వింజమూరు

వికీపీడియా నుండి
(వింజమూరు (వింజమూరు మండలం) నుండి దారిమార్పు చెందింది)
Jump to navigation Jump to search
ఇది వింజమూరు గ్రామ వ్యాసం. వింజమూరు మండల వ్యాసం కై ఇక్కడ చూడండి.
వింజమూరు
—  రెవెన్యూ గ్రామం  —
Sri Chennakesava Swami Temple Vinjamur YVSREDDY.jpg
వింజమూరు is located in Andhra Pradesh
వింజమూరు
వింజమూరు
అక్షాంశరేఖాంశాలు: Coordinates: 14°50′00″N 79°35′00″E / 14.8333°N 79.5833°E / 14.8333; 79.5833
రాష్ట్రం ఆంధ్రప్రదేశ్
జిల్లా నెల్లూరు జిల్లా
మండలం వింజమూరు
ప్రభుత్వం
 - సర్పంచి గణపం బాలకృష్ణారెడ్డి
జనాభా (2001)
 - మొత్తం 20,639
 - పురుషులు 10,704
 - స్త్రీలు 9,935
 - గృహాల సంఖ్య 5,287
పిన్ కోడ్ 524228
ఎస్.టి.డి కోడ్ 08629

వింజమూరు, ఆంధ్రప్రదేశ్ రాష్ట్రంలోని శ్రీ పొట్టి శ్రీరాములు నెల్లూరు జిల్లా, వింజమూరు మండలం లోని ఒక గ్రామం, అదేపేరు గల మండలానికి ఇది కేంద్రం.ఇది సమీప పట్టణమైన కావలి నుండి 45 కి. మీ. దూరంలో ఉంది. 2011 భారత జనగణన గణాంకాల ప్రకారం ఈ గ్రామం 5287 ఇళ్లతో, 20639 జనాభాతో 7114 హెక్టార్లలో విస్తరించి ఉంది. గ్రామంలో మగవారి సంఖ్య 10704, ఆడవారి సంఖ్య 9935. షెడ్యూల్డ్ కులాల సంఖ్య 2159 కాగా షెడ్యూల్డ్ తెగల సంఖ్య 884. గ్రామం జనగణన లొకేషన్ కోడ్ 591762[1].పిన్ కోడ్: 524228. ఎస్.టి.డి.కోడ్ = 08629. వింజేటమ్మ అనగా వింజమూరు గ్రామానికి గ్రామ దేవత.

గణాంకాలు[మార్చు]

2001 భారత జనాభా లెక్కల ప్రకారం మొత్తం జనాభా 17759 అందులో పురుషుల సంఖ్య 9172, స్త్రీల సంఖ్య 8587.నివాస గృహాలు 4085, విస్తీర్ణం 7114 హెక్టారులు,

సమీప గ్రామాలు[మార్చు]

ఊటుకూరు 7 కి.మీ, నాగసముద్రం 8 కి.మీ, గొట్టిగుండల 11 కి.మీ, శంకవరం 11 కి.మీ, పడకండ్ల 13 కి.మీ

విద్యా సౌకర్యాలు[మార్చు]

గ్రామంలో ఒక ప్రైవేటు బాలబడి ఉంది. ప్రభుత్వ ప్రాథమిక పాఠశాలలు 17, ప్రైవేటు ప్రాథమిక పాఠశాలలు ఆరు, ప్రభుత్వ ప్రాథమికోన్నత పాఠశాలలు రెండు , ప్రైవేటు ప్రాథమికోన్నత పాఠశాలలు ఆరు, ప్రభుత్వ మాధ్యమిక పాఠశాలలు రెండు, ప్రైవేటు మాధ్యమిక పాఠశాలలు ఆరు ఉన్నాయి. 7 ప్రైవేటు జూనియర్ కళాశాలలు ఒక ప్రైవేటు ఆర్ట్స్ / సైన్స్ డిగ్రీ కళాశాల ఉన్నాయి. ఒక ప్రైవేటు ఇంజనీరింగ్ కళాశాల ఉంది.ఒక ప్రభుత్వ అనియత విద్యా కేంద్రం, ఒక ప్రైవేటు అనియత విద్యా కేంద్రం ఉన్నాయి. సమీప మేనేజిమెంటు కళాశాల కావలిలోను, వైద్య కళాశాల, పాలీటెక్నిక్‌లు నెల్లూరులోనూ ఉన్నాయి. సమీప వృత్తి విద్యా శిక్షణ పాఠశాల కావలిలోను, దివ్యాంగుల ప్రత్యేక పాఠశాల నెల్లూరు లోనూ ఉన్నాయి.

