దగ్గుబాటి వెంకటేష్

వెంకటేశ్
వెంకటేశ్
	సెలెబ్రిటీ క్రికెట్ లీగ్ ప్రారంభోత్సవ కార్యక్రమంలో వెంకటేష్
జననం	దగ్గుబాటి వెంకటేష్; 1960 డిసెంబరు 13 (వయసు 64); కారంచేడు, ప్రకాశం జిల్లా, ఆంధ్రప్రదేశ్, భారతదేశం
ఇతర పేర్లు	వెంకీ ; విక్టరీ వెంకటేష్
విద్య	ఎం. బి. ఏ
విద్యాసంస్థ	డాన్ బాస్కో స్కూలు, చెన్నై; లయోలా కళాశాల, చెన్నై; మాంటరీ ఇన్‌స్టిట్యూట్‌ ఆఫ్‌ ఇంటర్నేషనల్‌ స్టడీస్‌, అమెరికా;
వృత్తి	సినిమా నటుడు
జీవిత భాగస్వామి	నీరజ
పిల్లలు	అర్జున్ రామంత్; ఆశ్రిత ; హయవాహిని; భావన;
తల్లిదండ్రులు	దగ్గుబాటి రామానాయుడు (తండ్రి); రాజ్యలక్ష్మి (తల్లి);

విక్టరీ వెంకటేష్ గా పేరొందిన దగ్గుబాటి వెంకటేష్ తెలుగు సినిమా కథానాయకుడు.^[2] ఈయన తెలుగు నిర్మాత, అత్యధిక చిత్రాల నిర్మాతగా గిన్నీస్ బుక్ ప్రపంచరికార్డు సాధించిన డి.రామానాయుడు రెండవ కుమారుడు. వెంకటేష్ కు బాగా పేరు తెచ్చిన సినిమాలు చంటి, కలిసుందాం రా, సుందరకాండ, రాజా, బొబ్బిలిరాజా, ప్రేమించుకుందాం రా, పవిత్రబంధం, సూర్యవంశం, లక్ష్మి, ఆడవారి మాటలకు అర్ధాలే వేరులే మొదలైనవి. ఆయన రెండు హిందీ సినిమాలు కూడా చేశాడు. వెంకటేష్ అభిమానులు విక్టరీ వెంకటేష్ అని, ముద్దుగా వెంకీ అని పిలుస్తారు. ఇప్పటి వరకు దాదాపు 70కి పైగా సినిమాలలో నటించిన ఈయన 7 నంది అవార్డులు గెలుచుకున్నాడు.

ఈయన సినిమాల ద్వారా చాలా మంది హీరోయిన్స్ తెలుగు తెరకు పరిచయం అయ్యారు. ఫరా, టబు, దివ్యభారతి, గౌతమి, ప్రేమ, ఆర్తీ అగర్వాల్, ప్రీతి జింతా, కత్రినా కైఫ్, అంజలా జవేరి మొదలగు వారిని వెంకటేష్ తెలుగులో పరిచయం చేసారు.

సౌందర్యతో వెంకటేష్ ది హిట్ పెయిర్. సౌందర్యతో ఆయన ఏడు సినిమాలు చేసారు. మీనాతో నాలుగు సినిమాలు (చంటి, సుందరకాండ, అబ్బాయిగారు, సూర్యవంశం) చేసారు. ఆ నాలుగు విజయం సాధించాయి. ఆర్తీ అగర్వాల్తో మూడు సినిమాలు (నువ్వు నాకు నచ్చావ్, వసంతం, సంక్రాంతి) చేసారు. ఆ మూడు కూడా విజయం సాధించాయి.

