తొట్టెంపూడి వేణు
తొట్టెంపూడి వేణు | |
|---|---|
 ఓ కార్యక్రమంలో ప్రసంగిస్తున్న వేణు | |
| జననం | తొట్టెంపూడి వేణు 1976 జూన్ 4[1] ఆంధ్రప్రదేశ్ |
| ఇతర పేర్లు | వేణు |
| వృత్తి | నటుడు |
| క్రియాశీల సంవత్సరాలు | 1999 – ఇప్పటి వరకు |
| జీవిత భాగస్వామి | అనుపమా చౌదరి[2] |
| పిల్లలు | ఒక కుమార్తె, కుమారుడు[3] |
| తల్లిదండ్రులు |
|
తొట్టెంపూడి వేణు ఒక ప్రముఖ తెలుగు సినీ నటుడు.[5]
తొట్టెంపూడి వేణు గారు ప్రకాశం జిల్లాలోని కొండపి మండలం పెరిదేపి గ్రామంలో జన్మించారు. పెరిగింది మాత్రం ఒంగోలు, విజయవాడ, మదురై లో. వేణు తండ్రి కృష్ణమూర్తి గారు ఇంగ్లీష్ లో లండన్ విశ్వవిద్యాలయం నుంచి పి.హెచ్.డి పూర్తి చేసి అధ్యపకుడిగా విజయవాడ, చెన్నై, మదురైలో పనిచేశారు. మదురై లోని ప్రముఖ కళాశాలకు ప్రిన్సిపాల్ గా పనిచేసి పదవీవిరమణ పొందారు. వేణు సోదరి చిన్నమ్మ గారు, ప్రముఖ వ్యాపారవేత్త, రాజకీయ నాయకులు, ప్రస్తుత టి.ఆర్.ఎస్ నేత నామా నాగేశ్వరరావు సతీమణి. వేణు మదురైలో ఇంటర్మీడియట్ ను పూర్తి చేసి కర్ణాటక లోని ధార్వాడ్ ఇంజినీరింగ్ కళాశాలలో సివిల్ ఇంజినీరింగ్ పూర్తి చేశారు.
మొదటగా భారతీరాజా దర్శకత్వంలో ఓ సినిమాలో కథానాయకుడిగా నటించే అవకాశం వచ్చింది. కానీ ఆ సినిమా కొన్ని అవాంతరాల వల్ల మధ్యలోనే ఆగిపోయింది. వేణు స్నేహితుడైన వెంకట శ్యామ్ ప్రసాద్ ఎస్పీ ఎంటర్టైన్మెంట్స్ అనే సినీ నిర్మాణ సంస్థ స్థాపించాడు. ఆ సంస్థ సారథ్యంలో కె.విజయ భాస్కర్ దర్శకత్వంలో 1999లో వచ్చిన స్వయంవరం అనే సినిమా వేణు తొలి సినిమా. ఇందులో లయ కథానాయికగా నటించింది. లయకు కూడా ఈ సినిమా మొదటిది. ఈ సినిమా బాక్సాఫీసు వద్ద విజయం సాధించింది. ఆ సినిమాలో నటనకు వేణుకు నంది స్పెషల్ జ్యూరీ అవార్డు వచ్చింది. తరువాత ఎస్పీ ఎంటర్టైన్మెంట్స్ సారథ్యంలోనే 2000లో వచ్చిన చిరునవ్వుతో అనే సినిమా కూడా విజయాన్ని చవిచూసింది. నట శిక్షకుడు ఎన్.జె. భిక్షు దగ్గర నటనలో శిక్షణ తీసుకున్నాడు.
