అనంతపురం

?అనంతపురం ఆంధ్ర ప్రదేశ్ • భారతదేశం
అనంతపురం
అక్షాంశరేఖాంశాలు: 14.7, 77.59
కాలాంశం	భాప్రాకా (గ్రీ.కా+5:30)
విస్తీర్ణం	19,130 కి.మీ² (7,386 చ.మై)
ముఖ్య పట్టణము	అనంతపురం
ప్రాంతం	రాయలసీమ
జనాభా • జనసాంద్రత • మగ • ఆడ • అక్షరాస్యత శాతం • మగ • ఆడ	40 (2011) • 213/కి.మీ² (552/చ.మై) • 20,64,928 • 20,18,387 • 64.28 • 74.09 • 54.31

ఇదే పేరుతో ఉన్న ఇతర ప్రాంతాల కొరకు, అనంతపురం (అయోమయ నివృత్తి) చూడండి.

అనంతపురం (Anantapur or Anantapuram) దక్షిణ భారత దేశములోని ఆంధ్ర ప్రదేశ్ రాష్ట్రమునకు చెందిన అతి పెద్ద జిల్లా మరియు ముఖ్య పట్టణము. అనంతపురం జిల్లా 1882లో బళ్లారి జిల్లా నుండి వేర్పాటు చేయబడినది. ఈ ప్రాంతము ప్రధానముగా వర్షాధారిత వ్యవసాయము. ఇక్కడ పండించే ముఖ్య పంటలు వేరుశనగ, వరి, పత్తి, జొన్న, మిర్చి, నువ్వులు మరియు చెరుకు. పట్టు, సున్నపురాయి, ఇనుము, మరియు వజ్రాల త్రవ్వకము ముఖ్యమైన పరిశ్రమలు

భౌగోళికము

అనంతపురం జిల్లాకు ఉత్తరాన కర్నూలు జిల్లా, తూర్పున కడప జిల్లా, ఆగ్నేయమున చిత్తూరు జిల్లా, పశ్చిమాన మరియు నైఋతిన కర్ణాటక రాష్ట్రము సరిహద్దులుగా కలవు. జిల్లాకు ఉత్తరాన మరియు మధ్యభాగములో పెద్ద పెద్ద నాపరాళ్ళ మయమైన ఎత్తైన మెలికలు తిరిగిన పీఠభూమి లేదా చిన్న పర్వతశ్రేణులతో నిండిఉన్నది. దక్షిణ భాగము ఎత్తైన కొండలమయమై ఇక్కడ పీఠభూమి సముద్రమట్టమునకు 2600 అడుగుల ఎత్తుకు చేరుకొనును. పెన్నా, చిత్రావతి, వేదవతి, పాపాఘ్ని, స్వర్ణముఖి మరియు తడకలేరు మొదలైన ఆరు నదులు జిల్లా గుండా ప్రవహిస్తున్నాయి. జిల్లాలో సంవత్సరానికి 381 మిల్లీమీటర్ల సగటు వర్షపాతము కురుస్తుంది. రాజస్థాన్ లోని జైసల్మీరు తరువాత దేశంలో అత్యల్ప వర్షపాతం కలిగిన జిల్లా ఇది.

అనంతపురం జిల్లా ముఖ చిత్రం

జిల్లా విస్తీర్ణం: 18,231 చదరపు కిలో మీటర్లు: అసెంబ్లీ నియోజిక వర్గాలు: 14, లోక్ సభ నియోజిక వర్గాలు: 2,

చరిత్ర

అనంతపురం చరిత్ర విజయనగర సామ్రాజ్యం ఆరంభంతో మొదలైంది. ఈ నగరానికి బుక్క రాయలు శంకుస్థాపన చేసాడు. అతని భార్య అనంతాదేవి పేరు మీద అనంతపురి అని పేరు పెట్టాడు. అలాగే అతని పేరు మీద బుక్కరాయ సముద్రం చెరువు ఎర్పాటు చేశాడు.ఎక్కువ కాలమ్ హన్దె హనుమప్ప నాయుదు పరిపాలిన్ఛాదు అథను బలీజ నయుదు కులనికి ఛెన్దిన వాదు. అనంతర కాలంలో అనంతపురం అని వాడుకలోకి వచ్చింది. 1882 వ సంవత్సరంలోనె ఈ జిల్లా ఏర్పడినది. క్రీ.శ. మూడవ శతాబ్దంలో ఇది పల్లవుల పాలనలో ఉండేది. అంతకు ముందు ఇది అశోకుని పాలనలో వుండేది. ఏడవ శతాబ్దంలో దీనిని చాళుక్యులు పాలించారు. క్రీ.శ. 750 నుండి 950 వరకు దీనిని రాష్ట్ర కూటులు పాలించారు. 1677 నుండి ఇది మొగలుల పాలనలొకి వెళ్లింది. 1723 లో అసఫ్ జాహి వంశస్తులు దీనిని తమ పాలనలోనికి తెచ్చుకున్నారు. 1799 లో జరిగిన మైసూర్ యుద్దంలో నిజాం నవాబు దీనిని తన స్వాదీనం లోనికి తెచ్చుకున్నాడు. క్రీ.శ్. 1800 సంవత్సరం లో వచ్చిన సైన్య సహకార పద్దతి కారణంగా నిజాం నవాబు దీన్ని బ్రిటిష్ వారికి ఇచ్చేశాడు. ఆ తర్వాత 1882 లో బ్రిటిష్ వారు ఈ జిల్లాను ఏర్పాటు చేశారు.