వెంకటేష్ రాఘవేంద్రరావు దర్శకత్వంలో ఎక్కువ సినిమాలు చేసారు. పైగా రాఘవేంద్రరావు వెంకటేష్ ని కలియుగ పాండవులు సినిమాతో తెలుగు తెరకు కథానాయకుడుగా పరిచయం చేశారు. ఈ సినిమా మంచి ప్రజాదరణ పొందడంతో పాటు వెంకటేష్ కు నూతన కథానాయకుడుగా నంది అవార్డ్ లభించింది. ఆతర్వాత ప్రేమ, ధర్మచక్రం, చంటి, స్వర్ణకమలం, గణేష్, కలిసుందాం రా, ఆడవారి మాటలకు అర్ధాలే వేరులే సినిమాలు వెంకటేష్ కు నంది అవార్డులను అందించాయి.

వ్యక్తిగత జీవితం

1960, డిసెంబర్ 13 న ప్రకాశం జిల్లా కారంచేడులో జన్మించాడు. వెంకటేష్ డాన్ బోస్కో, ఎగ్మోర్, మద్రాసు (ప్రస్తుత చెన్నై) నుండి పట్టభద్రుడయ్యారు. మోంటెరే ఇన్‌స్టిట్యూట్ ఆఫ్ ఇంటర్నేషనల్ స్టడీస్, యు.ఎస్.ఏ నుండి ఎంబిఎ పట్టా అందుకున్నాడు. వెంకటేష్ నీరజను వివాహమాడారు. వీరికి ఒక అబ్బాయి, ముగ్గురు అమ్మాయిలు సంతానం. అబ్బాయి పేరు అర్జున్ రామంత్, అమ్మయిల పేర్లు ఆశ్రిత, హయవాహిని, భావన.

నట జీవితం

భారతదేశానికి తిరిగి వచ్చిన అనంతరం చిత్ర నిర్మాణం చేబడదామనుకున్నాడు, కానీ తెలుగు చిత్రాలలో నటించి అందరి ప్రశంసలు అందుకున్నారు. ఈయన తండ్రి, డి. రామానాయుడు, సోదరుడు దగ్గుబాటి సురేష్‌బాబు తెలుగు చిత్ర పరిశ్రమ నిర్మాణ సంస్థలలో ఒకటైన సురేష్ ప్రొడక్షన్స్ సంస్థను నడుపుతున్నారు. వెంకటేష్ 1986లో కలియుగ పాండవులు చిత్రంతో సినీరంగ ప్రవేశం చేశాడు. నటుడిగా రెండేళ్ళ ప్రాయంలోనే, ఆయన కాశీనాధుని విశ్వనాధ్ దర్శకత్వం వహించిన స్వర్ణకమలంలో నటించి ఎన్నో ప్రశంసలు అందుకున్నారు. అదే సంవత్సరంలో విడుదలైన వారసుడొచ్చాడు, చిత్రం కూడా ఆయనకు మంచి గుర్తింపునిచ్చింది. కొన్ని పరాజయాల తర్వాత మొదటి విజయం బొబ్బిలి రాజా రూపంలో లభించింది. బొబ్బిలి రాజా సంగీతపరంగా కూడా మంచి విజయం సాధించింది. ఈ చిత్రం అన్ని వర్గాల ప్రేక్షకులను ఆకట్టుకుంది. ఆ తరువాత వచ్చిన శత్రువు సినిమాలో వెంకటేష్, న్యాయస్థానాల్లో అవినీతిని అరికట్టలేక, విసుగు చెంది, చట్టాన్ని తన చేతుల్లోకి తీసుకునే ఒక ఆవేశపూరితుడైన యువ న్యాయవాది పాత్రను పోషించారు. ఆ తరువాత విలక్షణ దర్శకుడైన రామ్‌ గోపాల్ వర్మ దర్శకత్వంలో, విజయవంతమైన చిత్రం క్షణక్షణంలో నటించారు. ఆ తరువాత కొన్నేళ్లు వివిధ విజయవంతంకాని చిత్రాల్లో నటించారు. అయితే, 1991లో తమిళ సినిమా చిన్నతంబిని తెలుగులో పునర్నిర్మించి విడుదలచేసిన చంటి సినిమా వెంకటేష్ సినీ వ్యాసాంగాన్ని ఒక మలుపుతిప్పిన చిత్రంగా భావించబడుతుంది. అప్పటిదాకా అవేశపూరిత యువకుని పాత్రలు ఎక్కువగా పోషించిన వెంకటేష్, చంటి పాత్రను చాలా శ్రమతో పండించారు. ఈ సినిమా బాక్సాఫీసు వద్ద కూడా బ్రహ్మాండమైన విజయం సాధించింది. ఆ తర్వాత హిందీలో అదే సినిమా తిరిగితీసినప్పుడు (అనారీ) అందులో కుడా ప్రధాన పాత్రను వెంకటేషే పోషించారు. ఈ చిత్రంతో వెంకటేష్ కుటుంబ తరహా చిత్రాలు కూడా చేయగలడన్న ముద్ర ఏర్పడింది. మహిళా ప్రేక్షకులలో ఆదరణ కూడా పెరిగింది. ఆ తరువాత వచ్చిన చాలా సినిమాలలో ఆయన ఫ్యామిలీ హీరో పాత్రలను ధరించారు. ఈయన ఇటీవలి చిత్రాలు లక్ష్మి, ఆడవారి మాటలకు అర్ధాలు వేరులే, తులసి చిత్రాలు వరుసగా విజయవంతమై వెంకటేష్ కు హ్యట్రిక్కును సాధించాయి.

