మంథని శాసనసభ నియోజకవర్గం

మంథని శాసనసభ నియోజకవర్గం

తెలంగాణ శాసనసభ నియోజకవర్గం

దేశం	భారతదేశం
వున్న పరిపాలనా ప్రాంతం	తెలంగాణ
అక్షాంశ రేఖాంశాలు	18°39′0″N 79°40′12″E

మంథని శాసనసభ నియోజకవర్గం, పెద్దపెల్లి జిల్లాలోని 2 శాసనసభ స్థానాలలో ఒకటి.

నియోజకవర్గంలోని మండలాలు

• కమానుపూర్
• మంథని
• కాటారం
• మహాదేవపూర్
• ముత్తారం
• మల్‌హర్‌రావు
• మహా ముత్తారం
• పలిమెల
• రామగిరి

ఇప్పటివరకు విజయం సాధించిన అభ్యర్థులు

సం.	ఎ.సి.సం.	నియోజకవర్గ పేరు	రకం	విజేత పేరు	లింగం	పార్టీ	ఓట్లు	ప్రత్యర్థి	లింగం	పార్టీ	ఓట్లు
2023	24	మంథని	జనరల్	దుద్దిళ్ళ శ్రీధర్ బాబు	పు	కాంగ్రెస్ పార్టీ	103822	పుట్ట మధు	పు	భారత్ రాష్ట్ర సమితి	72442
2018	24	మంథని	జనరల్	దుద్దిళ్ళ శ్రీధర్ బాబు	పు	కాంగ్రెస్ పార్టీ	89045	పుట్ట మధు	పు	టీఆర్ఎస్	89045
2014	24	మంథని	జనరల్	పుట్ట మధు	పు	టీఆర్ఎస్	84037	దుద్దిళ్ళ శ్రీధర్ బాబు	పు	కాంగ్రెస్ పార్టీ	64677
2009	24	మంథని	జనరల్	దుద్దిళ్ళ శ్రీధర్ బాబు	పు	కాంగ్రెస్ పార్టీ	63770	పుట్ట మధు	పు	ప్రజారాజ్యం	50561
2004	248	మంథని	జనరల్	దుద్దిళ్ళ శ్రీధర్ బాబు	పు	కాంగ్రెస్ పార్టీ	79318	సోమారపు సత్యనారాయణ	పు	టీడీపీ	36758
1999	248	మంథని	జనరల్	దుద్దిళ్ళ శ్రీధర్ బాబు	పు	కాంగ్రెస్ పార్టీ	65884	చంద్రుపట్ల రాంరెడ్డి	పు	టీడీపీ	50613
1994	248	మంథని	జనరల్	చంద్రుపట్ల రాంరెడ్డి	పు	టీడీపీ	61504	దుద్దిల్ల శ్రీపాద రావు	పు	కాంగ్రెస్ పార్టీ	40349
1989	248	మంథని	జనరల్	దుద్దిల్ల శ్రీపాద రావు	పు	కాంగ్రెస్ పార్టీ	50658	బెల్లంకొండ సక్కు బాయి	పు	టీడీపీ	43880
1985	248	మంథని	జనరల్	దుద్దిల్ల శ్రీపాద రావు	పు	కాంగ్రెస్ పార్టీ	34448	బెల్లంకొండ నర్సింగ రావు	పు	టీడీపీ	27046
1983	248	మంథని	జనరల్	దుద్దిల్ల శ్రీపాద రావు	పు	కాంగ్రెస్ పార్టీ	28470	చందుపట్ల రాజి రెడ్డి	పు	స్వతంత్ర	27107
1978	248	మంథని	జనరల్	సి. నారాయణ రెడ్డి	పు	కాంగ్రెస్ పార్టీ	20482	ఊర శ్రీనివాస రావు	పు	కాంగ్రెస్	11890
1972	243	మంథని	జనరల్	పాములపర్తి వెంకట నరసింహారావు	పు	కాంగ్రెస్ పార్టీ	35532	ఈ. వీ. పద్మనాభం	పు	ఎస్.టీ.ఎస్	3151
1967	243	మంథని	జనరల్	పాములపర్తి వెంకట నరసింహారావు	పు	కాంగ్రెస్ పార్టీ	25810	యూర	పు	స్వతంత్ర	16440
1962	254	మంథని	జనరల్	పాములపర్తి వెంకట నరసింహారావు	పు	కాంగ్రెస్ పార్టీ	16844	గులుకోట శ్రీరాములు	పు	స్వతంత్ర	3740
1957	49	మంథని	జనరల్	పాములపర్తి వెంకట నరసింహారావు	పు	కాంగ్రెస్ పార్టీ	19270	నంబయ్య	పు	పిడిఎఫ్	9603

1999 ఎన్నికలు

1999లో జరిగిన శాసనసభ ఎన్నికల్లో కాంగ్రెస్ పార్టీ అభ్యర్థిగా పోటీచేసిన దుద్దిళ్ళ శ్రీధర్‌బాబు గెలుపొందారు. దుద్దిళ్ళ శ్రీపాదరావును మావోయిస్టు (పీపుల్స్‌వార్) నక్సలైట్లు 1999 ఏప్రిల్ 13న కాల్చిచంపారు. శ్రీపాదరావు మరణానంతరం ఏర్పడిన సానుభూతి పవనాల్లో రాజకీయవారసునిగా రంగప్రవేశం చేసిన ఆయన కుమారుడు శ్రీధర్‌బాబు ఘనవిజయం సాధించారు. తెలుగుదేశం ప్రభుత్వం ఏర్పాటుచేసిన ఈ కాలంలో శ్రీధర్‌బాబు కాంగ్రెస్‌పార్టీ జిల్లా అధ్యక్ష బాధ్యతలు కూడా చేపట్టారు.