విద్యా సంస్థలు[మార్చు]

  • రాఘవేంద్ర ఇంజనీరింగ్ కళాశాల
  • మాగుంట సుబ్బరామిరెడ్డి డిగ్రీ కళాశాల
  • యేల్చూరి రంగనాథం జూనియర్ కళాశాల (వై.ఆర్.జె.సి)
  • జిల్లా పరిషత్ ప్రాథమికోన్నత పాఠశాల (జెడ్.పి.పి.ఉన్నత పాఠశాల)
  • జిల్లా పరిషత్ బాలికల ప్రాథమికోన్నత పాఠశాల (జెడ్.పి.పి.ఉన్నత పాఠశాల)
  • వివేకానంద ఉన్నత పాఠశాల & కాలేజి (E.M & T.M)
  • నేతాజీ ఉన్నత పాఠశాల & కాలేజి (E.M & T.M)
  • నారాయణ ఉన్నత పాఠశాల & కాలేజి
  • సరస్వతి ఉన్నత పాఠశాల (E.M & T.M)
  • రవి ఉన్నత పాఠశాల (E.M & T.M)
  • ఇన్‍ఫెంట్ జీసెస్ ఇంగ్లీషు మీడియం ఉన్నత పాఠశాల

సమాచార, రవాణా సౌకర్యాలు[మార్చు]

వింజమూరులో పోస్టాఫీసు సౌకర్యం ఉంది. సబ్ పోస్టాఫీసు సౌకర్యం గ్రామానికి 5 కి.మీ. లోపు దూరంలో ఉంది. పోస్ట్ అండ్ టెలిగ్రాఫ్ ఆఫీసు గ్రామం నుండి 10 కి.మీ.కి పైబడిన దూరంలో ఉంది. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్, ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ మొదలైన సౌకర్యాలు ఉన్నాయి. గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులుప్రైవేటు బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. రైల్వే స్టేషన్ గ్రామం నుండి 10 కి.మీ.కి పైబడిన దూరంలో ఉంది. ప్రధాన జిల్లా రహదారి, జిల్లా రహదారి గ్రామం గుండా పోతున్నాయి. జాతీయ రహదారి, రాష్ట్ర రహదారి గ్రామం నుండి 10 కి.మీ.కి పైబడిన దూరంలో ఉన్నాయి. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి.

గ్రామ పంచాయతీ[మార్చు]

జిల్లాలో మేజరు పంచాయతీ వింజమూరులో ఒకే కుటుంబం వారు చాలాకాలం సర్పంచిగా పనిచేసారు. యర్రబల్లిపాలేనికి చెందిన శ్రీ గణపం కృషారెడ్డి, 1956-1964 లలో ఎన్నికై సర్పంచిగా పనిచేసారు. ఆయన కుమారుడు శ్రీ గణపం రాజారామిరెడ్డి, 1969 నుండి 1981 వరకు సర్పంచిగా పనిచేసారు. 1981లో రామిరెడి కుమారుడు బాలకృష్ణారెడ్డి పోటీచేసి గెలుపొందినారు. 2001లో బాలకృష్ణారెడ్డి భార్య సుజాతమ్మ, వింజమూరు మేజరు పంచాయతీకి సర్పంచిగా ఏకగ్రీవంగా ఎన్నికైనారు. ఈ కుటుంబం నుండి నలుగురు సర్పంచిలుగా పనిచేసారు. ఇదే కుటుంబానికి చెందిన శ్రీ గణపం చెన్నార్తెడ్డి, శ్రీ గణపం బాలకృష్ణారెడ్డి గూడా వింజమూరు పంచాయతీకి సర్పంచులుగా పనిచేసారు. బాలకృష్ణారెడ్డి 1987లో మండలాధ్యక్షులుగా పనిచేసారు. భార్య సుజాతమ్మ 1995లో జడ్.పి.టి.సి.సభ్యురాలు.