జిల్లా విశిష్టతలు

• జిల్లాలో గాలులు చాలా వేగంగా వీస్తూ ఉంటాయి. ముఖ్యంగా మే-సెప్టెంబర్ కాలంలో గాలుల తీవ్రత చాలా ఎక్కువగా ఉంటుంది. ఈ కాలాన్ని స్థానికంగా గాలికాలం అని అంటారు. అందుచేత పవన విద్యుత్తు కేంద్రాలు జిల్లాలో విస్తృతంగా ఏర్పాటయ్యాయి. రాష్ట్రంలోని మొత్తం స్థాపక శక్తిలో 75 శాతం ఒక్క అనంతపురం జిల్లాలోనే ఉంది. రామగిరి, సింగనమల, వజ్రకరూర్ జిల్లాలోని కొన్ని ప్రముఖ పవనవిద్యుత్కేంద్రాలు.
• జిల్లాలోని వజ్రకరూర్ వజ్రాల వెలికితీతకు ప్రసిద్ధి.
• లేపాక్షి లో భారతదేశములోనే అతి పెద్దదైన నంది విగ్రహము కలదు.
• కదిరి పట్టణములో శ్రీ లక్ష్మీ నృసింహ స్వామి వారి దేవాలయము, సమీపమున గుట్టబయలు గ్రామమున ఆసియా ఖండమునకే విశాలమైన మర్రి చెట్టు కలదు.
• గుంతకల్ మండలంలోని కలశాపురం(కసాపురం) గ్రామంలో శ్రీ మధ్వాచార్య ప్రతిష్టిత వీరాంజనేయ స్వామి దేవస్థానం కలదు.
• పెద్ద వడుగూరు మండలంలో కోటకొండ ఇక్కడి ప్రసిద్ధ పుణ్యక్షేత్రాలలో ఒకటిగా పేరొందినది.
• గుత్తి పట్టణం లో పురాతన కట్టడాల్లో ఒకటైన కోట ప్రసిద్ధిగాంచినది. ఈ కోట లో సుమారు 101 దిగుడు బావులు కలవు, తరచు పలువురు సందర్శకులు ఈ ప్రసిద్ధ కోటను సందర్శిస్తుంటారు.
• శ్రీ సత్యసాయి బాబా గారి ఆశ్రమము ప్రశాంతి నిలయము అనంతపురం జిల్లా లోని పుట్టపర్తిలో కలదు.
• పారిశ్రామికపరముగా తాడిపత్రి పట్టణంలో గ్రానైటు ను శుద్ధి చేయు పరిశ్రమ, సిమెంటు పరిశ్రమ, ఉక్కు కార్మాగారము మరియు బీడీల పరిశ్రమ, ధర్మవరం పట్టు మరియు జౌళి పరిశ్రమ బాగా ప్రసిద్ధి చెందినవి.
• తాడిపత్రి పట్టణంలో శ్రీ కృష్ణదేవరాయల వారి అరుదైన కట్టడాలలో ఒకటైన దేవాలయములు బాగా ప్రసిద్ధి.
• యాడికి గత దశాబ్దకాలంగా ధర్మవరం తరువాత అతిపెద్ద పట్టు మరియు జౌళి పరిశ్రమల కేంద్రంగా ప్రసిద్ధి గాంచినది.
• పెనుకొండ పట్టణంలో రాష్ట్రంలోనే ఎక్కువ సంఖ్యలో దేవాలయాలు ఉన్నవి
• రాష్ట్రంలో వైశాల్యములో అతి పెద్ద జిల్లా, తెలుగు అక్షర క్రమములో మొదటిది మరియు ఆంగ్ల అక్షర క్రమములో రెండవది.
• ఉరవకొండ పెన్నహోబిళం లో శ్రీ లక్ష్మీ నరసింహ స్వామి వారి దేవాలయము ప్రసిద్ధి గాంచింది.
• హెమావతి గుడి 8- 10 దశాబ్దమ్ లొ కట్టారు. ఇది చాలా పెద్ద గుడి
• డి.హిరేహాళ్ మండలంలోని మురడి గ్రామంలోని శ్రీ ఆంజనేయస్వామి దేవాలయం ప్రసిద్ధి గాంచింది.

