శ్రీపతి పండితారాధ్యుల బాలసుబ్రహ్మణ్యం

వికీపీడియా నుండి
(యస్.పి. బాలసుబ్రహ్మణ్యం నుండి దారిమార్పు చెందింది)
Jump to navigation Jump to search
ఎస్.పీ.బాలసుబ్రహ్మణ్యం
Spb singing autograph.jpg
పద్మశ్రీ, డాక్టర్.ఎస్.పీ.బాలసుబ్రహ్మణ్యం
జననంశ్రీపతి పండితారాధ్యుల బాలసుబ్రహ్మణ్యం
జూన్ 4, 1946
కోనేటమ్మపేట, శ్రీ పొట్టి శ్రీరాములు నెల్లూరు జిల్లా, ఆంధ్రప్రదేశ్
నివాస ప్రాంతంచెన్నై, తమిళనాడు
ఇతర పేర్లుబాలు
వృత్తినేపధ్య గాయకుడు
సంగీత దర్శకుడు
నిర్మాత
, నటుడు
మతంశైవ బ్రాహ్మణ హిందూ
పిల్లలుచరణ్ & పల్లవి
తండ్రిశ్రీపతి పండితారాధ్యుల సాంబమూర్తి
సంతకంBalusign.jpg
వెబ్‌సైటు
http://www.spbindia.com

పద్మశ్రీ, డాక్టర్. ఎస్.పి. బాలసుబ్రహ్మణ్యం (శ్రీపతి పండితారాధ్యుల బాలసుబ్రహ్మణ్యం) తెలుగు నేపధ్య గాయకుడు, సంగీత దర్శకుడు, నటుడు. తెలుగువారు అభిమానముగా బాలు అని పిలిచే ఇతను 1946 జూన్ 4 న అప్పటి శ్రీ పొట్టి శ్రీరాములు నెల్లూరు జిల్లా లోని కోనేటమ్మపేట గ్రామంలో (ప్రస్తుతము ఈ గ్రామం తమిళనాడు రాష్ట్రములో ఉన్నది) ఒక సాంప్రదాయ శైవ బ్రాహ్మణ కుటుంబములో జన్మించాడు.

బాల్యము[మార్చు]

ముగ్గురు కుమారులు, ఐదుగురు కుమార్తెలు కల పెద్ద కుటుంబములో బాలసుబ్రహ్మణ్యం రెండవ కుమారుడుగా జన్మించాడు. ఇతను తండ్రి సాంబమూర్తి పేరొందిన హరికథా పండితుడు. బాల్యమునుండే బాలుకు పాటలు పాడటము ఒక హాబీగా ఉండేది. తండ్రి కోరిక మేరకు ఇంజనీరు కావాలనే ఆశయముతో మద్రాసులో AMIE కోర్సులో చేరాడు. ఆ కాలములోనే వివిధ పాటల పోటీలలో పాల్గొని బహుమతులు గెలుచుకొన్నాడు బాలు.

సినీరంగ ప్రవేశము[మార్చు]

SPBphoto1.jpg

మద్రాసులో ఎ.ఎం.ఐ.ఇ చదువుకుంటున్న సమయంలో బాలసుబ్రహ్మణ్యం చలనచిత్ర రంగ ప్రవేశం చేసాడు. 1966లో నటుడు, నిర్మాతా అయిన పద్మనాభం నిర్మించిన శ్రీ శ్రీ శ్రీ మర్యాద రామన్న చిత్రంతో సినీగాయకునిగా చలన చిత్ర గాయక జీవితం ప్రారంభించాడు.[1] ఈ చిత్రానికిఎస్.పి.కోదండపాణి సంగీత దర్శకత్వము వహించాడు. తనకు సినీ గాయకుడిగా జీవితాన్ని ప్రసాదించిన కోదండపాణిపై భక్తితో, అభిమానంతో తాను నిర్మించిన ఆడియో ల్యాబ్ కు "కోదండపాణి ఆడియో ల్యాబ్స్" అని అతను పేరే పెట్టుకున్నాడు బాలు.

విజయ ప్రస్థానం[మార్చు]

పాటలోనే మాటలని, గళంలో అభినయ ముద్రలని నింపి తెలుగుదనం ఒలికించగల విలక్షణత అతను ప్రత్యేకత. గళం విప్పినా... స్వరం కూర్చినా... ఆ పాటలోని కవి భావాన్ని సూటిగా ప్రేక్షకులవద్దకు తీసుకువెళ్ళగలిగే సత్తా అతను గళానికి ఉంది. తరాలు మారినా ఎందరో నటులకు వారి హావభావలకు, నటనా శైలులకు అనుగుణంగా అతను పాటలు పాడి ప్రాణం పోశారు. అందుకే అమరగాయకుడు ఘంటసాల తరువాత తెలుగు సినీ పాటకు సిసలయిన వారసుడిగా నిలిచారు. పదాల మాదుర్యాన్ని గమనించి అతను చేసే ఉచ్చారణ అతను పాటను పండిత పామరులకి చేరువ చేసింది. శంకరాభరణం, సాగరసంగమం లాంటి తెలుగు చిత్రాలే కాకుండా ఏక్ దుజే కేలియే లాంటి హిందీ చిత్రాలకు అతను పాడిన పాటలు దేశమంతా ఉర్రూతలూగించాయి. 40 ఏళ్ళ సినీప్రస్తానంలో 40 వేల పాటలు 11 భాషలలో పాడి, 40 సినిమాలకి సంగీత దర్శకత్వం వహించి ప్రపంచములోనే ఒక అరుదయిన రికార్డు సృష్టించాడు. తెలుగు, తమిళమే కాకుండా కన్నడంలో కూడా అతను పాడిన పాటలకి జాతీయ పురస్కారాలు లభించాయి. గాయకుడిగానే కాకుండా గాత్రదాన కళాకారుడిగా, నటుడిగా, సంగీత దర్శకుడిగా ఆయా విభాగాలలో ఆంధ్రప్రదేశ్ ప్రభుత్వ నంది పురస్కారాన్ని 29 సార్లు అందుకున్న బహుముఖ ప్రజ్ఞాశాలి ఈ గాన గంధర్వుడు.[2]

