పలాస కాశీబుగ్గ

వికీపీడియా నుండి
(పలాస-కాశీబుగ్గ నుండి దారిమార్పు చెందింది)
Jump to navigation Jump to search
కాశీబుగ్గ వీధి

పలాస కాశీబుగ్గ, ఆంధ్రప్రదేశ్ రాష్ట్రం,శ్రీకాకుళం, పలాస మండలానికి చెందిన పట్టణం.

ఇది శ్రీకాకుళం జిల్లాకి అనాదిగ వాణిజ్య కేంద్రం. జిల్లాకి రెండవ రాజకీయ కేంద్రం అని కూడా చెప్పవచ్చు. ఉత్తర శ్రీకాకుళానికి రాజధాని వంటిది. పలాస జీడిపప్పు గురించి వినని వారు ఆంధ్రరాష్ట్రం బహు కద్దు అని చెప్పటం అతిశయోక్తి కాదు. నిజానికి పలాస జీడిపప్పు పశ్చిమ బెంగాల్, ఒడిషా వారికి కూడా సుపరిచితం. పలాస రైల్వే స్టేషను శ్రీకాకుళం జిల్లాలో పెద్ద స్టేషను.ఇది ఖుర్దా డివిజన్ లో అతి ఎక్కువ లాభాలు సముపార్జించిన స్టేషను.

పలాస, కాశీబుగ్గ తొలుత పక్కపక్కనే ఉన్న జంట పట్టణాలుగా ఉత్తరాంధ్ర వాసులు ఎరుగుదురు. ఇవి తొలుత 1995 వరకూ ఇవి గ్రామ పంచాయితీలు. 1996,నవంబరు 22 న నగరపంచాయతీగా ఏర్పాటుచేసారు. ఆదాయవనరులు పెరగడము వలన, జనాభా పెరుగుదల దృష్టిలో పెట్టుకొని చుట్టుప్రక్క గ్రామాలు కొన్నింటిని కలిపి 2002లో మున్సిపాలిటీగా ఏర్పాటు చేసారు.అనేక సంవత్సరాలుగా నగర పంచాయితీగా ఉన్న ఈ పట్టణాలు ఈ మధ్యనే ఉమ్మడి మున్సిపాలిటిగా అవతరించాయి.

పలాస కాశీబుగ్గ ప్రధాన కూడలి

అనేక తర్జన భర్జనల పిదప మున్సిపాలిటిని పలాస కాశీబుగ్గ మున్సిపాలిటిగా వ్యవహరిస్తున్నారు. పాలబుగ్గ అన్న పేరుకి కొంత ఊతమొచ్చినప్పటికి, ఆ పేరు నిలదొక్కుకొలేక పోయింది. నిజానికి కాశీబుగ్గకి ఆ పేరు రావడానికి ఒక కారణం ఉంది. పల్లి వీధి అవతల వున్న గుడిలో ఒక బుగ్గ ఉన్నదని అందున నీరు కాశీ నుంచి వచ్చునని నానుడి.

ప్రధాన భాష తెలుగు అయ్యినప్పటికి ఒరియా కూడా బాగా ప్రాచుర్యంలో ఉంది. తెలుగు బడులతో సమానంగా ఒరియా బడులు కూడా ఉన్నాయి. పలాస సోంపేట శాసనసభ పరిధిలో వుంటే కాశీబుగ్గ టెక్కలి శాసనసభ పరిధిలో ఉంది. ఈ విధముగా రెండు నియోజకవర్గముల కోలాహలం ఒకే పట్టణంలో చూడవచ్చు. కొన్ని కాశీబుగ్గ పొస్టల్ వీధులు సొంపేట శాసనసభ పరిధిలో ఉన్నాయి, ఎన్నికల సమయంలో ఈ వీధులవారికి రెండు నియోజకవర్గములవారి హోరు పరిపాటి.ఈ పలాస పది సంవత్సరాల ముందు ఒక పెద్ద గ్రామం. జీడిపరిశ్రమ ఇక్కడ బాగా అభివృద్ధి చెందింది.. జనాభా పెరగడం వలన పట్న వాతావరణం నెలకొని ఉండేది.

డేకురు కొండ యాత్ర[మార్చు]

Dekuru-Konda-Palasa.jpg

పలాస-కాశీబుగ్గ జంట పట్టణాల సమీపంలోని డేకురుకొండ యాత్ర ప్రతి ఏటా సంక్రాంతి పర్వదినాన జరుగుతుంది. పిల్లలు లేనివారు కొండపైనుంది జారితే పిల్లలు పుడతారని ఇక్కడ ప్రజల నమ్మకము. ఈ విదంగా పలువురు జారుతూ ఉంటారు. ఈ కొండపై ఈశ్వరాలయం, సంతోషిమాత, నాగదేవత ఆలయాలు ఉన్నాయి.

ఇవీ చూడండి[మార్చు]

మూలాలు[మార్చు]

వెలుపలి లంకెలు[మార్చు]