ఆర్మూరు పురపాలక సంఘము

వికీపీడియా నుండి
Jump to navigation Jump to search

ఆర్మూరు పురపాలక సంఘము నిజామాబాదు జిల్లాకు చెందిన పురపాలక సంఘము. మేజర్ పంచాయతీగా ఉన్న ఆర్మూరు పాలక సంస్థను 2006లో పురపాలక సంఘముగా అప్‌గ్రేడ్ చేయబడింది. ఈ పురపాలక సంఘం పరిధి 18.82 చకిమీ. 2001లో 40836 జనాభా ఉండగా 2011 నాటికి 43902కు పెరిగింది.

చరిత్ర[మార్చు]

1956 నుంచి 1962 కాలంలో ఆర్మూరు పురపాలక సంఘంగా ఉండేది. ఆ కాలంలో కెవి నరసింహారెడ్డి చైర్మెన్‌గా పనిచేశారు. 1962లో దీనిని మేజర్ పంచాయతీగా మార్చినారు. 2006లో మళ్ళీ హోదా పెంచి పురపాలక సంఘంగా అప్‌గ్రేడ్ చేశారు. 2008లో ఈ పురపాలక సంఘానికి ఎన్నికలు నిర్వహించగా ఒప్పందం ప్రకారం త్రివేణి గంగాధర్ మరియు కంచెట్టి గంగాధర్‌లు చెరో రెండున్నర సంవత్సరాలు చైర్మెన్ పదవిని నిర్వహించారు. ఆ తర్వాత ప్రత్యేక అధికారుల పాలనలో ఉండి 2014, మార్చి 30న రెండో సారి ఎన్నికలు జరగనున్నాయి.

ఆదాయ వనరులు[మార్చు]

పురపాలక సంఘానికి ముఖ్య ఆదాయం ఆస్తిపన్నులు. 2010-11లో మొత్తం పన్ను, పన్నేతర వసూళ్ళు 52.49 కోట్ల రూపాయలు కాగా ఇందులో ఆస్తిపన్ను వాటా 47.39 కోట్ల రూపాయలు. ఇది కాకుండా ప్రకటనల వల్ల, దుకాణాల అద్దె ద్వారా, నీటి పన్నులు తదితర వసూళ్ళ ద్వారా ఆదాయం రాబట్టుకుంటుంది.

బయటి లింకులు[మార్చు]