దక్షిణ రైల్వే

**దక్షిణ రైల్వే**
దక్షిణ రైల్వే
	దక్షిణ రైల్వే-7
	Southern Railway headquarters, Chennai
లొకేల్	తమిళనాడు, కేరళ, కర్నాటక and Puducherry
ఆపరేషన్ తేదీలు	1951-present–
మునుపటిది	South Indian Railway, Madras and Southern Maratha
ట్రాక్ గేజ్	Broad gauge and Meter gauge
ఎలక్ట్రిఫికేషన్	Yes
పొడవు	5,098 కిలోమీటర్లు (3,168 మై.)
ప్రధానకార్యాలయం	Chennai Central
జాలగూడు (వెబ్సైట్)	SR official website

13°04′57″N 80°16′37″E / 13.08240°N 80.27705°E / 13.08240; 80.27705

దక్షిణ రైల్వే (తమిళం: தென்னக இரயில்வழி; మలయాళం: ദക്ഷിണ റെയില്വേ) స్వతంత్ర భారతదేశంలో రూపొందించిన 16 భారతీయ రైల్వే మండలంలలో మొట్టమొదటిగా దక్షిణ రైల్వే ఉంది. ఇది నామంగా (1) మద్రాస్, దక్షిణ మరాఠా రైల్వే, (2) దక్షిణ భారత రైల్వే, (3) మైసూర్ రాష్ట్రం రైల్వే అను మూడు రాష్ట రైల్వేల విలీనం ద్వారా 1951 ఏప్రిల్ 14 న సృష్టించబడింది. దక్షిణ భారత రైల్వే నిజానికి 1853 లో బ్రిటన్ లో స్థాపించబడి, బ్రిటిష్ వలస పాలనలో 1859 లో రిజిస్టర్ గావించబడి. గ్రేట్ దక్షిణ భారతదేశం రైల్వే (కంపెనీ) కం.గా రూపొందింనది. దీనిని తిరుచిరాపల్లి (ట్రిచ్చి) లో ప్రధాన కార్యాలయంగా 1890 లో లండన్ లో కేవలం ఒక సంస్థగా నమోదు చేశారు.

దక్షిణ రైల్వే ప్రధాన కార్యాలయం చెన్నైలో కలిగి ఉంది. దక్షిణ రైల్వే జోనులో ఆరు విభాగాలు (డివిజన్లు) ఉన్నాయి: చెన్నై డివిజను, తిరుచిరాపల్లి డివిజను, మధురై డివిజను, సేలం డివిజను, పాలక్కాడ్ డివిజను, తిరువంతపురం డివిజను. దక్షిణ రైల్వే జోను తమిళనాడు, కేరళ, పుదుచెర్రి రాష్ట్రాలు, ఆంధ్ర ప్రదేశ్, కర్ణాటక రాష్ట్రాల్లో చిన్న భాగాలకు విస్తరించి ఉంది. ప్రతి సంవత్సరం 500 మిలియన్ ప్రయాణీకుల కన్నా ఎక్కువ మంది ఈ జోన్ ద్వారా ప్రయాణించెదరు. ఈ జోన్ రాబడి భారతదేశం యొక్క ఇతర (డివిజనుల) మండలాల కంటే విభిన్నంగా ఉంటుంది. దక్షిణ రైల్వే జోను రాబడి సరుకుల రవాణా నుండి కంటే ప్రయాణీకుల ద్వారా వచ్చే అదాయము అధికంగా ఉంటుంది..

విభాగములు

స్వాతంత్ర్యానంతరము దక్షిణ రైల్వేలో విభాగములు ఏర్పరచబడెను. వాటి వివరములు

విభాగపు పేరు	తేది
బెజవాడ	6-5-1958
మధుర	6-5-1956
తిరుచిరాపల్లి	1-6-1956
ఓలవక్కోట	4-8-1956
మద్రాస్	1-8-1956
గుంతకల్	10-10-1956
మైసూర్	31-10-1956
హుబ్లి	31-10-1956^[1]

1966 లో బెజవాడ, హుబ్లి విభాగములు నూతమనుగా ఏర్పరచబడ్డ దక్షిణ మధ్య రైల్వేకు బదిలి చేయబడ్దవి. తరువాతి కాలములో మద్రాసు, మైసూరు విభగములను పునర్విభజించి బెంగుళూరు విభాగము ఏర్పరచబడింది. పిదప పాలక్కాడ్, మధురై విభాగములను పునర్విభజించి సేలం రైల్వే విభాగము ఏర్పరచబడింది. దక్షిణ రైల్వే ప్రధాన కార్యాలయము చెన్నైలో నున్నది. ఈ మండల పరిధిలో ప్రస్తుతము ఆరు విభాగములు ఉన్నాయి. అవి:

చెన్నై రైల్వే విభాగము
తిరుచిరాపల్లి రైల్వే విభాగము
మధురై రైల్వే విభాగము
తిరువనంతపురము రైల్వే విభాగము
పాలక్కాడ్ (పాల్ఘాట్) రైల్వే విభాగము
సేలం రైల్వే విభాగము