పారిశుధ్యం[మార్చు]

గ్రామంలో భూగర్భ మురుగునీటి వ్యవస్థ ఉంది. మురుగునీరు బహిరంగ కాలువల ద్వారా కూడా ప్రవహిస్తుంది. మురుగునీరు బహిరంగంగా, కచ్చా కాలువల ద్వారా కూడా ప్రవహిస్తుంది. మురుగునీటిని నేరుగా జలవనరుల్లోకి వదులుతున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.

గ్రామంలోని దర్శనీయ ప్రదేశాలు/దేవాలయం[మార్చు]

  • శ్రీ శ్రీదేవి భూదేవి సమేత చెన్నకేశవ స్వామి వారి ఆలయం.. 100 సం పైగా చరిత్ర కలిగి వింజమూరు ప్రజల కొంగు బంగారం లాగా వారి కోర్కెలు తీర్చి వింజమూరు కి తలమానికంగా ఉన్నది, వింజమూరు చుట్టూ పక్కల ఉన్న 24 మండలాల్లో రథోత్సవం జరిగే ఏకైక ఆలయం. ఆ గుడికి మద్దూరు వంశస్థులు నిర్మాణ దాతలు, గణపం కుటుంబం వారు వంశ పారంపర్య ధర్మకర్తలు.
  • శ్రీ గంగ అన్నపూర్ణ సమేత కాశీ విశ్వేశ్వర స్వామి ఆలయం(శివాలయం). 100 సం చరిత్ర కలిగిన ఆలయం. కంచి కామకోటి పీఠాధిపతి పరమాచార్య వారు వింజమూరు వచ్చినప్పుడు శివాలయం లేని ఊరిలో మేము భోజనం చేయము అని చెప్పడం తో గ్రామ ప్రజలు అందరూ కలిసి నిర్మించిన ఆలయం. 2012 లో జీవొద్దరణ చేయాలని సంకల్పించి 2017 లో తిరిగి మరల ప్రాణ ప్రతిష్ఠ చేశారు.. ఆలయానికి శ్రీ పొన్నూరు ప్రకాశ రావు గారు ధర్మకర్త, శ్రీ పణి కుమార్ శర్మ గారు ఆలయ ప్రధాన అర్చకులు.
  • శ్రీ ఆంజనేయస్వామివారి ఆలయం:స్థానిక జి.బి.కె.ఆర్.గిరిజన కాలనీలో, ఈ ఆలయ నిర్మాణానికై, 2020,అక్టోబరు-19, సోమవారంనాడు, తెలంగాణా, ఆంధ్రప్రదేశ్ రాష్ట్రాల దేవాలయాల పరిరక్షణ సమితి అధ్యక్షులు కమలానంద భారతి ఆధ్వర్యంలో, పసుపులేటి భవాని శంకర్ శర్మ( గ్రామ పురోహితుల) గారి యజ్ణికమున నిర్వహించారు.
  • శ్రీ వింధ్యపరమేశ్వరీదేవి ఆలయం:వింజమూరు కొండ వద్ద ఉన్న ఈ ఆలయంలో, అమ్మవారి బ్రహ్మోత్సవాలు ప్రతి సంవత్సరం, [వైశాఖమాస] బహుళపక్షంలో 5 రోజులపాటు వైభవంగా నిర్వహిస్తారు. ఈ కార్యక్రమాలలో భాగంగా ఆలయంలో ప్రత్యేకపూజలు జరుగుతాయి. గ్రామోత్సవం జరుగుతుంది. ఐదురోజులూ భక్తులకు అన్నదానం నిర్వహిస్తారు. ఆ సందర్భంగా పలు సాంస్కృతిక కార్యక్రమాలు జరుగుతాయి.
  • శ్రీ శ్రీ శ్రీ వేద గాయత్రి దేవి ఆలయం మద్దూరు పాపిరెడ్డి నగర్, నడిమూరు లో డిసెంబర్ 2020 న ప్రాణ ప్రతిష్ట కార్యక్రమ శ్రీ వివేకానంద విద్యా సంస్థలు అధినేత మద్దూరు గోపాల్ రెడ్డి గారి ఆధ్వర్యంలో మద్దూరు వంశస్థులు సహాయం సహకారాలతో శ్రీ పసుపులేటి భవాని శంకర్ శర్మ గారి యాజ్ఞకమున అంగరంగ వైభవంగా జరిగింది.త్వరలో శ్రీ హరి హర పుత్ర అయ్యప్ప స్వామి వారి ఆలయం కూడా పూర్తి చేసి ప్రాణ ప్రతిష్ట చేయాలని భక్తులు నిర్ణయించుకున్నారు

