ఉప్మా

దస్త్రం:బొంబాయి రవ్వ , ఉల్లిపాయ ఉప్మా (2).jpg

బొంబాయి రవ్వ, ఉల్లిపాయ ఉప్మా

ఉప్మా తక్కువ సమయంలో చేసుకోదగిన రుచికరమైన అల్పాహారము. ఈ ఉప్మాను బియ్యం రవ్వతో, అటుకులతో, సేమ్యాతో లేదా గోధుమ నూకతో చేసుకోవచ్చును. ఉప్పు, మావు ( రవ్వ) అను రెండు తమిళ పదాల నుంచి దీని పేరు ఉప్మావు అని వచ్చింది. దీనిని తెలుగులో ఉప్మా అని ఉప్పిండి అని కూడా పిలుస్తారు.

కావలసిన పదార్ధాలు

గోధుమ నూక - కప్పుడు
నీరు - రెండు కప్పులు
ఉప్పు - తగినంత
పచ్చి మిరపకాయలు - తగినన్ని
అల్లం
కరివేపాకు
పోపు సామానులు

పుట్టు పూర్వోత్తరాలు

ఇంతకు పూర్వం మనవాళ్ళు ఉప్పిండి అనేమాట వాడేవాళ్ళు. ఉప్పుపిండి అన్నమాట. చక్కెర పిండిని ఉక్కెర అంటారు. బెల్లపు పిండిని ఆవిరికి ఉడకపెడితే దాన్ని పిట్టు అంటాము. పిండివంటి సన్నటి నూక (రవ్వ) తో తిరుగుబోతసామాను వగైరావేసి ఉడకబెట్టి చేసినదే ఉప్పిపిండి. ఇందులో తీపు ప్రధానం గాక ఉప్పు ప్రధానం. ఉప్పు పొంగలి, చక్కెర పొంగలి వేరే వెరేగా ఉన్నవి గదా! అట్లనే. అరవంలో ఉర్పు, ఉప్పు రెండు రూపాలలో వాడుకలో ఉన్నాయి. పిండిని వాళ్ళు మావు అంటారు. ఉప్పుపిండి వాడుక తప్పి కాల క్రమాన ఉప్పుమావు వాడుకలోకి పడింది. అదే ఉప్మావు. పల్లెటూరి వాళ్ళు ఉప్మావు అని మొదట్లో వాడేవారు. అదే ఇప్పుడు ఫ్యాషన్ గా ఇంగ్లీషు స్టయిలు సంతరించుకొని ఉప్మా అయి కూర్చొంది.

తయారుచేయు విధానం

బూరెల మూకుడు పొయ్యి మీద పెట్టి, నెయ్యివేసి, జీడిపప్పు దోరగా వేయించి తీసివేయాలి. ఆ నెయ్యిలోనే గోధుమనూక ఒక కప్పువేసి, వేయించిన తరువాత దానిని వేరు పళ్ళెంలోకి తీసుకోవాలి.
బూరెల మూకుడు మళ్ళీ పొయ్యి మీద పెట్టి, పోపుకి తగిన నెయ్యివేసి మరిగాక ఆవాలు, మినప పప్పు వేసి, ఆవాలు చిటపటలాడాక జీలకర్రవేసి ఆ పైన తరిగి ఉంచుకున్న అల్లం, పచ్చి మిరపకాయ ముక్కలు, కరివేపాకు వేసి - పోపు కమ్మని వాసన వచ్చిన తరువాత రెండు కప్పుల నీరుపోసి, తగినంత ఉప్పువేయలి.
నీరు మరిగిన తరువాత వేయించిన గోధుమ నూకవేసి కలియబెట్టాలి. మూతపెట్టి అయిదు నిమిషాలు ఉంచాలి.
రవ్వ మెత్తబడిన తర్వాత కిందకి దించి, వేయించిన జీడిపప్పు ఒక చెక్క నిమ్మకాయ రసం పిండి బాగా కలియబెట్టి వేరే పళ్ళెం లోకి దిమ్మరించుకోవాలి.

