రంపచోడవరం

రంపచోడవరం
పట్టణం
రంపచోడవరం
నిర్దేశాంకాలు: 17.4389°N 81.7767°E / 17.4389; 81.7767
దేశం	భారతదేశం
రాష్ట్రం	ఆంధ్రప్రదేశ్
జిల్లా	పోలవరం జిల్లా
మండలం	రంపచోడవరం మండలం
విస్తీర్ణం
• మొత్తం	4.99 కి.మీ2 (1.93 చ. మై)
జనాభా  (2011)
• మొత్తం	9,952
• జనసాంద్రత	2,000/కి.మీ2 (5,200/చ. మై.)
జనగణాంకాలు
• లింగ నిష్పత్తి	899
Area code	+91 ( 8864  )
పిన్(PIN)	533288
వెబ్‌సైట్

రంపచోడవరం, ఆంధ్రప్రదేశ్ రాష్ట్రంలోని పోలవరం జిల్లా, రంపచోడవరం మండలం లోని జనగణన పట్టణం. ఇది అదే మండలానికి కేంద్రం. జిల్లా యంత్రాంగాన్ని ఊరి ప్రజలకు అందుబాటులో ఉంచేందుకు గానూ జిల్లా కలెక్టర్ వారానికి రెండు రోజులు ఇక్కడ అందుబాటులో ఉంటారు. రంపచోడవరం దట్టమైన అడవి ప్రాంతానికి, జలపాతాలకు ప్రసిద్ధి చెందింది. వీటిని రహదారి రవాణా ద్వారా మాత్రమే చేరుకోవటానికి అవకాశం ఉంది. రంపచోడవరంలో గిరిజనులు ఎక్కువగా నివసిస్తున్నారు. వారి ఉన్నతి కొరకు ప్రభుత్వం ఐ.టి.డి.ఏ. సంస్థను నెలకొల్పింది. గిరిజనుల సంస్కృతి, జీవన విధానం గురించిన మ్యూజియం శక్తి సంస్థ సహకారంతో ఏర్పాటు చేయబడుతోంది.

పేరు వ్యుత్పత్తి

రంప అనే గ్రామం ప్రక్కగా ప్రవహించే వాగు పక్కనే ఈ ఊరు ఉంది. రంప అనే గ్రామం రెవెన్యూ లెక్కలలో మరో గ్రామంగా ఇప్పటికీ ఉంది.అయితే రంప గ్రామం, చోడవరం కలిపి రంపచోడవరం అయిందని తెలుస్తుంది. ఇక్కడ కొండమీద ఒక పురాతన శివాలయం ఉంది.

చరిత్ర

అల్లూరి సీతారామరాజు ఆ ఆలయంలో పూజ చేసుకునేవాడని తెలుస్తుంది. అక్కడ ఒక జలపాతం ఉంది. సంవత్సరం పొడుగునా ఈ జలపాతంలో నీరు ప్రవహిస్తుంటాయి.

భౌగోళికం

రంపచోడవరం 17.4500 ° N 81.7667 ° E. వద్ద ఉంది. సముద్రమట్టానికి దీని సగటు ఎత్తు 162 మీటర్లు (534 అడుగులు).

జనాభా

2011 భారత జనాభా లెక్కల ప్రకారం, రంపచోడవరంలో 2,485 గృహాలతో, 9,952 జనాభా ఉంది. మొత్తం జనాభాలో 5,242 మంది పురుషులు కాగా, 4,710 మంది స్త్రీలు ఉన్నారు. ప్రతి 1000 మంది పురుషులకు 899 మంది స్త్రీలు ఉన్నారు. 0–6 సంవత్సరాల వయస్సు మధ్యగల పిల్లలు 943 మంది ఉన్నారు, వీరిలో 458 మంది బాలురు కాగా, 485 మంది బాలికలు ఉన్నారు. సగటు అక్షరాస్యత రేటు 7,613 మంది అక్షరాస్యులతో 84.50% వద్ద ఉంది. ఇది రాష్ట్ర సగటు కంటే 67.41% ఎక్కువ గణనీయంగా ఉంది.

పరిపాలన

రంపచోడవరం గ్రామ పంచాయితీ గ్రామ పరిపాలన నిర్వహిస్తుంది.

రవాణా సదుపాయాలు

దగ్గరలో రైలుస్టేషన్ రాజమండ్రిలో ఉంది.