స్వయంవరం విజయం తరువాత వరుసగా సినిమాలు చేస్తూ వచ్చిన వేణు గారు ఎక్కువగా తన సొంత బ్యానర్ ఎస్.పి ప్రొడక్షన్స్ లోనే సినిమాలు చేస్తూ వచ్చాడు. చిరునవ్వు తో, హనుమాన్ జుంక్షన్, గోపి గోపిక గోదావరి వంటి పలు సినిమాల్లో నటించి కుటుంబ ప్రేక్షకులను అలరించారు. ఫ్యామిలీ హీరోగా వెంకటేష్ గారి తరువాత మంచి ఇమేజ్ సొంతం చేసుకున్నారు. వేణు కథానాయకుడిగానే కాకుండా సహాయనటుడిగా, నిర్మాతగా, మాటల రచయితగా కూడా పలు చిత్రాలకు పనిచేశాడు. వేణు 2013 లో రామాచారి అనే చిత్రంలో నటించాడు. ఆ సినిమా తరువాత బిజినెస్ రంగంలోకి ప్రవేశించి ప్రస్తుతం అమెరికాలో నివసిస్తున్నారు. 9 ఏళ్ళ తర్వాత 2022 లో రవితేజ హీరోగా శరత్ మండవ దర్శకత్వంలో వచ్చిన రామారావు అనే చిత్రంలో నటించాడు.[6] వేణు గారి భార్య అనుపమ గారు ఉస్మానియా విశ్వవిద్యాలయం నుంచి యం.బి.ఏ పూర్తి చేసి గోల్డ్ మెడల్ అందుకున్నారు. పెద్ద పెద్ద కంపెనీల్లో ఉద్యోగాల్లో చేరమని ఆహ్వానించి న కుటుంబ బాధ్యతలకే తన ప్రాధాన్యత ఇస్తూ వేణు గారి చిత్ర నిర్మాణ సంస్థ ఎస్.పి ఎంటర్టైన్మెంట్స్ కు మార్కెట్ హెడ్ గా పనిచేశారు.[7]
నటించిన సినిమాలు
[మార్చు]| సంవత్సరం | పేరు | పాత్ర | సహ నటులు | దర్శకుడు | గమనిక |
|---|---|---|---|---|---|
| 1999 | స్వయంవరం | వేణు | లయ | కె. విజయ భాస్కర్ | నంది స్పెషల్ జ్యూరీ అవార్డు |
| 2000 | మనసుపడ్డాను కానీ | వేణు | రమ్యకృష్ణ, రాశి | కె.వీరు | |
| 2000 | చిరునవ్వుతో | వేణు | షహీన్ ఖాన్ | జి. రాంప్రసాద్ | |
| 2001 | వీడెక్కడి మొగుడండి? | వేణు | శృతి రాజ్, గీతు మోహన్ దాస్ | ఇ.వి.వి.సత్యనారాయణ | |
| 2000 | దుర్గ | ప్రతాప్ | రోజా | ఆర్.కె. సెల్వమణి | |
| 2000 | పొట్టు అమ్మన్ | ప్రతాప్ | రోజా | కె.రాజరత్నం | |
| 2001 | హనుమాన్ జంక్షన్ | శతృ | అర్జున్, జగపతి బాబు, లయ, స్నేహ, విజయ లక్ష్మి | ఎం.రాజా | |
| 2002 | ప్రియనేస్తమా | సూర్య | మాళవిక | ఆర్. గణపతి | |
| 2002 | మళ్ళీ మళ్ళీ చూడాలి | పవన్ | జనని | పవన్స్ శ్రీధర్ | |
| 2003 | కళ్యాణ రాముడు | కల్యాణ రాముడు | ప్రభుదేవా, నిఖిత | జి. రాంప్రసాద్ | |
| 2003 | పెళ్ళాం ఊరెళితే | సుబ్బు | రక్షిత, సంగీత, శ్రీకాంత్ | ఎస్వీ కృష్ణారెడ్డి | |
| 2003 | పెళ్ళాంతో పనేంటి | మధు | లయ, కల్యాణి | ఎస్. వి. కృష్ణారెడ్డి | |
| 2004 | ఖుషీ ఖుషీగా | శ్రీకుమార్ | జగపతి బాబు, రమ్యకృష్ణ, నిఖిత, సంగీత | జి. రాంప్రసాద్ | |
| 2004 | చెప్పవే చిరుగాలి | వేణు | ఆషిమా భల్లా, అభిరామి | విక్రమన్ | |
| 2005 | సదా మీ సేవలో | తిలక్ | శ్రీయ | నీలకంఠ | |
| 2006 | ఇల్లాలు ప్రియురాలు | వేణు | దివ్య ఉన్ని | భాను శంకర్ | |
