నక్కపల్లి

నక్కపల్లి
రెవెన్యూ గ్రామం
ఉపమాక ఆలయం నుండి నక్కపల్లి పట్టణం
నక్కపల్లి
అక్షాంశ రేఖాంశాలు: 17°25′N 82°45′E
దేశం	భారతదేశం
రాష్ట్రం	ఆంధ్రప్రదేశ్
జిల్లా	అనకాపల్లి
మండలం	నక్కపల్లి
విస్తీర్ణం	6.73 కి.మీ2 (2.60 చ. మై)
జనాభా  (2011)	7,603
• జనసాంద్రత	1,100/కి.మీ2 (2,900/చ. మై.)
అదనపు జనాభాగణాంకాలు
• పురుషులు	3,551
• స్త్రీలు	4,052
• లింగ నిష్పత్తి	1,141
• నివాసాలు	1,780
ప్రాంతపు కోడ్	+91 ( )
పిన్‌కోడ్	531081
2011 జనగణన కోడ్	586455

నక్కపల్లె లేదా నక్కపల్లి, భారతదేశం, ఆంధ్రప్రదేశ్ రాష్ట్రంలోని అనకాపల్లి జిల్లా, పాయకరావుపేట నియోజకవర్గానికి చెందిన గ్రామం, జనగణన పట్టణం. ఇది నక్కపల్లి మండలానికి ప్రధాన పరిపాలనా కేంద్రం. ఇది పాయకరావుపేట నుండి 20 కి.మీ,, తుని నుండి 22 కి.మీ దూరంలో ఉంది.

విశేషాలు

ఏనుగుల వీరాసామయ్య గారి కాశీ యాత్ర చరిత్రలో నక్కపల్లి ప్రస్తావన ఉంది. దాని పకారము 16 తేది వుదయాత్పూర్వము 4 గంటలకు లేచి యిక్కడిఒకి 5 కోసుల దూరములో నుండే నక్కపల్లి వుపమాకా యనే వూళ్ళు 9 గంతలకు చేరినాను. దారి కొంత వెల్లడిగా ఉంది. కొంతదూరము యిసకపరగానున్ను, కొంతదూరము రేగడగానున్ను ఉంది. వుపమాకా యనే వూళ్ళో ఒక చిన్నకొండమీద వెంకటాచలపతి గుడి ఉంది. 50 యిండ్ల వైష్ణవాగ్రహారము ఆ గుడిని నమ్ముకుని ఉంది. వెంకటాచలపతిపేరు ప్రసిద్ధి. యీవూరు మొదలుగా దక్షిణదేశములో కలిగివున్న దని తెలియవలసినది. ఆకు తినే మేకల మందలు పొలాలలో విశాఖపట్నంతో చేరిన విజయనగరపు రాజ్యము సరిహద్దు మొదలుగా చూస్తూవస్తాను. జగన్నాధము మొదలుగా యేదలనే యెనుములు పోతులు విస్తారము ఉన్నాయి.జిల్లాలో 100 కి 24 వంతున లాభమువచ్చును. అయినా బందిపోట్లవల్ల నిండా నొచ్చిపోవుచున్నారు. నక్కపల్లి, వుపమాకా యనే వూళ్ళున్ను చేరినట్టుగానే యున్నవి. మధ్యే ఒక చెరువుకట్టకద్దు. వుపమాకాలో ఒక శివమందిరమున్ను, దానిలో చేరినట్టు ఒక సత్రమున్ను వుండగా అందులో దిగినాను. నక్కపల్లెలో అన్ని పదార్ధములు దొరుకును. యీ దేశపు స్త్రీలు మంచి సౌందర్యము కలవారుగానున్ను, ముఖలక్షణము కలవారుగానున్ను అగుపడుతారు. జాఫరావిత్తుల వర్ణముచేసిన బట్టలు వుపపన్నులు కట్టుతారు. కాళ్ళకు పాడగాలు వెయ్యడము కలిగివున్నది. సర్వసాధారణంగా యీ దేశమందు తెనుగుభాష ప్రచురముగా ఉంది. మాటలు దీర్ఘముగానున్ను దేశియ్యమయిన శబ్దహ్రస్వముగానున్ను పలుకుతారు. తెనుగు అక్షరములు గొలుసుమోడిగా వ్రాస్తారు. మనుష్యులు స్వభావమూఅ దౌష్ట్యములు చేయతలచినా మంచితియ్యని మాటలుమాత్రము వదలరు. యేపనిన్ని వూహించి చేస్తారు. యీ వూళ్ళో రాయవరపు మునిషీ కోటూరు వీరరాఘవమొదిలిని కలుసుకొనే నిమిత్తము యీ రాత్రికూడా నిలిచినాను.

గణాంకాలు

2011 భారత జనాభా లెక్కల ప్రకారం నక్కపల్లి పట్టణంలో 7,603 జనాభా ఉంది, అందులో 3,551 మంది పురుషులు, 4,052 మంది మహిళలు ఉన్నారు. 0-6 సంవత్సరాల వయస్సు గల పిల్లల జనాభా 777, ఇది పట్టణ మొత్తం జనాభాలో 10.22%గా ఉంది. నక్కపల్లి పట్టణ జనాభాలో స్త్రీల లింగ నిష్పత్తి రాష్ట్ర సగటు 993 కు వ్యతిరేకంగా ఎక్కువుగా (1141) గా ఉంది. బాలల లైంగిక నిష్పత్తి 1023గా ఉంది, ఆంధ్రప్రదేశ్ రాష్ట్ర సగటు 939 తో పోలిస్తే. పట్టణ అక్షరాస్యత రేటు రాష్ట్ర సగటు 67.02% కంటే 71.77% ఎక్కువ . పురుషుల అక్షరాస్యత 74.52% కాగా, మహిళా అక్షరాస్యత 69.39%గా ఉంది. పట్టణ పరిధిలో మొత్తం 1,780 ఇళ్లకు పైగా పరిపాలనను కలిగి ఉంది. వీటికి నీరు, మురుగునీటి పారుదల వంటి ప్రాథమిక సౌకర్యాలను స్థానిక స్వపరిపాలన సంస్థ అందిస్తుంది. పట్టణ పరిమితుల్లో రహదారులను నిర్మించడానికి, దాని పరిధిలోకి వచ్చే ఆస్తులపై పన్ను విధించడానికి సంబంధిత స్థానిక స్వపరిపాలన సంస్థకు అధికారం ఉంది.

చదువు

ప్రాథమిక, మాధ్యమిక పాఠశాల విద్యను రాష్ట్ర పాఠశాల విద్యా విభాగం క్రింద ప్రభుత్వ, సహాయక, ప్రైవేట్ పాఠశాలలు అందిస్తాయి.వివిధ పాఠశాలలు అనుసరించే బోధనా మాధ్యమం ఇంగ్లీష్, తెలుగు.