వాతావరణము

అనంతపురం వతావరణం సగం తడి కలిగి సంవత్సరమంతా వేడి మరియు పొడి వాతావరణం కలిగి ఉంటుంది. ఫిబ్రవరి చివరలో మొదలైయ్యే వేసవి మేమాసానికంతా తీవ్రస్థాయికి చేరుకుంటుంది. సరాసరి ఉష్ణోగ్రత 37°సెంటిగ్రేడ్ (99°ఫారెన్‌హీట్)ఉంటుంది. అనంతపురంలో కేరళా నుండి వీచే నైరుతీ ఋతుపవనాలద్వారా ముందుగానే వర్షాలు ఆరంభం ఔతాయి. సెప్టెంబర్ మాసంలో ఆరంభం అయ్యే వర్షాలు నవంబర్ ఆరంభం వరకు ఉంటాయి. సరాసరి వర్షపాతం 250 మిల్లీ మీటర్లు(9.8 అంగుళాలు) ఉంటుంది. నవంబర్ చివరిలో స్వల్పంగా ఆరంభం అయ్యే శీతాకాలం ఫిబ్రవరి ఆరంభం వరకు కొనసాగుతుంది. శీతాకాల సరాసరి ఉష్ణోగ్రత 22-23°సెంటిగ్రేడ్(72-73°ఫారెన్‌హీట్ ఉంటుంది). అనంతపురం సందర్శించడానికి ఇది అనువైన కాలం. సంవత్సర సరాసరి వర్షపాతం 22 అంగుళాలు (560 మిల్లీమీటర్లు).

జిల్లా ప్రముఖులు

• పూర్వ భారత రాష్ట్రపతి, ఆంధ్ర ప్రదేశ్ ముఖ్యమంత్రి(రెండుమార్లు), లోక్‌సభ స్పీకరు (రెండుమార్లు), ఆంధ్ర రాష్ట్ర ఉపముఖ్యమంత్రి, కేంద్రమంత్రి, నీలం సంజీవరెడ్డి.
• ప్రముఖ కమ్యూనిస్టు నాయకుడు, తాకట్టులో భారతదేశం పుస్తక రచయిత, పూర్వ లోక్‌సభ సభ్యుడు, తరిమెల నాగిరెడ్డి.
• పూర్వ ఆంధ్ర ప్రదేశ్ ముఖ్యమంత్రి, నందమూరి తారక రామారావు జిల్లాలోని హిందూపురం నియోజకవర్గం నుండి రాష్ట్ర శాసనసభకు ప్రాతినిధ్యం వహించాడు.
• ప్రముఖ తెలుగు సినీ దర్శకుడు కె. వి. రెడ్డి జిల్లాలోని తాడిపత్రి పట్టణంలో జన్మించాడు.

గణాంకాలు

• తెలుగు, ఉర్దూ మరియు ఆంగ్లము జిల్లాలోని ప్రముఖ భాషలు.
• అనంతపురము జిల్లాలో మొత్తము 1005 గ్రామములు కలవు.

అనంతపురం జిల్లా ప్రస్తుతం కరువు జిల్లా గా ప్రసిద్ది చెందినప్పటికీ రాయల వారి కాలము లో సకల సంపదలతో విరాజిల్లినది.

రెవిన్యూ డివిజన్లు

3 అనంతపురం ,పెనుగొండ , ధర్మవరం.

మండలాలు

భౌగోళికంగా అనంతపురం జిల్లాను 63 రెవిన్యూ మండలాలుగా విభజించినారు.

1.డి.హీరేహాల్ 2.బొమ్మనహల్ 3.విడపనకల్ 4.వజ్రకరూరు 5.గుంతకల్లు 6.గుత్తి 7.పెద్దవడుగూరు 8.యాడికి 9.తాడిపత్రి 10.పెద్దపప్పూరు 11.శింగనమల 12.పామిడి 13.గార్లదిన్నె 14.కుడేరు 15.ఉరవకొండ 16.బెలుగుప్ప

17.కనేకల్ 18.రాయదుర్గం 19.గుమ్మగట్ట 20.బ్రహ్మసముద్రం 21.శెట్టూరు 22.కుందుర్పి 23.కల్యాణదుర్గం 24.ఆత్మకూరు 25.అనంతపురం 26.బుక్కరాయసముద్రం 27.నార్పల 28.పుట్లూరు 29.యల్లనూరు 30.తాడిమర్రి 31.బత్తలపల్లె 32.రాప్తాడు

33.కనగానపల్లె 34.కంబదూరు 35.రామగిరి 36.చెన్నే కొత్తపల్లె 37.ధర్మవరం 38.ముదిగుబ్బ 39.తలుపుల 40.నంబులపూలకుంట 41.తనకల్లు 42.నల్లచెరువు 43.గాండ్లపెంట 44.కదిరి 45.ఆమడగూరు 46.ఓబులదేవరచెరువు 47.నల్లమడ 48.గోరంట్ల

49.పుట్టపర్తి 50.బుక్కపట్నం 51.కొత్తచెరువు 52.పెనుకొండ 53.రొద్దం 54.సోమందేపల్లె 55.చిలమత్తూరు 56.లేపాక్షి 57.హిందూపురం 58.పరిగి 59.మడకశిర 60.గుడిబండ 61.అమరాపురం 62.అగలి 63.రొల్ల