| 2006 | శ్రీకృష్ణ 2006 | వెంకటేశ్వర్లు | గౌరి ముంజల్, శ్రీకాంత్ | విజయేంద్ర ప్రసాద్ | |
| 2007 | బహుమతి | వెంకటరమణ | సంగీత | ఎస్వీ కృష్ణారెడ్డి | |
| 2007 | అల్లరే అల్లరి | ఆనంద్ | అల్లరి నరేష్, పార్వతి మెల్టన్ | ముప్పలనేని శివ | |
| 2007 | యమగోల మళ్ళీ మొదలైంది | జూనియర్ చిత్రగుప్త | శ్రీకాంత్, మీరా జాస్మిన్, రీమా సేన్ | శ్రీనివాస రెడ్డి | |
| 2008 | దీపావళి | వేణు | ఆర్తి అగర్వాల్, మేఘ నాయర్ | హరిబాబు | |
| 2008 | చింతకాయల రవి | రవి స్నేహితుడు | వెంకటేష్, అనుష్క | యోగి | |
| 2009 | గోపి గోపిక గోదావరి | గోపి | కమలినీ ముఖర్జీ | వంశీ | |
| 2011 | మాయగాడు | లీలాకృష్ణ | చార్మి | దిలీప్ పోలన్ | |
| 2012 | దమ్ము | ఎన్టీఆర్ బావ | ఎన్టీఆర్, త్రిష, కార్తీక | బోయపాటి శ్రీను | |
| 2012 | రామాచారి | రామాచారి | కమలినీ ముఖర్జీ, ఆలీ, రఘు బాబు | ఈశ్వర్ | |
| 2021 | రామారావు ఆన్‌ డ్యూటీ |
వెబ్ సిరీస్‌
[మార్చు]మూలాలు
[మార్చు]- ↑ Namasthe Telangana (3 June 2021). "వేణు తొట్టెంపూడి గుర్తున్నాడా ?". Namasthe Telangana. Archived from the original on 3 June 2021. Retrieved 3 June 2021.
- ↑ "Welcome to Corner House". www.flyingelephant.co.uk. Retrieved 2022-07-07.
- ↑ TV9 Telugu (28 July 2022). "హీరో వేణు తొట్టెంపూడి ఫ్యామిలీని ఎప్పుడైనా చూశారా..? ఆయన భార్య ఎవరో తెలిస్తే షాక్ అవుతారు". Archived from the original on 21 September 2023. Retrieved 21 September 2023.
{{cite news}}: CS1 maint: numeric names: authors list (link) - ↑ Andhrajyothy (29 January 2024). "తొట్టెంపూడి వేణుకు పితృవియోగం". Archived from the original on 29 January 2024. Retrieved 29 January 2024.
- ↑ HMTV (29 July 2021). "8 ఏళ్ళ విరామం తర్వాత సినిమాల్లోకి రీఎంట్రీ ఇస్తున్న వేణు". Archived from the original on 29 July 2021. Retrieved 29 July 2021.
- ↑ "Venu: అందుకే సినిమాలకు దూరంగా ఉన్నా: వేణు తొట్టెంపూడి". EENADU. Retrieved 2022-07-07.
- ↑ ఎన్టీఆర్, రామ్, నితిన్, ఇలియానా... అందరూ మా శిష్యులే!, ఈనాడు ఆదివారం సంచిక, 4 జనవరి 2015, పుట. 20-21
- ↑ 10TV Telugu (22 August 2023). "ఓటీటీ బాట ప‌ట్టిన ఒక‌ప్ప‌టి హీరో.. 'అతిథి' గా వ‌స్తున్నాడు" (in Telugu). Archived from the original on 19 సెప్టెంబరు 2023. Retrieved 19 September 2023.
{{cite news}}: CS1 maint: numeric names: authors list (link) CS1 maint: unrecognized language (link) - ↑ Andhrajyothy (17 September 2023). "విభిన్న పాత్రలు చేయాలనుకుంటున్నా". Archived from the original on 19 సెప్టెంబరు 2023. Retrieved 19 September 2023.