అల్లు రామలింగయ్య

అల్లు రామలింగయ్య
అల్లు రామలింగయ్య జ్ఞాపకార్ధం విడుదలయిన తపాలాబిళ్ల
జననం	అల్లు రామలింగయ్య అక్టోబర్ 1, 1922 పశ్చిమ గోదావరి జిల్లా పాలకొల్లు
మరణం	జూలై 31, 2004 హైదరాబాద్, తెలంగాణ
వృత్తి	నటుడు, నిర్మాత
జీవిత భాగస్వామి	కనకరత్నం
పిల్లలు	అల్లు అరవింద్ కొణిదల సురేఖ
తల్లిదండ్రులు	వెంకన్న (తండ్రి) సత్తెమ్మ (తల్లి)

అల్లు రామలింగయ్య (అక్టోబర్ 1, 1922 - జూలై 31, 2004) సినీ నటుడు, నిర్మాత. అతను హాస్యం మూడు తరాల సినీ ప్రేక్షకులను అలరించింది. అతను కుటుంబ సభ్యుల్లో చాలామంది సినీ పరిశ్రమకు చెందినవారే. అతను కుమారుడు అల్లు అరవింద్ సినీ నిర్మాత. తెలుగు సినిమా పరిశ్రమలో కథానాయకుడైన చిరంజీవి అతని అల్లుడు.

బాల్యము

పశ్చిమ గోదావరి జిల్లా పాలకొల్లులో 1922 అక్టోబర్ 1న అల్లు రామలింగయ్య జన్మించాడు. అతను తాత అల్లు సుబ్బారాయుడు హయాంలో వీరికి చాలా ఆస్తులు ఉండేవి. అతను దాన గుణం వల్ల అవి కరిగిపోయాయి. అతను కుమారుడు అల్లు వెంకయ్య మరల వ్యవసాయం చేసి మళ్ళీ నిలదొక్కుకున్నాడు. వెంకయ్య సతీమణి సత్తెమ్మ. వీరికి నరసయ్య మూర్తి, నారాయణ మూర్తి, చంటి, రామలింగయ్య, కృష్ణారావు, సూర్యనారాయణ, సత్యవతి మొత్తం ఏడు మంది సంతానం. పాలకొల్లులో ఉన్న క్షీర రామలింగేశ్వర స్వామి గుర్తుగా కొడుక్కి రామలింగయ్యని పేరు పెట్టుకున్నారు.

రామలింగయ్యకు చదువు పెద్దగా అబ్బలేదు. తన సహచరులతో కలసి ఆకతాయిగా తిరుగుతూ అందరినీ అనుకరిస్తూ నవ్వించేవాడు. ఇదే క్రమంతో నాటకాల్లో నటించాలనే ఉత్సాహం పెరిగింది. ఊళ్లోకి ఎవరు నాటకాల వాళ్ళు వచ్చినా వారి వెంటే తిరుగుతూ ఉండేవాడు. వాళ్లతో స్నేహం చేయడం, ఏదైనా చిన్న వేషం ఇమ్మని అడగడం నిత్యకృత్యంగా చేసుకున్నాడు. ఎట్టకేలకు భక్త ప్రహ్లాద నాటకంలో బృహస్పతి వేషం వేసే అవకాశం వచ్చింది. అదీ మూడు రూపాయలు ఎదురిచ్చేట్టుగా ఇంట్లో వాళ్ళకి తెలియకుండా వేసాడు. నాటకానుభవం పెద్దగా లేకున్నా కొద్దిపాటి నటనావగాహనతో తన వేషం మెప్పించాడు. ఆ తరువాత ఇంట్లోంచి బియ్యం దొంగతనం చేసి వాటిని అమ్మి నాటక కాంట్రాక్టరుకు ఇచ్చాడు. అలా మొదలైంది అల్లు నట జీవితం.

అల్లు నాటకాల్లో నటిస్తూనే, తన సామాజిక బాధ్యతను గుర్తెరిగి గాంధీజీ పిలుపునందుకుని క్విట్ ఇండియా ఉద్యమంలో పాల్గొని జైలు కెళ్లాడు. జైలులో కూడా తోటివారిని పోగేసుకుని నాటకాలాడేవాడు. మరోవైపు అంటరానితనంపై పోరు సలిపాడు.

చలనచిత్ర జీవితం

మాయాబజార్ సినిమాలో అల్లు రామలింగయ్య నటించిన హాస్య సన్నివేశాల్లో ఒకటి

అల్లు నాటాకాలు చూసిన గరికపాటి రాజారావు చిత్రసీమలో తొలిసారిగా 1952లో పుట్టిల్లు చిత్రంలో కూడు-గుడ్డ శాస్త్రి తరహా పాత్రను అల్లుచే వేయించాడు. ఆ తరువాత హెచ్.ఎం.రెడ్డి వద్దంటే డబ్బులో అవకాశం వచ్చింది.

