కోవై సరళ

కోవై సరళ
కోవై సరళ
జననం	1962 ఏప్రిల్ 7 (వయసు 62); కోయంబత్తూర్, తమిళనాడు, భారత్
వృత్తి	నటి
రాజకీయ పార్టీ	మక్కల్ నీది మయ్యం

కోవై సరళ దక్షిణ భారత సినీనటి. తమిళ, తెలుగు, కన్నడ, మలయాళ భాషల్లో సుమారు 900కి పైగా చిత్రాల్లో నటించింది. తమిళనాడు రాష్ట్ర ప్రభుత్వం ప్రకటించే ఉత్తమ హాస్యనటి పురస్కారాలను మూడు సార్లు అందుకున్నది.^[1] ఆంధ్రప్రదేశ్ ప్రభుత్వం తరపున ఓరి నీప్రేమ బంగారం కానూ (2003) అనే సినిమాకు నంది ఉత్తమ హాస్యనటి పురస్కారం అందుకున్నది.^[2]

జీవితం

కోవై సరళ తమిళనాడులోని కోయంబత్తూరులో ఒక మలయాళీ కుటుంబంలో ఏప్రిల్ 7, 1962న జన్మించింది.^[3] చిన్నప్పుడు ఎంజీఆర్ సినిమాలు చూసి నటనపై ఆసక్తి పెంచుకొన్నది. చదువు పూర్తయిన తర్వాత తండ్రి, సోదరి ప్రోత్సాహంతో సినీ పరిశ్రమలో అడుగు పెట్టింది.

ఆమె తొమ్మిదో తరగతిలో ఉండగా విజయ కుమార్, కె.ఆర్. విజయ సరసన వెల్లి రథం అనే సినిమాలో మొట్టమొదటి సారిగా కనిపించింది.^[4] పదో తరగతిలో ఉండగా ముంధనై ముడిచ్చు అనే సినిమాలో 32 ఏళ్ళ గర్భిణిగా నటించింది. రెండు సంవత్సరాల తరువాత చిన్నవీడు అనే సినిమాలో భాగ్యరాజా పాత్రకు తల్లిగా 65 ఏళ్ళ మహిళ పాత్రలో నటించింది.^[5]

ఆమె సినిమాల్లోనే కాకుండా కొన్ని టీవీ కార్యక్రమాల్లో కూడా కనిపించింది. ఈమె అవివాహిత.