పర్యాటక కేంద్రాలు

అనంతపురం జిల్లా శ్రీ కృష్ణదేవరాయ విశ్వవిద్యాలయము, పెనుగొండ మరియు రాయదుర్గం కోటలు, పుణ్య క్షేత్రమైన పుట్టపర్తి, మరియు లేపాక్షి దేవాలయములకు ప్రసిద్ధి. గుత్తిలో సముద్రమట్టమునకు 2,171 అడుగుల ఎత్తున ఉన్న అద్భుతమైన కోటదుర్గము కలదు. ఇటువంటిదే బెంగుళూరుకు సమాన ఎత్తులో సముద్రమట్టమునకు దాదాపు 3,100 అడుగుల ఎత్తునగల ఇంకా పెద్దదయిన కోటదుర్గము పెనుగొండలో కలదు. హైదర్ అలీ ఆక్రమించుకొనే వరకు గుత్తి దుర్గము మరాఠాలకు గట్టిపట్టుగా ఉండినది. 1789 లో టిప్పూ సుల్తాన్ దీనిని నిజాం వశము చేశాడు. 1800లో నిజాం ఇతర రాయలసీమ(దత్త మండలము) జిల్లాలతో సహా అనంతపురం జిల్లాను బ్రిటిషు వారికి దత్తము చేశాడు. కదిరి సమీపములో ని తిమ్మమ్మ మర్రిమాను ప్రపంచ ప్రఖ్యాతి చెందింది. ఇది సుమారు 5 ఎకరాల విస్తీర్ణం లో వుంది. ఇది గిన్నిస్ రికార్డ్ కూడా. అనంతపురం, హిందూపురం, తాడిపత్రి, కదిరి, ధర్మవరం, మరియు రాయదుర్గం. జిల్లాలోని ముఖ్య పట్టణములు. ఆలూరు, చిత్రచేడు, ఎనుమలదొడ్డి, గుత్తి, లేపాక్షి, మరియు పుట్టపర్తి ఇతర ప్రధాన ప్రదేశములు.

స్వచ్ఛంద సేవా సంస్థలు

ఒకప్పుడు పాడి పంటలతో కళకళ లాడిన అనంతపురం ఇప్పుడు నిత్యం కరువు కాటకాలతో సతమతమౌతోంది.జిల్లాలో అధిక విస్తీర్ణం సాగు వర్షాధారం. ఇక్కడ వేరుసెనగ సాగు చేస్తారు.ఏళ్ళు గడచినా ఇక్కడ ప్రజల జీవన విధానంలో పెద్దగా మార్పు లేదు.ప్రజలలో చైతన్యం తీసుకు వచ్చేందుకు RDT(Rural Development Trust) సేవా సంస్థ చాలా ఏళ్ళుగా కృషి చేస్తోంది.

విద్యారంగం

అనంతపురం ప్రముఖ విద్యాకేంద్రం.

విశ్వవిద్యాలయాలు

1. శ్రీకృష్ణదేవరాయ విశ్వవిద్యాలయం. 2. జవహర్లాల్ నెహ్రూ సాంకేతిక విశ్వవిద్యాలయం. (విశ్వదేవరాయల విశ్వవిద్యాలయ ఆధ్వర్యంలో రాయలసీమ మరియు నెల్లూరు జిల్లాల ఇంజినీరింగ్ కాలేజీలు ఉన్నాయి ) 3.సత్యసాయీ డీమ్డ్ యూనివర్శిటీ. అనంతపురం కాంపస్.

ఇన్‌స్టిట్యూట్స్

1. శ్రీ వెంకటేశ్వరా ఇన్‌స్టిట్యూట్ ఆఫ్ టెక్నాలజీ. హంపపురమ్ (జాతీయ రహదారి 43)
2. ఎ సి ఎమ్ ఇ ఇంజినీరింగ్ అకాడమీ, అనంతపూర్
3. భాష్యమ్ పబ్లిక్ స్కూల్. అనంతపురం.
4. రవీంద్ర భారతీ పబ్లిక్ స్కూల్. అనంతపురం.
5. ఆక్స్‌ఫోర్డ్ ఇంటర్నేషనల్ స్కూల్, అనంతపురం.
6. కేశవ్ రెడ్డి కాన్సెప్ట్ స్కూల్స్, అనంతపురం.
7. శ్రీ సత్యసాయీ ఆర్ట్స్ & సైన్స్ జూనియర్ కాలేజ్ ఫర్ ఉమెన్- అనంతపురం.
8. గవర్నమెంట్ ఐ టి ఐ ఫర్ వుమెన్
9. గవర్నమెంట్. ఐ.టి.ఐ ఫర్ బాయిస్. అనంతపురం.