ఉప్మాలో రకాలు

టొమాటో ఉప్మా:
సేమ్యా ఉప్మా:
అటుకుల ఉప్మా:
మజ్జిగ ఉప్మా:
బొరుగుల ఉప్మా:
సగ్గుబియ్యము ఉప్మా:
పులుసు ఉప్మా:
పెసరపప్పు ఉప్మా:

చిట్కాలు

ఉప్మాలో నెయ్యి ఎక్కువ వెయ్యకపోతే ముద్దలాగా అంటుకుంటుంది.
ఉప్మా ఉండలు ఉండలుగా తయారుకాకుండా, నూకను నీటిలో వేసేముందు వేపుకోవాలి.
ఉప్మాలో ఎవరికి ఇష్టమైన మసాలా దినుసులు వేపుకొని ఉడుకుతున్న నీటిలో వేసుకోవచ్చును

v t e తెలుగింటి వంట
ఫలహారాలు	ఇడ్లీ దోసె ఊతప్పం రవ్వ దోసె పూరీ వడ గారె పెరుగు వడ ఉప్మా పెసరట్టు పొంగలి చక్కెర పొంగలి జొన్న రొట్టె ఉగ్గాని బియ్యం రొట్టె చద్దన్నం కంది కుడుములు
భోజనం	అన్నం పప్పు నెయ్యి సాంబారు పచ్చిపులుసు మజ్జిగ పులుసు చారు టమోటా చారు చింతపండు చారు శెనగబేడల చారు పప్పుచారు గుత్తి వంకాయ కూర పచ్చడి వేపుడు పెరుగు బిర్యాని ఫ్రైడ్ రైస్ రాగిసంగటి పులగం
అల్పాహారం	పులిహోర దద్ధ్యోదనం హలీమ్
నంజుడు	కొబ్బరి చట్నీ ఆవకాయ ఊరగాయ గోంగూర పచ్చడి అల్లం పచ్చడి పండు మిరప అప్పడాలు వడియాలు ఊరమిరపకాయలు
పానీయాలు	కాఫీ టీ ఇరానీ చాయ్ రాగి జావ మజ్జిగ పానకం
మిఠాయిలు	పాయసం బొబ్బట్లు అరిసెలు పూతరేకులు కాజాలు గులాబ్ జామున్ మైసూరుపాక్ సున్నుండ బూందీ లడ్డు రవ్వ లడ్డు కజ్జికాయ గవ్వలు జిలేబీ జాంగిరీ జీడిపప్పు మైసూరుపాక్ డ్రైఫ్రూట్స్ లడ్డు పాలకోవా పంచదార చిలక బూరె పూర్ణం బూరెలు హల్వా తీపి కుడుములు పరమాన్నం జీళ్ళు
కారా	మిరపకాయ బజ్జీ అరటికాయ బజ్జీ ఆలుగడ్డ బజ్జీ పకోడీ బోండా పుణుగులు బూందీ చెకోడీలు జంతిక పప్పు చెక్కలు
షడ్రుచుల సమ్మేళనం	ఉగాది పచ్చడి
మాంసాహారం	కోడి గుడ్డు ప్లెయిన్ ఆమ్లెట్ మసాలా ఆమ్లెట్ ఉడకబెట్టిన కోడి గుడ్డు ఎగ్ రోస్ట్ అండా బుర్జీ కోడిగుడ్ల పులుసు కోడి మాంసం చికెన్ 65 చికెన్ బిర్యాని చికెన్ పకోడి చికెన్ పచ్చడి చికెన్ పులావ్ చికెన్ ఆవకాయ చేపలు చేపల పులుసు నెల్లూరు చేపల పులుసు చేపల వేపుడు మేక పొట్టేలు రొయ్యలు పీత