వెంకటేష్ తన పనిని చాలా పట్టుదలతో చేస్తారు. తనకు ఆధ్యాత్మిక భావాలు ఉన్నాయని పలు సందర్భాలలో చెప్పుకున్నారు. వెంకటేష్ వినోదభరిత చిత్రాలు కుటుంబసమేతంగా చూడదగినవి అనటంలో ఏ మాత్రం సందేహం లేదు. హాస్య ప్రధాన పాత్రలలో పోషిస్తూనే ఈయన ఘర్షణ, లక్ష్మి వంటి యాక్షన్ చిత్రాలను కూడా చేశారు. ఈయన నటించిన కుటుంబ ప్రధాన చిత్రాలు ఈయనకు అనేక మంది మహిళా అభిమానులను సంపాదించాయి. 2007లో ఆడవారి మాటలకు అర్ధాలు వేరులే చిత్రానికి గానూ ఈయనకు స్వర్ణ నంది అవార్డు లభించింది.

చిత్రసమాహారం

సంవత్సరం	చలన చిత్రం పేరు	పాత్ర పేరు
1986	కలియుగ పాండవులు	విజయ్
1986	బ్రహ్మరుద్రుడు	ప్రసాద్
1987	అజేయుడు	మురళి
	భారతంలో అర్జునుడు	అర్జున్
	త్రిమూర్తులు	రాజా
	విజేత విక్రం	విక్రం
	శ్రీనివాస కళ్యాణం	శ్రీనివాస్
1988	రక్త తిలకం	కృష్ణ ప్రసాద్
	బ్రహ్మపుత్రుడు	శక్తి
	స్వర్ణకమలం	చంద్ర
	వారసుడొచ్చాడు	రఘు
1989	ప్రేమ	పృధ్వీ
	ఒంటరి పోరాటం	విజయ్
	ధృవ నక్షత్రం	ధృవ కుమార్
	టూ టౌన్ రౌడీ	శక్తి
1990	అగ్గి రాముడు	పెదబాబు
1990	బొబ్బిలి రాజా	రాజా
1991	శత్రువు	అశోక్
	కూలీ నం. 1	రాజు, భరత్
	సూర్యా ఐ.పి.ఎస్	సూర్య
	క్షణక్షణం	చందు
1992	చంటి	చంటి
	చినరాయుడు	చినరాయుడు
	సుందరకాండ	వెంకటేశ్వర్లు
1993	అబ్బాయి గారు	దొరబాబు
1993	కొండపల్లి రాజా	రాజా
1994	ముద్దుల ప్రియుడు	రాముడు / రాజు
1994	సూపర్ పోలీస్	విజయ్
1995	పోకిరి రాజా	చంటి / బాల్ రాజ్
1996	ఇంట్లో ఇల్లాలు - వంటింట్లో ప్రియురాలు	శ్రీరాం
	సరదా బుల్లోడు	విజయ్