2004 ఎన్నికలు

2004లో జరిగిన శాసనసభ ఎన్నికలలో మంథని శాసనసభ నియోజకవర్గం నుంచి కాంగ్రెస్ పార్టీకి చెందిన శ్రీధర్ బాబు తన సమీప ప్రత్యర్థి అయిన తెలుగుదేశం పార్టీ అభ్యర్థి కల్వసోమాపుర సత్యనారాయణపై 42560 ఓట్ల మెజారిటీతో గెలుపొందినాడు. శ్రీధర్ బాబుకు 79318 ఓట్లు రాగా, సత్యనారాయణకు 36758 ఓట్లు లభించాయి. రాష్ట్రంలో వై.ఎస్.రాజశేఖరరెడ్డి నేతృత్వంలో కాంగ్రెస్‌పార్టీ ప్రభుత్వం ఏర్పాటుచేసింది. 2004 నుంచి 2009 వరకూ తిరుమల తిరుపతి దేవస్థానం పాలకమండలి సభ్యునిగా, ప్యానెల్ స్పీకర్‌గా, ప్రభుత్వ విప్‌గా వివిధ పదవులను చేపట్టారు.

2009 ఎన్నికలు

2009 ఎన్నికలలో మహాకూటమి తరఫున పొత్తులో భాగంగా తెలంగాణ రాష్ట్ర సమితి పార్టీకి చెందిన రౌతు కనకయ్య పోటీచేయగా, కాంగ్రెస్ పార్టీ తరఫున దుద్దిళ్ళ శ్రీధర్ బాబు పోటీచేశారు. భారతీయ జనతా పార్టీ నుండి శశిభూషన్ కాచే, ప్రజారాజ్యం పార్టీ తరఫున పుట్ట మధు, లోక్‌సత్తా నుండి ఓ.సంపత్ పోటీచేశారు. శాసనసభ్యునిగా మంథని తరఫున మూడోసారి గెలుపొందిన శ్రీధర్‌బాబుకు 2009లో వై.ఎస్.రాజశేఖరరెడ్డి ప్రభుత్వంలో ఉన్నత విద్యాశాఖ (ఆంధ్రప్రదేశ్), ప్రవాసాంధ్రుల శాఖలల మంత్రిగా పదవీబాధ్యతలు చేపట్టారు. వై.ఎస్.రాజశేఖరరెడ్డి మరణానంతరం రోశయ్య ఏర్పాటుచేసిన ప్రభుత్వంలోనూ ఉన్నత విద్యాశాఖ, ప్రవాసాంధ్రుల శాఖలకు మంత్రిగానే కొనసాగారు. అనంతరం ముఖ్యమంత్రిగా బాధ్యతలు స్వీకరించిన నల్లారి కిరణ్‌కుమార్‌రెడ్డి ప్రభుత్వంలో శాసనసభ వ్యవహారాలశాఖ, పౌరసరఫరాల శాఖలను చేపట్టారు. 2014లో శ్రీధర్‌బాబును శాసనసభ వ్యవహారాలశాఖ నుంచి తప్పించి వాణిజ్యపన్నుల శాఖను అప్పగించారు. తెలంగాణా రాష్ట్ర ఏర్పాటుకు సంబంధించిన బిల్లు ఆంధ్రప్రదేశ్ శాసనసభలో చర్చకు వచ్చే తరుణంలో తనను కీలకమైన శాసనసభ వ్యవహారాల శాఖ నుంచి తప్పించడం అవమానకరమని పేర్కొంటూ శ్రీధర్‌బాబు మంత్రి పదవులకు రాజీనామా చేశారు. ఆయన రాజీనామా ఆమోదానికి కాకుండానే ఆంధ్రప్రదేశ్ రాష్ట్రపతి పాలనలోకి, శాసన సభ సుప్తచేతనావస్థలోకి వెళ్లడంతో సాంకేతికంగా మంత్రిగానే తదుపరి ఎన్నికలు ఎదుర్కొన్నట్టు భావించాలి.

2014 ఎన్నికలు

2014 ఎన్నికలలో తెలంగాణ రాష్ట్ర సమితి పార్టీ నుంచి పుట్ట మధుకర్ గెలుపొందారు.

2018 ఎన్నికలు

2018 ఎన్నికల్లో కాంగ్రెస్‌ అభ్యర్థిగా పోటీ చేసిన శ్రీధర్‌బా బుకు 89,045 ఓట్లు పోలు కాగా బీఆర్‌ఎస్‌ అభ్యర్థిగా పోటీ చేసిన పుట్ట మధుకు 72,815 ఓట్లు వచ్చాయి. దీంతో శ్రీధర్‌బాబు 16,230 ఓట్ల భారీ మెజారిటీతో విజయం సాధించాడు.

ఇవి కూడా చూడండి

• తెలంగాణ శాసనసభ సభ్యుల జాబితా (2018)
• తెలంగాణ శాసనసభ సభ్యుల జాబితా (2014)