స్కూల్స్

1. స్ప్రింగ్ డేల్ హైస్కూల్.
2. సెయింట్ జోసెఫ్ పబ్లిక్ స్కూల్.
3. ఎస్ ఎస్ బి ఎన్ ఎండ్ డిగ్రీ కాలేజ్ (అటానిమస్)
4. శ్రీ సాయీ కాలేజ్ ఆఫ్ నర్సింగ్.
5. గవర్నమెంట్ మెడికల్ కాలేజ్.
6. గవర్నమెంట్ జూనియర్ కాలేజ్ ఫర్ బాయిస్, న్యూటౌన్
7. కస్తూర్బా ఫిజియోథెరఫీ.
8. పి వి కె కె ఇన్‌స్టిట్యూట్ ఆఫ్ టెక్నాలజీ.
9. రాఘవేంద్రా కాలేజ్ ఆఫ్ ఫార్మసీ.
10. లిటిల్ ఫ్లవర్ గ్రూప్ ఆఫ్ స్కూల్స్ ఎండ్ బి ఇ డి కాలేజ్.
11. శ్రీ గాయత్రి ఇంగ్లీష్ మీడియమ్ స్కూల్, అనంతపురం మొదటి వీధి. అనంతపురం.
12. పోలిస్ ట్రైనింగ్ కాలేజ్.
13. గవర్నమెంట్ పాలి టెక్నిక్ కాలేజ్.
14. గౌస్ ఈ- టెక్నో స్కూల్.
15. శ్రీ సత్య సాయి బాబా బి ఇ డి కాలేజ్. పెనుగొండ.
16. అనంతపూరు డెవలప్‌మెంట్ ఇన్‌స్టిట్యూట్ .
17. శ్రీ క్రిష్ణదేవరాయ ఇంజినీరింగ్ కాలేజ్ (యీనివర్సిటీ కాంపస్)
18. మౌల అలి ఇంజనీరింగ్ కాలేజ్.
19. ఇంటెలెక్చువల్ ఇంజినీరింగ్ కాలేజ్ (వ్యవహారంలో ఇది ఇంటెల్ ఇంజనీరింగ్ కాలేజ్ అంటారు)
20. శ్రీ బాల యేసు ఎజ్యుకేషనల్ ఇన్‌స్టిట్యూట్స్, హిందుపూరు.
21. గేట్స్ ఇన్‌స్టిట్యూట్ ఆఫ్ టెక్నాలజీ. (గూటీ ,47& ఎన్ బి ఎస్ పి ;అనంతపురానికి 47 కిలోమీటర్ల దూరంలో ఉంది )
22. శ్రీ క్రిష్ణదేవర్రయ ఇంజినీరింగ్ కాలేజ్. గూటీ.
23. శ్రీ రామానుజన్ ఇన్‌స్టిట్యూట్ ఆఫ్ టెక్నాలజీ. అనంతపురం.
24. ఎస్ వి డిగ్రీ & పి జి కాలేజ్.
25. శ్రీ సత్య సాయీ ఎజ్యుకేషనల్ ఇన్‌స్టిట్యూట్యూషన్స్.
26. ఇంటెల్ ఎమ్.సి.ఎ కాలేజ్.
27. శ్రీవాణి కాలేజ్
28. శ్రీ బాలాజీ పి జి కాలేజ్.
29. బెసెంట్ పి జి కాలేజ్.
30. సి ఎమ్ ఐ డిగ్రీ కాలేజ్.
31. శ్రీ సాయి డిగ్రీ కాలేజ్.
32. కార్పొరేట్ కాలేజ్ లైక్ నలందా. శ్రీ చైతన్య, నారాయణ మొదలైనవి.
33. విశ్వభారతీ ఇంగ్లీష్ మీడియమ్ స్కూల్.
34. వివేకానందా ఎజ్యుకేషనల్ అకాడమీ. చిత్తూరు, అనంతపురం, కడప మొదలైనవి.
35. కాన్‌సెప్ట్ స్కూల్ లైక్ నారాయణ ఈ- టెక్నో స్కూల్స్, కె ఎష్వ రెడ్డి టాలెంట్ స్కూల్. మొదలైనవి.
36. శ్రీ రామ రూరల్ డెవలప్మెంట్ ఎండ్ ఎజ్యుకేషనల్ సొసైటీ అనంతపురం, అంధ్రప్రదేశ్, ఇండియా.
37. ఎస్ పి వి ఎమ్ డిగ్రీ కాలేజ్,గోరంట్ల (అనంతపురం) బై భక్తవత్సలం (ప్రిన్సిపాల్)
38. ది గ్రేటర్ గౌని పల్లి జెడ్.పి హైస్కూల్.
39. మేధావి జె ఆర్ కాలేజ్. అనంతపూరు.
40. బాబా రెసిడెన్షియల్ లెర్నింగ్ సెంటర్, బ్రాహ్మణపల్లి, పుట్టపర్తి
41. ఎల్ ఆర్ జి హై స్కూల్
42. గాయత్రి ఇంగ్లీష్ మీడియమ్ హై స్కూల్.
43. కెంద్ర విద్యాలయ (ఎస్.కె. యూనివర్సిటీ)
44. సి.వి.ఆర్ మెమోరియల్ హై స్కూల్.
45. గుల్డ్ ఆఫ్ సర్వీస్ గర్ల్స్ హై స్కూల్.
46. శ్రీ విద్యానికేతన్ హైస్కూల్. వేణుగోపాల్ నగర్.
47. శ్రీ చైతన్యా జూనియర్ కళాశాల. అనంతపురం.
48. గవర్నమెంట్ ఆర్ట్స్ కాలేజ్, అనంతపూర్