2016 నవంబరులో గోవాలో జరిగిన 47 వ అంతర్జాతీయ చలన చిత్రోత్సవాలలో అతనుకు శతవసంత భారతీయ చలనచిత్ర మూర్తిమత్వ పురస్కారాన్ని (సెంటినరీ అవార్డ్‌ ఫర్‌ ఇండియన్‌ ఫిల్మ్‌ పర్సనాలిటీ ఆఫ్‌ ది ఇయర్‌ 2016) ప్రదానం చేసారు.

నటుడిగా బాలు[మార్చు]

నటుడిగా బాలసుబ్రహ్మణ్యం అనేక సినిమాల్లో నటించాడు.

బుల్లితెరపై బాలు[మార్చు]

ఈటీవీలో పాడుతా తీయగా అనే కార్యక్రమంతో బాలసుబ్రహ్మణ్యం బుల్లితెర ప్రవేశం చేసాడు. అనేక మంది కొత్త గాయనీ గాయకులను ఈ కార్యక్రమం ద్వారా పరిచాయం చేసాడు. 1996 లో మొదలైన ఈ కార్యక్రమం 2016 లో ఇంకా కొనసాగుతూనే ఉంది.

బాలసుబ్రహ్మణ్యం పై పేపర్లో వచ్చిన వ్యాసం
నెల్లూరు లోని శ్రీ కస్తూరిబా కళాక్షేత్రంలో బాలసుబ్రహ్మణ్యం అవిష్కరించిన తనతండ్రి సాంబమూర్తి విగ్రహం

వ్యక్తిత్వం[మార్చు]

పురస్కారాలు[మార్చు]

అందుకున్న
సంవత్సరము
పురస్కారం చిత్రము పాట భాష బహూకరించింది
2001 పద్మశ్రీ[3] భారత ప్రభుత్వం తరఫున అప్పటి రాష్ట్రపతి
కే.ఆర్.నారాయణన్
1999 డాక్టరేట్
పొట్టి శ్రీరాములు తెలుగు విశ్వవిద్యాలయం (ఆంధ్రప్రదేశ్) [3]
ఆంధ్రప్రదేశ్ ప్రభుత్వం తరఫున అప్పటి గవర్నర్
రంగరాజన్
2011 పద్మభూషణ్
2016 శతవసంత భారతీయ చలనచిత్ర మూర్తిమత్వ పురస్కారం కేంద్ర సమాచారా ప్రసార శాఖ మంత్రి వెంకయ్య నాయుడు
  1. నంది పురస్కారం - 2012 నంది పురస్కారాలు: ప్రత్యేక బహుమతి (మిథునం)[4][5][6][7]

బయటి లింకులు[మార్చు]

మూలాలు[మార్చు]

  1. tamilstar వెబ్సైటు నుండి ఎస్.పీ.బాలసుబ్రహ్మణ్యం Archived 2005-11-17 at the Wayback Machine గురించి వివరాలు జూన్ 04,2008న సేకరించబడినది.
  2. ఈనాడు దిన పత్రికలో ఎస్.పీ.బాలసుబ్రహ్మణ్యం Archived 2008-06-05 at the Wayback Machine పై వ్యాసం. జూన్ 04,2008న సేకరించబడినది.
  3. 3.0 3.1 స్వంత వెబ్సైటు నుండి ఎస్.పీ.బాలసుబ్రహ్మణ్యం పురస్కారాల Archived 2010-04-15 at the Wayback Machine గురించి వివరాలు జూన్ 04,2008న సేకరించబడినది.
  4. "Nandi Awards: Here's the complete list of winners for 2012 and 2013". hindustantimes.com/ (in ఆంగ్లం). 2017-03-01. Retrieved 29 June 2020.
  5. మన తెలంగాణ, ప్రత్యేక వార్తలు (1 March 2017). "బెస్ట్ హీరో అవార్డ్ ను సొంతం చేసుకున్న బాహుబలి ప్రభాస్..!!". Archived from the original on 26 June 2020. Retrieved 29 June 2020.
  6. సాక్షి, ఎడ్యుకేషన్ (2 March 2017). "నంది అవార్డులు 2012, 2013". www.sakshieducation.com. Archived from the original on 26 June 2020. Retrieved 29 June 2020.
  7. నవ తెలంగాణ, నవచిత్రం (2 March 2017). "2012, 2013 నంది అవార్డుల ప్రకటన". NavaTelangana. Archived from the original on 26 June 2020. Retrieved 29 June 2020.