాడు కృష్ణా; 2014,డిసెంబరు-13; 15వపేజీ. [7] ఈనాడు కృష్ణా; 2014,డిసెంబరు-18; 10వపేజీ. [8] ఈనాడు కృష్ణా/అవనిగడ్డ; 2015,మార్చి-11; 2వపేజీ. [9] ఈనాడు కృష్ణా/అవనిగడ్డ; 2015,మే-23; 2వపేజీ. [10] ఈనాడు కృష్ణా/అవనిగడ్డ; 2015,ఆగష్టు-11; 2వపేజీ. [11] ఈనాడు కృష్ణా/అవనిగడ్డ; 2015,ఆగష్టు-17; 3వపేజీ. [12] ఈనాడు కృష్ణా; 2015,ఆగష్టు-26; 15వపేజీ. [13] ఈనాడు అమరావతి; 2015,అక్టోబరు-28; 39వపేజీ. [14] ఈనాడు అమరావతి; 2015,నవంబరు-20; 40వపేజీ. [15] ఈనాడు అమరావతి; 2016,జనవరి-26; 41వపేజీ. [16] ఈనాడు అమరావతి/అవనిగడ్డ; 2016,మే-8; 1వపేజీ [17] ఈనాడు అమరావతి; 2016,నవంబరు-6; 19వపేజీ. [18] ఈనాడు అమరావతి/అవనిగడ్డ; 2017,మార్చి-25; 2వపేజీ. [19] ఈనాడు అమరావతి/అవనిగడ్డ; 2017,ఏప్రిల్-7; 2వపేజీ. [20] ఈనాడు అమరావతి/అవనిగడ్డ; 2017,జులై-8; 1వపేజీ. [21] ఈనాడు అమరావతి/అవనిగడ్డ; 2017,జులై-12; 3వపేజీ.


"https://te.wikipedia.org/w/index.php?title=మోపిదేవి&oldid=2864196" నుండి వెలికితీశారు