దొమ్మరనంద్యాల

దొమ్మరనంద్యాల వైఎస్‌ఆర్ జిల్లా, మైలవరం మండలానికి చెందిన గ్రామం. పిన్ కోడ్ నం. 516 431.

దొమ్మరనంద్యాల
—  రెవిన్యూ గ్రామం  —
రాష్ట్రం	ఆంధ్రప్రదేశ్
జిల్లా	వైఎస్‌ఆర్ జిల్లా
మండలం	మైలవరం
ప్రభుత్వము
- సర్పంచి
జనాభా (2011)
- మొత్తం	8,337
- పురుషులు	4,219
- స్త్రీలు	4,118
- గృహాల సంఖ్య	2,192
పిన్ కోడ్	516431
ఎస్.టి.డి కోడ్	08560

గ్రామ భౌగోళికం

జమ్మలమడుగు పట్టణానికి వాయువ్య దిశగా 4 కి.మీ. దూరంలో ఉన్నది. తూర్పున మోరగుడి గ్రామం, పశ్చిమాన వేపరాల గ్రామం, దక్షిణాన పెన్నా నది, ఉత్తరాన కర్మలవారి పల్లె గ్రామం, దొమ్మరనంద్యాలకు సరిహద్దులుగా ఉన్నవి.

సమీప గ్రామాలు

• మోరగుడి
• వేపరాల

సమీప మండలాలు

• జమ్మలమడుగు
• మైలవరం

గ్రామానికి రవాణా సౌకర్యాలు

• జమ్మలమడుగు నుండి బస్సు, ప్రైవేటు వాహనాలు రోడ్డు మార్గం ద్వారా వచ్చును. జమ్మలమడుగు నుండి మాత్రమే కాకుండా తాడిపత్రి రోడ్ నుండి కూడా గ్రామానికి ట్రంక్ రోడ్ వేయడం జరిగినది. ప్రస్తుతం ఈ గ్రామానికి రెండు లైన్ల రోడ్ సదుపాయం కలదు.
• జమ్మలమడుగు నుండి ఈ గ్రామం చేరడానికి ప్రస్తుతం మూడు మార్గాల ద్వారా చేరుకోవచ్చు.
  • జమ్మలమడుగు - తాడిపత్రి రహదారిలో మొరగుడి వద్ద నుండి ఈ గ్రామానికి చేరుకోవచ్చు.
  • అలాగే మైలవరం బైపాస్ నుండి కుడా చేరుకోవచ్చు.
  • జమ్మలమడుగు - వేపరాలకు పెన్నా నది మద్యలో నుండి వేసిన కొత్త రోడ్ ద్వారా కూడా దొమ్మరనంద్యాల చేరవచ్చు.

గ్రామంలో విద్యా సౌకర్యాలు

గ్రామంలో ప్రస్తుతం విద్యా సదుపాయాలు చాలా ఉన్నతంగా ఉన్నాయి. గ్రామంలో ఒక ఉన్నత పాఠశాల, నాలుగు ప్రాథమిక పాఠశాలలు, చిన్న పిల్లల కోసం నాలుగు అంగన్వాడి కేంద్రాలు, బాలురకు ప్రభుత్వ హాస్టల్ సదుపాయం కూడా ఉన్నాయి. ప్రస్తుతం హాస్టల్లో వంద మంది విద్యార్థులు దాక ఉన్నారు. దోమ్మరనంద్యలలోని ఉన్నత పాఠశాల జిల్లాలోని కర్పోరాట్ పాఠశాలలకు దీటుగా ఉన్నత విద్యను బోధిస్తూ కడప జిల్లాలోనే ఉన్నతమైన పాఠశాలలలో ఒకటిగా నిలిచింది. ఇక్కడ పాఠశాల వాతావరం చాలా ఆహ్లాదంగా,ఆనందకరంగా ఉంటుంది. ఈ గ్రామం నుండే కాకుండా పొరుగు గ్రామాలైన మోరగుడి, కర్మలవారి పల్లె, చిన్న కొమెర్ల గ్రామాల నుండి మాత్రమే కాకుండా, జమ్మలమడుగు పట్టణం నుండి కూడా విద్యార్థులు రావడం జరుగుతున్నది. ఏడాది ఏడాదికి ఇక్కడి విద్యర్థుల సంఖ్య పెరుగుతూ ప్రస్తుతం 900 పైగా విద్యార్థులతో ప్రైవేట్ యాజమాన్యాలను, కార్పోరేట్ పాఠశాల వారిని సైతం ఆశ్చర్య పరుస్తున్నది. ఇక్కడ చదువుకున్న విద్యార్థులలు చాలామంది ఉపాధ్యాయులుగా, ఇంజనీర్లుగా, వ్యాపారస్తులుగా, సాఫ్ట్ వేర్లుగా, డాక్టట్లుగానే కాకుండా అన్ని రకాల ప్రభుత్వ ఉద్యోగాలలో ఉన్నారు.

1. కడప జిల్లా లోనే అత్యుత్తమ విద్యాలయంగా గుర్తించబడిన జిల్లా పరిషత్ ఉన్నత పాఠశాల. ఇక్కడి జిల్లా పరిషత్ పాఠశాల భవనము మిక్కిలి సుందరమైనది.
2. శాంతినికేతన్ పాఠశాల.

గ్రామ పంచాయతీ

ఈ గ్రామం వైఎస్ఆర్ కడప జిల్లాలోని పెద్దగ్రామాలలో ఒకటి.

గ్రామంలోని దర్శనీయ ప్రదేశములు/ దేవాలయాలు

ఈ గ్రామంలో తొగట వీర క్షత్రియుల ఇలవేలుపు అయిన శ్రీ చౌడేశ్వరీదేవి ఆలయం ఉంది. ఈ ఆలయంలో ప్రతి సంవత్సరం జ్యోతి మహోత్సవాలు మూడు రోజులపాటు వైభవంగా జరుగును. [1]

గ్రామంలో ప్రధాన పంటలు

• మిరప
• ఆకుకూరలు

గ్రామంలో ప్రధాన వృత్తులు

• ఈ గ్రామం లో చేనేత కుటీర పరిశ్రమగా బాగా అభివృద్ధి చెందింది.
• వ్యవసాయం
• కుమ్మరి
• దర్జీ

గ్రామంలోని ప్రముఖులు (నాడు/నేడు)

• ప్రముఖ జానపద గాయకుడు శ్రీ మునెయ్య

గణాంకాలు

జనాభా (2011) - మొత్తం 8,337 - పురుషుల సంఖ్య 4,219 - స్త్రీల సంఖ్య 4,118 - గృహాల సంఖ్య 2,192 https://web.archive.org/web/20150207104629/http://censusindia.gov.in/PopulationFinder/Sub_Districts_Master.aspx?state_code=28&district_code=20

వెలుపలి లింకులు

[1] ఈనాడు కడప/జమ్మలమడుగు; 2013,అక్టోబరు-23; 1వపేజీ.