ఇతర దేవాలయాలు[మార్చు]

పోలేరమ్మ దేవాలయం, యల్లమ్మ దేవాలయం, రామాలయం - యర్రబల్లిపాలెం, మసీదు - నడిమూరు, శివాలయం, కృష్ణాలయం, షిర్డీ సాయిబాబా మందిరం, మసీదు - పాతూరు, సాయిబాబా మందిరం, అయ్యప్పస్వామి దేవాలయం - చెర్లోతోట, గంగమ్మ దేవాలయం - గంగమిట్ట, అంకమ్మ దేవాలయం, ఆంజనేయస్వామి దేవాలయం - అంకమ్మ తోపు, ఆంజనేయస్వామి దేవాలయం - బంగ్లా సెంటర్, వెంకటేశ్వరస్వామి దేవాలయం - తిరుమల నగర్, రామాలయం, చౌడమ్మ దేవాలయం, చర్చి - బి.సి.కాలనీ. వింజమురు సిద్దార్థ నగర్లోని శ్రీ సీతారాముల తిరుణాల అంగరంగ వైభవంగా నిర్వహిస్తారు. (100 సంవత్సరాల నుండి)

వైద్య సౌకర్యం[మార్చు]

ప్రభుత్వ వైద్య సౌకర్యం[మార్చు]

వింజమూరులో ఉన్న ఒక సామాజిక ఆరోగ్య కేంద్రంలో ముగ్గురు డాక్టర్లు , 9 మంది పారామెడికల్ సిబ్బందీ ఉన్నారు. ఒకప్రాథమిక ఆరోగ్య కేంద్రంలో ఒక డాక్టరు, ముగ్గురు పారామెడికల్ సిబ్బందీ ఉన్నారు. ఒక ప్రాథమిక ఆరోగ్య ఉప కేంద్రంలో డాక్టర్లు లేరు. ఒకరు పారామెడికల్ సిబ్బంది ఉన్నారు. ఒక పశు వైద్యశాలలో ఒక డాక్టరు, నలుగురు పారామెడికల్ సిబ్బందీ ఉన్నారు. ఒక సంచార వైద్య శాలలో డాక్టర్లు లేరు. ముగ్గురు పారామెడికల్ సిబ్బంది ఉన్నారు. మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, డిస్పెన్సరీ, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.