గవర్న్‌మెంట్ ఆర్ట్స్ కాలేజ్ (అధికారికంగా ఇది ది గ్రాండ్ లేడీ ఆఫ్ రాయలసీమ)అనంతపురం. 1916లో స్థాపించబడింది. ఈ కాలేజ్ ప్రముఖులైన ఒక పెద్ద జాబితా పాతవిద్యార్ధుల జాబితాను సగర్వంగా కలిగి ఉంది. డాక్టర్ సర్వేపల్లి రాధాక్రిష్ణన్, డాక్టర్ నీలం సంజీవరెడ్డి, ఆంధ్రప్రదేశ్ ముఖ్యమంత్రిగా పని చేసిన శ్రీ దామోదరం సంజీవయ్య మరియు విజయభాస్కరరెడ్డి. రిజర్వ్ బ్యాంక్ గవర్నర్ ఈ కాలేజీలో చదువుకున్నారు. అనంతపురంలోని సమంతగ్రామ్ రాధా స్కూల్ ఆఫ్ లెర్నింగ్ హై స్కూల్.

పరిశ్రమలు

1. సప్తగిరి కేంఫర్ (దక్షిణ భారతదేశంలోని అతి పెద్ద కర్పూరపు ఫ్యాక్టరీ )
2. సిఫ్లాన్ డ్రగ్స్
3. ఎమ్ జి మెటాలిక్స్ అండ్ స్ప్రింగ్స్
4. జ్యోతి హార్డ్వేర్
5. మొనార్చ్ పైప్స్
6. భాస్కర్ ఫర్టిలైజర్స్
7. హేమ ఇండస్ట్రీస్
8. రేణుక ఫర్టిలైజర్స్
9. అమరన్ బ్యాటరీస్

క్రీడలు

అనంతపురం జిల్లాలో క్రీడలకు అధికమైన వసతులు ఉన్నాయి. 1963-1964 ఇరానీ కప్పుకు ఆతిధ్యం ఇచ్చి క్రీడలను నిర్వహించింది. సంజీవరెడ్డి స్టేడింలో జరిగిన రంజీ ట్రోఫీ విజేతలైన ముంబాయి జట్టుకు ఎదురుగా ఆడిన రెస్టాఫ్ ఇండియా అతి తక్కువ స్కోరు 83 మాత్రమే చేసింది. అలాగే పలు బాస్కెట్ బాలు, బ్యాట్మింటన్ రంజీ ట్రోఫీ క్రీడలు రంజీ ట్రోఫీ టోర్నమెంట్స్‌కు అనంతపురం ఆతిథ్యం ఇచ్చింది. స్పెయిన్ దేశ నక్షత్ర క్రీడాకారుడైన రఫీల్ నాడల్ అనంతపురం లోని స్పోర్ట్స్ విల్లేజ్ (ఎ వి జి)(క్రీడా పల్లె)లో నాడల్ టెన్నిస్ స్కూలును (ఎన్ టి ఎస్) స్థాపించాడు. ఇలాంటి స్కూలు ప్రపంచంలో ఇదే మొదటిది.

ది అనంతపుర్ స్పోర్ట్స్ విలేజ్ (ఎ ఎస్ వి)జాతీయ రహదారి 7 పక్కగా ఉంది. ఇక్కడ ప్రధాన క్రీడా లక్ష్యాన్ని సాధించడానికి కావలసిన సదుపాయాలు ఉన్నాయి. 40ఎకరాల (160,000 చదరపు మీటర్లు)ప్రదేశంలో ఏర్పాటు చేయబడిన అనంతపురం క్రికెట్ గ్రౌండ్ అనంతపురానికి గర్వకారణం అనడానికి సందేహం లేదు. ఇతర సదుపాయాలు మాత్రం అంతగా సరిపోయేలా లేవు. క్రీడా మైదానాలు రూరల్ డెవలప్‌మెంట్ ఆధ్వరయంలో చక్కగా నిర్వహించబడుతున్నాయి. నగర సదుపాయాలు పుష్కలంగా ఉన్న హైదరాబాదు మరియు పూనాలో అవి అంతగా ఉపయోగించకుండా పడి ఉన్నా అనంతపురం స్టేడియంలో సంవత్సరం పొడవునా చురుకుగా క్రీడలు జరుగుతూ ఉంటాయి.

