బాల్కొండ శాసనసభ నియోజకవర్గం

నిజామాబాదు జిల్లాలోని 5 శాసనసభ (అసెంబ్లీ) నియోజకవర్గాలలో బాల్కొండ అసెంబ్లీ నియోజకవర్గంఒకటి.

బాల్కొండ నియోజకవర్గం పరిధిలోని మండలాలు

• బాల్కొండ
• మోర్తాడు
• కమ్మర్‌పల్లి
• భీంగల్
• వెల్పూర్

ఎన్నికైన శాసనసభ్యులు

ఇంతవరకు ఈ నియోజకవర్గం నుంచి గెలుపొందిన శాసనసభ్యులు

సంవత్సరం	గెలుపొందిన సభ్యుడు	పార్టీ	ప్రత్యర్థి	ప్రత్యర్థి పార్టీ
1952	అనంతరెడ్డి	సోషలిస్ట్ పార్టీ	రంగారెడ్డి	కాంగ్రెస్ పార్టీ
1957	తుమ్మల రంగారెడ్డి	కాంగ్రెస్ పార్టీ	రాజాగౌడ్	పిడిఎఫ్
1962	గడ్డం రాజారాం	కాంగ్రెస్ పార్టీ	కె.ఎస్.రెడ్డి	స్వతంత్ర అభ్యర్థి
1967	గడ్డం రాజారాం	కాంగ్రెస్ పార్టీ	ఏకగ్రీవ ఎన్నిక	-
1972	గడ్డం రాజారాం	కాంగ్రెస్ పార్టీ	రాజేశ్వర్	స్వతంత్ర అభ్యర్థి
1978	గడ్డం రాజారాం	కాంగ్రెస్ పార్టీ	జి.మధుసూదన్ రెడ్డి	జనతా పార్టీ
1981 (ఉ.ఎ)	గడ్డం సుశీలాబాయి	కాంగ్రెస్	బి.రెడ్డి	స్వతంత్ర అభ్యర్థి
1983	జి.మధుసూదన్ రెడ్డి	తెలుగుదేశం పార్టీ	జి.ఎస్.భాయ్	కాంగ్రెస్
1985	జి.మధుసూదన్ రెడ్డి	తెలుగుదేశం పార్టీ	జి.ప్రమీలా దేవి	కాంగ్రెస్
1989	కేతిరెడ్డి సురేష్‌రెడ్డి	కాంగ్రెస్ పార్టీ	మోతె గంగారెడ్డి	తెలుగుదేశం పార్టీ
1994	కేతిరెడ్డి సురేష్‌రెడ్డి	కాంగ్రెస్ పార్టీ	బద్దం నర్సారెడ్డి	తెలుగుదేశం పార్టీ
1999	కేతిరెడ్డి సురేష్‌రెడ్డి	కాంగ్రెస్ పార్టీ	ఏ.గంగారెడ్డి	తెలుగుదేశం పార్టీ
2004	కేతిరెడ్డి సురేష్‌రెడ్డి	కాంగ్రెస్ పార్టీ	వసంత్ రెడ్డి	తెలుగుదేశం పార్టీ
2009	ఈరవత్రి అనిల్‌	ప్రజారాజ్యం పార్టీ	శ్రీనివాస్ రెడ్డి	కాంగ్రెస్ పార్టీ
2014	వేముల ప్ర‌శాంత్ రెడ్డి	తె.రా.స	ఎ.అనిల్ కుమార్	కాంగ్రెస్ పార్టీ
2018	వేముల ప్ర‌శాంత్ రెడ్డి	తె.రా.స	ముత్యాల సునీల్ కుమార్	బహుజన్ సమాజ్ పార్టీ

1999 ఎన్నికలు

1999 ఎన్నికలలో కాంగ్రెస్ అభ్యర్థిగా బరిలోకి దిగిన కె.ఆర్.సురేష్ రెడ్డి ఇక్కడి నుండి వరుసగా మూడవసారి విజయం పొందినాడు.

2004 ఎన్నికలు

2004 శాసనసభ ఎన్నికలలో బాల్కొండ అసెంబ్లీ నియోజకవర్గం నుంచి కాంగ్రెస్ పార్టీకి చెందిన అభ్యర్థి కె.ఆర్.సురేష్ రెడ్డి తన సమీప ప్రత్యర్థి తెలుగుదేశం పార్టీకి చెందిన అభ్యర్థి వసంత్ రెడ్డిపై 12884 ఓట్ల మెజారిటీతో విజయం సాధించాడు. సురేష్ రెడ్డి 53975 ఓట్లు సాధించగా, వసంత్ రెడ్డి 41091 ఓట్లు పొందినాడు.

నియోజకవర్గ ప్రముఖులు

గడ్డం రాజారాం

కాంగ్రేసు పార్టీలో అగ్రనేత అయిన రాజారాం తొలిసారి సోషలిస్టుగా ఆర్మూరు నుండి శాసనసభకు ఎన్నికై, ఆ తర్వాత 1962 నుండి బాల్కొండ నియోజకవర్గం నుండి నాలుగుసార్లు శాసనసభకు ఎన్నికయ్యాడు. 1967లో రాజారాం బాల్కొండ నియోజకవర్గం నుండి ఏకగ్రీవంగా ఎన్నికకావటం విశేషం. ఈయన 1974లో జలగం వెంగళరావు, 1978 తర్వాత చెన్నారెడ్డి, టి.అంజయ్య మంత్రివర్గాలలో మంత్రిగా పనిచేశాడు. 1981లో రోడ్డుప్రమాదంలో ఈయన మరణించిగా జరిగిన ఉప ఎన్నికలలో ఈయన సతీమణి సుశీలాదేవి శాసనసభకు ఎన్నికైంది.

కె.ఆర్.సురేష్ రెడ్డి

1959లో చౌట్‌పల్లిలో జన్మించిన కె.ఆర్.సురేష్ రెడ్డి 1984లో మండలస్థాయి రాజకీయాలలో ప్రవేశించాడు. 1989లో మాజీ ముఖ్యమంత్రి మర్రి చెన్నారెడ్డి బాల్కొండ స్థానానికి అభ్యర్థిగా ప్రకటించుటకు కృషిచేయడంతో అతని రాజకీయ జీవితంలో దశమారింది. బాల్కొండ అసెంబ్లీ నియోజకవర్గం నుంచి గతంలో నాలుగు పర్యాయాలు వరసగా కాంగ్రెస్ పార్టీ తరఫున ఎన్నికయ్యాడు. 2004లో 12వ శాసనసభకు స్పీకర్‌గా ఏకగ్రీవంగా ఎన్నికయ్యాడు. నిజామాబాదు జిల్లా నుంచి ఈ పదవి పొందిన తొలి వ్యక్తి ఇతడే. 2009 శాసనసభ ఎన్నికలలో ఆర్మూర్ అసెంబ్లీ నియోజకవర్గం నుంచి పోటీచేసి ఓడిపోయాడు.

ఇవి కూడా చూడండి

• తెలంగాణ శాసనసభ సభ్యుల జాబితా (2018)
• తెలంగాణ శాసనసభ సభ్యుల జాబితా (2014)
• ఆంధ్ర ప్రదేశ్ శాసనసభ్యుల జాబితా