ప్రైవేటు వైద్య సౌకర్యం[మార్చు]

గ్రామంలో15 ప్రైవేటు వైద్య సౌకర్యాలున్నాయి. ఎమ్బీబీయెస్ డాక్టర్లు ముగ్గురు, ఎమ్బీబీయెస్ కాకుండా ఇతర డిగ్రీలు చదివిన డాక్టర్లు ఆరుగురు, డిగ్రీ లేని డాక్టర్లు ఆరుగురు ఉన్నారు. 11 మందుల దుకాణాలు ఉన్నాయి.

వైద్యశాలలు[మార్చు]

ప్రభుత్వ వైద్యశాల, ప్రజావైద్యశాల, షఫీ వైద్యశాల, క్రాంతి వైద్యశాల, ప్రభుత్వ పశు వైద్యశాల ఉన్నాయి.ప్రభుత్వ వైద్యశాల, ప్రజా వైద్యశాల, షఫీ వైద్యశాల, క్రాంతి వైద్యశాల, ప్రభుత్వ పశు వైద్యశాల

మార్కెటింగు, బ్యాంకింగు[మార్చు]

గ్రామంలో ఏటీఎమ్, వాణిజ్య బ్యాంకు, సహకార బ్యాంకు, వ్యవసాయ పరపతి సంఘం ఉన్నాయి. గ్రామంలో స్వయం సహాయక బృందం, పౌర సరఫరాల కేంద్రం, వారం వారం సంత ఉన్నాయి. వ్యవసాయ మార్కెటింగ్ సొసైటీ గ్రామం నుండి 10 కి.మీ.కి పైబడిన దూరంలో ఉంది.

ఆరోగ్యం, పోషణ, వినోద సౌకర్యాలు[మార్చు]

గ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో సినిమా హాలు, గ్రంథాలయం, పబ్లిక్ రీడింగ్ రూం ఉన్నాయి. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ స్టేషన్, జనన మరణాల నమోదు కార్యాలయం ఉన్నాయి. ఆటల మైదానం గ్రామం నుండి 10 కి.మీ.కి పైబడిన దూరంలో ఉంది.

విద్యుత్తు[మార్చు]

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 10 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.

భూమి వినియోగం[మార్చు]

వింజమూరులో భూ వినియోగం కింది విధంగా ఉంది:

  • అడవి: 1123 హెక్టార్లు
  • వ్యవసాయేతర వినియోగంలో ఉన్న భూమి: 1367 హెక్టార్లు
  • వ్యవసాయం సాగని, బంజరు భూమి: 145 హెక్టార్లు
  • శాశ్వత పచ్చిక ప్రాంతాలు, ఇతర మేత భూమి: 111 హెక్టార్లు
  • వ్యవసాయం చేయదగ్గ బంజరు భూమి: 150 హెక్టార్లు
  • సాగులో లేని భూముల్లో బీడు భూములు కానివి: 436 హెక్టార్లు
  • బంజరు భూమి: 874 హెక్టార్లు
  • నికరంగా విత్తిన భూమి: 2905 హెక్టార్లు
  • నీటి సౌకర్యం లేని భూమి: 3663 హెక్టార్లు
  • వివిధ వనరుల నుండి సాగునీరు లభిస్తున్న భూమి: 553 హెక్టార్లు

నీటిపారుదల సౌకర్యాలు[మార్చు]

యర్రబల్లిపాలెం చెరువు, పాతూరు చెరువు ముఖ్యమైన చెరువులు. గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. బావుల నీరు కూడా అందుబాటులో ఉంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది. వింజమూరులో వ్యవసాయానికి నీటి సరఫరా బోరుబావుల ద్వారా కూడా ఏడాది పొడుగునా నీరు అందుతుంది.

  • బావులు/బోరు బావులు: 150 హెక్టార్లు
  • చెరువులు: 403 హెక్టార్లు

కార్యాలయాలు[మార్చు]

పరిపాలనా కార్యాలయాలు[మార్చు]

మండల పరిషత్ కార్యాలయం, మండల రెవిన్యూ కార్యాలయం, ఇరిగేషన్ కార్యాలయం, రూరల్ వాటర్ సప్లై (RWS కార్యాలయం), పంచాయతీ కార్యాలయం, వ్యవసాయ కార్యాలయం.

