మైసూరుపాక్

మైసూరుపాక్ లేదా మైసూర్ పాక్ ఒక మెత్తని మిఠాయి. ఇది శెనగ పిండితో తయారు చేసే తీపి వంటకం. దీనిని మొట్టమొదటగా మైసూరు మహారాజు ఆస్తాన వంటవాళ్ళు తయారు చేసారు.

కావలసిన పదార్ధాలు

• శనగపిండి - ఒక కప్పు
• చక్కెర - ఒక కప్పు
• నెయ్యి - రెండు కప్పులు
• సోడా - చిటికెడు.

తయారుచేయు విధానం

• నెయ్యి కుంపటిసెగని ఒక్కసారి కాగనియ్యాలి.
• చక్కెరలో కొంచెం నీళ్ళుపోసి కలిపి కుంపటిమీద పెట్టాలి. చక్కెర కరిగేదాకా ఉడకనివ్వాలి.
• చక్కెర పాకం ఉడుకుతూ ఉండగానే నెయ్యిలో నాలుగోవంతు భాగం పాకంలో పోసి; కలిపి శనగపిండి కూడా వేసి గరిటెతో అడుగు అంటకుండా తిప్పుతూ ఉండాలి. నెయ్యి ఇగిరినప్పుడల్లా మాడకుండా నెయ్యిపోస్తూ, తిప్పుతూ ఉండాలి. నెయ్యి అంతా పూర్తిగా అయేసరికి శనగపిండి పాకంలో ఉడికి, నేతిలోవేగి, విడిపోయి, తెల్లగా నురుగు లాగా కనిపిస్తుంది.
• అప్పుడు చిటికెడు సోడా వేసి మరోసారి కలియబెట్టి వెంటనే పళ్ళెంలోకి కుమ్మరించాలి. వెంటనే గరిటెతోగాని అట్లకాడతోగాని పైపైన మెల్లగా వత్తాలి.
• వేడిలోనే కత్తితో మనకి కావలసిన ఆకారాలలో కోసుకోవాలి. చల్లారిన తర్వాత ముక్కలు విడివిడిగా వస్తాయి.

చిట్కాలు

• శనగ పిండి కల్తీ లేకుండా స్వచ్ఛమైనదిగా ఉండాలి.
• పేరుకున్న నెయ్యిని ఉపయోగించకూడదు. నెయ్యిని మరిగించిన తర్వాత వేడిగా ఉండగానే కలపాలి.

ఇది కూడా చూడండి

• జీడిపప్పు మైసూరుపాక్

బయటి లింకులు

• మైసూర్ పాక్ తయారీ విధానము1 Archived 2010-09-05 at the Wayback Machine
• మైసూర్ పాక్ తయారీ విధానము2
• మైసూర్ పాక్ తయారీ విధానము3