ప్రత్యేక ఆకర్షణలు

• 

  రాత్రి వేళలో క్లాక్ టవర్

• 

  క్లాక్ టవర్

• 

  ఇస్కాన్ ఆలయం

1. స్వాతంత్రం వచ్చిన రోజులలో నిర్మించిన గడియారగోపురం నగరం మద్యలో ఉండి ఆనాటి జ్ఞాపకాలను గుర్తు చేస్తూ ఉంటుంది.
2. లేపాక్షి ఆలయం (విజయనగరాజుల కాలంనాటి ప్రసిద్ధ మురల్ చిత్రాలతో చూపరులకు ఆకర్షిస్తూ ఉంటుంది. లేపాక్షి ఆలయంలో శివుడు, విష్ణువు మరియు వీరభద్రుడు ప్రధాన దైవాలుగా ఉన్నారు. సుందర శిల్పకళ ఉట్టిపడే చిత్రాలతో అలంకృత స్థంభాల మీదతో నిలువెత్తు గాయకులు మరియు నృత్యకారిణిల శిల్పాలు అనేక ఆకృతులలో చెక్కబడి ఈ ఆలయం చూపరులను ఆకర్షిస్తూ మానసికోల్లాసము శక్తీ కలిగిస్తూ ఉంటుంది. ఈ ఆలయంలో ఉన్న నంది ప్రపంచ ప్రసిద్ధి చెందినది అలాగే అతి పెద్దది. (రాతితో చెక్కబడిన ఈ నంది శివుడికి వాహనము మరియు ద్వారపాలకుడుగా ఉంటుంది) లేపాక్షి హిందుపూరు నుండి 14 కిలోమీటర్ల దూరంలో ఉంది.
3. పుట్టపర్తిప్రశాంతి నిలయము (ఇది సత్యసాయి బాబా నివాసము. అలాగే సత్యసాయి చేత స్థాపించబడిన అనేక ఇన్స్టిట్యూట్స్ మరియు సూపర్ స్పెషాలిటీ ఆసుపత్రి కూడా ఉన్నాయి).
4. తిమ్మమర్రిమాను (ఇది కదిరి సమీపంలో ఉన్న 5 ఎకరాలు విస్తీర్ణంలో విస్తరించిన అతి పెద్ద మర్రిచెట్టు. 1989 గిన్నిస్ రికార్డిలో ఈ వృక్షం అతిపెద్ద వృక్షంగా నమోదు అయింది )
5. తాడిపత్రిలో ఉన్న వెంకటేశ్వరాలయం మరియు శివావిష్ణు ఆలయం. ఇది ఒక శిల్పకళావైభవం.
6. గుంతకల్లు సమీపంలోని కాసపురంలో ఉన్న హనుమాన్ ఆలయం.
7. తాడిపత్రికి 28కిలోమీటర్లదూరంలో ఉన్న బెలూం గుహలు (ప్రకృతి సిద్ధమైన గుహలు).
8. కనంపల్లిలో గ్రామంలో ఉన్న శ్రీ నల్లమల స్వామి ఆలయం. ఇది అనంతపురం నుండి షుమారు 22 కిలోమీటర్లదూరంలో ఉంది.
9. నీలంపల్లి గ్రామంలోఉన్న శ్రీ నాగలింగేశ్వరాలయం. ఇది షుమారు అనంతపురానికి 12 కిలోమీటర్లదూరంలో ఉంది.
10. కదిరి సమీపంలో ఉన్న బట్రేపల్లి వాటర్ ఫాల్స్. ఇది కదిరి గ్రామానికి 15 కిలోమీటర్ల దూరంలో ఉంది. వర్షాకాలంలో మాత్రమే ఈ జలపాత దేశ్యం చూడవచ్చు.
11. పెన్నయోహ్బులంలో ఉన్న లక్ష్మీనారాయణాలయం. ఇది అనంతపురానికి 35 కిలోమీటర్లదూరంలో ఉంది.
12. కదిరి లో ఉన్న శ్రీలక్ష్మీనారాయణాలయం ఈ ఆలయంలోని విగ్రహం స్వేదజలాలను స్రవిస్తూ ఉండడం ఒక ఆధ్యాత్మిక అద్భుతం.
13. అనంతపురంలో కొండశిఖరం మీద ఆలయం ఉన్న ఒకేఒక కొండ దేవరకొండ.
14. జాతీయరహదారి 7లో నగరశివార్లలో ఉన్న ఇస్కాన్ ఆలయం.
15. అనంతపురానికి 20 కిలోమీటర్ల దూరంలో కుడేరులో ఉన్న శివుడు మరియు పార్వతీ ఆలయం.
16. అనంతపురానికి 20కిలోమీటర్లదూరంలో పంపనూరులో ఉన్న సుభ్రహ్మణ్యస్వామి ఆలయం.
17. అనంతపురానికి 10కిలోమీటర్ల దూరంలో కందుకారు గ్రామంలో త్రవ్వకాలలో బయట పడిన పురాతనమైన శ్రీ శివాలయం.
18. అనంతపురానికి 70కిలోమీటర్లదూరంలో అలాగే బెంగుళూరు విమానాశ్రయానికి 120 కిలోమీటర్ల దూరంలో ఉన్న పెనుకొండ (ఘనగిరి) హజారత్‌బాబా మసీదు (దర్గా), పెనుకొండ ప్రవేశంలో ఉన్న 14వ శతాబ్ధానికి చెందిన పెద్ద హనుమాన్ విగ్రహం, కోటగోడ, తిమ్మరుసు సమాధి, పెద్ద నరసింహస్వామి ఆలయం మరియు కొండశిఖరం మీద ఉన్న కోనేరు, పచే పరస్వంతాలయం (ఇది ఒక పురాతన జైన ఆలయం), గగన్ మహాల్ (క్రిష్ణదేవరాయ వేసవి విడిది) మొదలైన ఈ అధ్యాత్మిక పట్టణంలో ఉన్నాయి.
19. సోములదొడ్డి సమీపంలో ఉన్న హనుమాన్ ఆలయం.
20. కల్యాణదుర్గ్‌‌లో ఉన్న శ్రీరామస్వామి ఆలయం.
21. అనంతపురం జిల్లా చిల్లావారి పల్లిలో ఉన్న కటకోటేశ్వరాలయం.
22. ఉరవకొండ సమీపంలో జారుట్ల రామపురంలో ఉన్న శ్రీ రామలింగేశ్వరాలయం. ఈ ఆలయం అనంతపురం నుండి 65 కిలోమీటర్లు ఉరవకొండ నుండి 15 కిలోమీటర్ల దూరంలో అలాగే పెన్న అహోబిలం నుండి 15 కిలోమీటర్ల దూరంలో ఉంది. ఊరికి దూరంగా ఉండే ఈ ఆలయంలో శివలింగం నుండి సదా ఉత్తర దక్షిణాలుగా నీరు ప్రవహిస్తూఉండం ఒక ఆధ్యాత్మిక అద్భుతం. అందుకనే ఈ ఆలయానిని దక్షిణ కాశిగా పిలువబడుతుంది. ఈ ఆలయానికి ఒక పక్క పెద్ద కొండ మరియు పెద్ద అడవి (500 ఎకరాలు పైగా విస్తరించి ఉంది)వెనుక పక్క పెన్నా నది ప్రహిస్తుంటుంది. అలాగే ఎమ్ పి ఆర్ ఆనకట్ట కూడా ఉంది.
23. పాతనగరంలో ఉన్న అనంతసాగర్ తీరాన ముసలమ్మ కట్ట నుండి ప్రబలంగా చెరువుకట్ట అని పిలువబడుతున్న గణేశ్ పార్క్ వద్ద ఉన్న వరుస ఆలయాలు.
24. బెంగుళూరు రహదారిలో శ్రీసత్యసాయి ఇన్‌స్టిట్యూట్ ఆఫ్ హైయ్యర్ లార్నింగ్ ఎదురుగా ఉన్న శ్రీ శృంగేరి ఆలయం. 1.8 ఎకరాల విస్తీర్ణంలో సుందర ప్రకృతి నేపధ్యంలో ఉన్న ఈ వరుస ఆలయాలు ప్రతిదినం అనేక మంది భక్తులను ఆకర్షిస్తుంటుంది.

