రాజశేఖర్ (నటుడు)

రాజశేఖర్
జననం	(1962-02-04) 4 ఫిభ్రవరి 1962 లక్ష్మీపురం, తమిళనాడు, భారతదేశం
వృత్తి	నటుడు
క్రియాశీల సంవత్సరాలు	1985 - ప్రస్తుతం వరకు
జీవిత భాగస్వాములు	జీవిత
పిల్లలు	శివాని శివాత్మిక
తల్లిదండ్రులు	శేఖర్ (తండ్రి) ఆండాళ్ (తల్లి)

ఈ వ్యాసం తెలుగు సినీ నటుడు రాజశేఖర్ గురించి. ఇదే పేరుతో ఉన్న ఇతర వ్యక్తుల కొరకు రాజశేఖర్ పేజీని చూడండి.

డాక్టర్ రాజశేఖర్ తెలుగు సినిమా నటుడు. ఈయన తెలుగు, తమిళ సినిమాలలో వివిధ పాత్రలలో నటించాడు. ఇతని మొదటి చిత్రం వందేమాతరం.

బాల్యం, విద్యాభ్యాసం

రాజశేఖర్ 1962, ఫిబ్రవరి 4 న తమిళనాడు రాష్ట్రంలోని థేని జిల్లా లక్ష్మీపురంలో జన్మించాడు. ఆయన తల్లిదండ్రులు శేఖర్, ఆండాళ్ పిళ్ళై. తండ్రి శేఖర్ ఒక పోలీసు అధికారి. రాజశేఖర్ చిన్నతనంలో ఎన్. సి. సి విద్యార్థి. మొదట్లో తండ్రిలాగే పోలీసు అధికారి కావాలనుకున్నా తండ్రి కోరిక మేరకు వైద్యవిద్యనభ్యసించాడు. చెన్నైలో కొంతకాలం ప్రాక్టీసు చేశాడు. సినిమాల్లోకి వచ్చిన తర్వాత కూడా వైద్యవృత్తిపై ఆయన ఆసక్తి కొనసాగుతూనే ఉంది.

కుటుంబం

1991లో సహనటి జీవితను వివాహం చేసుకున్నాడు. ఈ దంపతులకు ఇద్దురు కూతుర్లు - శివాని, శివాత్మిక. శివాని ఎం. బి. బి. ఎస్ చదువుతోంది. శివాత్మిక సినిమా రంగంలో అడుగు పెట్టింది. 2019లో విజయ్ దేవరకొండ సోదరుడు ఆనంద్ దేవరకొండ, శివాత్మిక ముఖ్య పాత్రల్లో కలిసి నటించిన దొరసాని అనే చిత్రం విడుదలైంది.

సినిమా వృత్తి

రాజశేఖర్ తొలి సినిమా వందేమాతరం. అంకుశం సినిమాలో ఆయన పోషించిన పోలీసు పాత్ర నిజజీవితంలో కొంతమంది పోలీసులను కూడా ప్రభావితం చేసింది. ఆయన ఆవేశపరుడైన యువకుని (యాంగ్రీ యంగ్‌మాన్) పాత్రలకు ప్రసిద్ధి. మొదట్లో ఆయన పాత్రకు సాయి కుమార్ గాత్రదానం చేశాడు.

ఒక దశలో సినిమాలో సరిగా ఆడక స్వంత ఇల్లు కూడా అమ్ముకోవలసి వచ్చింది. గరుడవేగ సినిమా తర్వాత మళ్ళీ నిలదొక్కుకోగలిగాడు. 2019లో ఆయన నటించిన కల్కి సినిమా విడుదలైంది.

నటించిన చిత్రాలు

• కల్కి (2019)
• పిఎస్‌వి గరుడ వేగ (2017)
• మహంకాళి (2013)
• మా అన్నయ్య బంగారం (2010)
• నా స్టైలే వేరు (2009)
• సత్యమేవ జయతే (2009)
• గోరింటాకు (2008)
• ఎవడైతే నాకేంటి (2007)
• ఆయుధం (2003)
• విలన్ (2003)
• భరతసింహారెడ్డి (2002)
• శేషు (2002)
• మా అన్నయ్య (2001)
• మనసున్న మారాజు (2000)
• ఒక్కడు చాలు (2000)
• బొబ్బిలి వంశం (2000)
• మెకానిక్ మావయ్య (1999)
• నేటి గాంధీ (1999)
• శివయ్య (1998)
• మా ఆయన బంగారం (1997)
• ఘటోత్కచుడు (1995)
• రాజసింహం (1995)
• అన్న (1994)
• అల్లరి ప్రియుడు (1993)
• అంగ రక్షకుడు
• ఆగ్రహం (1993)
• గ్యాంగ్ మాస్టర్ (1993)
• అమ్మకొడుకు (1993)
• అల్లరి ప్రియుడు (1993)
• బలరామకృష్ణులు (1992)
• అహంకారి (1992)
• అక్క మొగుడు (1991)
• మగాడు (1990)
• రౌడీయిజం నశించాలి (1990)
• అంకుశం (1990)
• బావామరుదుల సవాల్ (1988)
• నవభారతం (1988)
• ఆహుతి (1988)
• అన్నపూర్ణమ్మగారి అల్లుడు (1988)
• ఇదా ప్రపంచం (1987)
• ఆరాధన (1987)
• అమెరికా అబ్బాయి (1987)
• శృతిలయలు (1987)
• తలంబ్రాలు (1987)
• రేపటి పౌరులు (1986)
• మిస్టర్ భరత్ (1986)
• అరుణ కిరణం (1986)
• ప్రతిఘటన (1986)
• వందేమాతరం (1985)
• ప్రతిఘటన (1985)

పురస్కారాలు

• 1990 - మగాడు సినిమా - ఫిల్మ్‌ఫేర్ ఉత్తమ నటులు – తెలుగు
• 1994 - అన్న సినిమా - ఫిల్మ్‌ఫేర్ ఉత్తమ నటులు – తెలుగు

ఇతర లింకులు

• ఇంటర్నెట్ మూవీ డేటాబేసు లో Rajasekhar పేజీ