రక్షణ వ్యవస్థ[మార్చు]

పోలీస్ స్టేషను, ప్రొహిబిషన్ స్టేషను, ఫైర్ స్టేషను ఉన్నాయి.

విద్యుత్ వ్యవస్థ[మార్చు]

రెండు విద్యుత్ సబ్ స్టేషన్లు ఉన్నాయి.

ఇతర కార్యాలయాలు[మార్చు]

ట్రెజరీ, గ్రంథాలయం, , భారత సంచార నిగమ్ లిమిటెడ్ కార్యాలయం, అతిథి గృహం మొదలగునవి ప్రభుత్వ రంగ సంస్థలు.

గ్రామంలోని పలు ప్రాంతాల పేర్లు[మార్చు]

యర్రబల్లిపాలెం, కొత్తూరు, నడిమూరు, పాతూరు, కోమటి బజార్, చెర్లోతోట, రాజీవ్ నగర్, బి.సి.కాలనీ, గంగమిట్ట, సిద్ధార్థ నగర్, యల్లం బజార్, బంగ్లా సెంటర్, పాత బస్టాండ్, కొత్త బస్టాండ్, ఆర్.టి.సి.సెంటర్,

చలనచిత్ర ప్రదర్శనశాలలు[మార్చు]

  • లక్ష్మీప్రియ (శ్రీనివాస మహల్ - మొదటి పేరు, మొదటి చిత్ర శాల)
  • దేవత మహల్
  • సూర్యా డీలక్స్

కళ్యాణ మండపాలు[మార్చు]

  • వి.ఆర్.ఫంక్షన్ ప్లాజా(A/C)
  • గోనుగుంట రామయ్య కళ్యాణ మండపం
  • కొండా వారి కళ్యాణ మండపం
  • శ్రీ లక్ష్మి వేంకటేశ్వర కళ్యాణ మండపం(A/C)
  • శ్రీ వేంకటేశ్వర కళ్యాణ మండపం (A/C)

పాల సేకరణ కేంద్రాలు[మార్చు]

  • దొడ్ల పాల సేకరణ కేంద్రం
  • తిరుమల పాల సేకరణ కేంద్రం
  • విజయ పాల సేకరణ కేంద్రం

బ్యాంకులు[మార్చు]

గ్యాస్ ఏజన్సీలు[మార్చు]

  • శుభోదయ గ్యాస్ ఏజన్సీస్ (ఇండేన్)

ఉత్పత్తి[మార్చు]

వింజమూరులో ఈ కింది వస్తువులు ఉత్పత్తి అవుతున్నాయి.

పంటలు[మార్చు]

వేరుశనగ, వరి, శనగ, మినుము, కందులు, అలసంద, ఆవాలు ,తమలపాకులు కి ప్రసిద్ధి.

తోటలు[మార్చు]

మామిడి, జీడి మామిడి, అరటి, పామాయిల్, తమలపాకు, కొబ్బరి, సీతాఫలం, మల్లి, బంతి, చేమంతి, కోడిజుట్టుపూల వంటి కొన్ని రకాల పూలమొక్కలు

కూరగాయలు[మార్చు]

టమాటో, వంగ, బీరకాయ, సొరకాయ మునగ, చిక్కుడు, మొటిక, తోటకూర, చుక్కాకు వంటి కొన్ని రకాల ఆకుకూరలు

మూలాలు[మార్చు]

  1. "Office of the Registrar General & Census Commissioner, India - Village amenities of 2011".

వెలుపలి లింకులు[మార్చు]

"https://te.wikipedia.org/w/index.php?title=వింజమూరు&oldid=3591768" నుండి వెలికితీశారు