1. అనంతపురానికి 30 కిలోమీటర్ల దూరంలో పంపనూరులో ఉన్న స్వామి సుబ్రహ్మణ్యాలయం.
2. అనంతపురానికి 68 కిలోమీటర్ల దూరంలో ఉన్న మల్లపురం కొండలు.
3. అనంతపురానికి 78 కిలోమీటర్ల దూరంలో ఉన్న నసన కొట ముత్యాలమ్మ గుడి,వేంకటేశ్వర స్వామి ఆలయం.

ప్రయాణసౌకర్యాలు

అనంతపురం భారతదేశంతో జాతీయ రహదారి 7 మరియు 207 ద్వారా చక్కగా అనుసంధానించబడి ఉంది. అనంతపురం నుండి హైదరాబాదు, బెంగుళూరు, ముంబాయి, న్యూ ఢిల్లీ, అహ్మదాబాద్, ఆదోని, జైపూరు, భువనేశ్వర్, పూనా, విశాఖపట్నం మొదలైన నగరాలకు నేరు రైళ్ళు ఉన్నాయి. అనంతపూరుకు దక్షిణంగా 80 కిలోమీటర్లదూరంలో పుట్టపర్తి విమానాశ్రయం సమీపంలో ఉన్న వాయుమార్గం. అలాగే 168 కిలోమీటర్ల దూరంలో బెంగుళూరు లోని దేవనహళ్ళి వద్ద ఉన్న విమానాశ్రయం నుండి దేశీయం మరియు అంతర్జాతీయంగా విమానప్రయాణం చేయవచ్చు.

బయటి లింకులు

• అనంతపురం అధికారిక వెబ్‌సైటు
• జిల్లా గురించి ఆంధ్ర ప్రదేశ్ ప్రభుత్వ సమాచారము
• Official Website on Anantapur by National Informatics Center
• Information on Anantapur
• Anantapur.com
• Information from AP Government websites
• District - Anantapur