	ధర్మ చక్రం	రాకేష్
	పవిత్ర బంధం	విజయ్
	సాహసవీరుడు - సాగరకన్య	రవి
1997	చిన్నబ్బాయి^[3]	చిన్నబ్బాయి
	పెళ్ళి చేసుకుందాం^[4]	ఆనంద్
	ప్రేమించుకుందాం రా	గిరి
1998	గణేష్	గణేష్
	ప్రేమంటే ఇదేరా	మురళి
	సూర్య వంశం	హరిశ్చంద్ర ప్రసాద్ / భాను ప్రసాద్
1999	రాజా	రాజా
1999	శీను	శీను
2000	కలిసుందాం రా	రాజా
2000	జయం మనదేరా	మహదేవ నాయుడు / అభిరాం
2001	దేవీ పుత్రుడు	కృష్ణ/బలరాం
	నువ్వు నాకు నచ్చావ్	వెంకటేశ్వర్లు, "వెంకీ"
	ప్రేమతో రా	చంద్ర శేఖర్
2002	వాసు	వాసు
2002	జెమిని	జెమిని
2003	వసంతం	అశోక్
2004	మల్లీశ్వరి	పెళ్ళి కాని ప్రసాద్
2004	ఘర్షణ	డిసిపి రామచంద్ర
2005	సోగ్గాడు	వెంకటేష్ (అతిథి పాత్ర)
	సంక్రాంతి	రాఘవేంద్ర
	సుభాష్ చంద్ర బోస్	అశోక్/సుభాష్ చంద్రబోస్
2006	లక్ష్మీ	లక్ష్మీ నారాయణ
2007	ఆడవారి మాటలకు అర్ధాలే వేరులే	గణేష్
2007	తులసి	తులసి రాం
2008	చింతకాయల రవి	రవి
2009	ఈనాడు	కమీషనర్
2010	నమో వెంకటేశ	వెంకటరమణ
2010	నాగవల్లి^[5]	డాక్టర్ విజయ్
2012	బాడీగార్డ్	వెంకటాద్రి నాయుడు
2013	సీతమ్మ వాకిట్లో సిరిమల్లె చెట్టు	పెద్దోడు
2013	షాడో	చంటి/షాడో
2013	మసాలా	బలరాం
2014	దృశ్యం	రాంబాబు
2015	గోపాల గోపాల	గోపాల రావు
2016	బాబు బంగారం^[6]	ఎ.సి.పి కృష్ణ
2017	గురు^[7]	ఆదిత్య/ఆది
2019	F2	వెంకీ
2019	వెంకీ మామ	వెంకటరత్నం నాయుడు, మిలిటరీ నాయుడు
2021	నారప్ప^[8]	నారప్ప ^[9]
2021	దృశ్యం 2^[10]	రాంబాబు
2022	ఎఫ్ 3	వెంకీ
2022	ఓరి దేవుడా	దేవుడు
2023	కిసీ కా భాయ్ కిసీ కా జాన్	బాలకృష్ణ
2023	సైంధవ్

