టి. కృష్ణ

టి. కృష్ణ
తొట్టెంపూడి కృష్ణ
జన్మ నామం	తొట్టెంపూడి కృష్ణ
జననం
మరణం	1987 అక్టోబరు 21
పిల్లలు	గోపీచంద్

తొట్టెంపూడి కృష్ణ తెలుగు చలనచిత్ర ఎడిటర్, దర్శకుడు. ఈయన చలన చిత్ర పరిశ్రమలో టి.కృష్ణ గా ప్రసిద్దుడు.

విశేషాలు

ఈయన 1927లో వరంగల్లు జిల్లా రాయిపర్తిలో జన్మించాడు. ఇతని తండ్రి మంచి పండితుడు. ఉభయభాషా ప్రవీణుడు. కృష్ణ తన మేనమామ మాజీ మంత్రి టి.హయగ్రీవాచారి ప్రోద్బలంతో నాటకాలలో ప్రవేశించి మంచి నటుడిగా పేరు తెచ్చుకున్నాడు. ఇతడు ఉస్మానియా విశ్వవిద్యాలయం నుండి 1948లో బి.ఎ. పూర్తి చేశాడు. కొంతకాలం గోలకొండ పత్రికలో సినిమా సమీక్షలు వ్రాయడం, హైదరాబాదులోని ఆలిండియా రేడియోలో గ్రామస్తుల కార్యక్రమాలలో "లింగడు" అనే తెలంగాణ యాసలో మాట్లాడే పాత్రను నిర్వహించడం వంటివి చేశాడు. సినిమాలలో పనిచేయాలనే బలమైన కోరికతో 1950లో మద్రాసు చేరుకున్నాడు. హెచ్.ఎం.రెడ్డి వద్ద దర్శకత్వశాఖలో అప్రెంటీస్‌గా చేరాడు. ఆదర్శం అనే సినిమాలో సావిత్రికి జంటగా ఒక హాస్యపాత్రలో నటించాడు. అదే చిత్రానికి అసోసియేట్ డైరెక్టర్‌గా కూడా పనిచేశాడు. ఎం.వి.రాజన్ వద్ద ఎడిటింగ్‌లో శిక్షణ తీసుకున్నాడు. రాజ్ కపూర్ తీసిన ప్రేమలేఖలు సినిమాలో "ప్రాణ్"కు తెలుగులో డబ్బింగ్ చెప్పాడు. అమర సందేశం చిత్రానికి అసిస్టెంట్ డైరెక్టరుగా, అసిస్టెంట్ ఎడిటర్‌గా పనిచేశాడు. కృష్ణ ప్రేమ చిత్రంతో ఇతను పూర్తి స్థాయి ఎడిటర్‌గా మారి 30కి పైగా చిత్రాలకు ఎడిటర్‌గా ఉన్నాడు. ఇతడు దర్శకత్వం వహించిన తొలి సినిమా ఉపాయంలో అపాయం. ఈయన ప్రతిఘటన, రేపటి పౌరులు, నేటి భారతం వంటి విజయవంతమైన విప్లవాత్మక చిత్రాలకు దర్శకత్వం వహించాడు. ఈ తరం పిక్చర్స్ సంస్థని స్థాపించి ఎన్నో విజయవంతమైన చిత్రాలను నిర్మించాడు. ఈయన మలయాళంలో కూడా కొన్ని చిత్రాలకు దర్శకత్వం వహించాడు. ప్రముఖ తెలుగు నటుడు తొట్టెంపూడి గోపీచంద్ ఈయన కుమారుడే. క్యాన్సర్ వ్యాధితో బాధపడుతూ 1987 మే 8న టి. కృష్ణ మరణించాడు.

సినిమాలు

• నేటి భారతం (1983) (కథ, దర్శకత్వం)
• దేశంలో దొంగలు పడ్డారు (1985) (కథ, దర్శకత్వం)
• దేవాలయం (సినిమా) (1985) (కథ, కథనం, దర్శకత్వం)
• వందేమాతరం (1985 సినిమా) (1985) (కథ, కథనం, దర్శకత్వం)
• ప్రతిఘటన (1985) (కథ, కథనం, దర్శకత్వం)
• పకరాతిను పకరం (1986) (దర్శకత్వం) [మలయాళం]
• ప్రతిఘట్ (1987) (కథ, కథనం)
• రేపటి పౌరులు (1986) (రచన, దర్శకత్వం)

బయటి లింకులు

• ఇంటర్నెట్ మూవీ డేటాబేసు లో టి,కృష్ణ పేజీ