పుట్టిల్లు చిత్రం నిర్మాణకాలంలో తన భార్యా నలుగురు పిల్లలతో మదరాసుకు మకాం మార్చాడు. అల్లు తన కుటుంబాన్ని పోషించేందుకు చాలా కష్టాలు పడ్డాడు. మరోవైపు హోమియో వైద్యం నేర్చుకున్న అల్లు ఏమాత్రం తీరిక దొరికినా ఉచిత వైద్యసేవ లందించేవాడు.

ప్రారంభంలో ఎన్నో అవాంతరాలు ఎదురైనా మొక్కవోని ధైర్యంతో చిత్రసీమలో నిలద్రొక్కుకున్నాడు. అల్లు హాస్యపు జల్లునేకాదు కామెడీ విలనిజాన్ని కూడా బగా రక్తి కట్టించాడు. అల్లు రామలింగయ్య నటించిన చిత్రాలలో ఆణిముత్యాలుగా చెప్పుకోదగ్గవి మూగమనసులు, దొంగరాముడు, మాయా బజార్, ముత్యాల ముగ్గు, మనవూరి పాండవులు, అందాలరాముడు, శంకరాభరణం మొదలైనవి ఉన్నాయి. ముత్యాలముగ్గు సినిమా చిత్రీకరణకు ముందు అతను కుమారుడు ఆకస్మికంగా మరణించినా బాధను మనసులో అణుచుకుని షూటింగ్‌లో పాల్గొన్నాడు అల్లు. సుమారు 1030 సినిమాల్లో కామెడీ విలనీ, క్యారెక్టర్ పాత్రలు చేసాడు. 1116 చిత్రాల్లో నటించాలనే కోరిక అతనుకు తీరలేదు. ఆతను అభినయించిన చాలా పాటలకు బాలు గళం సరిగా అమరి పోయింది. మనుషులంతా ఒక్కటే చిత్రంలో ముత్యాలు వస్తావా అడిగిందీ ఇస్తావా అనే పాట అప్పట్లో హిట్.

అల్లు రామలింగయ్య నిర్మాతగా గీతా ఆర్ట్స్ బానర్‌ నెలకొల్పి బంట్రోతు భార్య, దేవుడే దిగివస్తే, బంగారు పతకం చిత్రాలను నిర్మించాడు. చాలాకాలం తర్వాత అల్లు 90 దశకంలో డబ్బు భలే జబ్బు చిత్రం తీసాడు. రేలంగి, రమణారెడ్డి, కుటుంబరావు, బాలకృష్ణ వంటివారి కాలంతో మొదలు ఈతరం హాస్యనటులు వరకూ కొనసాగిన ఏకైక హాస్యనటుడు అల్లునే. ఆమ్యామ్య.. అప్పుం అప్పుం లాంటి ఊతపదాలు అతను సృష్టించినవే.

పురస్కారాలు, సన్మానాలు

యాబైయేళ్లపాటు సినిమాల్లో నవ్వుతూ నవ్విస్తూ యావత్ తెలుగు ప్రజానీకాన్ని అలరించిన అల్లును వరించిన సన్మానాలు, గౌరవాలు, అవార్డులు అసంఖ్యాకమైనవి. భారత ప్రభుత్వం 1990లో ' పద్మశ్రీ' అవార్డుతో గౌరవించింది. రేలంగి తరువాత ' పద్మశ్రీ' అందుకున్న హాస్యనటుడు అల్లునే.

2001వ సంవత్సరానికి ఆంధ్రప్రదేశ్ ప్రభుత్వం అత్యున్నత 'రఘుపతి వెంకయ్య' అవార్డు ఇచ్చింది. పాలకొల్లులో అతను విగ్రహం నెలకొల్పారు. తన కొడుకు అల్లు అరవింద్ నిర్మాతగా స్థిరపడటం, అల్లుడు చిరంజీవి మెగాస్టార్ గా ఎదగడం, మనవడు అల్లు అర్జున్ హీరోగా మారడం అయనకు జీవితంలో సంతృప్తినిచ్చిన అంశాలు. అతని చివరి చిత్రం 'జై '

అల్లు రామలింగయ్య 2004 జూలై 31వ తేదీన తన 82 వ ఏట కన్నుమూసాడు. మరణించేనాటికి తెలుగు చిత్రసీమలో అల్లురామలింగయ్యది ప్రత్యేక స్థానం. భౌతికంగా లేకపోయినా అతను హాస్యం చిరంజీవిగా ప్రజల్ని అలరిస్తూనే ఉంటుంది. 2013లో భారత చలనచిత్ర పరిశ్రమ వందేళ్ళు పూర్తి చేసుకున్న సందర్భంలో విడుదలయిన 50 తపాలా బిళ్ళలలో ఒకటి అల్లు రామలింగయ్య జ్ఞాపకార్థం విడుదలయింది.