పురస్కారాలు

1986 కలియుగ పాండవులు చిత్రానికి గానూ ఉత్తమ తొలి చిత్ర నటుడిగా నంది పురస్కారం
1988 బ్రహ్మపుత్రుడు చిత్రానికి గానూ ఉత్తమ నటుడిగా కిన్నెర పురస్కారం
1988 స్వర్ణకమలం చిత్రానికి గానూ ఉత్తమ నటుడిగా నంది పురస్కారం
1989 ప్రేమ చిత్రానికి గానూ ఉత్తమ నటుడిగా నంది పురస్కారం
1989 ప్రేమ చిత్రానికి గానూ ఉత్తమ నటుడిగా ఫిల్మ్ ఫేర్ పురస్కారం
1990 బొబ్బిలి రాజా చిత్రానికి గాను ఉత్తమ నటుడిగా సినీగోయర్స్ పురస్కారం
1991 శత్రువు చిత్రానికి గానూ ఉత్తమ నటుడిగా భాగ్యనగర్ పురస్కారం
1991 కూలీ నం. 1 చిత్రానికి గానూ ఉత్తమ నటుడిగా సినీగోయర్స్ పురస్కారం
1991 కూలీ నం. 1 చిత్రానికి గానూ ఉత్తమ నటుడిగా మద్రాస్ చిత్ర అభిమానుల పురస్కారం
1992 సుందరకాండ చిత్రానికి గానూ ఉత్తమ నటుడిగా యువవాహిని పురస్కారం
1992 సుందరకాండ చిత్రానికి గానూ ఉత్తమ నటుడిగా సినీగోయర్స్ పురస్కారం
1993 అబ్బాయిగారు చిత్రానికి గానూ ఉత్తమ నటుడిగా కళాసాగర్ పురస్కారం
1993 అబ్బాయిగారు చిత్రానికి గానూ ఉత్తమ నటనకు సినీగోయర్స్ పురస్కారం
1995 ధర్మచక్రం చిత్రానికి గానూ ఉత్తమ నటుడిగా నంది పురస్కారం
1995 ధర్మచక్రం చిత్రానికి గానూ ఉత్తమ నటుడిగా ఫిల్మ్ ఫేర్ పురస్కారం
1995 ధర్మచక్రం చిత్రానికి గానూ ఉత్తమ నటుడిగా కళాసాగర్ పురస్కారం
1995 ధర్మచక్రం చిత్రానికి గానూ ఉత్తమ నటుడిగా వంశీ బర్కిలీ పురస్కారం
1998 గణేష్ చిత్రానికి గానూ ఉత్తమ నటుడిగా నంది పురస్కారం
1998 గణేష్ చిత్రానికి గానూ ఉత్తమ నటుడిగా ఫిల్మ్ ఫేర్ పురస్కారం
1998 గణేష్ చిత్రానికి గానూ ఉత్తమ నటుడిగా కిన్నెర పురస్కారం
2000 కలిసుందాం రా చిత్రానికి గానూ ఉత్తమ నటుడిగా నంది పురస్కారం
2007 ఆడవారి మాటలకు అర్థాలే వేరులే వేరులే చిత్రానికి గానూ ఉత్తమ నటుడిగా నంది పురస్కారం

మూలాలు

↑ Namasthe Telangana (4 July 2021). "వెంక‌టేశ్‌ కూతురు అరుదైన ఫీట్‌". Namasthe Telangana. Archived from the original on 4 July 2021. Retrieved 4 July 2021.
↑ "ఈనాడులో వెంకటేష్ పుట్టినరోజు వ్యాసం". eenadu.net. హైదరాబాదు: ఈనాడు. Archived from the original on 13 December 2016. Retrieved 13 December 2016.
↑ "Chinnabbaayi Cast and Crew | Star Cast | Telugu Movie | Chinnabbaayi Actor | Actress | Director | Music | Oneindia.in". Popcorn.oneindia.in. Archived from the original on 12 July 2012. Retrieved 2020-06-16.
↑ తెలుగు ఫిల్మ్ నగర్, సినిమా (9 October 2019). "మ్యూజిక‌ల్ బ్లాక్‌బ‌స్ట‌ర్‌ 'పెళ్లి చేసుకుందాం'కు 22 ఏళ్ళు". www.thetelugufilmnagar.com. Prabhu. Archived from the original on 14 June 2020. Retrieved 15 June 2020.
↑ "Nagavalli — Movie Review". Oneindia Entertainment. Archived from the original on 22 అక్టోబరు 2012. Retrieved 9 June 2020. {{cite web}}: More than one of |archivedate= and |archive-date= specified (help); More than one of |archiveurl= and |archive-url= specified (help)
↑ "Babu Bangaram Review". 123telugu. 12 August 2016.
↑ తుపాకి, రివ్యూ (31 March 2017). "గురు సినిమా రివ్యూ". www.tupaki.com. Archived from the original on 8 జూన్ 2020. Retrieved 8 June 2020. {{cite web}}: More than one of |archivedate= and |archive-date= specified (help); More than one of |archiveurl= and |archive-url= specified (help)
↑ "Narappa movie review: Venkatesh Excels in Frame to Frame Remake!". Moviezupp (in అమెరికన్ ఇంగ్లీష్). 2021-07-20.{{cite web}}: CS1 maint: url-status (link)
↑ Andrajyothy (18 July 2021). "ఆ మైండ్‌ సెట్‌ ఎప్పుడూ మంచిదే". andhrajyothy. Archived from the original on 18 July 2021. Retrieved 18 July 2021.
↑ "Venkatesh's Drishyam 2 Telugu remake launched with pooja ceremony. See pic". India Today (in ఇంగ్లీష్). Retrieved 2021-04-23.{{cite web}}: CS1 maint: extra punctuation (link) CS1 maint: url-status (link)

