సరూర్‌నగర్‌

వికీపీడియా నుండి
Jump to navigation Jump to search
సరూర్‌నగర్‌ ప్యాలస్

సరూర్‌నగర్‌, తెలంగాణ రాష్ట్రం, రంగారెడ్డి జిల్లా,సరూర్‌నగర్‌ మండలానికి చెందిన గ్రామం.[1]

భౌగోళికం[మార్చు]

సరూర్‌నగర్‌ చెరువు

సరూర్ నగర్ హైదరాబాదుకు తూర్పు దిక్కున సముద్ర మట్టం నుండి సుమారు 487 మీటర్ల (1601 అడుగులు) ఎత్తులో ఉంది.17.3561° N 78.5333° E.[2]

ఆసక్తికరమైన ప్రదేశాలు[మార్చు]

  • సరూర్‌నగర్‌ చెరువు: 16వ శతాబ్దంలో కులీ కుతుబ్ షా పాలనాకాలంలో, పంటపొలాలకు నీరందించేందుకు ఈ చెఱువు త్రవ్వించబడింది. ఒక చదరపు కిలోమీటరు వైశ్యాల్యం కలిగిన ఈ చెరువు ఇటీవలి కాలంలో భూమి కబ్జాల వల్లను చుట్టుపక్కల నెలక్కొన్న ఆవాసాల వల్ల కుంచించుకుపోయింది. స్వాతంత్ర్యం తర్వాత హైదరాబాదు నగరం యొక్క పెరుగుతున్న జనాభాకు తగ్గట్టు ఆవాస యోగ్యమైన భూమి కొరకై చెఱువు చుట్టపక్కల వ్యవసాయభూమిని ఇండ్ల స్థలాలుగా మార్చేశారు. 90వ దశకంలో చెఱువు కట్టను విస్తరించి, చెఱువు పరిసరాలను తీర్చిదిద్దే ప్రయత్నాలు ప్రారంభమయ్యాయి.
  • సరూర్‌నగర్‌ క్రీడా ప్రాంగణం: విజయవాడ జాతీయరహదారిపై నెలక్కొన్న ఇండోర్ క్రీడా ప్రాంగణమిది. 2002లో హైదరాబాదులో జరిగిన 32వ జాతీయ క్రీడల సందర్భంగా దీన్ని నిర్మించారు. ఈ ప్రాంగణం 2,000 మంది ప్రేక్షకులు తిలకించగల సామర్థ్యం కలిగి ఉంది.
  • విక్టోరియా మెమోరియల్ హోం: ఆరవ నిజాం మీర్ మహబూబ్ ఆలీ ఖాన్ తన కుటుంబానికి వేట విడిదిగానూ, వేసవి విడిదిగానూ ఉపయోగించేందుకు నిర్మించిన ఈ మహల్ సరూర్ నగర చెఱువుకు సమీపంలో 65 ఎకరాల స్థలంలో విస్తరించి ఉంది.[3][4] నిజాంకు ఈ మహలు కలిసిరాకపోవటం వల్ల అశుభసూచకంగా భావించి దాన్ని అనాథశరణాలయంగా మార్చేందుకు ఆదేశించాడు. అప్పటి బ్రిటీషు రెసిడెంటు విన్నపం ప్రకారం దాన్ని విక్టోరియా రాణి స్మారకార్ధంగా నామకరణం చేశారు.[5]

హాస్పిటల్స్[మార్చు]

  • అవేర్ హాస్పిటల్: అవేర్ అనే స్వఛ్ఛందసంస్థ యొక్క ఛైర్మన్ పి.కె.ఎస్.మాధవన్, ఆ సంస్థ యొక్క రజతోత్సవ సందర్భంగా స్థాపించాడు. ఇది నాగార్జున సాగర్ రోడ్డుపైన బైరాముల్‌గూడాలోని శాంతివనంలో ఉంది. ఇది ఆధ్యాత్మిక దృష్టితో, పర్యావరణానికి అనుగుణంగా రూపొందించబడింది. 50 స్పెషాల్టీ శాఖలున్న ఈ 300 పడకల ఆసుపత్రి అత్యంత ఆధునిక సాంకేతి, పరికరాలతో 24 గంటలు సేవలు అందజేస్తున్నది.

మూలాలు[మార్చు]

  1. http://www.ourtelugunadu.com/wp-content/uploads/2018/02/250.Rangareddy-Final.pdf
  2. Falling Rain Genomics.Sururnagar
  3. TNN 24 Feb 2013, 02.17AM IST (24 February 2013). "Manmohan Singh in Hyderabad today – Times Of India". The Times of India. Retrieved 12 April 2019. Cite web requires |website= (help)
  4. Special Correspondent (23 February 2013). "Manmohan to visit Hyderabad blast site today". The Hindu. Retrieved 12 April 2019. Cite web requires |website= (help)
  5. విక్టోరియా మెమోరియల్ హోం, ఆదాబ్ హైదరాబాదు, మల్లాది కృష్ణానంద్, 2014, హైదరాబాదు, పుట. 15

వెలుపలి లింకులు[మార్చు]