నటించిన సినిమాలు

సంఖ్య	సినిమా పేరు	సంవత్సరం
01	ఇంద్ర	2002
02	దేవుళ్ళు	2001
03	మావిచిగురు	1996
04	అల్లుడా మజాకా	1995
05	ముఠామేస్త్రి	1993
06	ఆ ఒక్కటి అడక్కు	1993
07	మెకానిక్ అల్లుడు	1993
08	పరుగో పరుగు	1993
09	ఆపద్భాందవుడు	1992
10	అశ్వమేధం	1992
11	పెద్దరికం	1992
12	రౌడీ అల్లుడు	1991
13	నా పెళ్ళాం నా ఇష్టం	1991
14	గ్యాంగ్ లీడర్	1991
15	రాజా విక్రమార్క	1990
16	కొదమ సింహం	1990
17	జగదేక వీరుడు అతిలోక సుందరి	1990
18	కొండవీటి దొంగ	1990
19	స్టేట్‌రౌడి	1989
20	అత్తకు యముడు అమ్మాయికి మొగుడు	1989
21	చలాకీ మొగుడు చాదస్తపు పెళ్లాం	1989
22	ఖైదీ నెం. 786	1988
	చిక్కడు దొరకడు	1988
23	యముడికి మొగుడు	1988
24	మంచి దొంగ	1988
25	ఆఖరిపోరాటం	1988
26	దొంగ రాముడు	1988
27	దొంగ మొగుడు	1987
28	చంటబ్బాయ్	1986
29	మగధీరుడు	1986
30	కిరాతకుడు	1986
31	రావణబ్రహ్మ	1986
34	ఒక రాధ ఇద్దరు కృష్ణులు	1986
32	విజేత	1985
33	అడవిదొంగ	1985
35	జ్వాల	1985
36	దొంగ	1985
37	చట్టంతో పోరాటం	1985
38	ముచ్చటగా ముగ్గురు	1985
39	కంచు కాగడా	1984
40	గూండా	1984
41	ముందడుగు	1983
42	బిల్లా రంగా	1982
44	అందగాడు	1982
43	న్యాయం కావాలి	1981
45	నిరీక్షణ	1981
46	సప్తపది	1981
47	మోసగాడు	1980
48	అండమాన్ అమ్మాయి	1979
49	మా ఊళ్ళో మహాశివుడు	1979
50	చిరంజీవి రాంబాబు	1978
51	అర్ధాంగి	1977
52	ఈనాటి బంధం ఏనాటిదో	1977
53	కల్పన	1977
54	పూర్ణమ్మ కథ	1976
55	సెక్రటరి	1976
56	అందరూ బాగుండాలి	1975
57	జేబు దొంగ	1975
58	యమగోల	1975
59	ఊర్వశి	1974
60	దేవదాసు	1974
61	అల్లూరి సీతారామరాజు	1974
62	విచిత్ర బంధం	1972
63	తాతా మనవడు	1972
64	సంబరాల రాంబాబు	1970
65	మారిన మనిషి	1970
66	పెళ్లి కూతురు	1970
67	నిండు హృదయాలు	1969
68	రణభేరి	1968
69	వింత కాపురం	1968
70	ఆత్మ గౌరవం	1965
71	నర్తనశాల	1963
72	ఇద్దరు మిత్రులు	1961
73	సహస్ర శిరచ్ఛేద అపూర్వ చింతామణి	1960
74	ధర్మమే జయం	1960
75	మా బాబు	1960
76	ఆడ పెత్తనం	1958
77	ఇంటిగుట్టు	1958
78	పరాశక్తి	1957
79	భాగ్యరేఖ	1957
80	వరుడు కావాలి	1957
81	దొంగరాముడు	1955
82	మిస్సమ్మ	1955
83	పల్లెపడుచు	1954

• కృష్ణ గారడీ (1986)
• (1977)

బయటి లింకులు

• అల్లురామలింగయ్య జీవిత విశేషాలు Archived 2016-03-05 at the Wayback Machine
• అల్లు రామలింగయ్య సినిమాల జాబితా - ఇంటర్నెట్ మూవీ డాటాబేస్ వెబ్‌సైట్ నుంచి - 1953 నుంచి 2004 వరకు నటించిన 129 సినిమాల వివరాలు
• అల్లు రామలింగయ్య సినిమాలు కొన్ని Archived 2011-03-15 at the Wayback Machine
• తెలుగు సినిమాల జాబితా 1938 నుంచి 1990 వరకు- ఉచిత డౌన్ లోడ్ చేసుకోవచ్చును 74.57 ఎమ్.బి.