గిద్దలూరు శాసనసభ నియోజకవర్గం

గిద్దలూరు శాసనసభ నియోజకవర్గం ప్రకాశం జిల్లాలో వుంది. 1955లో జరిగిన నియోజకవర్గాల పునర్విభజనలో భాగంగా గిద్దలూరు, కొమరోలు, రాచర్ల, బేస్తవారిపేటలో కొంత భాగంతో గిద్దలూరు నియోజకవర్గంగా ఏర్పడింది. గిద్దలూరు నియోజకవర్గంలో ఇప్పటివరకు ఒక ఉప ఎన్నికతో సహా మొత్తం 13 సార్లు ఎన్నికలు జరిగాయి. 1967 ఎన్నికల వరకు కర్నూలు జిల్లాలో ఉన్న గిద్దలూరు నియోజకవర్గం 1970లో ప్రకాశం జిల్లా ఏర్పడిన తర్వాత అందులో భాగమైంది. నియోజకవర్గంలో కాంగ్రెస్‌, కాంగ్రెస్‌ (ఐ) లు కలిసి నాలుగుసార్లు గెలవగా, స్వతంత్ర అభ్యర్థులు మూడుసార్లు, తెలుగుదేశం నాలుగు సార్లు, జనతాపార్టీ, ప్రజారాజ్యం పార్టీలు చెరోసారి గెలుపొందాయి. ఈ నియోజకవర్గంలో పార్టీలతో సంబంధం లేకుండా పిడతల కుటుంబీకులే మొదటి నుండి గెలుస్తూ ఉండటం విశేషం. ప్రకాశం జిల్లాలో కెళ్ళా అభివృద్ధిలో బాగా వెనుకబడిన ఈ నియోజకవర్గంలో రాయలసీమ ప్రభావం ఎక్కువ.

2007 ఓటర్ల నమోదు ప్రకారం నియోజక వర్గంలో సుమారు లక్షా 90 వేల మంది ఓటర్లు ఉన్నారు. మొత్తం ఓటర్లలో కాపులు 27 శాతం, రెడ్లు 21 శాతం, కమ్మ 4 శాతం, ఎస్సీలు 12 శాతం, ముస్లిం, మైనారిటీలు 15 శాతం, ఇతర బి.సి కులాలు 21 శాతం ఉన్నారు.

నియోజకవర్గంలోని మండలాలు

2007 నియోజకవర్గాల పునర్వ్యవస్థీకరణలో భాగంగా కంభం శాసనసభా నియోజకవర్గాన్ని రద్దు చేసి కంభం, బేస్తవారిపేట, అర్ధవీడు మండలాలను గిద్దలూరు నియోజకవర్గంలో కలిపారు.

• అర్ధవీడు
• బేస్తవారిపేట
• రాచర్ల
• గిద్దలూరు
• కొమరోలు
• కంభం

ఈ నియోజకవర్గం నుండి ఎన్నికైన శాసన సభ్యులు

సంవత్సరం	మొత్తం ఓట్లు	పోలైన ఓట్లు	చెల్లిన ఓట్లు	ఎన్నికైన అభ్యర్థి	పార్టీ	ఓట్లు	సమీప ప్రత్యర్థి	ప్రత్యర్థి పార్టీ	ఓట్లు
1955	52,245		34,561	పిడతల రంగారెడ్డి	కాంగ్రెస్ పార్టీ	21,469	తుపాకుల బసవయ్య	సి.పి.ఐ	13,092
1962	79,921	51,536	49,564	ఈదుల బలరామిరెడ్డి	స్వతంత్ర అభ్యర్థి	25,630	పిడతల రంగారెడ్డి	కాంగ్రెస్ పార్టీ	23,934
1967	71,510	50,957	49,144	దప్పిలి పాండురంగారెడ్డి	స్వతంత్ర అభ్యర్థి	29,970	అడపాల రామస్వామి	స్వతంత్ర అభ్యర్థి	13,832
1972	76,984	53,230	52,358	పిడతల రంగారెడ్డి	కాంగ్రెస్ పార్టీ	43,706	జె.వి.నారాయణ	స్వతంత్ర పార్టీ	6,168
1978	91,389	65,017	62,110	పిడతల రంగారెడ్డి	జనతా పార్టీ	30,705	ముడియం పీరారెడ్డి	కాంగ్రెస్ పార్టీ	20,533
1983	97,128	64,012	62,902	ముడియం పీరారెడ్డి	తెలుగుదేశం పార్టీ	32,853	పిడతల రంగారెడ్డి	కాంగ్రెస్ పార్టీ	30,049
1985	1,03,520	68,878	67,792	పిడతల రంగారెడ్డి	స్వతంత్ర అభ్యర్థి	40,579	ముడియం పీరారెడ్డి	కాంగ్రెస్ పార్టీ	24,315
1989	1,23,057	80,884	78,431	యాళ్లూరి వెంకటరెడ్డి	కాంగ్రెస్ పార్టీ	45,694	పిడతల విజయకుమార్ రెడ్డి	తెలుగుదేశం పార్టీ	31,774
1994	1,03,820	73,819	72,238	పిడతల రాంభూపాల్ రెడ్డి	తెలుగుదేశం పార్టీ	29,496	ముడియం పీరారెడ్డి	స్వతంత్ర అభ్యర్థి	20,035
1999	1,24,207	80,523	78,213	పిడతల విజయకుమార్ రెడ్డి	తెలుగుదేశం పార్టీ	38,136	పగడాల రామయ్య	కాంగ్రెస్ పార్టీ	34,954
2001 (ఉ.ఎ)		84,503	84,503	పిడతల సాయికల్పనారెడ్డి	తెలుగుదేశం పార్టీ	53,919	ముడియం పీరారెడ్డి	కాంగ్రెస్ పార్టీ	28,814
2004				పగడాల రామయ్య	కాంగ్రెస్ పార్టీ		పిడతల సాయికల్పనారెడ్డి	తెలుగుదేశం పార్టీ
2009				అన్నా వెంకట రాంబాబు	ప్రజారాజ్యం పార్టీ	55282	బి.చంద్రశేఖర్	కాంగ్రెస్ పార్టీ	47857
2014				ముత్తుముల అశోక్ రెడ్డి	వైసీపీ	94413	అన్నా వెంకట రాంబాబు	తెలుగుదేశం పార్టీ	81520
2019				అన్నా వెంకట రాంబాబు	వైసీపీ	133,111	ముత్తుముల అశోక్ రెడ్డి	తెలుగుదేశం పార్టీ	52,076

ఇవి కూడా చూడండి

• ఆంధ్ర ప్రదేశ్ శాసనసభ్యుల జాబితా