[వెంక‌టేశ్‌_కూతురు_అరుదైన_ఫీట్‌-1] Namasthe Telangana (4 July 2021). "వెంక‌టేశ్‌ కూతురు అరుదైన ఫీట్‌". Namasthe Telangana. Archived from the original on 4 July 2021. Retrieved 4 July 2021.

[ఈనాడులో_వెంకటేష్_పుట్టినరోజు_వ్యాసం-2] "ఈనాడులో వెంకటేష్ పుట్టినరోజు వ్యాసం". eenadu.net. హైదరాబాదు: ఈనాడు. Archived from the original on 13 December 2016. Retrieved 13 December 2016.

[3] "Chinnabbaayi Cast and Crew | Star Cast | Telugu Movie | Chinnabbaayi Actor | Actress | Director | Music | Oneindia.in". Popcorn.oneindia.in. Archived from the original on 12 July 2012. Retrieved 2020-06-16.

[మ్యూజిక‌ల్_బ్లాక్‌బ‌స్ట‌ర్‌_‘పెళ్లి_చేసుకుందాం’కు_22_ఏళ్ళు-4] తెలుగు ఫిల్మ్ నగర్, సినిమా (9 October 2019). "మ్యూజిక‌ల్ బ్లాక్‌బ‌స్ట‌ర్‌ 'పెళ్లి చేసుకుందాం'కు 22 ఏళ్ళు". www.thetelugufilmnagar.com. Prabhu. Archived from the original on 14 June 2020. Retrieved 15 June 2020.

[5] "Nagavalli — Movie Review". Oneindia Entertainment. Archived from the original on 22 అక్టోబరు 2012. Retrieved 9 June 2020. {{cite web}}: More than one of |archivedate= and |archive-date= specified (help); More than one of |archiveurl= and |archive-url= specified (help)

[6] "Babu Bangaram Review". 123telugu. 12 August 2016.

[గురు_సినిమా_రివ్యూ-7] తుపాకి, రివ్యూ (31 March 2017). "గురు సినిమా రివ్యూ". www.tupaki.com. Archived from the original on 8 జూన్ 2020. Retrieved 8 June 2020. {{cite web}}: More than one of |archivedate= and |archive-date= specified (help); More than one of |archiveurl= and |archive-url= specified (help)

[8] "Narappa movie review: Venkatesh Excels in Frame to Frame Remake!". Moviezupp (in అమెరికన్ ఇంగ్లీష్). 2021-07-20.{{cite web}}: CS1 maint: url-status (link)

[ఆ_మైండ్‌_సెట్‌_ఎప్పుడూ_మంచిదే-9] Andrajyothy (18 July 2021). "ఆ మైండ్‌ సెట్‌ ఎప్పుడూ మంచిదే". andhrajyothy. Archived from the original on 18 July 2021. Retrieved 18 July 2021.

[10] "Venkatesh's Drishyam 2 Telugu remake launched with pooja ceremony. See pic". India Today (in ఇంగ్లీష్). Retrieved 2021-04-23.{{cite web}}: CS1 maint: extra punctuation (link) CS1 maint: url-status (link)

[1]

[2]

[3]

[4]

[5]

[6]

[7]

[8]

[9]

[10]